ISULA
Vous souhaitez réagir à ce message ? Créez un compte en quelques clics ou connectez-vous pour continuer.


Lingua è cultura corsa
 
AccueilAccueil  Dernières imagesDernières images  RechercherRechercher  S'enregistrerS'enregistrer  ConnexionConnexion  
Le deal à ne pas rater :
Coffret Pokémon Bundle 6 Boosters EV05 Forces Temporelles : où ...
Voir le deal

 

 Scritti imposti

Aller en bas 
+11
Rappallinu
Maria
Lùlù
Isulanu
Addisperata
u ghjudice
Ghjuvan Filici
SERRA
Sumenta
Ruclinonu Solechjari
Circione
15 participants
Aller à la page : Précédent  1, 2, 3 ... 9, 10, 11
AuteurMessage
Ghjuvan Filici

Ghjuvan Filici


Messages : 194
Date d'inscription : 25/02/2012

Scritti imposti - Page 11 Empty
MessageSujet: Re: Scritti imposti   Scritti imposti - Page 11 EmptyLun 3 Fév - 23:17

Eccu, u Ghjudice... com'è sempri... in dui sgrachjati.

 evviva stunatu Cool paura salutu2 bounce bounce bounce bounce 
Revenir en haut Aller en bas
Circione

Circione


Messages : 2212
Date d'inscription : 27/02/2012

Scritti imposti - Page 11 Empty
MessageSujet: Re: Scritti imposti   Scritti imposti - Page 11 EmptyLun 3 Fév - 23:56

è  u raportu incù Tintin  è Milou?

Quandu a ghjente  ti cumanda  una madia  li  faci un baugliu?


bon ci hè quantunque  l'auto-stop... và  bè ùn  aghju  dettu nulla.

osinnò:  risa  bounce  bounce  bounce  bounce  colpu   ci campemu
Revenir en haut Aller en bas
Circione

Circione


Messages : 2212
Date d'inscription : 27/02/2012

Scritti imposti - Page 11 Empty
MessageSujet: Re: Scritti imposti   Scritti imposti - Page 11 EmptyMar 4 Fév - 7:08

Aghju messu un titulu à u to scrittu o Ghjudice.

U cabriulè u chjamate u calesinu in Casinca?

Cunniscia à calescinu (caliscinu) ma calesinu micca.

Revenir en haut Aller en bas
u ghjudice

u ghjudice


Messages : 200
Date d'inscription : 26/02/2012

Scritti imposti - Page 11 Empty
MessageSujet: Re: Scritti imposti   Scritti imposti - Page 11 EmptyMar 4 Fév - 7:30

A prununzia esatta hè calessinu, mi sò scurdatu d'un s, ma dimu dinù u cabriulè .
Revenir en haut Aller en bas
Lùlù

Lùlù


Messages : 774
Date d'inscription : 04/11/2012

Scritti imposti - Page 11 Empty
MessageSujet: scritti imposti   Scritti imposti - Page 11 EmptyMar 4 Fév - 10:30

u ghjudice a écrit:
A prununzia esatta hè calessinu, mi sò scurdatu d'un s, ma dimu dinù u cabriulè .

s'hè ancu vistu u caliscinu capriulà !
Revenir en haut Aller en bas
Ghjuvan Filici

Ghjuvan Filici


Messages : 194
Date d'inscription : 25/02/2012

Scritti imposti - Page 11 Empty
MessageSujet: Re: Scritti imposti   Scritti imposti - Page 11 EmptyMer 5 Fév - 23:36

I Salticciumpf


In una furesta maraviddosa, è persi in certi loca muntagnoli chì oimè, campaiani un populu di picculi conni turchini chì si chjamaiani i Salticciumpf. Turchini, dimu, com’è a maglia tonta di a so squatra di ballò (quandu quissa quì ùn ghjucaia micca in tinuta camouflage par ùn fassi veda in a machja abbuscata chì li sirvia di tarrenu di ghjocu, ma passemu…). A particularità di i Salticciumpf, fora d’essa minori è turchini, è biati di suddesfu com’è fumadori di tiria (a tiria, hè ciò ch’iddi chjamani « a salsapareglia » in Cismonti), a so particularità dunca era di parlà cù guasgi una sola parolla di vucabulariu, « salticcia », ch’iddi faciani varià di tutti i maneri. Par esempiu par iddi, un salamu era una salticcia, iè, ma una vittura dinò era una salticcia. Par dì u casgiu, diciani torra salticcia, è ancu puri pà un ordinatori li vinia mali di qualificallu altrimenti chè dindu salticcia, infini, eti capitu. Ancu pà i verbi è a cunghjucazioni, ùn si sciappaiani tantu u capu, è dunca i so usi era di dì i frasi com’è « salticcemu à u cabbulò stasera ? » o ancu « cheta ! chì l’emu da salticcialla mali ! » o par finì : « o salticcia ! servi ghjà un boccu di salticciu russu ! è prestu o ti salticciu u capu ! ». Ma di tutta manera si n’infuttiani, parchì si faciani capiscia listessi, è in più di passà pà baulli ùn li cacciaia mai a so biatitudina.

Un’ altra particularità di i Salticciumpf era d’essa tutti pederasti, iè, a si salticciaiani senza tanti scrupuli da a mani à a sera, è i masci cù i masci, i femini cù i femini, i lumachi cù i lumachi (a lumaca era più o menu pà i Salticciumpf ciò chì u mulu pò essa pà u Casinchesu, veni à dì un animalu pridilettu pà a cumpagnia, è dinò pà a imburrera in tempu di caristia). Ma infini, annant’à u particulari di a pederastia, circaremu d’ùn anticipà micca troppu.

Ben chì i Salticciumpf campaiani filici in u so paradisu silvestru, è in u so paesu di funghi chì li sirviani tantu di casa chè di totemu, timiani un numicu putenti è furbu à modu supiriori, vulemu parlà di u strionu Malasciamel è di u so ghjattu Azranfilici. Par dì a verità, in ‘ssu gennaru di paghji, hè u più suventi u strionu chì cumanda, è a bestia chì suveta cù u sguardu spintu d’una zucca vasciddaghja. Ma quì era u cuntrariu, era u ghjattu ch’era u veru ciarbeddu di l’assuciazioni, è Malasciamel era a so criatura, un pocu com’è Frankeinstein è u so mostru, ùn si sà mai qual’hè u veru patronu. Allora a so’ ciò chì vo eti da dì : parchì, tandu, ùn avè micca datu u rolu di u strionu à a putenza, è quissu di l’animalu connu à l’abruttitu ? Ùn avaria micca evistatu ‘ssi circunvuluzioni bistorti è ‘ssa digrizioni tuntina ? Mi so postu a quistioni, ma mi paria evidenti. In fatti hè a sumidda trà u veru Gargamel è un criatori celebru chì spiritò anzianamenti a pievi di Mirvella chì m’ispirò ‘ssa scelta. Ma videti piuttostu :

Scritti imposti - Page 11 Gargam10

Ùn vi faci pinsà à nimu ? Pocu premi. È vultemu dunca à a noscia stodia.

Fà chì ti fà, Malasciamel è Azranfilici affaccaiani infini in a pievi di l’adurtoni turchini, è ci voli à dilla com’idda era, t’aviani tremindui a zera dura è i ricciuli in focu. Fù – sicondu l’autupsia di u so culu fatta più tardi da u duttori Gigloux – u tintu Salticciumpf Sapienti à fassi fraià u domu prima di tutti quidd’altri. U Salticciumpf Sapienti, par dilla in pochi parolli, avia fiascatu una carriera di castaneicultori dopu à a ghjunta di u sinapsu in quidda pievi, è s’era ricunvirtitu in a trasfurmazioni di muredda pura, ch’iddu trafficcaia cù un vituparatu di a Vinzulasca, unu spezia di bancalaru mezu peduffilu chì… ma ùn hè micca u sughjettu. U sughjettu hè chì u so novu mistieri bucaia u Salticciumpf Sapienti à travaddà zimbu, pà ricodda a muredda, è u culu ghjà beddu in pusizioni in casu d’agrissioni pà daretu. In generali, pudeti travaddà centu anni è centu mesa in ‘ssa pusizioni, l’agrissioni d’un perversu chì vi voli smuntà a ciudda ùn accadarà mai. Hè quantunca pocu prubabili. Ma quì fù u casu.

Quand’iddu fù ritrovu u corpu tuttu sbuttatu di u Salticciumpf Sapienti (ramintemuci chì i Salticciumpf sò minuruchji, è chì Azranfilici, subratuttu, pussidia un matangheddu for’ di pinsamentu), a pievi era à u culmu di l’emuzioni. U Gran Salticciumpf presi a parolla, chì l’ora era grava, è a si ghjucò prufetta di u malori : « Attenti o Salticciumpf ! U nosciu amicu s’hè fattu salticcià l’uchjitu da un salticciu grossu grossu ! Salticcighju un priculu maiò pà tutti quanti vo seti, allora pà scunghjurà a sorti, v’aghju da cantà subitu un salticciu è rispondi di a me cumpusizioni, è eti da veda chì tuttu s’hà da arranghjà ! » Ma i Salticciumpf, chì timiani più chè tuttu i puisii di u Gran Salticciumpf (subratuttu dipoi ch’iddu avia cumissu l’ignobili Marra Tetra, unu spezia di libracciu mischiendu puisia tradiziunali è agricultura) scapponi à a lestra è si piattoni in i buttissi. Li salvò a vita, chì in u mentri chì u vechju cuccu attaccaia à impruvizà, Malasciamel è Azranfilici cumpariani dicisi in u paesu di i picculi moca turchini.

A seguita ? Tirribuli d’avè a cuntalla, ma di tutta manera vi ni dubbitareti, dunca a vi lampu tali è quali : u ghjattu tinia u Gran Salticciumpf pà l’arichji (chì capiddi ùn avia più ‘ssu vechju strunzu) è Malasciamel u si futtia com’ì l’avaria fatta cù un moddu di viteddu. C’era a frenesia in quissu assaltu, a vi possu dì, c’era a passioni, è ancu un suppulu di slanciu liricu è teatrali, ùn era micca chè una futtera, era, comu dì… un baddu varuculu è paganu. Ma lachemu corra, u fattu stà chì u imburroni pandanti l’ori, sbiutendusi middi volti, impiindulu altretantu, è grachjendu com’è corba à for’ è a misura chì u so piaceri schizzaia è… ma mi devu arristà dui sicondi, un’ urgenza micanica, un bisognu fisicu è sulitariu di suddisfà una pulsioni… Aaaarrgggfff… scuseti ghjà, avali pudemu cuntinivà.

À chì n’eramu ? Iè, u Gran Salticciumpf… Tuttu u paesu era scappatu, aghju dittu. È ancu assà par iddi. Ma tuttu u paesu ? Innò ! Chì a Salticciumpfetta, bucata da ùn si sà chì attichju bistiali, era firmata quì pà piddà i fottò di a scena tirribuli chì succidia sutt’à i so ochja. Ci voli à dì chì a Salticciumpfetta piddaia sempri i fottò, di tuttu è di nudda, è dopu si facia l’album annant’à Picasa, pà riempiani tutti i fora indu si parlaia u salticciumpf. Una pianta di merda sbucciaia in a matinata frisca ? A si piddaia in fottò. Passaia una barabattula ? A piddaia in fottò listessi. U Gran Salticciumpf si facia piddà in turnanti da dui aguzzini mezi prasciti, è lacà u culu sghizatu à mezu à a funghiccia ? Idda era quì è piddaia torra i fottò… Era quì ? Oh la brutta ! Oh la dannata ! Appena arrigulatu u contu di u patriarca, Malasciamel è Azranfilici li saltonu à dossu, è li fecini po’ falà i calzi è u restu. Briunaia a tinta, dicia nò ! nò ! ùn mi salticceti micca cussì in dui ! Hè troppu sporcu ! Micca cù i vosci grossi salticci ! Ma era troppu tardi, è prestu ùn pudia mancu più parlà, chì vinia d’inguttasi tamantu ficateddu sin’à u fund’ di a cannedda, è Azranfilici, tuttu fenduddilu tastà, ùn si poti impidì di falli rimarcà a so scianza : « Salciccia po’ ùn sarà, li dissi, ma prettu po’ hè prettu, ùn hè ? » È Malasciamel, mi diti ? Malasciamel era à l’oziu, a si scialaia, merè, ghjà scarcu in pienu mezu di ‘ssu ponti chì l’era uffertu, ma un ponti, dicu ? Duvariu dì piuttostu un palazzu, à paffi spalancati… una catedrali, à balcona spaccazzati… Ma cheta !

Ah ! Miseria… Hè forza l’ora di compia ‘ssu racontu, è d’accoda i me bartachji. A so, o ghjenti, a so i me agnedda, a feeria hè poca, è prestu a rialità vi duvarà subbaccà una volta di più… Ma chì vuleti, i cuntadori ùn sò chè di passaghju, è mi tocca à ripiddà u me viaghju. Ma o mancu, vi n’invinareti, è so sicuru chì sta fola v’avarà fattu sunnià.
Revenir en haut Aller en bas
Rappallinu

Rappallinu


Messages : 437
Date d'inscription : 25/02/2012

Scritti imposti - Page 11 Empty
MessageSujet: Re: Scritti imposti   Scritti imposti - Page 11 EmptyJeu 6 Fév - 7:33

Ahhhhhhhhhh, mi sò salticciatu  surrisu  festa  evviva  evviva  bounce  surrisi  eviva  ci campemu 

Ma s'è tù mi caschi t'aghju da salticcià u salticciu...  elephant  banana2  banana 

Revenir en haut Aller en bas
Sumenta

Sumenta


Messages : 2052
Date d'inscription : 25/02/2012

Scritti imposti - Page 11 Empty
MessageSujet: Re: Scritti imposti   Scritti imposti - Page 11 EmptyJeu 6 Fév - 13:06

o Ghjuvan Filici riteni què: u mo obbiettivu hà un diametru di 68 mm ... satanassu 
Revenir en haut Aller en bas
Circione

Circione


Messages : 2212
Date d'inscription : 27/02/2012

Scritti imposti - Page 11 Empty
MessageSujet: Re: Scritti imposti   Scritti imposti - Page 11 EmptyJeu 6 Fév - 23:57

O   Ghjuvan Filì u  to testu  annant'à  i  Salticciumpfi hè  un  tissutu  di cunnarie.  A prova  parli di lumache  è  ùn dici mancu  chì e  lumache sò  mascifemine.
Eiu  ùn  sò micca un amatore  vogliu scritti  chì sianu  ducumintati bè. Si  face  chì ùn aghju micca lettu  tuttu, mi  sò piantatu  à "vultemu  dunca  à  a noscia  stodia".

MA  ciò ch'è t'ai sicuramente  scrittu dopu,  l'ai da pacà o Salamumpf. rambo
Revenir en haut Aller en bas
Sumenta

Sumenta


Messages : 2052
Date d'inscription : 25/02/2012

Scritti imposti - Page 11 Empty
MessageSujet: Re: Scritti imposti   Scritti imposti - Page 11 EmptyLun 26 Mai - 21:21

prupongu un sugettu d'attualità, ch'ellu sia in prosa o in puesia: u fascisimu.

à voi di scrive a vostra visione di fascisimu: tempi fà, oghje, sott'à a a forma di l'ucronia...
pò esse un scrittu nant'à a siconda guerra, nant'à l'elezzione d'eri, nant'à l'avvene, ciò chì puderebbe accade si certi avianu u putere...
cappiate vi è spartite e vostre paure, e vostre speme, a vostra gioia forse  Wink 
Revenir en haut Aller en bas
Lùlù

Lùlù


Messages : 774
Date d'inscription : 04/11/2012

Scritti imposti - Page 11 Empty
MessageSujet: scritti imposti   Scritti imposti - Page 11 EmptyMar 27 Mai - 9:58

Sfacismu : le Front d'épuration is back !
Revenir en haut Aller en bas
Sumenta

Sumenta


Messages : 2052
Date d'inscription : 25/02/2012

Scritti imposti - Page 11 Empty
MessageSujet: Re: Scritti imposti   Scritti imposti - Page 11 EmptyMer 28 Mai - 12:55

nant'à stu sugettu, un testu lettu oghje nant'à FB d'un scrivanu scunnisciutu, spessu censuratu per disgrazia, persunaghju di talentu à a scrittura animale  Scritti imposti - Page 11 1390006889 


"Iè, ch’aghju dittu, socu un topu, socu un ghjudeu, socu un cumunistu, socu un fucilatu di u Monti Valérien, socu di l’affissu russu, socu un dipurtatu vindutu da i miliziani à a francisca, socu un felagà chì và à a carriera di i ligna, socu un massacratu di u metrò Charonne, socu un palestinianu chì li custruisci a to casa in corpu, socu un assassinatu di u Poum, so l’anarchistu chì codda annant’à a carreca elettrica, so u cumunardu chì mori annant’à a so barricata, so l’uvrieri chì si chjina davanti à i to cavaddi, socu a donna nera chì rifusa di lacà a piazza in l’autobus di a vargugna, socu Joe Hill chì si faci fucilà da i vighjilenti currotti, socu Emmet Till u capu sfracassatu da i bianchi, socu u risistenti chì buffitta daretu à a Ligna Gottica, socu tuttu ciò chì si faci sfracicà sutt’à unu scarpu stacchittatu, una cimicia, un criaturu d’Oradour, un Armenianu, un Indianu di Sand Creek, un sindicalistu lampatu da l’elicotteru, è quandi tù se un patriottu di u to sbruncu eu so un partigianu di l’Universu, socu tuttu ciò ch’ùn tocca micca u to cori d’essaru avvilitu, è udiosu, è a to cuscenza d’adurtonu carcu à rincori, è à frustrazioni, è à cumplessi identitarii, socu tuttu ciò chì tù neghi, chì tù rifusi di piddanni a misura, socu un topu, un animalacciu, ma tù se una bestia, una bestia zottica, è a sa’ parchì ?...
U feldleutnant Philippot mi fighjulaia senza risponda, i canteghji strinti, scialbidu com’è un mortu.
« Parchì tù se un fascistu com’è l’altri. »


Bronsky u topu
Revenir en haut Aller en bas
Contenu sponsorisé





Scritti imposti - Page 11 Empty
MessageSujet: Re: Scritti imposti   Scritti imposti - Page 11 Empty

Revenir en haut Aller en bas
 
Scritti imposti
Revenir en haut 
Page 11 sur 11Aller à la page : Précédent  1, 2, 3 ... 9, 10, 11
 Sujets similaires
-
» Scritti imposti
» U suttanacciu minacciatu?
» Scritti imposti antulugia
» Scritti è quaterni
» un salutu à i novi scritti

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Prosa-
Sauter vers: