ISULA
Vous souhaitez réagir à ce message ? Créez un compte en quelques clics ou connectez-vous pour continuer.


Lingua è cultura corsa
 
AccueilAccueil  Dernières imagesDernières images  RechercherRechercher  S'enregistrerS'enregistrer  ConnexionConnexion  
-15%
Le deal à ne pas rater :
(Adhérents) LEGO® Icons 10318 Le Concorde
169.99 € 199.99 €
Voir le deal

 

 U rughjone Montisgianu

Aller en bas 
3 participants
AuteurMessage
Petracone




Messages : 1
Date d'inscription : 05/04/2012

U rughjone Montisgianu Empty
MessageSujet: U rughjone Montisgianu   U rughjone Montisgianu EmptyJeu 5 Avr - 12:51

A tè chi sì vicinente
O puru ghjuntu in batellu
Ti pregu d'esse attente
Quand'e tù franchi u Pirellu
Tandu scopri li mio lochi
A u cantu di l'acellu

Fendu dui passi inseme
Passeremu l'Aricella
E si la sete ci vene
Ci hé a vechja funtanella
E pò un'antra più grande
In piazza di a cappella

Qui,amicu furesteru
U Carognu hé lu sò nome
Cù lu vechju presbiteriu
O chi tamantu casone
E la sò chjesa sfalata
Vista dà tutt'u cantone

Quellu per mè lu più caru
Hé lu nostru capilocu
Piantu à a teppa a cavallu
Per fatti vede lu ghjocu
Induve tanti zitelletti
Si sò frustati lu coghju

Passendu in piazza San Roccu
Ci hé a casa di l'antenati
Un licore ò un sciroppu
In caffè sò meritati
Discuteremu cun Zia
Di tutti i tempi passati

Finita la discursata
Attipperemu a Sulana
In cima di a cullata
Torna un'antra funtana
Tutta fatta di petra grisgia
Dà i Furnelli falata

Sentu un frombu di ciccone
Chi sonnanu Meziornu
Facenu chjam'e risponde
Cun quelle di u Carognu
Per ramentà a cristianu
Chi di manghjà ci hé bisognu

Ti parleraghju più bassu
Ti conteraghju l'onore
E culleremu u chjassu
In campu santu,di core
Qui ci dormenu i meii
Omi e donne di valore

Lu paisucciu supranu
E Filette u chjamemu
Qui si scopre u luntanu
E ogni orizonte stremu
E Sant'Anghjuli guardianu
Veghja sopra u castagnetu

E Piane e u Pastinellu
Ci cunducenu a l'Avughju
Vicinu a lu ponticellu
Qui ci hé natu più d'un mughju
Quandu qualchi magu ò strega
Facianu nasce lu fughju

Simu ghjunti a a Ferlaghja
Di a cummuna u più grande
Custì si pianta la strada
Ci hé dà ride é ci hé dà pienghje
A l'amici Pentulacci
Ai gusai a manu a stende

Ne serebbe una disgrazia
Ch'ella si ne falgi in terra
A cappella di San Pancraziu
In l'Erdu,simplice é fiera
Face mottu à a surella
Quaghjò piatta in a Ferrera

Nun magnificu decoru
Anderemu in Divina
Custì ci curria oru
Dopu franta a sapina
Si ne parlava a l'intornu
Di quellu oliu d'aliva

Avà poi rifalà
Mà ùn sò comppi i viaghji
Puderai salutà
A li vicini Olmisgiani
E dinù a l'Anghjulasca
A quelli chi sò impiaghjati

Di sti lochi scunnisciuti
Induve si campa beatu
In a sò machja richjusi
Parla ne a perde fiatu
E teniti sempre a mente
U rughjone Montisgianu...

Niculaiu Giustiniani
Di Marzu 2012
Revenir en haut Aller en bas
Circione

Circione


Messages : 2212
Date d'inscription : 27/02/2012

U rughjone Montisgianu Empty
MessageSujet: Re: U rughjone Montisgianu   U rughjone Montisgianu EmptyJeu 5 Avr - 13:01

una bella puesia di vena tradiziunale


bravu!
Revenir en haut Aller en bas
Erbaghju

Erbaghju


Messages : 482
Date d'inscription : 29/02/2012

U rughjone Montisgianu Empty
MessageSujet: Re: U rughjone Montisgianu   U rughjone Montisgianu EmptyJeu 5 Avr - 13:24

Ancu sì u sugettu di puità e so cunfine hè cunnisciutu, mi piace di sapè ch'ellu ci hè sempre a ghjente chì cunnosce i nomi di i so lochi. ditone
Revenir en haut Aller en bas
http://erbaghju.unblog.fr/
Contenu sponsorisé





U rughjone Montisgianu Empty
MessageSujet: Re: U rughjone Montisgianu   U rughjone Montisgianu Empty

Revenir en haut Aller en bas
 
U rughjone Montisgianu
Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Puesia-
Sauter vers: