Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Gentili Agnulusantu (Prete) "Gnigninu"

Aller en bas 
AuteurMessage
Circione

avatar

Messages : 2199
Date d'inscription : 27/02/2012

MessageSujet: Gentili Agnulusantu (Prete) "Gnigninu"   Jeu 15 Mar - 22:15




Pianu à i denti

Mattei, essendu scularu à Montepià in Bastia, era assai amicu cun Quilici, Balaninu untu è finu, è iss'amicizia hè più soda cà mai trenta anni dopu.

Avà tutt'à dui sò maestri di scola ed ogni volta ch'elli si scontranu sò rise è scaccanate. Una volta, cum'ella accadia tutti i santi ghjorni, i nostri futuri stidutori chì ùn avianu ancu tanti pinseri, currianu pè a corte di a scola senza rifiatà. Dopu una stonda di isse scurrizate, Quilici ebbe a sete, si firmò davanti à a funtana è si misse à beie, u capu calatu, a bocca nant'à u cannone.

Mattei ghjugne à a sfrumbattuta è, storia di schirzà, dà un picculu calciu nantu à e groppe à l'amicacciu. Questu s'arrizza, incristitu, è dice:

- Sì scemu? mi voli truncà un dente?

-Perchè? risponde Mattei, ai i denti ancu custì?



Una bella voce

Indu e nostre feste, fussinu religiose o civile, i cantadori si spiazzavanu vulinteri è ùn ne mancavanu una. Ùn circavanu mancu paca: a manghjata cupria tutte e spese. U principale piacè era di fà sente e so belle voce, eppo in sottu in sottu, ghjittavanu un colpu d'ochju à l'auditoriu per rendesi contu di l'impressione prudotta. Ma cum'è in tutte e categurie di a sucetà umana, a ghjilusia ci hà ficcatu u nasu. È un ghjornu chì Quastana avia riesciutu u megliu di tutti i cantadori, sintendu u bisognu di vantassi da per ellu, hà dettu: "Eiu sò bonu per fà a bassa, a seconda, a terza. Ind'una parolla, di a mio voce ne facciu ciò ch'e vogliu". Allora unu chì s'era arvistu chì e dite di i pedi di u cantadore pigliavanu l'aria, li hà rispostu: "fattine un paghju di scarpi".



Scrittura di duttore

Chjarasgiolu avia invitatu u duttore Zuccarelli à magnà e truite. Ma questu ùn pobbe vene è, per scusassi, li scrisse una lettara. Quandu Chjarasgiolu a ricivì, a girò d'un latu à l'altru, a guardò à capu insù, à capu inghjò, ma ùn ci capì un'acca è ùn pobbe disciuplicà u cuntinutu di u cartulare.

Pinsò chì solu un spiziale pudia leghje a scrivacciata, andò ind'è Mozziconacci, nantu à u Marcatu. Questu dede un colpu d'ochju à a lettara, po andò in fondu di a spiziaria è vultò cù una buttiglina piena d'un liquidu verde.

-Eccu, disse, facenu trè franchi è sessanta.

Chjarasgiolu pacò, ma dopu ne sapia ancu menu cà prima.


U portamuneta

Una mamma, videndu chì u so figliolu ùn era mai techju di sonnu, l’hà svigliatu è, per stimulallu un pocu, l’hà fattu sti rimprovari : « Tù dormi, ma ci sò chì s’arrizzanu à bon’ora è ùn perdenu micca u so tempu. U figliolu di Nannetta, per ch’ellu s’arrizza à l’alba, hà truvatu un portamuneta bellu pienu !… ».
U figliolu, strufinendusi l’ochji, sussurendu perchè cuntrariatu d’esse statu discitatu, hà rispostu : « Più di bon’ora s’hè arrizzatu quellu chì l’hà persu !… ».




Prete Gentili « Gnigninu », Pascura, 1958.

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione

avatar

Messages : 2199
Date d'inscription : 27/02/2012

MessageSujet: Re: Gentili Agnulusantu (Prete) "Gnigninu"   Lun 19 Mar - 23:38

E trè ragione

Panzone ghjunse un ghjornu ind'è a so parente Marcura Santa. Quella ùn avia nulla da magnà.

— V'avarebbe fattu almenu un pocu di pulenda... Ma ùn vi ne possu fà per trè ragione. A prima ragione hè chì ùn aghju più pistuccina, A siconda ragione...

— A prima ragione mi basta. È Panzone francò l'usciu senza mancu licinziassi.


_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
 
Gentili Agnulusantu (Prete) "Gnigninu"
Revenir en haut 
Page 1 sur 1
 Sujets similaires
-
» Gentili Agnulusantu (Prete) "Gnigninu"
» PRETE MOI TON HOMME de Emily Giffin
» PRETE A TOUT ? (Toma 1 à 6) de Chloé Wilkox - SAGA
» PEINTURE
» Février 2008 : cube

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Antulugia-
Sauter vers: