Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Puesie di DIRUSIU

Voir le sujet précédent Voir le sujet suivant Aller en bas 
AuteurMessage
DIRUSIU



Messages : 11
Date d'inscription : 05/03/2012

MessageSujet: Puesie di DIRUSIU   Mer 14 Mar - 16:03

A l’avarura

Ogni voce hè l’essenza di l’anime ésaurite
Hè l’estru di u pueta, chi coglie l’attrachjà…
Oghje a l’ore filate, di i sogni svaniti
Riluce una passione, una sete à stancià…

A l’acqua di u pientu, di i ricordi passi,
L’orma di qualchi fiore ci’accarezza ogni vena
A falce d’un surrisu, d’argente fiacculata
Incide a nostra palma, duve tocca a pena…

Spessu hè una lacrima, ch’innacqua u nostru passu
Vistigha affangata, a l’orlu di a scrittura,
Oghje un mondu novu, nasce è l’apristrada,
Risanendu u sangue, d’ogni scurticatura

Or tandu ogni sussuru, face trimà u core
U minimu rimore, ci frisgia a brusgià pelle
E, s’ellu s’apre u spechju di millaghji di fiure,
Ci lascia a l’avarura, d’un mazzulu di stelle.

GHJ. MARZU DI U 2012.
Revenir en haut Aller en bas
Voir le profil de l'utilisateur
di sfughjita



Messages : 124
Date d'inscription : 06/03/2012
Localisation : Bastia

MessageSujet: Re: Puesie di DIRUSIU   Jeu 15 Mar - 9:19

Mi piàcenu i pueti chì sanu elli amasgiulà cun'arte è finezza e parolle di manera à fassine di l'amiche da ch'elle pòssanu nasce l'infilarate putente è sensìbule chì dìcenu l'affari taciuti di i cori è di l'ànime, elli in cerca perpetua di sensu !

L'arte vostru o Dirusiu d'accasgiulà e parolle spùtiche per dì e cose intime mi tocca assai è lèghjenduvi ùn sò cà e lode chì affioranu da a mo tastera... ! È tantu megliu, nè ? Wink


ditone Ghjurnata serena à voi !
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Puesie di DIRUSIU   Jeu 15 Mar - 9:50

E pudete puru fà e lode...

chì saria a puesia senza sintimu?

quella di Dirusiu tocca u core, perchè hè scritta incù u core.


Sò sintimi fatti parolle.

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
DIRUSIU



Messages : 11
Date d'inscription : 05/03/2012

MessageSujet: Re: Puesie di DIRUSIU   Mar 3 Avr - 12:35

SALUTE A CRICIONE E DI SFUGHJITA

mi scusarete s'aghju messu tuttu stu tempu mà danvati a tante lode mi mancanu e parolle. chi possu di...di sicuru cercu di scriviciulà di più cù u core chi cù l'arte di a litteratura...eppo di vede chi spartimu issi piacè a brusgià pella, mi dà laziu d'avanzà torna. vi ringraziu torna assai e vi dicu a prestu, ch'aghju un piacè tamantu eiu di leghjevi...
Anima di core
GHJ. ride
Revenir en haut Aller en bas
Voir le profil de l'utilisateur
DIRUSIU



Messages : 11
Date d'inscription : 05/03/2012

MessageSujet: OMAGIU A MINELLU   Mar 3 Avr - 13:22

So solu e à mè mi pare
Chi tu si sempre qui
ti scapa ancu a risa
Perchè ride cusi ?

S’era statu u ventu
Mossu dà a to mane
Chi mi dice d’andà
Versu i lindumani

Sempre sèrà cusi
In ‘lu pesu di l’ore
sèrai sempre qui
Cù i mio sogni in core

AVVEDECI IN PARADISU O MINELLU, CHI U TO RIPOSU SIA DOLCE E SERENU. DI TE UN CI SCURDEREMU MAI, UN LASCIEREMU SPENGHJE A FIACCULA SPUTICA CHI OGNI RIMA TOIA ACCENDIA... :pale:
Revenir en haut Aller en bas
Voir le profil de l'utilisateur
DIRUSIU



Messages : 11
Date d'inscription : 05/03/2012

MessageSujet: In mémoria - ALTEA   Sam 7 Avr - 17:24

U 22 di settembre di u 2010, una giuvanotta di 25 anni, nantu a strade di Pila Canale, si n’ando, culpita, trà scimità, droga, è misèria suciale.
In mémoria di Joanna Tavera.

Altea

Andava, vestuta di sete
U fronte cupertu d’oru
Carezzendu di i so diti
L’addurmentu di i fiori

Altéa si a fèrita
Di u puetu scurticatu
E u ricordu di a to vita
Ferma un martiriu adduluratu

U spampillime, di e stelle
Li facia una currona
Indè u suttile silenziu
E u muscu, di l’erba barona

Altéa si a fèrita
Di u puetu scurticatu
E u ricordu di a to vita
Ferma, un martiriu adduluratu

A notte, a s’abbracciava
Incù e so mane d’argentu
Or tandu una bagnada
Nasci prestu indè u ventu

Altéa si a fèrita
Di u puetu scurticatu
E u ricordu di a to vita
Ferma un martiriu adduluratu

Mà ‘ssu prufume, u dèsidèriu
Fù cagione, di u to dulore
Eternu e cutratu mistèru
Chi scambio in morte, l’amore

Altéa si a fèrita
Di u puetu scurticatu
E u ricordu di u to visu
Ferma un martiriu adduluratu


GHJ. Achard Rocchi – u 7 d’aprile di u 2012.

Revenir en haut Aller en bas
Voir le profil de l'utilisateur
Sumenta



Messages : 2050
Date d'inscription : 25/02/2012

MessageSujet: Re: Puesie di DIRUSIU   Sam 7 Avr - 17:45

Magnifica puesia, un bellu umaggiu!
Revenir en haut Aller en bas
Voir le profil de l'utilisateur
Ruclinonu Solechjari



Messages : 518
Date d'inscription : 27/02/2012
Localisation : Casinca

MessageSujet: Re: Puesie di DIRUSIU   Sam 7 Avr - 19:42

Ùn trovu mancu parole bastevule...
Revenir en haut Aller en bas
Voir le profil de l'utilisateur http://appuntamentu-corsu.forums-actifs.net
JLA&CO



Messages : 2
Date d'inscription : 10/09/2012

MessageSujet: IN ONORE DI A SANTA   Lun 10 Sep - 17:28



VI RINGRAZIU MARIA

Vi ringraziu o vergine Maria
Regina in celu è benedettu core
U vostru nome laudatu sia
Pè noi tutti gran peccatori

E vostre grazie u vostru figliu in celu
Ci danu forze fede è dignità
Site l’ardente è a più pura stella
Chì à l’orizonte ùn pianta di lucicà

Vulemu in cantu purtà u vostru perdonu
Una preghera simplice in canzone
Per ogni pieve è per ogni rughjone
Sparte u dolce di a vostra passione

Site u fiore di u più bellu biancu
Chì dà parfume è risana ogni core
Site surgente site eternu tesoru
Date speranza a l’arimitu stancu

Vi ringraziu o vergine maria
Santa madonna mamma di u signore
A i vostri pedi ‘ss’umile puèsia
Sia a prova di tuttu u nostru amore

È ab eternu nantu à ‘ss’isula vostra
Alma beata date sempre a forza
Chì ‘ssa preghera fida sincèra è nostra
O grazia à voi ribombi in terra Corsa
Revenir en haut Aller en bas
Voir le profil de l'utilisateur
Erbaghju



Messages : 452
Date d'inscription : 29/02/2012

MessageSujet: Re: Puesie di DIRUSIU   Lun 10 Sep - 20:56


Bella puisia per l'ottu di sittembre. Face piacè di truvatti quì! ditone
Revenir en haut Aller en bas
Voir le profil de l'utilisateur http://erbaghju.unblog.fr/
JLA&CO



Messages : 2
Date d'inscription : 10/09/2012

MessageSujet: Re: Puesie di DIRUSIU   Mar 11 Sep - 16:27

ride
@Erbaghju a écrit:

Bella puisia per l'ottu di sittembre. Face piacè di truvatti quì! ditone
Revenir en haut Aller en bas
Voir le profil de l'utilisateur
Ruclinonu Solechjari



Messages : 518
Date d'inscription : 27/02/2012
Localisation : Casinca

MessageSujet: Re: Puesie di DIRUSIU   Dim 16 Sep - 12:08

Hè una bella puesia ch'e quessa, tutta piena di fervore.

V'averiu invitatu à prinsentàvvi, ma postu ch'e mi sembrate cunisciutu, ùn dicu più nunda.
Revenir en haut Aller en bas
Voir le profil de l'utilisateur http://appuntamentu-corsu.forums-actifs.net
Contenu sponsorisé




MessageSujet: Re: Puesie di DIRUSIU   Aujourd'hui à 9:14

Revenir en haut Aller en bas
 
Puesie di DIRUSIU
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Puesie per a festa di e mamme
» Da Sant' Alesiu à San Cervone
» DIRUSIU - ESTATE 2013
» Puesie di Ruclì
» Puesie di Sippuccia

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Puesia-
Sauter vers: