ISULA
Vous souhaitez réagir à ce message ? Créez un compte en quelques clics ou connectez-vous pour continuer.


Lingua è cultura corsa
 
AccueilAccueil  Dernières imagesDernières images  RechercherRechercher  S'enregistrerS'enregistrer  ConnexionConnexion  
Le deal à ne pas rater :
Coffret Pokémon Bundle 6 Boosters EV05 Forces Temporelles : où ...
Voir le deal

 

 Scritti imposti

Aller en bas 
+11
Rappallinu
Maria
Lùlù
Isulanu
Addisperata
u ghjudice
Ghjuvan Filici
SERRA
Sumenta
Ruclinonu Solechjari
Circione
15 participants
Aller à la page : Précédent  1, 2, 3 ... 8, 9, 10, 11  Suivant
AuteurMessage
Maria

Maria


Messages : 1264
Date d'inscription : 28/02/2012
Localisation : quassù

Scritti imposti - Page 9 Empty
MessageSujet: Re: Scritti imposti   Scritti imposti - Page 9 EmptyDim 19 Jan - 9:33

Innò ùn lu cunnoscu micca... risa 
Revenir en haut Aller en bas
http://isulana.blogspot.com
Circione

Circione


Messages : 2212
Date d'inscription : 27/02/2012

Scritti imposti - Page 9 Empty
MessageSujet: Re: Scritti imposti   Scritti imposti - Page 9 EmptyLun 20 Jan - 19:24

Brava o Sperenza
un bellu scrittu  ditone 
Revenir en haut Aller en bas
Maria

Maria


Messages : 1264
Date d'inscription : 28/02/2012
Localisation : quassù

Scritti imposti - Page 9 Empty
MessageSujet: Re: Scritti imposti   Scritti imposti - Page 9 EmptyMar 21 Jan - 9:03

Grazie. felice Hè una storia vera, a prova, aghju tenutu a cartella di l'Inglese.  palidu 

Quandu vi dicu chì i mondi paralleli esistenu... Rolling Eyes
Revenir en haut Aller en bas
http://isulana.blogspot.com
Sumenta

Sumenta


Messages : 2052
Date d'inscription : 25/02/2012

Scritti imposti - Page 9 Empty
MessageSujet: Re: Scritti imposti   Scritti imposti - Page 9 EmptyMar 21 Jan - 12:54

Sperenza a écrit:
Grazie. felice Hè una storia vera, a prova, aghju tenutu a cartella di l'Inglese.  palidu 

Quandu vi dicu chì i mondi paralleli esistenu... Rolling Eyes

Brava o Sperenza  evviva 
un bellu scrittu degnu di figurà nant'à Tarrori è Fantasia! a storia ella stessa mi piace assai ma dinù a to manera di contà.  ditone 
si sicura chì ghjè vera? Scritti imposti - Page 9 1390006889 
Revenir en haut Aller en bas
Sumenta

Sumenta


Messages : 2052
Date d'inscription : 25/02/2012

Scritti imposti - Page 9 Empty
MessageSujet: Re: Scritti imposti   Scritti imposti - Page 9 EmptyMar 21 Jan - 13:19

Ruclinonu Solechjari a écrit:
Aghju un vechju scrittu. Sò ch'ùn cunvenerà micca, postu ch'ùn hè ìneditu, è forse vi ramenterà qualchi ricordi d'un tempu duve erite tutti più ghjovanni di parechji anni, ma u mettu quantunque per memoria.


eramu più giovanni? perchè ai l'impressione chì simu vechji???  rambo  lacrime 


fora di què tengu à fà ti qualchi cummentu nant'à u to scrittu  Wink 
u primu hè chì saraghju sempre stunata da a to imaginazione. ai veramente un talentu per truvà persunaghji è situazione!
hè per quessa chì a to storia meritava d'esse appena più longa, in duie parte, per permette di fà cresce ancu di più u sintimu di paura, di fantasticu ch'ellu fà nasce u to Lernazg. amparemu troppu in furia quale hè  satanassu 
un'antra cosa chì ti vulia dì: attenti  à e repetizione... impieghi troppu "Francescu" è "attempu" per esempiu. facciu u prufessore è ùn si micca quì per esse "currettu" ma mi permettu ste rimarche per via di ciò ch'aghju scrittu più insu. ai veramente qualcosa, un talentu. per serve lu megliu ci vole à fà attenzione à sti detaglii  imbarazzatu
Revenir en haut Aller en bas
Ruclinonu Solechjari

Ruclinonu Solechjari


Messages : 518
Date d'inscription : 27/02/2012
Localisation : Casinca

Scritti imposti - Page 9 Empty
MessageSujet: Re: Scritti imposti   Scritti imposti - Page 9 EmptyMer 22 Jan - 12:01

petra alta a écrit:
Ruclinonu Solechjari a écrit:
Aghju un vechju scrittu. Sò ch'ùn cunvenerà micca, postu ch'ùn hè ìneditu, è forse vi ramenterà qualchi ricordi d'un tempu duve erite tutti più ghjovanni di parechji anni, ma u mettu quantunque per memoria.


eramu più giovanni? perchè ai l'impressione chì simu vechji???  rambo  lacrime 

Tù, micca, ma eiu, ti possu assicurà chì sò invechjatu assai dipoi tandu. Aghju scambiatu più ch'o l'averia pensatu.


fora di què tengu à fà ti qualchi cummentu nant'à u to scrittu  Wink 
u primu hè chì saraghju sempre stunata da a to imaginazione. ai veramente un talentu per truvà persunaghji è situazione!
hè per quessa chì a to storia meritava d'esse appena più longa, in duie parte, per permette di fà cresce ancu di più u sintimu di paura, di fantasticu ch'ellu fà nasce u to Lernazg. amparemu troppu in furia quale hè  satanassu 
un'antra cosa chì ti vulia dì: attenti  à e repetizione... impieghi troppu "Francescu" è "attempu" per esempiu. facciu u prufessore è ùn si micca quì per esse "currettu" ma mi permettu ste rimarche per via di ciò ch'aghju scrittu più insu. ai veramente qualcosa, un talentu. per serve lu megliu ci vole à fà attenzione à sti detaglii  imbarazzatu

Ti ringraziu assai assai. Ne teneraghju contu per i mio scritti à vene. D'altronde, ne aghju ghjà tenutu contu, chì hè quantunque un scrittu rimanighjatu anzianamente.
Revenir en haut Aller en bas
http://appuntamentu-corsu.forums-actifs.net
Circione

Circione


Messages : 2212
Date d'inscription : 27/02/2012

Scritti imposti - Page 9 Empty
MessageSujet: China in Partinellu   Scritti imposti - Page 9 EmptyJeu 23 Jan - 13:26

China  in Partinellu

L’altreri ci era  una china in Partinellu pè  un  associu culturale.  Iè  a sò, hè à  casa di Cristu ma u prisidente di l’associu hè un amicu  è aghju  dicisu d’andacci. Eppo’ mi diciarete  chì  dipoi ch’elli  anu rifattu u stradò  di   Palmarella  ùn ci vole più tantu  à andà quallà.

Appena ghjuntu in la cullata  di a bocca di u Marzulinu eccuti u luminellu rossu  di l’essenza chì  s’accende… Merda ! Avia pinsatu di falla  ind’è Vito,  in faccia  à  a legione — chì hè u mo parente – ma mi ne sò scurdatu. Mi ne falaraghju pianu pianu, basta ch’e tenghi sin’à u Ponte  à  Cinque Arcate, pussibule po! Subitu  dopu ci  hè Shell, spergu ch’ellu  ùn chjode micca troppu à bon’ora. Ghjungu  quallà è hè  apartu, ancu  di grazia ! Facciu u pienu, mi pigliu una  buttigliola di San Ghjorghju è  ripartu subitu chì ùn sò micca in avanzu. Sò prestu sette ore è a china  cumencia à  ottu ore, và bè aghju u tempu.

U  stradò di Palmarella hè  vera chì  l’anu rifattu. L’anu  allargatu bè, ma  e girate po ci sò sempre  è  ùn  vi  parlu mancu  di tutte isse petre amezu stradò  è di e vaccine,  chì  tanti Intervilles ! Eccumi sguasi à a  bocca à a Croce,  custì  u stradò  hè  appena più strettu. In più  bella m’affacca una vittura  in  faccia è m’acceca  incù  i  so lumi… è mi pigliu una petra. Avà sò bellu, quale hè  chì hà da passà à st’ora pè  sti lochi sversi.  In più di quessa hè  bughjicò  tenebrosu, a campa  chì aghju  a lampana annant’à l’Iphone. Guardu inde  u  cascione di  a vittura ma rota  di succorsu  ùn ci n’hè, solu una  spezia di kit incù una bomba è una pompa.  È  fà  è fà, riescu  à ingunfià torna  a rota ed eccumi  prontu à  riparte. Ghjungu  in Partinellu à  ottu ore è mezu. Entru in caffè, ùn anu ancu à cumincià.

Salutu prestu fatta u m’amicu di l’associu, è mi pigliu unipochi di  cartoni… U prima premiu hè  un PC purtevule. Casca  bè  chì  u meiu l’ordì hè  à l’oliu santu. Mi chjingu à un tavulinu è  mi ritrovu accantu à  duie vechje incù  e so pedine di  cumpetizione. Eiu  invece m’aghju  chjappu dui fasgioli.  À  ogni partita ci sarà duie chine è  una tombula, ci hè sei partite  in tuttu.  Attacchemu u  ghjocu.

Silence! dice quellu chì hà da  chjamà  i numari.

Inde  i tempi  i  numari i  facianu chjamà à quelli  chì cunniscianu tutti i cugnomi : 2 « i mei » ; 5  « a lesina » ; 10 « u  berciu » ; 33 « l’anni  di u Signore » o « di  a scagliola » ; 77  « e zappette » ecc.  I numari  anu sugni cugnomi o sguasi. Ma mi pare  chì  oghje  per chjamà  i numari basta  à sapè  cuntà sin’à nuvanta è  di preferenza  in  francese. Piccatu. È stasera hè listessa. Benchì l’associu sia  « culturale » u  tiradore ellu  i numari i  chjama in francese è in più  incù l’accentu marsigliese  :  

Le 35 ! dice  quellu
35 ou 37 ? risponde  a ghjente.
— Dilla in corsu ch’e  capischimu ! dice unu ridendu.
— Ou trentadjinquouai ! – sempre  cù l’accentu marsigliese…


Infine, lascemu  corre… Sò trè ore ch’e  ghjocu è  u più ch’aghju fattu  sò dui terni.  Invece e  duie  vechje accantu à  mè  anu digià fattu sugne chine  è una hà ancu  fattu  tombula  à  a prima partita  è  s’hà  vintu un prisuttu.

— Attacchemu l’ultima partita, quella  di u PC… attenti o ghjente ! à  i vostri cartoni ! dice l'urganizatore.

Le 3 ! dice  u  tiradore
Mì chì l’aghju !
Le 26 !
Mì chì l’aghju torna!  avaria  ancu mughjatu  « ambu ! »  per  fà  piacè   à u m’amicu di l’associu ma ùn mi  vogliu micca  fà rimarcà, eppo’ ùn  cunnoscu  à nimu quì.

Le 15 !
Mì mì mì chì l’aghju ! mi face un  ternu...

Le  43 !
Buuuh! l’aghju ! avà aspettu !

Le 85 !
— China !  

Affacca  u  m’amicu di l’associu è  dice  i mo numari  à alta  voce, l’aghju tutti, miraculi ! A prima volta  ch’ella m’accade !  I cinque primi numari è facciu una china secca secca, incredibule !

A partita  ripiglia… dece minuti dopu aspettu torna pè  a china,  mi ci vole  u 17 è  in più  di quessa e duie file sò annant’à u listessu cartone !  Ma ùn  sò micca solu, vecu chì a vechja accant’à  mè  aspetta dinù ella, è  cum’ella  aspetta ella  saranu parechji à aspittà  pè a siconda  china… ma mi ne impippu, eiu aghju digià  sguasi tombula, è mi  vecu digià riparte  in casa  cù un PC novu  framante.

Le 54…  le 33, docteur! le 66…  
— China ! mughja a vechja…

U m’amicu urganizatore  virificheghja a  china  di  a  vechja  strega… hè bona, a partita  pò ripiglià.

Le 27
L’aghju !
Le 80 le 6
L’aghju ! eccu !  torna dui è   facciu  tombula…

Le 20
— O ghjente  fate menu  tazzu ! Ùn  si sente mancu i numari ! dice un vechju, azezzu…
90
— Nuvanta ! Babbone ! mughja u m’amicu chì avà  ripete tutti i numari in corsu per chì a ghjente  capischi… era  ora.
77
— Sittantasette ! ripiglia u m’amicu, e zappette!
88
— Ottantottu ! E pastoghje !
O puttana ! L’aghju!!!  Ci  simu sguasi, aiò !

Le 17
— Tombula !!!  
Ùn  l’aghju mancu lasciatu  ripete in corsu ! U m’amicu mi surride è  s’affacca per  virificà i  numari.


Le 3 !
Oui ! risponde  u   tiradore
Le 6 !
Le  6 ou le 10? putaing vos  gueules  on  n’entend rieng !
Le 6, u  sei !
Oui !
Le 15, u quindeci !
Oui ! tchè !

E  duie vichjacce mi lampanu certi sguardi…

Le  27
Commaing  ti as dit ? le 25 ?
Non ! le  27, u vintisette !
— Innò oun tchè micca  couèssu putaing ! ou ouintidjincoué djè ma micca  u ouintisiétté !

Avà  mi guardanu  tutti in  catarochju...   Ancu  di grazia  chì  ùn   aghju micca  guadantu… Chì saria stata ! Inquant'à mè  di vede u solu fristere  chì ci era riparte incù  u prima  premiu  ùn l'avarianu micca ingullita. Mi  sentu quantunque appena vargugnosu ma soprattuttu stumacatu…  Ch'ellu sgia maladettu  quellu Corsu impinzutitu è  u s’accentu di merda, ùn lu possu più pate !

A partita  ripiglia…

Le  5
— U cinque, a lesina !
Le 18
— U  diciottu, u to  culu hè  cottu !
Le 66
— Sissantasei, i  cardinali!
— Tombula !!! mughja a mo vicina…

Ch’ella sgia  stinta ! Chì  n’hà  da  fà  sta vichjaccia di un  PC? Hà da andà annant’à  Facebook ? Aiò !

M’arrizzu, vocu  à  vede  u mo amicu  chì  mi  rimette  u lottu  di a  mo china :  Una buttiglia di Marie Brizard, un T-shirt XS è un pacchettu di canistrelli, beuh…

— Tè o  Circiò, i to "rigali"! dice quellu mortu  di risa…
Tandu, ridendu anch’eiu :
— Ùn voli micca  dumandà à  issa vichjetta s’ella vole barrattà cun mè?  À e  vechje li  piace a Marie Brizard! è mi licinzieghju.
— Ubba! Ti  n’ai da andà avà ?  Aiò statti  chì ci emu da  beie un colpu !
— Innò, basta cusì, sò  cripatu  eppo' aghju  a strada  à  fà,  hè megliu  ch’e mi ne  vochi subitu…
— Và  bè, ùn 'sistu micca, è fala pianu chì ci  sò e petre annant’à u  stradò !
— Tù ridi ma  s’e  crepu torna, vinarè tù  à circammi !
— Iè vengu ùn t’inchiità, basta  ch’ellu passi Sfr è  ch’è tù possi  chjamà. Allora vai avà s’è t’ai da  andà è  cerca  à affaccatti  pè  a prossima china ! Ne femu  un’antra u  25 !
— Innò, ti  ringraziu, basta cusì  e chine… le loto stop!
Revenir en haut Aller en bas
Ghjuvan Filici

Ghjuvan Filici


Messages : 194
Date d'inscription : 25/02/2012

Scritti imposti - Page 9 Empty
MessageSujet: Re: Scritti imposti   Scritti imposti - Page 9 EmptyVen 24 Jan - 2:47

N198



— T’accadi suventi di fà u stop cussì ?

— Bah… quì ùn possu fà altrimenti. M’allughjaiani à l’hôtel in Bonifaziu indu duviu fà a staghjoni, ma m’ani missu fora à capu d’una sittimana, allora com’è socu vinuta cù u battellu… capiti… è ch’e’ socu à pedi, ùn possu fà altrimenti. Po’ ci hè un amicu chì m’hà trovu ‘ssu travaddu in Muriani, pà finiscia a statina… t’aghju u numaru di u stabilimentu… Ma par ghjunghjaci ci hè a strada. Dunca mi socu missa à a surtita di Santa Lucia (u me amicu stà in Santa Lucia) è spiraiu bè di truvà à calchì ad unu di simpaticu.

— Hè di Santa Lucia u vosciu amicu ? Ùn pudia fà u saltu sin’à Muriani ?

— Innò… capiti… iddu hè risturatori, nant’à a spiaghja, in ‘ssu mumentu ùn pò micca lacà u so lucali. È po’… infini… l’altra sera hè stata un pocu strana. Micca chì no ci semu liticati, nò, ma aghju capitu chì trè ghjorna ind’è d’iddu era troppu. Ancu assà aviu ghjà chjamatu à l’adrizzu ch’e’ vi dicu, è accettani di piddammi à u provu, calchì tempu.

— Iè, capiscu.

— Chì musica hè ? Possu cambià ? Ùn vi dirranghja micca ?

— Cambià ? Johnny Cash ? Vuleti rida…

— Hè un pocu… ùn la so’… micca ringard, nò, ùn voddu micca dì ‘ss’affari, ma faci un pocu vechju. Hè musica pà i western ? Hè bizarra…

— Bizarra…

— Innò ma mi piaci, ma… vi piacini i western ?

— Ùn hè micca pà i western. Hè country, di i volti, micca sempri, ma ùn hè micca a suppa country chì no pudemu senta… infini… hà cantatu cù Dylan, cù i più maiori, facia u ghjiru di i prighjò, hè cunnisciutu quantunca…

— Ci hè u caldu, nò ? Vi dirranghja sì ghje’ mettu u pedi fora, cussì ? Parchì à certi ùn li piaci micca chì a parsona mittissi u pedi fora. Dicini faci vulgari.

— Ghjà chì vo ci seti…

— Ah vi ringraziu. Pà viaghjà hè meddu à essa bè, in u cunfortu voddu dì… Po’ hè meddu cussì, sentu bè l’aria. Quantu ci hè pà andà in Muriani ? Hè longu nò ? In Corsica i stradi sò sempri longhi ! Quandu vidimu da fora cridimu ch’hè minori, ma nò.

— Diciaraghju… un’ ora è quartu un’ ora è mezu, affari cussì.

— Iè, quantunca. Vi piaci da veru ‘ssa musica ? Chì hè com’è vittura ? Hè una bella vittura, devi viaghjà prestu.

— Volkswagen… Das auto…

— Ah iè, a publicità. Una bella vittura. Devi custà un bracciu. Hè nova ?

— Iè, nova.

— Viaghja bè, nò, si diciaria…

— Iè, sicura. Infini, socu cuntenti. Po’ fideli à i vitturi alimani.

— Chì feti in a vita ? Vi possu dumandà, ùn v’annoiu micca ? Voddu dì ùn seti micca un gangster, o calcosa cussì ?

— Ahaha ! Nò… scrivu i libra.

— Scriviti i libra ? Da veru ?

— Iè, da veru.

— Vuleti dì : com’è unu scrivanu ?

— Iè, socu scrivanu, hè quissa.

— Innò ?! Hè magnificu ! Mi piacini monda i scrivani, voddu dì l’artisti, quissi chì cantani… Eu dinò, à a me manera, possu dì ch’e’ socu un’ artista. Innò, da veru, socu un’ artista. Baddu, hè quissa ch’e’ facciu u meddu (apru un pocu ‘ssa camisgia ma hè solu ch’e’ t’aghju u caldu da veru, ùn vi ni feti, mi socu tena). Infini, iè, baddu. In Muriani aghju da pudè fà ciò chì mi piaci, parchì à dilla franca l’hôtel mi piacia pocu è micca. Senza indiscrizioni, seti cunnisciutu ? Campeti bè cù i libra ?

— Cunnisciutu… Innò, cussì. Ma bò, mi sbrogliu. Iè, possu dì ch’e’ campu cù i libra.

— È chì libri sò ?

— U più ch’e’ facciu sò rumanzi, pulizzieri, raconti d’avvinturi, di viaghji, infini, cosi chì piacini à l’aienti…

— Chì eti scrittu ch’aghju pussutu leghja ? Innò. Diti, parchì ùn pari micca ma legu ! L’ultimi grossi venditi i compru, videti, ni facciu rigalu à l’amici. Com’è i Goncourt par esempiu. Eti vintu u Goncourt ?

— Ah, nò ! Par disgrazia ! Ùn l’aghju micca vintu. Ma inveci cunnoscu u tippu chì l’hà avutu. L’ultimu Goncourt…

— Innò ?!! U cunnisciti ? Hè straurdinariu !

— Boh… Sì vo u cunnisciati forsa ùn la diciariati micca, quissa !

— Hè u vosciu amicu ?

— Iè, iè, un amicu, certamenti.

— Magnificu ! Mi piaciaria à cunnoscialu !

— À l’occasioni, parchì micca ? Hè un bravu tippu.

— Devi avè un successu trimendu !

— Ah iè ! Sicuramenti.

— Infini, u successu dinò cù i donni, nò ? Una celebrità cussì, i donni li devini curra impressu !

— Iè, pò dassi, ma a vi dicu à vo è ùn la diciareti à nimu : infatti i donni l’intaressani pocu. Capiti ?

— Vuleti dì : hè un gay, hè quissa ?

— Bah… Hè u so drittu, ùn hè micca un difettu…

— Nò, nò… mancu à pinsalla. Ci hè monda gay in più in i mezi artistichi. À mè ùn mi dirranghja micca.

— Tantu meddu, à mè nemmancu.

— Avali chì vo a diti, infatti, l’aghju vistu ind’è Ruquier… hè vera ch’iddu faci gay, quandi no a sapemu voddu dì… Vo, ùn seti micca gay, nò ?

— Ahaha ! Iddu a v’accordu saria guasgi una tappetta, ma eu, nò. Manc’appena. Pudaria essa ma nò. Ancu puri malgradu certi cosi ch’e’ scrivu, innò, socu più classicu, diciaremu.

— In u stessu tempu si vidi chì vo ùn seti micca gay.

— Vi ringraziu… infini… pensu ch’hè un cumplimentu ?

— Iè. Di nudda. Innò ma ciò ch’e’ pensu hè chì… paragunendu à u vosciu amicu, capiti… infini, feti un pocu più virili, hè sicura. È vo chì eti scrittu ?

— Dimu chì, ultimamenti, aghju avutu un picculu successu, m’hà pirmissu di cumprà ‘ssa bella vittura chì vi porta in Muriani.

— Ma u libru, chì hè u so titulu ?

— Hè… ùn riditi micca ! Ma hè : U Murtoriu chì sona pà u to Culu. N’avareti intesu parlà, forsa…

— Innò !!! Seti l’autori di U Murtoriu chì sona pà u to Culu !!! Wahù !!! Ùn la credu micca ! L’aghju compru in più ! Aspitteti… innò… ùn mi diti nudda… seti… innò, lachetimi truvà…

— Ci eti da sbuccà ?

— Iè ! Iè ! Aspitteti…

— Vi lacu circà.

— Ghjuvannn… Ghjuvannn… Ghjuvan Francescu…

— Innò. Filici.

— Iè ! Ghjuvan Filici ! Hè quissa ! Ghjuvan Filici Acqua… Acqualonda…

— Innò ! Brusgeti ma nò.

— Acquaviva !!!

— Manc’appena ! Ùn mancaria più chè quissa !

— Aaah… ùn trovu più ! L’aghju quì, nant’à a punta di…

— Iè ?

— …a lingua… Iè… ostia ! Ùn mi veni più.

— Capitani. Ghjuvan Filici Capitani, hè quissu u me nomu.

— Capitani !!! Iè !!! Hè quissa !!! Ma m’eti dittu ch’e’ brusgiaiu !

— Ahaha !

— Vi duvariu minà !

— Mina puri.

— Ma ùn hè micca pussibuli ! Mamma ! Socu in vittura cù u celebru Ghjuvan Filici Capitani ! Nò, ma alò ! ùn la credu micca !

— Calmetivi. Ùn so’ chè un omu.

— Ma vi rinditi contu ? U Capitani chì scrivi i libri ! Quissu chì surtia cù Kim Kardashian ! Tuttu u mondu cunnosci ‘ssa stodia ! N’ani parlatu in a stampa people ! U scandalu di a rumpera annant’à u plateau di Canal+… ‘Ssu cantadori di hip hop, ghjilosu, chì avia prumissu di sciappavvi a faccia…

— Kanye West, iè, un poru connu.

— Iè !!!! Kanye West !!!!

— Infatti ùn suppurtaia micca ciò chì Kim avia cuntatu in i ghjurnala, stu paragonu ch’idda facia da iddu à mè, è ch’ùn era micca in u so favori. Infini, ùn voddu mancu parlà di st’affari…

— Iè…

— Iè, dicia chì l’affari di i Neri, ch’iddi sò muntati com’è cavaddi, infini dicia ch’era una lighjenda. Dipoi ch’idda cunniscia unu scrivani com’è Capitani, dicia, avia scupartu ciò chì « un’ anatumia sprupusitata » (citu i so parolli) pudia raprisintà…

— …

— Ma bò, sò stodii chì… comu dì… chì mi facini di u tortu. À mè ‘ssa pipulizazioni ùn mi piaci tantu, videti, socu piuttostu un tippu discrettu, chì li cunveni a simplicità. Ùn mi piddu micca u capu, l’affari vani è voltani, capiti, un ghjornu se quì, u lindumani rifali i scali, ci voli di firmà cù u ciarbeddu chietu, eccu, hè un pocu cussì a me filusuffia di a vita…

— Hè straurdinariu…

— Bah, a vita hè fatta à scali dicia l’altru.

— Bicu i vosci parolli… socu quì è vi stocu à senta… è mi dicu ch’hè esattamenti com’è in i vosci libra… Socu d’accordu in tuttu cù tuttu ciò chì vo diti…

— Da veru ?

— Mi scusu ma… innò, a dicu : a vita m’hà fattu un rigalu, oghji, mai avariu pinsatu… Capiti, stamani, nant’à ‘ssu cantu di strada, ùn aviu tantu u murali. Cù Olivier ùn s’era tantu passata bè (Olivier hè l’amicu ch’e’ vi diciu di Santa Lucia, chì infatti ùn hè micca di Santa Lucia, ma lachemu corra), infini, ci semu lacati, senza mancu un avvedaci… po’ partiu pà l’avvintura, un pocu, è qual’hè chì mi pidda ? Un tippu chì si ni scontra unu in a so vita, pò dassi. Olivier, hè tuttu u cuntrariu, sì ghje’ mi possu pirmetta. Un tippu di a muntagna, pocu ciarbeddu, chì hà fattu un pocu tutti i mistieri, prufissori, cantadori, studianti, è chì hà fiascatu à pocu pressu tuttu nanzi di vena à perdasi quì cù a so pagliotta, è i so picculi cumbini, a lucazioni di i jet, cunnarii cussì… Ma a vi facciu curta, è dunca iè, stamani, malgradu u caldu, è u soli, stamani u celi mi pari abbughjatu. Mi diciu chì a me vita ùn valia tant’affari, innò, ùn valia nudda…

— Capiscu.

— È avali socu quì, accant’à vo, è… è ùn la credu mancu ! Una celebrità ! È forsa u tippu u più passiunanti chì…

— Aiò…

— Pirmittiti ? Pirmittiti ch’e’ vi basgi ? Diti di sì ! Par piaceri !

— Ahaha ! D’accordu… Ma pianu, socu in traccia di cunducia…

— Wahù !!! Vi basgiu è vi stringhju contr’à mè ! Quandu l’ani da sapella i me amici, Lauren è Christie !!!

— Pianu, dicu ! Ahaha !

— Nò, avali vi basgiu ! Ùn busgeti !

—….

—……….

—……………….

—……………….

— OK, chì hè u to nomu ?

— Sam. Samantha, mi chjamu.

— Sam, voli ch’e’ mi gari ?

— Iè… Iè.

— Fighjola o Sam, se ùn brava zitedda. Eu, cù a vita ch’e’ t’aghju, i sullicitazioni è u restu, ci voli chì tù a sappii : ùn mi liu micca.

— Garati puri. Oghji se u me rigalu. È dumani farà ghjornu.

— Samantha, a me cocca, fighjola… ùn ha’ da micca da rigrittà ?

— Nò. Cacciala puri avali, è arresta di parlà. Voddu veda ciò chì Kim hà vistu cù i so ochja.

— Sam, dopu sarà troppu tardi… a sa’…

— Oooh… Diu !...

—……

— Laca fà… Laca fà à mè avali, o Ghjuvan Filì.
Revenir en haut Aller en bas
Circione

Circione


Messages : 2212
Date d'inscription : 27/02/2012

Scritti imposti - Page 9 Empty
MessageSujet: Re: Scritti imposti   Scritti imposti - Page 9 EmptyVen 24 Jan - 8:20

ùn avia più risu cusì davanti à l'ordì dipoi Mirvella! Bravu o Ghjuvan Filì!

 cheers cheers cheers 
Revenir en haut Aller en bas
Lùlù

Lùlù


Messages : 774
Date d'inscription : 04/11/2012

Scritti imposti - Page 9 Empty
MessageSujet: scritti imposti   Scritti imposti - Page 9 EmptyVen 24 Jan - 9:59

Ò zitelli ùn avete micca più longhe ! tra quesse è e puesie di 19 ballate !
ùn ghjungu mai in fondu
ditecila nanzu ! piglieremu a nostra ghjurnata per leghje !
Revenir en haut Aller en bas
u ghjudice

u ghjudice


Messages : 200
Date d'inscription : 26/02/2012

Scritti imposti - Page 9 Empty
MessageSujet: Re: Scritti imposti   Scritti imposti - Page 9 EmptyVen 24 Jan - 12:04

Circione a écrit:
ùn  avia  più  risu  cusì davanti  à l'ordì dipoi  Mirvella! Bravu  o Ghjuvan Filì!

 cheers cheers cheers 

U passagiu nantu à Goncourt hè magnificu di verità...
Revenir en haut Aller en bas
Sumenta

Sumenta


Messages : 2052
Date d'inscription : 25/02/2012

Scritti imposti - Page 9 Empty
MessageSujet: Re: Scritti imposti   Scritti imposti - Page 9 EmptyVen 24 Jan - 12:57

cusì belle letture cù Circione è Ghjuvan Filici... ognunu in u so generu  risa 
mi sò campata! ma devu ricunnosce anch'eiu chì u capitanu hà fattu forte  evviva 
Revenir en haut Aller en bas
Rappallinu

Rappallinu


Messages : 437
Date d'inscription : 25/02/2012

Scritti imposti - Page 9 Empty
MessageSujet: Re: Scritti imposti   Scritti imposti - Page 9 EmptyVen 24 Jan - 13:11

Bravi o zitè !

Ma bon, un pocu di rialismu quantunque... Circione à l'orlu di fà tombula è un tippu chì si chjamaria Ghjuvan Filice Acquaviva... Aiò  risa 
Revenir en haut Aller en bas
Rappallinu

Rappallinu


Messages : 437
Date d'inscription : 25/02/2012

Scritti imposti - Page 9 Empty
MessageSujet: Re: Scritti imposti   Scritti imposti - Page 9 EmptyVen 24 Jan - 19:21

JESSICA


Aostu infiarava l’aria. Ghjuvan Filici avia chjappu a so vittura nova è si n’andava à visità a pescia maiò chì li risistia dapoi una simana. Stava piatta in un picculu pozzu assitatu da l’estate ma cù miraculi di tane chì li pirmittianu di francassila. Avia pruvatu tuttu, lenza morta, piscaghjola, fuscina è ancu panculate un ghjornu chì l’ira u s’avia cunsumatu. Oghje, ci passaria sta burdana ! À fucilate a pigliaria s’è bisognu ci n’era…

Rullendu per a furesta,  u spiritu persu nu e centu manere d’accumudà u pisciacone è tichjassine a sera, ùn vidì micca subitu a zitella à bor di stradò chì li facia cennu di cansassi. Frinò cinquanta metri dopu è si fece una marchja in daretu cum’ellu e sapia fà… A ricunniscì à u colpu, era Jessica, una figliola di giandarme ch’ellu avia avutu in terminale dui anni prima. L’avia sempre fattu effettu sta giuvanotta chì sapia cusì bè pruvucallu svilendu una spalla o scrignendu ciò chì ci vulia a so camisgia. Li prumittia, à a mutesca, d’offre a so pelle nuda à i so basgi scemi. A fece cullà in vittura è principionu à discutassila. Era partuta à pruminà è avà n’era à l’accordu di viaghjà è u ringraziava assai d’essesi arrettu. Era nurmale disse Ghjuvan Filici, ùn pudia lascià una giuvanotta in u bisognu è ridia, sunniendu chì u ringraziu sia più caldettu cà cusì.

Ponse una manu nant’à a so coscia è u lasciò fà. A sapia ciò ch’ella bramava è pinsava ch’ella saria un deliziu per ella è per ellu. Ci vulia ch’ella fussi abastanza viziosa per ch’ellu ùn appia bisognu di custrignela à fà certe cose ma dinù nucente un pocu da pudella stunà cù a so sapienza di e cose carnale. Prima cù e s omani, aprendu strade appena visticate da d’astre menu sperte. Eppo’ cù a so bocca, tastendu u difesu, l’inimaginevule, saria u Pygmalion di u so piacè novu, spulendu u so sapè vuluttuosu. Ùn cuntava micca di ghjucài Humbert Humbert è lasciassi andà à e scimizie nimfolette è nemenu innamurassi di sta Lolita di paccuttiglia. Una volta saziata a so fame fantasmatica, a si lasciaria, magnanimu, per chì d’altri, in d’altri lochi è d’altri tempi, cugliessinu i frutti di u so insignamentu. Jessica li dumandò di piantà. Si fecenu falà è viaghjonu nant’à una cintunaia di metri per truvà un’intimità più prupizia à iso prugetti. Ghjuvan Filici s’appruntava à u pranzu di i sensi. A siconda dopu li si parse chì u so capu schiattava è cascò in pianu.

Quand’ellu si discitò era appiccatu à capu ingnò tal un salamu d’Agnaronu, spugliatu cum’è a l’ora di a so nascita. A so bocca, chì avia sunniatu di tanti basgi infiarati, era tuppata da un pizzacciu di stofa bruttu è puzzulente. Ingiru à ellu, miraculi di capatoghji tralasciati da l’anni cumpunianu un sottusopra senza nome. Cù i so bracci, stranamente libari, ch’ellu stinzava à staccalli di e so spalle, circava à sullagià una cria a so carne chì a funa tazzava. E so dite pudianu ghjustu sfiurà u sulaghju taccatu d’una materia nera ch’ellu ricusava d’identificà è ognunu di i so sforzi facia cresce u dulore. U capu à l’orlu di scuppià, vide ind’una nebbia pagna, trè macacciule chì si facianu entre indu a pezza. Mentre chì duie s’avvicinavanu, a terza si firmò indu l’ombra. U primu pichjò à u fecatu eppo’ fù u dilughju. Cum’è dui buzzori nant’à un saccu di rena, minonu à sciappassi e mani. Per e so anche, s’armonu di legnu è di farru. Ghjuvan Filici sintia u sangue invadeli a gola è impicià u stracciu chì assuffucava i so stridi. U lume zirlò brusgenduli l’ochji. In un ultimu sforzu per teneli aparti, vide à Jessica. Passava da unu à l’altru di i so boia mursichenduli a bocca di basgi diavuleschi. Infine s’avvicinò, cacciò u pezzu di stofa libarendu un imbuleghju liquidu è infettu chì u sulaghju parse ingollesi. U chjappò per i capelli, appiccicò e so labre à e soie è, d’un colpu nettu, u scannò.  
 
Quand’ellu fù ritrovu, u so baschicciu ghjacia nant’à una mansa di mullizzu, mezu magnata da i porchi, in fondu à a furesta.


Dernière édition par Tittolu le Sam 25 Jan - 12:27, édité 1 fois
Revenir en haut Aller en bas
Ghjuvan Filici

Ghjuvan Filici


Messages : 194
Date d'inscription : 25/02/2012

Scritti imposti - Page 9 Empty
MessageSujet: Re: Scritti imposti   Scritti imposti - Page 9 EmptySam 25 Jan - 11:42

Rimpruvareti à l'altri a so credibilità, o Monsieur Tittolu, ma vo diti n'importa chì !

In furesta d'Agnaronu, sò l'asini chì si manghjani i cristiani, è micca i porci !






(ditta quissa : bella adattazioni ! banana )
Revenir en haut Aller en bas
Addisperata

Addisperata


Messages : 205
Date d'inscription : 10/03/2012

Scritti imposti - Page 9 Empty
MessageSujet: Re: Scritti imposti   Scritti imposti - Page 9 EmptyDim 26 Jan - 17:17

una campa issi testi! lamperaghju u meiu, ancu s'è dopu à voi, ùn ci vulerà micca à paragunà.

Ghjuvan Fili : sappia chì prestu a N198 s'hà da chjamà T ùn sò quantu (Territuriale). Cambia tuttu, nò? surrisu
Revenir en haut Aller en bas
Circione

Circione


Messages : 2212
Date d'inscription : 27/02/2012

Scritti imposti - Page 9 Empty
MessageSujet: Re: Scritti imposti   Scritti imposti - Page 9 EmptyLun 27 Jan - 9:18

O Francesca, scrivi puru, è ùn appia pinseri pè u restu.

Peghju cà e bugie di GF ùn pudarà micca esse.
Revenir en haut Aller en bas
Circione

Circione


Messages : 2212
Date d'inscription : 27/02/2012

Scritti imposti - Page 9 Empty
MessageSujet: Re: Scritti imposti   Scritti imposti - Page 9 EmptyJeu 30 Jan - 0:47

China in Partinellu  # 2


Sò mezanotte passate, ci vole  ch’e  falghi  avà, ch’ella  ùn m’appia  da piglià a penciula…

Collu in vittura, mi mettu un CD  di i  Steeldrivers, un  gruppu  di bluegrass, u tippu  hà  una  voce  terribule.  À  mè  u bluegrass mi piace… U m'amicu Ghjuvan Filice ellu hè piuttostu  Country, sapete  a musica  di  « L’homme qui  tombe  à pic » issu  genaru  custì... Viramente  una musicaccia! Ùn li  supportu micca  tutti sti cantadori vistuti da  cowboys, incù  e so botte, i so cappillacci è soprattuttu e so bassacce è  e  so ghitaracce eletriche. Anu viramente un sonu  fragicu. U bluegrass invece  hè una musica di  quelle! Una contrabassa, un banjo, una  mandulina è un  viulinu, cù  u  sonu lindu di una Martin  o di una Gibson – què  sì chì sò ghitare!  Senza  parlà di  l'accordu di e  voce, cantanu in paghjella  anch'elli mirà!   Infine… Mettu u CD... "Well, Judge looked down gave me fourty days instead of the fine that I could not pay"

Curzu… Osani… a  bocca à a Croce, tuttu  si passa  bè, aghju a mo musica, penciula micca, vaccine  ùn ci n’hè più. Ci vole quantunque  ch’e  falghi pianu pianu perchè  e  petre ci sò sempre è ci ponu  esse ancu  i  cignali. Basta  chì  ùn  crepi, chì a bomba a m’aghju  ghjutata sana  sana  anzora per  riparà  a rota. Ognitantu ghjettu un  colpu  d’ochju  à u  telefonu, da l’avà passa sempre.  Nanzu di  ghjugne in Palamarella mi vecu una vittura tutta scangarata, inquanti à mè  s’hà fattu qualchì tumbatellu. Inchjacche ci n'hè  da  tutte e parte.  Annant'à u  cappottu, e purtiere, u tettu… Mi  cansu appena più in là è vocu  à vede. Ùn si sà mai. M’avvicingu di a vittura incù  a lampana di l’Iphone, è  vecu  una parsona nentru, ùn possu distingue a so faccia piatta sottu à una longa capillera  bruna. Sarà viva ? Firita ? Pichju annant’à  u  vetru…

— Madama ! O Madama !

A donna pesa u capu pianu pianu, si strufina  l’ochji, è mi guarda senza dì nulla…

— Và bè o madama? Site  firita?
— Innò, ùn pensu micca, và bè  vi  ringraziu…

È prova à  apre a purtiera tutta inchjaccata, quella di u passageru chì a soia hè bluccata contr’à a muraglietta.

— Aspittate  ch’e  v’aiuti…
— Vi  ringraziu…
— Và  bè  site  sicura ? Ùn avete nulla?

Hè  arritta, ùn pare micca firita, hè appena abbambanata chì  a scuzzulata hè   stata grossa, eppo’ durmia… Pare cuntrariata, ma  in listessu tempu devesse un sullevu per  ella di vede à qualchissia…

— Innò,  ùn  aghju nulla… Vi  ringraziu!
— È cum’avete  fattu u  vostru  contu ? una vacca ? una petra ?
— E duie ! In piena girata  ci era una vacca à mezu  stradò, aghju  datu un colpu  di  chjerchju  è  m’aghju pigliatu  una petra, hà schiattatu u pneu. Dopu aghju persu u  cuntrollu, a vittura hè  falata  in lu fussettu, dopu mi  sò  ritrova annant’à u  tettu, infine, s’hè rimessa annant’à  e  rote per  finisce a so  corsa scema quì contru à  issa muraglietta.
— A  campa  ch’ella ci era  a muraglietta!  Osinnò vi  ne  falavate da sottu… Ete  avutu ancu l’ascianza  a vi  dicu  eiu!
— Iè… Dopu ci era u fume chì surtia da u cappottu, aghju  avutu  a pauraccia perchè ùn ghjugnia  micca  à sorte. Mirà a purtiera e inchjacche ch'ella hà!
— Micca solu a purtiera! A vittura hè  lecca, ùn pò più andà  in locu.
— Iè, aghju avutu u m’accidente saranu  state ott’ore, u telefonu  ùn  passava micca, ùn aghju mancu  pussutu  chjamà i succorsi.  Dipoi ùn ci hè  passatu  nimu, site  u prima ! aghju cridutu di passà a nuttata  quì mirà !  Dopu  avia troppu fretu è mi sò  ficcata in vittura, quand’è  vo site  ghjuntu vinia ghjustu d'addurmintammi.
— Allora inquanti à mè  site  voi ch’aghju  cruciatu anzora…
— Pò esse, da Portu sin’à quì  ùn aghju cruciatu  cà una  vittura…  
— Era eiu  tandu… Aiò ùn emu micca  da  stà  quì  chì face u  fretu, induve  andate ?
— In  Calvi ! mi pudete…
— È quantunque po! Ùn vulete ch’e  vi lasci quì innò?  Alò, pigliate i  vostri affari, è vi  falaraghju in Calvi.
— Vi  ringraziu !

Quand’ella hè intruta in vittura incù u lume  l’aghju pussuta vede, era  viramente una  bella  donna, capellibruna,  ochjinera…  a vi ghjurgu, senza muntavvi a seca, era u veru top model.

Mettu u cuntattu, è  u postu si mette in marchja da per  ellu… " Drinkin dark whiskey, tellin' white lies, one leads to another on a Saturday night "... Eiu a  sò  chì à e  donne u bluegrass li piace pocu, allora  tagliu…

— Pudete  lascià  a musica, sapete… Mi piace.
— Innò ùn  vi vogliu micca impone sta musica di cowboys  – Li dicu cusì perchè  a sò chì pè  a maiò parte di  e donne ch’ellu sia bluegrass o country hè listessa, per  elle hè tuttu musica di cowboys. S’è  vo vulete a musica  guardate  custì  ci hè miraculi di CD.
— Ohhhh Barbara Furtuna! Mi piace assai stu  gruppu…
— Allora mittaremu à Barbara Furtuna…
— A più chì mi piace  hè  a 12! Possu?

“U tempu pò spulà l’ore cum’è  candelle… ùn possu sminticà l’oru di a to pelle…”

— Mi  face piacè  ch’ella  vi  possi piace  una canzona cusì, perchè a sapete, e parolle l’aghju scritte eiu…
— Mi fate marchjà ! Ùn hè micca pussibule! Hè magnifica sta puesia…
— Innò vi ghjurgu, bardate annant’à  u  dischettu  u  nome  chì ci hè è pigliate  u portafogliu  custì… Ci  devesse a mo  cara d’identità.
— Innò! Ùn  aghju micca da…
— Iè! Aiò guardate! Vidarete.

Piglia  u portafogliu, u dischettu, è  vede  chì  i nomi currispondenu…

— Ùn pudete mancu sapè  l’effettu  ch’ella mi  face,  sta  canzona  mi  face  trimà… Sapete  eiu sò vinuta in  vacanze  quì  cù i mo parenti era  una zitilluccia, è  sò innamurata  di  a vostr'isula! Eppo'  sò una  rumantica, a sapete  oghje, aghju pigliatu sta  vittura di lucazione  apposta per andà in Piana, vulia  vede  e calanche, u core… Hè  magnificu!
— Iè  Piana hè  un  bellu paese, è  e calanche dinù sò belle.
— Quandu  vengu in  Corsica  vengu quandu in  Calvi quandu  in  Portivechju. Ma  avà in Portivechju ùn  ci vocu più  tantu perchè aghju avutu una storia incù  un  mittò, chì avia un grossu cumplessu… In  fatti hà prufittatu d’esse un  scrittore abbastanza cunnisciutu in  Corsica per muntammi a  seca  è ùn  sò micca troppu  cum’ella  hè  stata ma una  sera aghju finitu  in lu so lettu…
— Bah, autori  suttanacci ne  cunnoscu dui, unu  hà  avutu u Goncourt, ma   ùn  risicheghja micca d’esse ellu chì e  donne ùn li piacenu micca. Devesse  quill’altru… U  so  amicu. È chì  saria stu cumplessu ?
— Sapete  eiu sò una  donna maritata, sò seria, ma  hè vera  chì a literatura, a  puesia, o  a canzona, sò affari  chì mi  toccanu è  mi facenu craccà, a  v’aghju  detta  sò  una rumantica… È emu  avutu dunque  sta piccula storia incù Ghjuvan Filice… Oups! Avà  aghju  dettu  u  so nome!
— Ùn  v’inchiitate  avia digià induvinatu quale ellu era… È  dunque  issu cumplessu ?
— A sapete, u  cumplessu  di tutti i masci, danu una impurtanza eccessiva à a taglia di u so…  È  pensanu chì noi e donne ùn pinsemu cà  à quessa. Allora sapete,  u  fattu  ch’e sia  maritata incù un Negru,  si punia  assai  quistione... Tandu per ùn cuntrariallu micca li  aghju  fattu crede ch’ellu ùn avia micca à teme u paragone incù u mo maritu...  Figuratevi, u soiu accantu à quellu di Kanye pare tuttu un  gnoccu... ha ha ha ! sò gattiva. Infine, per  ch’ellu ùn s'inchieti micca li aghju dettu cusì… Ma dopu l’aghju quantunque mandatu  à  spassu chì si  vidia  digià in coppiu cun mè è  eiu a  v’aghju detta sò maritata. Infine chì dipoi conta  à chì  vole sente  ch’ellu  hà  fattu purtà e  corne à Kanye, ah  iè, scusate ! Kanye  hè u nome di u mo maritu!
— Ubba ! Tamanta  storia…
— Mi  dispiace  di parlavvi  di quessa, ùn vi cunnoscu micca è m’ete  da piglià pè una scema, o peghju, pè una linguaccia! Ma sapete, hè  ellu chì trasparla…
— Ùn v’inchiitate a sò ch’ellu hè un fanfarone  è  st’affare di gnoccu  ùn mi  stona mancu  appena… ha ha ha!
— Simu digià in Galeria !  Passa prestu u tempu  cun  voi ! Hè  cusì cù  i pueti è  a ghjente interessante…
— …
— Possu mette issu discu  di  i  Chjami Aghjalesi ? a prima canzona  hè  a più chì mi piace !
« Tu du du dun ! A meia a bandera  svintuleghja à l’amore… Tu du du dun !»
— Ùn m’ete micca da crede ma…
— Di chè?
— Innò... Nulla…

« A meia a bandera svintuleghja à sulana… »

Eppo' sbulichendu i CD...

— Oooooohhhh!!!  ete  ancu  l'ultimu  dischettu di Voce Ventu!!! hè  magnificu...  Ci hè  issa  canzona sapete, quella  di u  suldatu! Hè  un  giuvellu, custì mi piace tuttu... A  voce, u  versu  è  a puesia... Un Giuvellu! U cantadore, nulla cà  a so  voce mi face craccà! Hà  una  classa scema!
— …

Eccu chì  franchemu a bocca di u Marzulinu... A corcia, avà  s’hè  chjinata à dorme…

— Calvi ! Discitatevi ! Simu  ghjunti…
— Digià ! O scusate aghju  durmitu, v’aghju lasciatu  solu!
— Induve andemu ?
— Annant’à u portu per piacè, ci aghju u mo yacht…

In  Calvi, mancu un  fiatu, solu a citadella chì tale una antica  guardiana, veghja  annant’à u portu…

— Eccu ci simu…
— U mo  yacht  hè  ghjustu custì, in  faccia !  Vinite ? v’aghju da offre qualcosa quantunque! Hè a minima di e cose dopu tutta  issa strada…
— Iè vulinteri…

U yacht hè magnificu… Venenu dui marinari in  tinuta  bianca à apreci.  Ci stallemu in salottu… Mi chjingu annant’à u canapè.

— Chì  ti  servu ? ti possu  chjamà  da tù  è da  tè ? ùn  ti  dirangia micca ? Eppo’  anch’eiu facciu e canzone a sai… Ah !   Avà  ch'e  ci pensu! Ùn  t’aghju mancu  dettu u mo nome, mi chjamu Kim…
— Iè o Kim, a mi pensu ch’è tù  faci  e canzone… È vistu u to yacht e  toie  saranu sicuramente più  belle  cà  e meie!
— Champagne?
— Iè, ti  ringraziu. Ma…  u to maritu ?
— U mo maritu hè in L.A. ùn t’inchiità…

I so  ochji  s’accendenu, mi surride…  Face  falà u so vistitu  negru * sin’à  i so pedi… Hè nuda, magnifica, una  bomba… S’avvicina  à  ranculioni cum’è una  tigra… Mi  caccia a cinta, apre  u mo jean è  u mi  face  falà…  Po mi caccia  u mo  boxer… Tandu mi guarda torna incù un surrisu pienu di cuntintezza…

— O Circiò… A sai anzora  t’aghju dettu chì ùn  accurdavamu  tanta impurtanza à isse quistione  d'anatumia… Ma à  tè po a  ti possu dì : Ùn hè micca vera ! Eppo' tù  sè  cum'è  u mo maritu... A  natura t'hà fattu un bellu rigalu, u  binadica!

— …





* questu  quì u vistitu:

Scritti imposti - Page 9 Kim_ka10


Pè  u  bluegrass  andate puru custì: Bluegrass
Revenir en haut Aller en bas
Circione

Circione


Messages : 2212
Date d'inscription : 27/02/2012

Scritti imposti - Page 9 Empty
MessageSujet: Re: Scritti imposti   Scritti imposti - Page 9 EmptyJeu 30 Jan - 12:00

U più  bellu  di  a storia,  hè  chì  dopu m'hà palisatu chì a so  canzona  preferita ùn era micca "l’Oru", quella hè  a so siconda… A so  canzona preferita  hè "Mi ne vocu" …  A t’avia  detta o Tittolu  di vene  cun mè  in Partinellu…  risa
Revenir en haut Aller en bas
Ghjuvan Filici

Ghjuvan Filici


Messages : 194
Date d'inscription : 25/02/2012

Scritti imposti - Page 9 Empty
MessageSujet: Re: Scritti imposti   Scritti imposti - Page 9 EmptyJeu 30 Jan - 15:05

risa risa risa salutu2 

But : to be continued....  Cool




È riservu dighjà u titulu, chì sarà : NOTTI DI CHINA porcu 
Revenir en haut Aller en bas
Sumenta

Sumenta


Messages : 2052
Date d'inscription : 25/02/2012

Scritti imposti - Page 9 Empty
MessageSujet: Re: Scritti imposti   Scritti imposti - Page 9 EmptyJeu 30 Jan - 17:55

guarda chì dipoi Kanye ti cerca dapertuttu (a sò chì leghju assai a stampa people   spiegà  )... Kim prova à fà lu piantà ma ùn ci riesce micca ancu ghjuvendu si di parechji argumenti  confusu 

t'hà circatu in Vizzavona (ancu cù l'alerte jaune  scemu )...

Scritti imposti - Page 9 K710



in a Restonica (pare ancu ch'ellu s'hè fattu Melu è Capitellu tantu ellu era arrabiatu  palidu )...

Scritti imposti - Page 9 K610



in Calacuccia...

Scritti imposti - Page 9 K510


in Valduniellu  stunatu ...

Scritti imposti - Page 9 K210



...è in Piana...

Scritti imposti - Page 9 K410




o Circione ! s'avvicina...  paura
Revenir en haut Aller en bas
Circione

Circione


Messages : 2212
Date d'inscription : 27/02/2012

Scritti imposti - Page 9 Empty
MessageSujet: Re: Scritti imposti   Scritti imposti - Page 9 EmptyJeu 30 Jan - 20:48

Lascialu puru vene.
Hè un tappu.
U smontu.
Revenir en haut Aller en bas
Circione

Circione


Messages : 2212
Date d'inscription : 27/02/2012

Scritti imposti - Page 9 Empty
MessageSujet: Re: Scritti imposti   Scritti imposti - Page 9 EmptyJeu 30 Jan - 22:06

Osinnò ti filiciteghju pè a to cuntribuzione à i scritti imposti...
ancu s'è tù sè appena for di strada: era "l' auto-stop" micca "u moto-stop" u sugettu.

ma pè u genaru, u rumanzu fottò... brava! ci vulia à pinsalla. salutu2 
omancu ùn hè micca troppu longu è sarè letta da Lulù  risa 
Revenir en haut Aller en bas
Ghjuvan Filici

Ghjuvan Filici


Messages : 194
Date d'inscription : 25/02/2012

Scritti imposti - Page 9 Empty
MessageSujet: Re: Scritti imposti   Scritti imposti - Page 9 EmptyVen 31 Jan - 1:17

Notti di China


- In generali… ùn ci voli micca à piddalla mali… ma… i Neri ùn li piddu micca in istoppu. Raportu à ciò chì si dici, videti, l’insecurità, l’imigrazioni clandistina, infini… ùn cascu micca in a paranoià, nò, ma… voddu dì, hè meddu à essa malfidenti… à i ghjorna d’oghji…

- …

- Bon, in u stessu tempu, quì, hè un casu d’urgenza. Ùn vi pudiu micca lacà cussì à u cantu di a strada. Po’ vistu com’ì a voscia vittura era scatasciata, pudemu dì chì vo seti unu spezia di miraculatu… iè… un miraculu di Diu… Mi dumandu com’ì vo eti fattu à sorta inditu da quissu intoppu…

-…

- Hè sempri un affari chì mi faci matriculà… parlu di Diu… di Diu intantu chè dialettica sì vo mi capiti… micca forza in u sensu hegelianu di a dialettica, veni à dì calcosa chì saria più o menu à mezu à l’astrattu è u spiculativu, ma piuttostu Diu com’è… vi dirranghja s’e’ fumu ? … Mmmmh, iè, diciu : Diu com’è simplicia prubabilità intuitiva, piuttostu, à modu Schopenhauer, suviteti ?... ma una spezia d’intuizioni senza cuncettu, chì ci avvicinaria da a vera spiritualità…

- …

- Infini, una spiritualità ch’ùn saria liata chè à u simpliciu fattu d’essa… Kant, pò dassi…

- …

- Ci daria… una chjavi… o dui…

- …

- … cuncirnendu dui o trè principii di raghjoni par raportu à ‘ss’affari…

- …

- Kant… Cunnisciti à Kant ?

- …

- Iè, a musica… vi dumandeti… Janis Joplin. Mi sò sempri piaciuti i donni artisti, l’andana pop rock, a sinsibilità di u folk fiminili, sintiti quì com’idda faci …Summertiiiiiiiiimetimetime….. mi tumba… è ‘ssa ripresa : nononono dont’you cry…. Don’t you cryyyyyyyy….. tirribuli…

- …

- Forsa ch’iddu ci voli à truvà… ùn la so… a parti fiminili ch’hè in fundu d’ugni essaru… pà apprizià comu si devi. Ma voddu credu chì ancu l’omu u più bistiali pussedi ‘ssa parti in fundu di a so anima. Calcosa chì ci addulcisci, forsa u cantu u più chjaru di a noscia umanità…

- …

- Infini, ciò chì duvaria diffarinzià l’omu da a scim…. In u stessu tempu, capiscu chì vo t’avissiti più l’attichju d’una certa musica… circu u termini esattu… tribali, iè, tribali, hè quissa… innò, a capiscu, ma ciò ch’e’ vi possu dì hè chì ‘ssu pezzu quì, Summertine, à l’origini hè Gershwin chì l’hà cumpostu. Ci hè un embiu propiu di u negro spiritual, videti ?

- …

- Ma pò dassi ch’ùn hè micca tuttu à fattu un sughjettu chì v’intaressa, infini mi pareti d’unu stilu più mudernu, è d’altrondi quandi a parsona vi fighjola bè, ùn seti nemmancu neru in tuttu. Voddu dì micca com’è di ‘ssi Neri di u Gabon, o di u Burundì, quissi sì ch’iddi sò neri bughji, infini, micca cruciati, d’unu spezia di neru catranu chì…

- …

- Certi facini u paragnu cù i gurigli… contani i stodii conni, com’è pà i Belgi… Sapeti ‘ssi stodii… com’è pà l’Arabi…

- …

- Ghje’ ùn so micca di quisti quì, d’altrondi ùn li capiscu mancu ‘ssi paragona…

- …

- Ma ùn mi so micca prisintatu, mi chjamu Stéphane… iè, hè u me nomu…

- …

- Stéphane certi dicini ch’hè un nomu di tappetta. Mi dumandu indu vani à circalla, quissa. Truveti chì ghje’ parghi una tappetta ? In tutti casi socu veramenti cuntenti d’avè a cumpagnia, stasera, chì a strada hè longa da Aiacciu à Portivechju, subratuttu passendu pà a muntagna, com’è avali, in pienu inguernu… Ùn socu micca cuntenti chì vo t’avissiti avutu un accidenti, quissa nò, ben intesa, ma vistu i circustanzi…

- …

- Eti avutu a scianza di vedami passà. Ci voli à dì ch’e’ devu mova à una ricizzioni ch’iddu dà un amicu scrivanu, chì stà p’è ‘ss’altezzi, videti, Ghjuvan Filici si chjama.

- …

- Iè, hè scrivanu, com’è mè. Hà vintu u premiu Nobel. Vi rinditi contu ? U Nobel…

- …

- Prima u faciu cacà ghjeu, cù u me Goncourt, ma avali hè iddu chì mi fighjola da in altu ! È in più si paga u lussu di fà i ricizzioni… Ricizzioni ! Ghjuvannari duvariamu dì ! Ma bò, ci vocu listessi, chì osinnò si duventa prestu has been in quissu mezu… è in ‘ssu mumentu hè Ghjuvan Filici chì t’hà u ventu in puppa… pà un libracciu in più : « Suttanaghju è Puttaneri » !... Vi rinditi contu ? Ci hè da dumandassi com’ì a parsona pò riceva un premiu Nobel cù una purcaria paghjesa, ma v’aghju da dì u me avvisu : ‘ssi grossi premii, sò cumbriculi è cumpagnia ! Ci vol’ di sapè cunfratulà cù i parsoni boni, i ghjurnalisti… Ma lachemu corra.

- …

- Iè. Aghju avutu u Goncourt. Tanti anni fà. Stéphane Mallachamé ! U me nomu cumparia in tutti i ghjurnala, cù lettari d’oru ! Avali…

- …

- Aghju avutu un amicu scrivanu ch’era neru, d’altrondi. Magloire Mabamboulé… Vi dici calcosa ?

- …

- Ùn so micca parchì ghje’ pensu à d’iddu, stasera…

- …

- Mi faci pinsà dinò à una sturiaccia, ch’hè successa pocu fà. Mabamboulé voddu dì… Hè parchì ghje’ pensu à d’iddu ch’e’ facciu a rilazioni…

- …

- … Iè, eti da rida ma a vi lampu tali è quali ! Com’idda si hè passata ! T’aghju un amicu di u Cismonti chì hè cumplittamenti accrò à a china. Iè, pò parè conna ma hè vera. Certi sò accrò à a cucaina, d’altri à i carti, si pò capiscia… iddu ùn sunniighja chè di china. Urganizeti una ghjustra in un locu, ancu u più persu pussibuli, è iddu affacca. Faci i chilometri nienti chè pà briunà « ternu ! », « china ! », « tombula ! »… Infini, una pazzia ch’iddu t’hà…

- …

- È ùn sapeti micca ? C’era una nuttata intera di china urganizata in u Marzulinu. U Marzulinu, dighjà, nienti chè u nomu criditi d’essa annant’à un’ altra pianetta… Infini, era culà è ghjucaia cù i so fasgioli è i so cartoni, ed eccu chì l’aienti u mettini in vardia. Li dicini : « O Olivier, piattati chì ci hè un Neru chì ti circa da partuttu è chì ti voli smuntà u capu ! » Olivier, si chjama, eti capitu…

- …

- Fà chì ti fà a stodia era chì Olivier s’era futtitu una donna, meza drugata, for’ di mondu, una nymphò chì tuttu u mondu cupria, iddu era sicuru chì a donna ùn ni avia chè impressu à d’iddu, ma passemu… Cridia chì u maritu era p’è i loca, è allora s’era vantatu, annant’à i fora, nant’à u so muru facebook, tuttu u mondu a sapia. È inveci nò ! U maritu ùn era tantu à longa, è in più era quiddu Neru, è avali u si circaia da partuttu. Facia tutti i chini di tutti i rughjona pà truvallu.

- …

- Hè conna ma mi faci rida, a spartu cun voscu è ùn la diciareti à nimu. Dunca u Neru ghjunghji à a Notti di a China, in u Marzulinu, è paria bè rimuntatu. Olivier s’era piattatu in i gabinetti, è u Neru sfacia u locu, bulaiani i toli è i carrechi, u comptoir era svultatu, è à capu d’un tempu, impauriti, ci hè dui vechji dunnacci chì ani musciatu di ditu a porta di i gabinetti.

- …

- A seguita a pudeti induvinà. U Neru mustruosu hà sciappatu a porta è hà cacciatu à Olivier da u so piattatoghju. Dicini chì l’hà presi à a cocca, merè. Piinghjia, supplicaia, ma u maritu currutu ùn vulia senta nudda. Ùn hè chè quandi u disgraziatu si hè missu à ruspà in tarra com’è a ghjaddina, circhendu di parà i colpa, chì u Neru l’hà sciaccu un ultimu calciu in culu chì l’hà fattu sbulà di capu in una mora di suvu ch’era quì à vicinu (iè, in u Marzulinu t’ani sempri i mori di suvu in piazza à u paesu). Infini, hà finitu cussì, u tintu Olivier, untu è mataratu comu si dici, è di capu in a staddaccia. A rivista di u seculu…

- …

- Dopu dicini chì u Neru hè sparitu com’iddu era vinutu. Hè partitu à fundu cù a so vittura, è circaia a moglia, ch’era scatulita nimu sà induva…

- …

- Bah ! Stodii di conni… Di tutta manera t’emu meddu à pinsà. Prima ci hè ‘ssa ricizzioni ind’è Ghjuvan Filici. Ci sarà u bel mondu, à ciò ch’aghju intesu. Ancu a famosa Kim Kardashian si passaria uni pochi di ghjorna in risidenza culà, hè divvi ! Mi faci di a pena di dilla, ma ‘ssu purcastru di Ghjuvan Filici hè ancu capaci à futtasila… Iè, ùn pò essa chè quissa… Si futti tutti i più belli donni di tutta manera, hè sempri stata cussì… Ancu quandi no eramu ghjovani…

- …

- Ma vi trovu un’ aria bizarra, di colpu. Ùn v’aghju micca ammuffatu, spergu ?

- …

- Arristeti… Arristeti chì mi feti mali… Hè a stodia di u Neru di u Marzulinu chì… Comu ? Un raportu ch’ùn vicu micca ? Kim Kardashian ? Scuseti ma nò… Aih ! …

- …

- Quandu mi stringhjiti cussì mi feti mali… Ch’e’ mi gari ? Iè… Sì vo… mi linteti appena…

- …

- Innò, ma… ùn hè micca chì ùn la volghi fà ma… Ci cunniscimu appena è…

- …

- Innò ma… d’accordu… pianu… pianu annant’à u tuppizzu ! Pudemu discutta nanzi di mmmmmuuummmmmggggllllummm… aff !…. mmmmuuugggglll…. !!!
Revenir en haut Aller en bas
Circione

Circione


Messages : 2212
Date d'inscription : 27/02/2012

Scritti imposti - Page 9 Empty
MessageSujet: Re: Scritti imposti   Scritti imposti - Page 9 EmptyVen 31 Jan - 9:20

risa risa felice  palidu lacrime rambo  elephant risa afro risa 

O le rise!
Mi sò campu!
 ditone 
Nulla  cà  u principiu induve  induvinemu subitu qual'hè  chì parla... ha ha ha!
dopu  tuttu lighjendu  ti  dici  buh  chì crucciaccia  stu Mallà. Quant'ellu  dice  per  ùn  dì  nulla!  è qaund'ellu canta innò??? risa 

Bon...  dopu ùn  face più  ride  risa   ma mi ne sortu  quantunque  megliu cà  Mallà... risa  è   hè  connu  à  dì  ma  face rilativizà... risa  Appena cum'è s'e fussi statu  sacrificatu annant'à  l'altare di a  risa ma pè  una  causa ghjusta : u  " mmmmmuuummmmmggggllllummm… aff !…. mmmmuuugggglll…. !!!" di Mallà. evviva ditone salutu2 salutu


Dernière édition par Circione le Ven 31 Jan - 17:23, édité 1 fois
Revenir en haut Aller en bas
Contenu sponsorisé





Scritti imposti - Page 9 Empty
MessageSujet: Re: Scritti imposti   Scritti imposti - Page 9 Empty

Revenir en haut Aller en bas
 
Scritti imposti
Revenir en haut 
Page 9 sur 11Aller à la page : Précédent  1, 2, 3 ... 8, 9, 10, 11  Suivant
 Sujets similaires
-
» Scritti imposti
» U suttanacciu minacciatu?
» Scritti imposti antulugia
» Scritti è quaterni
» un salutu à i novi scritti

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Prosa-
Sauter vers: