A Filetta

Duie di e più belle canzone chì si ponu sente




Parolle: Marcellu Acquaviva di l'Acquale
Musica : Ghjuvan Claudiu Acquaviva


Ch'ellu si n'hè scorsu maghju
Sarà più d'una simana
Appròntati, o capraghju !
À lascià piaghja è calmana
Ch'hai da fà l'altu viaghju
Dopu ghjuntu in Barghjana

Avvèdeci, o Falasorma !
Cù i parenti è l'amichi
Sempre ligati à Niolu
Per e gioie è i castichi :
Da Montestremu à u mare
Avemu listessi antichi.

Sbuccarai in Caprunale
Guardendu da altu à bassu
Supranendune à Omita
È a funtana di u Tassu
Basgiati a croce nova
Chì a vechja ùn s'hè più trova.

U terzu ghjornu à la mane
Ti n'andarai vulinteri
In Sesta o Petra Pinzunta,
Bicarellu o à Tileri ;
Più chè mai ghjunghjeranu
À l'abbordu i frusteri.

Avà chì hai righjuntu
Di l'estate u rughjone
Di tantu in tantu in paese
Affaccati à l'occasione
Poi ùn mancà a to festa
A mane di Sant'Antone.








Tù sì natu campagnolu
Sbucciatu in la cuccagna
Di l'alivi di Balagna
Ùn lu senti u paisolu
Chì ti pienghje è chì si lagna
Figliulellu di Balagna


Tù currii per e strette
Eranu l'ore sebiate
Mezu à rise è ciarlate
Tù battii e cullette
Di vaghjime inargintate
Cusì care e to cuntrate


Da u pinzu à a vela u ventu
Furiosu è scatinatu
Manda via issu lamentu
Lamentu di u disgraziatu
In u frombu di u spaventu
Da l'umanu stantaratu


Tù sì andatu à a scola
Di corsa per a stradella
À latu di a to surella
Per i chjassi di a scola
Erate una manatella
Per beie à a funtanella


Tù ch’ai scupartu un ghjornu
L'amicizia a più cara
È i canti d'una tarra
Tù ch’ai capitu un ghjornu
I culori d'una sarra
è l'adori d'una tarra


Da u pinzu à a vela u ventu
Furiosu è scatinatu
Manda via issu lamentu
Lamentu di u disgraziatu
In u frombu di u spaventu
Da l'umanu stantaratu


Tù ch'ai vulsutu dà
À i toi u t'ardore
E’ po tant'è tantu amore
Tù ch'ai vulsutu dà
Suminatu avii un fiore
Ma hè granatu u dulore


Da u pinzu à a vela u ventu
Furiosu è scatinatu
Manda via issu lamentu
Lamentu di u disgraziatu
In u frombu di u spaventu
Da l'umanu stantaratu

Parolle: Ghjacumu Fusina
Musica: Jean-Claude Acquaviva



Malanni


Disuccupatu sò pè la campagna
È mi ne vò pè i so chjassi solu
Fighjendune issi lochi di cuccagna
È aspettendu a notte in paisolu


I mio penseri sò à l’amarezza
À l’avvacinu à la malincunia
È mi stantu à cunservà la saviezza
Chì più d’una volta si n’anderia.


Disuccupatu sò pè la citane
È mi ne vò pè i carrughji solu
Fighjendu e vitrine à robe vane
È aspittendu di l’ore lu scolu


I mio penseri sò à l’amarezza
À l’avvacinu à la malincunia
È mi stantu à cunservà la saviezza
Chì più d’una volta si n’anderia.

Disuccupatu sò pè a stagione
È mi ne vò da casa solu solu
Or chì vulite ch’aghja una passione
Da turnami un antru omu è piglià volu ?


I mio penseri sò à l’amarezza
À l’avvacinu à la malincunia
È mi stantu à cunservà la saviezza
Chì più d’una volta si n’anderia.


Disuccupatu sò ma chì vulite ?
Travaglierebbe anch’eiu s’io pudia
À mè ùn mi circate tante lite
Ch’ùn m’arricordu più di l’alegria


I mio penseri sò à l’amarezza
À l’avvacinu à la malincunia
È mi stantu à cunservà la saviezza
Chì più d’una volta si n’anderia.

"Acquaviva, Giansily, Geronimi, sous la direction de Cédric Leprevost..."

E cose ùn sò micca cambiate da u 1774 in quà... Simu sempre à sicutera. A pudianu puru cantà A Filetta a paghjella di l'impiccati.

(ripigliu a mo cacciata di FB per ricullà appena in la classifica)

Un magnificu puema d'Anton'Francescu Filippini. Ci vulerà à pensà à mettellu ind'è a nostra antulugia.