Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Salamone

Voir le sujet précédent Voir le sujet suivant Aller en bas 
AuteurMessage
Circione

avatar

Messages : 2187
Date d'inscription : 27/02/2012

MessageSujet: Salamone    Mar 13 Mar - 22:27

A fola di Salamone


In Niolu, i vechji contanu ch’ellu hè Salamone chì hà amparatu u mistieru à u primu pastore…

Dopu avè passatu una bella stonda cun ellu ind’è u compulu incù u tinellu, per amparalli à munghje, Salamone li fece vede cum’ellu ci vulia à fà per culà u latte incù a filetta secca, per fallu caghjà incù l’aredu, per rompe u caghjatu, eppo una volta cacciatu u seru, li mustrò cum’ellu ci vulia à empie incù a cochja di ghjinneparu e casgiaghje (chjamate dinù fattoghje in certi lochi) messe annant’à a scaffa, à appiccià i casgi freschi, eppo ben’intesa ancu à fà u brocciu…

Per fà u brocciu bisogna à fà scaldà u seru ind’è u paghjolu, quand’ellu hè caldu abbastanza u seru, ci si mette appena di latte frescu (u puricciu) è s’accatizza u focu. Dopu avè cacciatu a sciuma si pò mette u brocciu ind’è e casgiaghje è infine, incù un gestu pricisu, ci vole à accuppià duie casgiaghje per fà un brocciu. À a fine di l’affare ind’è u paghjolu ùn ferma più cà seru cottu, si chjama a ciabba. Di a ciabba ùn si ne face nulla, ghjova solu à richjarà e casgiaghje. Ci hè ancu una sprissione : « fà ciabba », quandu si dice à qualchissia ch’ellu hà fattu ciabba vole dì ch’ellu ùn hè micca riisciutu à fà ciò ch’ellu vulia, hè fiascatu è hà persu u so tempu per nulla…

Salamone amparava dunque tutti issi gesti à u primu pastore ma s’eranu arrizzati à l’alba tramindui… in più bella à u pastore li vense a penciula è ùn stede tantu à chjinassi à dorme … Dopu una bella alluppicata , u pastore aprì l’ochji è vide chì mentre ch’ellu durmia, Salamone incù a ciabba avia fattu un pane di cera !


Da a tradizione urale.


_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Ruclinonu Solechjari

avatar

Messages : 518
Date d'inscription : 27/02/2012
Localisation : Casinca

MessageSujet: Re: Salamone    Mer 14 Mar - 7:41

Certi rè, sò feneanti è orgugliosi. Ma Salamone ùn l'era, à a lettura di stu racontu.
Revenir en haut Aller en bas
Voir le profil de l'utilisateur http://appuntamentu-corsu.forums-actifs.net
di sfughjita

avatar

Messages : 124
Date d'inscription : 06/03/2012
Localisation : Bastia

MessageSujet: Re: Salamone    Mer 14 Mar - 11:19

mipiace Ma poi chì ne hà fattu Salamone di quellu pane di cera ? L'hè ghjuvatu à qualcosa à lu pastore tandu :?:

salutu2
Revenir en haut Aller en bas
Voir le profil de l'utilisateur
Circione

avatar

Messages : 2187
Date d'inscription : 27/02/2012

MessageSujet: Re: Salamone    Mer 14 Mar - 11:26

custì po mi ne dumandate troppu... :pale:

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Caparrittu

avatar

Messages : 166
Date d'inscription : 29/02/2012

MessageSujet: Re: Salamone    Mer 19 Sep - 20:23

Salamone in Niolu
Lacatu hà parechje tracce
Affilatu hà li pastori
Fendu gesti cù e so bracce
S'hà apertu ancu un caffè
In paese d'Alibertacce
Revenir en haut Aller en bas
Voir le profil de l'utilisateur
Circione

avatar

Messages : 2187
Date d'inscription : 27/02/2012

MessageSujet: Re: Salamone    Lun 22 Oct - 8:39

Ci era più di un omu fieru
Indu u nostru cantone
De Paoli è Sampieru
Vinianu à l'uccasione
È in Sidossi u risturante
Hè toccu à Napuleone

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: Salamone    

Revenir en haut Aller en bas
 
Salamone
Voir le sujet précédent Voir le sujet suivant Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
ISULA :: Per isse sponde è da mare in là... :: À u fucone...-
Sauter vers: