ISULA
Vous souhaitez réagir à ce message ? Créez un compte en quelques clics ou connectez-vous pour continuer.


Lingua è cultura corsa
 
AccueilAccueil  Dernières imagesDernières images  RechercherRechercher  S'enregistrerS'enregistrer  ConnexionConnexion  
Le Deal du moment :
Xiaomi Mi Smart Camera 2K Standard Edition (design ...
Voir le deal
11.39 €

 

 Lettera da u fronte

Aller en bas 
+5
Ruclinonu Solechjari
Circione
Sumenta
di sfughjita
Balaninu
9 participants
AuteurMessage
Balaninu




Messages : 1
Date d'inscription : 22/03/2012

Lettera da u fronte Empty
MessageSujet: Lettera da u fronte   Lettera da u fronte EmptyJeu 29 Mar - 23:15

Eccu un duvere ch'ellu m'hà datu à fà u mio prufessore dopu avè travagliatu annant'à a guerra di u 14.
m'hà invitatu à pustallu quì.

Vauquois , paisolu di Lorrena, stu 25 d'ottobre 1915.
Cari parenti, cari fratellucci, cara surella.
Oghje, simu di riposu. U silenziu, dopu à u fracassu di l'arme durante l'attacchi d'issi ultimi ghjorni, ci pare una felicità tamanta. Ci vole à dì chì, durante e trè prime settimane d'ottobre, i cumbatti sò stati feroci. A nostra trincera si trova à mancu centu metri di quella di i Bosci, è sin'à oghje, ogni ghjornu, ci era un attaccu: una volta noi, u lindumane l'Alimani. Ma ci vole à crede chì e duie armate sò di forza para, postu chì nè noi nè elli ùn simu riisciuti à piglià a trincera nimica. Mettu dunque à prufittu stu mumentu di calma per davvi nutizie.
Ùn ti ne fà o mà, stocu bè, u murale hè bonu è sò sicuru chì prestu, saraghju di ritornu, è saremu torna tutti inseme. A Corsica mi manca tantu! Quì, bench'è no siamu solu d’auturnu, e notte sò fresche è, aspessu, a mane à u discità, hè cutrata l’acqua di i stagnoni o di i pozzi fatti da l’obbusi. Inquant’à mè, s’è no simu sempre quì di dicembre è di ghjennaghju, u fretu po l’emu da pate!
O bà, à tè chì ai fattu, da giovanu, a guerra di u settanta, ti possu parlà appena di l’arme è di e nove tecniche chì sò aduprate da e duie armate di u fronte. Prima, ti vogliu dì chì, dipoi chì , di lugliu scorsu, avemu ricivutu u nostru elmu metallicu da rimpiazzà l’anziana barretta, feriti è morti per via di scaglie d’obbusi in capu ci n’hè assai di menu. Tutti quì, ringraziemu u sgiò Adrian chì inventatu st'elmu. Ci vole à dì, o bà, chì macaru cù issa nova prutezzione, l’assalti ci costanu caru in vite umane. I Bosci adopranu aspessu, prima ch’à un assaltu, novi gasi murtali chì sò terribuli. Da ch'è tù i rispiri, i to pulmoni sò brusgiati. Ancu di grazia, dipoi un mese avemu avutu sugne visere cù un filtru chì ci permette di cuntinuvà à rispirà. Ùn ti parlu mancu, o bà, di iss’abbuminazione di lampafiara chì i nostri nimichi impiecanu da pocu, nè di e bombe ch’elli cappianu l’aviò chì passanu ogni tantu sopra à e nostre trincere. Certi dicenu ch’elli sò elli - l’aviò - chì faranu vince a guerra. Ci vole à sperà chì noi altri Francesi ne averemu prestu appena di più. Per avà, di i nostri ùn si ne vede tanti! Vedi o bà chì a guerra d’oghje hè assai sfarente di quella ch’è tù ai cunnisciutu tù quarantacinque anni fà. Tutti quì, suldati è sottu ufficiali avemu fede in li nostri ginirali è l’altri capizzoni per ch’elli piglinu sempre bone decizione. Si pò sperà ch’elli ùn ci ubblicaranu più à parte à l’assaltu d’issa trincera maladetta senza una priparazione da un bumbardamentu di i nostri aviò. Morti pè nulla, ci n’hè statu abbastanza cusì!
Avà o mà mi vogliu indirizzà à tè per ditti quantu so statu cuntentu di riceve u to pacchettu in principiu d’ottobre: mi sò campatu cù e to noce è e to amandule, è quellu casgiu vechju, ùn hè duratu tantu! U mo amicu Francescu chì vene di Clermont-Ferrand, m’hà dettu : " Vain Dieu Antoine! il pue plus que le Cantal, ton fromage, mais je dois reconnaître que niveau goût, le mien ne fait pas le poids!" Ùn vi vogliu chità, cari parenti, senza fà mille basgi à Dumenicu chì hà avutu sedeci anni, à Roccu, à Bastianucciu chì deve principià à sapè leghje. Quantu à tè, o cara surè, à a mo prossima permissione, ti purtaraghju una cursichella di ramu fatta da u mo amicu Lucianu ind’una scaglia d’obusu. Hè un veru artistu Lucianu! Vidarè o Marì, ùn hè un ghjuvellu di tantu valore, ma hè propiu bellu, è u pudarè purtà.
Vi basgiu à tutti è vi dicu à prestu sì Diu vole.

U vostru figliolu è fratellu chì vi tene tantu caru.

Antoine Suzzoni

In memoria di u mio arcibabbone Antoine Suzzoni chì hà cumbattutu à a Grande Guerra accantu à i so camarati di u 373u Regimentu d'Infanteria.
Lettera da u fronte 33142250
Revenir en haut Aller en bas
di sfughjita

di sfughjita


Messages : 124
Date d'inscription : 06/03/2012
Localisation : Bastia

Lettera da u fronte Empty
MessageSujet: Re: Lettera da u fronte   Lettera da u fronte EmptyVen 30 Mar - 8:56

ditone
M'hè piaciutu a to lettarella o Balanì è ti ne filiciteghju. Scrivi bè è tandu di lèghjeti hè un piace. Spergu chì tù ne scriverai altri di testi sìmuli !

Bona furtuna à tè
salutu2
Revenir en haut Aller en bas
Sumenta

Sumenta


Messages : 2052
Date d'inscription : 25/02/2012

Lettera da u fronte Empty
MessageSujet: Re: Lettera da u fronte   Lettera da u fronte EmptyVen 30 Mar - 9:15

Ghjè propiu un bellu scrittu! Ai riesciutu à mischjà duie cose chì parenu spessu incompatibile: l'infurmazione è l'emuzione.
U più chì tocca in sta lettera per mè hè a ghjustezza di e parolle, di i sintimi spartuti è a dulcezza. Ci lachemu piglià è ghjunghjimu ancu à crede ch'ella pò esse vera.
ditone
Revenir en haut Aller en bas
Circione

Circione


Messages : 2212
Date d'inscription : 27/02/2012

Lettera da u fronte Empty
MessageSujet: Re: Lettera da u fronte   Lettera da u fronte EmptyVen 30 Mar - 9:56

Iè ci hè una vera ghjustezza di tonu.

mi piace assai a fine quand'ellu parla di i fratelli è di a surella, si sente tuttu l'affettu di u fratellu maiò.

Bravu o Balanì.
ditone
Revenir en haut Aller en bas
Ruclinonu Solechjari

Ruclinonu Solechjari


Messages : 518
Date d'inscription : 27/02/2012
Localisation : Casinca

Lettera da u fronte Empty
MessageSujet: Re: Lettera da u fronte   Lettera da u fronte EmptyVen 30 Mar - 9:59

Malgratu a so curtezza, stu testu hè un festivale d'emuzione !
Revenir en haut Aller en bas
http://appuntamentu-corsu.forums-actifs.net
Erbaghju

Erbaghju


Messages : 482
Date d'inscription : 29/02/2012

Lettera da u fronte Empty
MessageSujet: Re: Lettera da u fronte   Lettera da u fronte EmptyVen 30 Mar - 12:55

E lèttare scritte da i suldati mi sò sempre piaciute è, ancu per ùn avè micca campatu sta disgrazia, sè ghjuntu à scrive cù u stilu di quelli chì anu fattu sta guerra. ditone
Revenir en haut Aller en bas
http://erbaghju.unblog.fr/
Circione

Circione


Messages : 2212
Date d'inscription : 27/02/2012

Lettera da u fronte Empty
MessageSujet: Re: Lettera da u fronte   Lettera da u fronte EmptySam 31 Mar - 12:14

http://ma-tvideo.france2.fr/video/iLyROoafJz1w.html

Revenir en haut Aller en bas
Alisgianincu

Alisgianincu


Messages : 16
Date d'inscription : 29/02/2012
Age : 50
Localisation : Corsica

Lettera da u fronte Empty
MessageSujet: Re: Lettera da u fronte   Lettera da u fronte EmptySam 31 Mar - 12:48

Sò poche e parolle per dì chì issu scrittu hè "Una maraviglia" ! Bravissimu !
Revenir en haut Aller en bas
http://chfilippi.worpress.com
Pinzolu

Pinzolu


Messages : 23
Date d'inscription : 03/03/2012

Lettera da u fronte Empty
MessageSujet: Re: Lettera da u fronte   Lettera da u fronte EmptyLun 16 Avr - 17:33

Ti filiciteghju pà u to stilu è a qualità di a to lingua, fussin'elli puru tutti cum'è tè !
Revenir en haut Aller en bas
Isulanu

Isulanu


Messages : 229
Date d'inscription : 03/03/2012

Lettera da u fronte Empty
MessageSujet: Re: Lettera da u fronte   Lettera da u fronte EmptyLun 16 Avr - 17:49

mipiace
Revenir en haut Aller en bas
Contenu sponsorisé





Lettera da u fronte Empty
MessageSujet: Re: Lettera da u fronte   Lettera da u fronte Empty

Revenir en haut Aller en bas
 
Lettera da u fronte
Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Prosa-
Sauter vers: