Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Flori Peppu

Voir le sujet précédent Voir le sujet suivant Aller en bas 
AuteurMessage
Sumenta



Messages : 2050
Date d'inscription : 25/02/2012

MessageSujet: Flori Peppu    Mer 14 Mar - 13:42

E fronde cascanu


I primi freti sò digià venuti,
A neve hà incasgiulatu l'alta sarra
È le fronde prima di tuccà tarra
Giranu cum'è li sacchi pinnuti.

U fretu pè le fronde hè assai mastinu,
Ma ciò chi nasce è cresce deve more;
Campendu l'anni, le simane o l'ore
Ogni cosa segueta u so destinu.

A pera casca quand'ella è matura
Cum'è le fronde à principiu d'inguernu,
Lege cumposte da lu Padre Eternu
Chì guidanu l'umani è la natura.

Eranu, pocu fà, belle è pumpose
Ma si sò sculurite eppo' sò morte;
Sò sottumesse à la listessa sorte
Chè le ghjente, la roba è l'altre cose.

È tutti quanti l'alburi fruttivi,
Chi per furtuna un sò ancu tagliati,
Videnduli cusì nudi è spugliati
Ùn si sà più s'elli sò morti o vivi.

Ma prestu u celu s'empierà di stelle
È spuntarà lu sole à l'alba chjara,
Sarà simata l'ultima fiumara
È vulteranu e prime rundinelle.

È videremu torna à l'infinita
D'altre fronde è cum'è sempre verde
Perchè nulla si crea nè si perde
Fora di la speranza è di la vita.






A funtanella



O funtanella linda è cristallina
Mi ne scurdava è vedi, mi ne pentu
Sò torna quì, è m'assalta lu pientu
Ch'in tè rivecu la mio zitellina

Tù chì currendu sottu à quelle fronde
Averè intesu lu mio primu amore
Sempre mischiendu u to dolce rimore
È le paghjelle è lu chjama è risponde

Oghje eiu ti tengu ancu di più cara
È per quessa, ti pregu è ti dumandu
Di pizzicà sta sera cum'è tandu
E corde di la to strania chitarra

Per cantà inseme un bellu serinatu
Un ninni nanna o un vechju lamentu
Quand'è tù canti pensu è mi ramentu
Ch'e t'aghju vistu è intesu appena natu

aghju cantatu anch'eiu tante volte
A lu chjar'i luna è di le stelle
E parlatu à l'appiattu à le zitelle
Chì venianu à l'acqua, e trecce sciolte

È dopu avè ingrisatu li pueti
Incù le sechje piene, in capu poste
si n'andavanu, allegre, senza troste
U core colmu di tanti sicreti

Aghju betu la to acqua à tasate
Surpendu la cusì in palma di manu
Ma 'ssi ricordi sò troppu luntanu
È quelle stonde morte è trapassate

Tù chì sè stata lu mio primu spechju
Duve aghju vistu l'alba di la vita
Da l'abbandonu sè ammutulita
È da li strazii è l'anni, eiu sò vechju.





Vechji testimonii


Aghju rivistu la mio casarella
Cun li so muri pieni di buscighe
In tutti li tafoni nasce fighe
E nantu à lu so tettu, arba muvrella

Ind'una chjostra subitu vicinu
Frà tanti stagnaroni è tanti stracci
Vegu dui cruvelli è quattru stacci
Una conzula, un zanu è un bacinu

Un begulellu tuttu sgangheratu
U subbiu d'un tilaghju, fora d'usu
Una rocca in trè pezzi, senza fusu
Un stavellu è un dentice d'aratu

Un fiascu tarulatu, una paghjola
Un chirchiu di tinellu, trè di botte
Una bidoghja, duie cochje rotte
Una starghja, un zappone, una piola

Ci hè ancu duie fibbie di carchera
Un erbaghjolu di pelle di ghjattu
Un trepedi, un fondu di pignattu
Un manicu di ciara è una lumera

Un fucilone à scaglia rughjinosu
E, tuttu interricciatu, ci hè culombu
Testimoni ch'è no avemu tombu.
E chì dormenu l'ultimu riposu

Mi prupongu di mette in quella piazza
Perch'ognunu la leghji ad'alta voce
Sta scrittura, appesa à una Croce:
"Quì, ghjace u passatu d'una razza"





Morti cari


Morti di nanzu è d'oghje, tutti quanti
Mamme, babbi, o fratelli o cucini
Vechji è zitelli, è luntani è vicini
Chì ripusate ind'è li Campusanti

Dumane senterete le preghere
E li signozzi è li tenneri accenti
D'una Mamma o d'orfani nucenti
Chì venenu per dà, micca per chere.

Quì metteremu una candela accesa
E culà una trambula fiurita
Parlendu à quelle petre senza vita
Cum'è s'ì la voce fussi intesa (...)
Revenir en haut Aller en bas
Voir le profil de l'utilisateur
sidussincu



Messages : 252
Date d'inscription : 14/03/2012

MessageSujet: A bandera   Mer 14 Mar - 23:11

Salute,

Cercu una puesia di Peppu Flori chì si puderia chjamà "A bandera". M'hè stata cantata in Bastia ùn n'hè tantu, pensu chì Ciosi l'avia arrigistrata ma ùn l'aghju truvata... Pruveraghju à mette, per contu meiu, quella chì s'intituleghja "Un sognu", chì ghjè bellissima. C'hè quella strufata cunnisciuta (ma ùn sò micca s'ella hè di Peppu Flori o s'ellu l'hà ripigliata ellu) :

Duve sò quelli lavori
Di sela, d'orzu è di granu
Chì rallegravanu i cori
A vedeli da luntanu
Avà si vedenu l'aghje
Piene à cardi ed à lamaghje
Revenir en haut Aller en bas
Voir le profil de l'utilisateur
Circione



Messages : 2156
Date d'inscription : 27/02/2012

MessageSujet: Re: Flori Peppu    Jeu 15 Mar - 4:54

A bandera corsa lasciata da Maistrale?
Ci era (ma micca sana)in "l' Acqualogia, Populu è Rime" di Marcellu Acquaviva.
Sarà in l'antulugia ch'e sò i traccia di priparà, a vi mettu quì in "avant première":


A bandera corsa
lasciata da Maistrale


A sera quand’ellu morse
Ind’un’ultima prichera,
Cun d’altre rilequie corse
M’hà lasciatu a bandera,
Dicendu : « Cun voi forse
Ùn sarà più prigiunera.

A truvarete ind’un scornu
Calma, placida è sirena
Accantu à l’anticu cornu
Tutta carca di fulena,
Fateli vede u ghjornu
Chì pare un’anima in pena.

Tinitela puru contu
Perchè li nostri babboni
Cun ella stavanu in prontu
Per difende li rughjoni
È à u minimu affrontu
Divintavanu lioni.

Testa di Moru sacrata
Lu so valore ùn hè persu
Cun la fede è poca armata
Spavintava l’universu
Benchì aspessu ghjastimata
È bardata di traversu

Hà intesu i sacri accenti
Di « Diu vi salvi Regina »
Hà vistu i stazzi spenti
Da la morte è la ruvina
I vechji cù i nucenti
Battendu la mattacina.

Hà vistu tanti malanni
È tante piache murtale
À l’omi cambià di panni
Ma micca di naturale
Avà sò centu ottanta anni
Ch’ella piegne u so male.

Hà vistu ancu la fiumara
Purtà quelli omi di vaglia
È per difende la tarra
I morti fà la muraglia
U sangue corsu s’infiara
Pinsendu à quella battaglia

Era in Borgu, in Ampugnani
In Calinzana è in Niolu
Da Olmetu à Furiani
Cum’è un’acula à u volu
Tinuta da bone mani
Tinta di sangue è di dolu

Tistimone di la razza
È di e cuscenze antiche
Chì nisunu oghje rimpiazza
Nè sigueta e vistiche
Perchè u prugressu spazza
A grana di quelle spiche. »

Aghju rispostu : « Vi ghjuru
Cusì strignendula in pettu
Sarà à locu sicuru
Cun tuttu lu mio affettu
Nimu, cridetemi puru
Li mancarà di rispettu. »



_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur




Messages : 23
Date d'inscription : 29/02/2012

MessageSujet: Re: Flori Peppu    Sam 17 Mar - 22:22

Stonda di vita...

http://marthepoli.blog.club-corsica.com/art-babbu-et-peppu-flori_113347.html

A LETTARELLA

"Oghje aghju un amicu di più. Un guagnese chi si chiamma Natale Poli, u barone (guardia campestra) di a cummuna. Ci semu scontri senza circacci e, cumu se no' ci cunisciamu dà sempre ci avemu fattu una discursata in corsu.

Natale à un ritrattu di a nostra bella razza: u sgardu francu, a statura dirrita cume un pinu,l'accentu muntagnolu chi face tantu piacè.
Stacchenducci m'ha dettu a l'usu di prima "si mai colli in Guagnu, entri in casa senza picchià. A partesi dà oghje,a me casa fà contu ch'ella sia à toia" Quessi so i veri Corsi..

Ci vole a di chi u paese di Guagnu à cume una pipinera di quelli omi chi sempre sempre hanu fatu maraviglia.

Prete Circinellu (Dumenicu Leca) era di Guagnu. Quellu chi dopu a disfatta di Pontenovu, un volse sottumettesi e si ne andò per more sei mesi dopu, drentu una grotta di u Fiumôrbo.
E si parla ch'ellu avia une "Orazione" in manu e una pistola fianchina a latru. Di quella "Orazione" ne parlanu anchu avà. Pare ch'ella sia man' di Diu per fà parturisce è donne senza dulori. Quandu a donna sente i primi picchj di u partu, mettenu quella cosa in fondu u lettu e subitu a creatura vene scaccanendu e ingranda prestu incu tutt'e vertù di a razza.

C'è statu ancu u banditu Tiadoru, chi fù tombu di farraghju 1827, dopu avè sbattutu vinti quatru gendarmi..Cuessa un n'è micca una gloria..

Guagnu è a l'orlu di a furesta: in faccia a l'intrata maestra di a chiesa, c'è a furesta di u Tritorre,à punta di u Ciarbellu e quella di Libiu: a manu manca c'è a Costa di a Fratta à Quarceta: a dritta un monte d'Ortu, a capella di San Liseu, a côsta di Petrapiana. In dareddu avemu a Bocca di u Manganellu, trà a Mandria e a Serra Bianca.

Poghi anni fà, c'era in Guagnu piu di cinquanta mila castagni. Avà ne manca parrechj chi u sigone s'è affacatu ancu qui.

Caru Natale, ti digu a unu di stu ghjorni. Statti sanu e alliscia e pitina a to bella barba chi vale una munarca. Grazia ad'ella t'aghju cunisciutu e ti tengu caru."

Peppu FLORI
Revenir en haut Aller en bas
Voir le profil de l'utilisateur
Michela



Messages : 194
Date d'inscription : 08/03/2012

MessageSujet: Re: Flori Peppu    Jeu 22 Mar - 14:42

Revenir en haut Aller en bas
Voir le profil de l'utilisateur
Sumenta



Messages : 2050
Date d'inscription : 25/02/2012

MessageSujet: Re: Flori Peppu    Jeu 22 Mar - 18:47

à ringrazià vi tutte e duie evviva evviva evviva
Revenir en haut Aller en bas
Voir le profil de l'utilisateur
Michela



Messages : 194
Date d'inscription : 08/03/2012

MessageSujet: Re: Flori Peppu    Lun 23 Avr - 8:01







Revenir en haut Aller en bas
Voir le profil de l'utilisateur
di sfughjita



Messages : 124
Date d'inscription : 06/03/2012
Localisation : Bastia

MessageSujet: Re: Flori Peppu    Lun 23 Avr - 10:15

Magnìfiche ste puesìe di Peppu Flori o Michela. Toccanu è cumòvenu in pienu core è vale ancu per oghje a prima d'elle ! Vogliu dì chì à u Monte Cintu li deve vene ancu oghje è aspessu l'ìmpitu di vultà u capu per ùn vede, ùn hè ?

Avà per piace chì vole dì :

...ch'un le so caracane di ladroni... ,

In quant'è à u *'chjam'è rispondi' d'Ella è d'Ellu à a funtana dice sta puesia à l'incantu u sensu ch'ella avìa tandu l'attu di fà a corte !

* [ùn sò s'ella si pò dì cusì parlendu di un omu curtighjendu una donna scratch ]

Ghjurnata assulanata è furtunata à tè sunny
Revenir en haut Aller en bas
Voir le profil de l'utilisateur
Tittò



Messages : 50
Date d'inscription : 09/05/2012

MessageSujet: Re: Flori Peppu    Mer 23 Mai - 15:50

Acquale

In le valle di Niolu
Tuttu spostu à la sulana
Ci stà u mio paisolu
Cù la so verde cullana.

U mio paese
Hè cusì bellu
Per sceglie à prese
Mi tengu à ellu

Ci sò le belle funtane
L’acqua cristallina è fresca
E giovane paisane
Ci vanu cantendu in tresca

E l’impiecatu
Intrasanditu
Ghjunghje malatu
Parte guaritu.

Acquale, un locu santu
U so celu hè sempre chjaru
A ragione s’eu lu cantu
Hè perchè lu tengu caru

Partii un ghjornu
E mi ne pentu
S’eo ci ritornu
Morgu cuntentu.
Revenir en haut Aller en bas
Voir le profil de l'utilisateur
Tittò



Messages : 50
Date d'inscription : 09/05/2012

MessageSujet: Re: Flori Peppu    Dim 3 Juin - 10:10

Eccu, a vi cappiu cumu l'aghju trova...

I dece cummandamenti di u Corsu

1) Per fatti teme è per fatti fà piazza
Mai ùn ti vergugnà di a to razza.

2) In ogni circunstanza è in sampiterna
Ùn ti scurdà di a to lingua materna.

3) Sè tù sì fora è i to vechji vivi
Veni à vedeli à spessu è à spessu scrivi.

4) Appena assicuratu u to pane
Volta à u to paese u lindumane.

5) E sè tù trovi u fucone spentu
Accendilu dopu à avè pientu.

6) Subbitu ghjuntu dopu à qualchì ghjornu
Acconcia a to casa è u to fornu.

7) Inseta è poni l’alivi è i castagni
Chì ùn sò mai stati gattivi cumpagni.

8 ) Rimpianta a to vigna è sè tù poi
Compra una fera è un paghju di boi.

9) Teni pronti li ferri è u cunceghju
Pensendu ch’ellu pò vene u peghju.

10) E vai à inghjinnochjati ancu in ogni tantu
A u pede di quelle corce in Campu Santu.

Peppu Flori 1898.
Revenir en haut Aller en bas
Voir le profil de l'utilisateur
Circione



Messages : 2156
Date d'inscription : 27/02/2012

MessageSujet: Re: Flori Peppu    Dim 3 Juin - 10:17

evviva
induve l'ai trova quessa?
salutu2

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Michela



Messages : 194
Date d'inscription : 08/03/2012

MessageSujet: I pastori Niulinchi   Dim 16 Sep - 8:02


Revenir en haut Aller en bas
Voir le profil de l'utilisateur
Michela



Messages : 194
Date d'inscription : 08/03/2012

MessageSujet: U miraculu di u bambinu   Dim 16 Sep - 8:19


Revenir en haut Aller en bas
Voir le profil de l'utilisateur
di sfughjita



Messages : 124
Date d'inscription : 06/03/2012
Localisation : Bastia

MessageSujet: Re: Flori Peppu    Lun 17 Sep - 14:13

Cusì belli stalvatoghji o Michela ! Grazie tante ! Mi sò campata leghjènduli !
ditone

Ghjurnata bella ! sunny
Revenir en haut Aller en bas
Voir le profil de l'utilisateur
Pichjettu



Messages : 3
Date d'inscription : 17/09/2012

MessageSujet: Discorsu fattu da Peppu Flori per l'Inogurazione di u Stradone di Calasima u 16 Aostu 1957   Lun 17 Sep - 15:14





Revenir en haut Aller en bas
Voir le profil de l'utilisateur
Pichjettu



Messages : 3
Date d'inscription : 17/09/2012

MessageSujet: Discorsu fattu da Peppu Flori per l'Inogurazione di u Stradone di Calasima u 16 Aostu 1957 - Fine   Lun 17 Sep - 15:22

A fine, scusate per a qualità di e fottò...






Dernière édition par Pichjettu le Lun 17 Sep - 16:39, édité 1 fois
Revenir en haut Aller en bas
Voir le profil de l'utilisateur
Circione



Messages : 2156
Date d'inscription : 27/02/2012

MessageSujet: Re: Flori Peppu    Lun 17 Sep - 15:28

evviva

ùn t'inchiità, simu abbituati à u turbidume annant'à e fottò...

si chjama u bokeh d'appressu à Zifranu. studià

risa

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Sperenza



Messages : 1140
Date d'inscription : 28/02/2012
Localisation : quassù

MessageSujet: Re: Flori Peppu    Sam 20 Juil - 18:44

U GALERIANU

Per avè fattu una ghjusta vindetta
Sò ingaleratu finamente à la morte
À fà sta vita pessima è maladetta
Senza speranza di pudè ci più sorte
Incatenatu tale un orsu feroce
À lu cummandu d'un fiscu o di una voce

Cusì mi trovu sottumessu è ridottu
À paragone di le cose più vile
Nantu à lu spinu aghju lu numaru ottu
È quessu hè tuttu lu mio statu civile
Cum'è le fere chì portanu le some
È più nisunu cunnosce lu mio nome

Perdu lu contu di li mesi è di l'anni
Senza distingue l'inguernu da lu veranu
Sempre vestutu incù listessi panni
Chì sò cumuni ad ogni galerianu
Da l'addisperu pregu ancu lu dimoniu
Di mette fine à st'infernale sonniu





Revenir en haut Aller en bas
Voir le profil de l'utilisateur http://isulana.blogspot.com
Sperenza



Messages : 1140
Date d'inscription : 28/02/2012
Localisation : quassù

MessageSujet: Re: Flori Peppu    Dim 21 Juil - 17:32

Grazie per a currezzione.salutu2
Revenir en haut Aller en bas
Voir le profil de l'utilisateur http://isulana.blogspot.com
Circione



Messages : 2156
Date d'inscription : 27/02/2012

MessageSujet: Re: Flori Peppu    Lun 22 Juil - 13:32

Era prissatu ùn aghju micca avutu tempu di parlattine Wink 


_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2156
Date d'inscription : 27/02/2012

MessageSujet: Re: Flori Peppu    Dim 27 Mar - 11:43

un bellu ducumentu annant'à Peppu Flori : Cliccate quì!

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: Flori Peppu    Aujourd'hui à 12:38

Revenir en haut Aller en bas
 
Flori Peppu
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» [Actrice]Agata Flori
» [ Actrice ] Agata Lys

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Antulugia-
Sauter vers: