ISULA
Vous souhaitez réagir à ce message ? Créez un compte en quelques clics ou connectez-vous pour continuer.


Lingua è cultura corsa
 
AccueilAccueil  Dernières imagesDernières images  RechercherRechercher  S'enregistrerS'enregistrer  ConnexionConnexion  

 

 The Deer Hunter, Mickael Cimino

Aller en bas 
2 participants
AuteurMessage
Ghjuvan Filici

Ghjuvan Filici


Messages : 194
Date d'inscription : 25/02/2012

The Deer Hunter, Mickael Cimino Empty
MessageSujet: The Deer Hunter, Mickael Cimino   The Deer Hunter, Mickael Cimino EmptyJeu 22 Mar - 0:58

Tè, l'aghju ritrovu. Era a fini di u capitulu 11...

È aghju vistu ‘ssa tacca chjara chì risurtia da una scupiccia. A tacca hà cumminciatu à mova, à duvintà viva, senza fà u mìnimu trostu. A tacca hè duvintata più maiori, è ùn era più chè un capu solu, ma dinò un fustu, è prestu un corpu intrevu, è a mufra hè sciuta tutta in un’ andàghjina ch’ùn aviu mancu sceltu. Avanzaia tranquilla, à u passu, micca più trubbulata chè quissa da i rimori intesi un pocu nanzi. Mi vinia annantu, o più esattamenti m’avia da passà à tiru da quì à pocu, ghjustu suttu à a me posta. Viaghjaia, spinsirata, è capizaia, è paria di vulè svintà, ma nienti a cuntrariaia, allora si priminaia pian’ pianinu, è mi vinia addossu. Aghju dittu trà mè stessu m’hà da veda, ma l’archimaghju ùn vidia nudda, è si saria crettu da veru ch’iddu si n’impippaia in tuttu di a me prisenza, è c’era com’è una sfida sfacciata in a so andatura, com’è una manera di mandà u mondu interu à fassi leghja chì guasgi m’avaria amuffatu. Hè vinutu ghjustu davanti à u me cantonu, hà sceltu a teghja a più in vista, à mancu vinti metra da mè, è infini s’hè fermu. Tandu mi so fattu cuddà u fucili. L’aghju visatu un tempu longu. L’aviu bè in a mira, impussìbuli di mancallu. Era un arghjetu di cinqui o sevi anni, putenti, cù i corra splèndidi, un truffeu straurdinariu. Drizzaia u pettu, altagnu è sicuru di a so praputenza, maestru assulutu è maistosu di a furesta, i so corra lucicaiani guasgi in u soli matinaghju, u so pilamu bracatu, castagnu è biancu, era d’un chjarori alisgianu, un èssaru biatu in tuttu, l’armunia fatta animala. À capu d’ùn so chì tempu, hà vultatu infini u capu, vidiu bè i so dui corra dissignati nantu à un fundu di virdura, mi fighjulaia. A forza è a billezza buliati. A vita sulenna è a grazia. Ci semu fighjulati cussì forsa dui minuti. Iddu cù i so ochja strani d’animalu, ghje’ cù u me fucili prontu à fà focu. Dui minuti eterni mentri qualissi l’aghju vistu quantu volti chì s’abbassaia, in un sonniu sanguinariu è criminali, i baddi chì li tarzarulaiani u coddu, i mùsculi chì si stinzaiani, i corra chì viniani à pichjà a teghja cù una viulenza scema. A morti, a morti arricata à a billezza suprana, l’armunia rutta di ‘ssu tuttu, i pina altieri è i cantunicci uchjati è musgi, i toppa musculinati d’arba barona, i sarri malbi à u luntanu, i ria sfundarulati circhendu unu sbuccà timuronu, è iddu à mezu, com’è una divinità, salvàticu è schirzosu, nacenti è pulvarinu, dulci è primitivu. U fighjulaiu, spartu trà u vechju stintu di u tumbadori è l’ammirazioni ghjilosa, cundiziunatu à u stirminiu è ricunniscenti faccia à ‘ssu culmu di grandori, disidarosu di dumà a so sbuffitera, è lacciaratu da a so libartà. Aghju calatu u fucili. Calcosa in u fundu di mè s’era sgauddatu. L’aghju burbuddatu viaghja, viaghja sùbitu. À vèdami calà u fucili, hà avutu com’è una scuttussata narbosa. Aghju pinsatu ch’iddu spiccaria u saltu, ma hè firmatu quì, cuntinivendu à fighjulammi, inchietu è intarissatu, guasgi ch’iddu aspittessi calcosa da mè, u colpu fatali, o ùn so chì rivilazioni. Viaghja ! aghju insistutu, ti lacu viva, viaghja ! S’hè lampatu da a teghja, aggalapatu com’iddu ùn hè pussìbuli, hà attaccatu à saltà da un cantonu à l’altru, hè sparitu daretu à un lamaghjonu, po’ hè cumparsu dinò, è s’hè persu in i buttissi, par mai.

A scena di caccia in The Deer Unter, eccula quì :

Revenir en haut Aller en bas
Sumenta

Sumenta


Messages : 2052
Date d'inscription : 25/02/2012

The Deer Hunter, Mickael Cimino Empty
MessageSujet: Re: The Deer Hunter, Mickael Cimino   The Deer Hunter, Mickael Cimino EmptyJeu 22 Mar - 18:44

Ghjuvan Filici a écrit:
maestru assulutu è maistosu di a furesta...A forza è a billezza buliati. A vita sulenna è a grazia.

Ùn si pò micca dì megliu l'effettu ch'ellu pò fà l'incontru d'una muvra. A dulcezza ma a forza à tempu è un sintimu di serenità unicu.
Sta manera ch'ella hà di guardà senza move è senza paura mi cummove assai ogni volta ch'aghju a furtuna di vede ne una.

The Deer Hunter, Mickael Cimino Img_4215

The Deer Hunter, Mickael Cimino Img_4216
(ùn si vede tantu ben chì aghju "panicatu" un suppulu quandu mi sò trovà davanti :oops: scemu :pale: )
Revenir en haut Aller en bas
 
The Deer Hunter, Mickael Cimino
Revenir en haut 
Page 1 sur 1
 Sujets similaires
-
» U sangue era in u sole-Guidu Cimino

Permission de ce forum:Vous ne pouvez pas répondre aux sujets dans ce forum
ISULA :: Per isse sponde è da mare in là... :: Cultura :: Sinemà-
Sauter vers: