Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Immigrante

Voir le sujet précédent Voir le sujet suivant Aller en bas 
AuteurMessage
u ghjudice

avatar

Messages : 200
Date d'inscription : 26/02/2012

MessageSujet: Immigrante   Jeu 15 Mar - 22:21

Eccu, avà ci sò. Sò puru ghjuntu à francalla ‘ssa fruntiera è sta volta hè l’ultima, ùn vulteraghju più ind’è mè. Oghje sò in pace.
A prima volta m’era fattu chjappà da e « border patrol », m’avianu chjosu une pochi di mesi in un campu cun d’altri immigranti, poi à u capu di qualchì mese ci anu rimandatu à u Messicu.
A seconda volta era passatu senza difficultà, s’ellu si pò dì, avia travagliatu cum’è ghjurnataghju in una spluattazione agricula di u Texas, induv’era trattatu abbastanza bè, è sopr’à tuttu pacatu quattru volte di più chè in u mo tufone persu di Las Vacas.
Eppò un ghjornu , sò ghjunti, armati, vestuti cun tenute militare, una decina di pick-up à troncachjavette, è aghju vistu a paura in l’ochji di i mo cumpatriotti, hè natu u scappa scappa, è elli ci tiravanu addossu, è noi fughjiamu, è parechji cascavanu, feriti o morti. Eo, a mi sò francata, eramu dui, à avè corsu abbastanza in furia o à esse stati crepati in colpu, chì forse ùn ci averanu mancu vistu, infine eramu salvi.
Quale eranu quessi ? Un era micca a border patrol
Cumu a sai ?
M’anu chjappu digià, è ùn ci anu micca tiratu addossu.
Diego ùn mi rispose micca. Chì ne pudia sapè ellu, qual’eranu ‘ssi tippi, ùn avia mancu vint’anni, è era partutu di u so paese perchè chì ci patia a fame.
Marchjavamu versi u meziornu, rientravamu ind’è noi, vultavamu à a miseria, vultavamu à a fame. Di prima sera, avemu vistu una casuccia scantata, Diego ùn ci vulia andà, dicia chì ci aviamu da fà tirà, ma eo era famitu, l’aghju dettu d’aspettami, anderia à dumandà qualcosa à pizzicà, è s’ellu si passava male, ùn averebbe chè da fughje.
Ci stava una donna sola in sta casuccia, ci allughjò, ci fece manghjà è ci spiecò qual’eranu i nostri amichi .
Eranu i Minute men, una milizia di citadini americani chì vulia luttà contr’à l’immigrazione, à u principiu facianu solu surveglianza è quand’elli ne chjappavanu unepochi di i nostri, i trasmettianu à a pulizza, ma u so razzisimu piattu avia pigliatu a suprana, è dillusi da i pochi risultati di a pulizza, eranu entrati in una guerra scema è fanatica.
Allora simu vultati à u Messicu . Un’antra volta. L’ultima volta.
A terza volta, ùn era micca solu, cun mè ci era Luis è Miguel, dui amichi di Las Vacas, babbi di famiglia curagiosi chì affruntavanu a fruntiera, a morte, per dà à manghjà à i soii.
Curagiosi, i mo cuglioni, quand’omu pate a fame, ci vole à esse incuscienti per piglià moglia è fà figlioli, incuscienti è scemi quandu per dalli à manghjà, ci vole à parte ind’un paese strangeru chì ùn vole di voi, chì alza un muru longu à a fruntiera, induve semplici citatini imbuffati di razzisimu è di cunnaria pura, piglianu l’arme è ci tiranu cum’è cunigliuli.
Aviamu francatu u Rio Bravo à u nutu, a ci eramu francata sin’à custì, di a border line è di e milizie. Sta volta, era a bona, aviamu passatu a fruntiera è seria l’ultima volta n’era cunvintu, più nimu mi rimanderebbe in l’infernu di Las Vacas.
Marchjavamu versu Eagle Pass, quand’elli ci sò cascati addossu. Un anu micca tiratu, ci anu ammanitatu è lampatu à bordu à i pick-up, i mo cumpagni mi fidighjavanu impauriti
Sò miliziani, ci portanu ind’è a pulizza, avemu da vultà ind’è noi.
Unu di ‘ssi inculati m’hà minatu di ceppu in capu,
Parla inglese o mullizzò, ùn si micca nù u to paese di scimii.
Ci anu purtatu in un hangar scantatu.
Sò vultati di notte, cun e tenute bianche di u klu klux klan, avianu preparatu e so croci rituale, quelle ch’elli brusgiavanu quandu tumbavanu i neri
V’avemu da amparà à stà ind’è voi, mansa di muracci, quì hè terra americana.
Eccu, avà ci sò. Un vulteraghju più ind’è mè, ùn averaghju mai più fame, ùn suffreraghju mai più.
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: Immigrante   Ven 16 Mar - 10:51

Bellu scrittu...Si andatu più luntanu ca i fatti ufficiali di i Minutemen attuali. Ciò chì mi piace in u to testu, ciò chì u rende particulare ghjè sta impressione ch'ellu ci lascia è chì ci face pensà ch'un ghjornu forse ùn sarà più una fizzione. scemu

Revenir en haut Aller en bas
Voir le profil de l'utilisateur
u ghjudice

avatar

Messages : 200
Date d'inscription : 26/02/2012

MessageSujet: Re: Immigrante   Ven 16 Mar - 12:07

A ringraziatti.

Ié, hè una fizzione, ma aghju vistu chì ci era un candidatu à l'investitura republicana, chì parlava di rinfurzà u muru cun serrende eletriffiate.
Hà persu, ma quantunque ciò chì hè inquitetante hè ch'ellu ci appii pensatu.

Ossinò, per esse più leggeru nant'à u sughjettu, ti cunsigliu di fidighjà u filmu " Machete " , una cumedia americana cun in fondu , l'immigrazione messicana. Eo mi sò campatu.
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: Immigrante   

Revenir en haut Aller en bas
 
Immigrante
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Réflexion sur l'identité chinoise en tant qu'immigrante

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Prosa-
Sauter vers: