Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 E meie

Voir le sujet précédent Voir le sujet suivant Aller en bas 
AuteurMessage
Isula
Amministratore


Messages : 14
Date d'inscription : 24/02/2012

MessageSujet: E meie    Dim 26 Fév - 23:09

Lumaca

Lumaca sò
Casa à zozzò…
Lumaca sò
Bavacciulò…
Lumaca sò
Piattì piattò…
Lumaca sò
È mi ne vò !




Branculiò

Marmaruculu sò,
Ottu zampe maiò,
Per tarra mi ne vò,
Sò u branculiò !




Eppuru si move !

Disse a mio maestra di scola
Chì u sole mai si move…
Eiu ci crelgu ma mi scumoda
Chì s’asconde quand’ellu piove !

« Si move ! Mi disse u macu,
Perchè da chì a notte ghjugne,
Torna rossu chì pare un bacu
È subitu si caccia à fughje ! »

’Ci ch’ella gira a pianeta
Ma ch’ellu ùn si move u sole…
Eiu ci crelgu ma u pueta
M’hà dettu ch’elle eranu fole !

« Si move ! Mi disse a fata,
Perchè, cù a luna è e stelle
Quand’ella vene l’attrachjata
Ghjocanu à e piattatelle ! »




Barbibiancu

Barbibiancu è chjuculellu,
Vistutu di seta è d’oru,
Falgu da Valduniellu
Cù u mio sumere Moru.

Sò Barbibiancu
È macu sò,
Senti u cantu
Ch’eiu ti dò !

Annant’à u mio mantellu,
Cum’è più bellu dicoru,
Una fata di u celu
Hà cusgitu un frisgiu d’oru.

Sò Barbibiancu
È macu sò,
Senti u cantu
Ch’eiu ti dò !

Annant’à u mio cappellu,
Cum’è unicu tisoru,
Una fata di u celu
Hà messu una stella d’oru.

Sò Barbibiancu
È macu sò,
Senti u cantu
Ch’eiu ti dò !

Sò Barbibiancu
È macu sò,
Ti dò stu cantu
È mi ne vò !



Quale hè ?

Quale hè quale hè chì pichja cusì ?
Quale hè quale hè ùn la possu dì…

Sarà Pitrantone
Cù u so bastone
Nant’à u stradone ?
Pò esse di sì…

Quale hè quale hè chì pichja cusì ?
Quale hè quale hè ùn la possu dì…

Sarà Intunietta
Cù a so trappetta
Chì fala pè a stretta ?
Pò esse di sì…

Quale hè quale hè chì pichja cusì ?
Quale hè quale hè ùn la possu dì…

Sarà ziu Sippellu
Cù u so martellu
Chì ficca un chjavellu ?
Pò esse di sì…

Quale hè quale hè chì pichja cusì ?
Quale hè quale hè ùn la possu dì…

Sarà ziu Ciccolu
Cù mazza è cugnolu
Chì sbacca un quarciolu ?
Pò esse di sì…

Quale hè quale hè chì pichja cusì ?
Quale hè quale hè ùn la possu dì…




Mi piace a cicculata

Mi piace a cicculata,
Induve diavule sarà ?

Perchè a piatti o mà
In cima di u placcà ?
A sai chì l’aghju da truvà,
Chì di tuttu sò capace :
Eccumi nantu a scala !

Attenti chì ai da cascà !

Collu o mà ùn t’inchiità !
Innò, ùn vogliu micca, fala !
Collu, collu, vogliu cullà !
Chì piacè ch’ella mi face
Un’asta di cicculata !
L’aghju, l’aghju, l’aghju, l’aaaah !
Avà sò cascatu o mà !
Tù l’avia detta ma…
A cicculata mi piace.




Piripì

Piglia una ghjanda, caccia a cuppulella, tira più forte, aiò o pocu tira !
In cima, taglia appena di cultella, ficcaci un steccu : eccu u piripì.
Rimarca, s’è tù l’ai, hè ancu megliu un fulminante, aspetta, millu quì !
Incù duie dite stringhji è fallu girà, lasciami fà, mì o pocu, cusì...
Piglialu tù, prova à fallu girà... bravu ! cusì ! barda quant’ellu gira !
ÌPIRIP U PIRIPÌ U ÌPIRIP U PIRIPÌ U ÌPIRIP U PIRIPÌ...




Revenir en haut Aller en bas
Voir le profil de l'utilisateur http://isula.forumactif.com
Dolod'Orezza



Messages : 26
Date d'inscription : 26/02/2012
Age : 47
Localisation : Bastia

MessageSujet: Re: E meie    Dim 26 Fév - 23:18


E pigliu vulinteri e piccule filastrocche pè i chjuchi chjuchi. Scusate u mo corsu. Sò principiante. Suspiru...
Revenir en haut Aller en bas
Voir le profil de l'utilisateur
Ruclinonu Solechjari



Messages : 518
Date d'inscription : 27/02/2012
Localisation : Casinca

MessageSujet: Re: E meie    Lun 27 Fév - 19:38

Mi pare d'avèlle ghjà viste ultimamente in altrò, in un libru. scratch
Libru brigliante d'altronde.
Revenir en haut Aller en bas
Voir le profil de l'utilisateur http://appuntamentu-corsu.forums-actifs.net
Contenu sponsorisé




MessageSujet: Re: E meie    Aujourd'hui à 9:10

Revenir en haut Aller en bas
 
E meie
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Que valent les montres VOSTOK AMPHIBIA

Permission de ce forum:Vous ne pouvez pas répondre aux sujets dans ce forum
ISULA :: Lingua viva :: Scola :: Estru zitellinu-
Sauter vers: