Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Scritti imposti

Voir le sujet précédent Voir le sujet suivant Aller en bas 
Aller à la page : Précédent  1, 2, 3, 4 ... 9, 10, 11  Suivant
AuteurMessage
Rappallinu

avatar

Messages : 437
Date d'inscription : 25/02/2012

MessageSujet: Re: Scritti imposti   Dim 13 Jan - 10:57

Principiu di dopu miziornu, Piazza Santu Niculà.



Quella mane Filippu ùn avia micca betu. S'era toltu da u lettu versi miziornu, era a sola manera d'ùn lasciassi andà à i delizii di l'alcollu. Un caffé, una strufinata à i denti è si n'era falatu in carrughju. Viaghjava pianu, dendu ogni tantu un uchjata à u so teleffonu. Ghjuntu nant'à a piazza, scelse una terrazza, un tavulinu è ci si misse à pusà. Ponse u teleffonu davanti à ellu è cummandò una vodka. Un antra eppo un antra è e si sciaccò sempre vardendu à l'incrochju, aspittendune un cennu. Versi duie ore, l'apparechju trimulò. Filippu fece una voce à u servore, li cherse una vodka doppia a fece falà è chjappò u teleffonu in a so manu manca. U so ditu grossu carizzava u buttone d'apartura di i missaghji. Sturzulava, circava a forza di move 'ssa piccula pressione chì avia da decide di tuttu. Fidighjò ingiru à ellu, a ghjente ridia, i zitelli a si ghjucavanu, un battellu andava à d'altre sponde. Una bella ghjurnata, una di quelle à piglià e decisione chjare, à cambià i distini. A viciglia avia mandatu un sms à Laura a so innamurata, u so core, a so vita. A risposta ùn era vinuta subitu è dopu à essesi annigatu di vinu l'avia fatta di sonnu, ultimu rifugiu contru à a realità. È ava, era ghjunta, li bastava à appughjà nant'à 'ssu buttunellu è saparia. Era cum'è ghjucà à a rulletta russia è ghjucò. Cacciò una pistola, fece girà a rutulella di e palle è si misse u cannone contru à u core. E zitelle pusate à u tavulinu à cantu mughjonu di paura sintendu u colpu. Ebbinu solu u tempu di vede à Filippu parte à l'indaretu è cascà in pianu. Firmò nant'à u spinu, e bracce sparte, una tacca rossa in pettu.

Una stonda dopu, una pulizzera ricolse a pistola è u teleffonu. Nentru à l'arma, firmava cinque palle, nant'à u screnu, e cinque lettare d'una cundanna senza appellu : "Addiu".


Dernière édition par Tittolu le Dim 13 Jan - 17:23, édité 1 fois
Revenir en haut Aller en bas
Voir le profil de l'utilisateur
Circione

avatar

Messages : 2189
Date d'inscription : 27/02/2012

MessageSujet: Re: Scritti imposti   Dim 13 Jan - 17:05

Prufittu ch'ella ùn l'appii micca detta nanzu Petra Alta:

TRIMENDU

si parte forte... (astru cà in li scritti impsti di puesia lingua )

una manera uriginale di trattà u sugettu.

ci vulia à pinsacci...


mi piace dinù a fiura finale di e cinque lettare.

Bravu o Tittolu.

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: Scritti imposti   Dim 13 Jan - 17:09

aghju scambiatu a presentazione cusì femu megliu a sfarenza trà un scrittu tremendu (quellu di Tittolu) è un cummentu tremendu (u toiu o Circione risa )
ditone
Revenir en haut Aller en bas
Voir le profil de l'utilisateur
Erbaghju

avatar

Messages : 466
Date d'inscription : 29/02/2012

MessageSujet: Re: Scritti imposti   Dim 13 Jan - 17:12

In più di què, hè dinò un bellu affare per a lingua di vede ch'ella hà scrittu "addiu" è micca "adieu". U tippu hè mortu, a lingua micca!! risa risa
Revenir en haut Aller en bas
Voir le profil de l'utilisateur http://erbaghju.unblog.fr/
u ghjudice

avatar

Messages : 200
Date d'inscription : 26/02/2012

MessageSujet: Re: Scritti imposti   Lun 21 Jan - 22:41

Anton'Ghjacumu apre a lettara senza fassi illusione. Sà capunanzu ch'ella anderà à accatastassi cun tutte quelle ricevute dapoi ch'elli anu vintu u prucessu. Torna una cun ritratti di cascie, cun minaccie di morte, una di più à rodesilu da nentru. Un hè mancu tantu per ellu ch'ellu si ne face, hè di più per a moglia è u figliolu. Sò stati minacciati anch'elli in l'ultima lettera. Dapoi ùn ne riposa, nè di notte nè di ghjornu. S'hà ancu compru una pistola. Li costa à ellu u so impegnu da difende a legalità è u dirittu in 'ssu paese. Guasi guasi si ne pente d'avè fattu annulà 'ssu prugettu di " golf " cun 300 letti " les pieds dans l'eau" dicia a pubblicità.

Vede un'ombra passà di punta à a persiana è cansassi. Si dicerebbi ch'elli s'impostinu. U so cerbellu s'imballa. L'ombra impustata è e lettere minacciante è a moglia è u figliolu fora. Piglia a pistola in u scagnu è senza riflette nè parlà tira à traversu à a persiana.

L'ombra fala in pianu senza un lagnu.

Sente a moglia mughjà. Apre a persiana.

U figliolu ghjace in un bagnu di sangue.
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: Scritti imposti   Lun 21 Jan - 23:14

nunda à dì fora di ditone ditone ditone
ghjè un veru piacè di leghje ti!
Revenir en haut Aller en bas
Voir le profil de l'utilisateur
Rappallinu

avatar

Messages : 437
Date d'inscription : 25/02/2012

MessageSujet: Re: Scritti imposti   Lun 21 Jan - 23:32

puttana gobba !! (scusate lingua ) E sintenze di U Ghjudice sò sempre di quelle senza appellu pussibule. È hè què chì hè bonu... mipiace
Revenir en haut Aller en bas
Voir le profil de l'utilisateur
u ghjudice

avatar

Messages : 200
Date d'inscription : 26/02/2012

MessageSujet: Re: Scritti imposti   Lun 21 Jan - 23:37

Hè chì à forza di leghje quindi è cullandi psicopati niulinchi è schisofreni pumuntinchi, sò mezu chè scimitu anch'eo.
Revenir en haut Aller en bas
Voir le profil de l'utilisateur
u ghjudice

avatar

Messages : 200
Date d'inscription : 26/02/2012

MessageSujet: Re: Scritti imposti   Mar 22 Jan - 0:00

petra alta a écrit:
nunda à dì fora di ditone ditone ditone
ghjè un veru piacè di leghje ti!


A ringraziatti.

U tempu mi mancava, circaraghju d'esse di più presente.
Revenir en haut Aller en bas
Voir le profil de l'utilisateur
Circione

avatar

Messages : 2189
Date d'inscription : 27/02/2012

MessageSujet: Re: Scritti imposti   Mar 22 Jan - 15:10

Mi piace ancu à mè sta manera sintetica di cuntà i fatti o sgiò Ghjudice. Piccule infrasate corte è pricise è chì schjoccanu. Danu un ritimu chì sende à stu genaru di scrittu è ci arrecanu (troppu?) prestu à sta sintenza ineluttabile ch'ellu dice Tittolu. salutu2

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: Scritti imposti   Mar 22 Jan - 21:00

mi piace assai sta forma per i scritti imposti in prosa: corta, diretta.
pensu ch'ella pò liberà a parolla è esse adattata à un massimu di persone

o sgiò Ghjudice veni puru quand'e tù voli. mi casa es tu casa geek
Revenir en haut Aller en bas
Voir le profil de l'utilisateur
Ghjuvan Filici

avatar

Messages : 194
Date d'inscription : 25/02/2012

MessageSujet: Re: Scritti imposti   Ven 25 Jan - 19:25

Princess 4 ever era stracquata annant'à u lettu, spalanchendu i so anchi è muscendumi ghjà bedda infusa a so finestra calda. Era quì u risultatu di parichji scambii di sms è di missaghji privati annant'à u situ d'Isula. Certu, mi paria bedda ghjovana 'ssa grossa donna dea, ma mi n'infuttiu pocu assà, stasera tastaria u me fiori trattu è duru, puntu è basta !

- Tè ! o fata, scuzzulami quissu ! Cunta ghjà sì tù ha' ghjà vistu un paghju di spichjetti cù un vulumu paghjesu ! ch'e' li dissi tuttu sbraghittendumi.

Dui minuti dopu, li spaccaiu u palazzu senza mancu lubrificà. A principessa ingurda briunaia com'è una persa : "Oh my god ! How ! Hè da veru u più grossu libru ch'aghju ma' presu in u parastagiu !!!"

Saziu, sbiutatu, mi lampaiu annant'à u spinu, i braccia in cruci è u tirrulu à l'aria, ch'iddu rispiressi appena dopu à tamanta chjachjarata.

Quidda anghjula sporca è vituparata di Princess 4 ever s'avvicinò tandu, pà cuffassi ghjustu contr'à u me pettu, calurosa, è sussurammi à l'arichji dui parolli di tinnarezza.

- Ùn parlu micca à l'intillittuali ! ch'e' li risposi senza fighjulalla. A prossima volta riflittarè nanzi d'inviammi i missaghja annant'à Isula !


Revenir en haut Aller en bas
Voir le profil de l'utilisateur
Circione

avatar

Messages : 2189
Date d'inscription : 27/02/2012

MessageSujet: Re: Scritti imposti   Ven 25 Jan - 19:43

Avaremu da dumandà à l'amministratrice ch'ella metti una currizzione automatica inversata ? rambo

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: Scritti imposti   Ven 25 Jan - 19:53

Ghjuvan Filici a écrit:
Princess 4 ever era stracquata annant'à u lettu, spalanchendu i so anchi è muscendumi ghjà bedda infusa a so finestra calda. Era quì u risultatu di parichji scambii di sms è di missaghji privati annant'à u situ d'Isula. Certu, mi paria bedda ghjovana 'ssa grossa donna dea, ma mi n'infuttiu pocu assà, stasera tastaria u me fiori trattu è duru, puntu è basta !

- Tè ! o fata, scuzzulami quissu ! Cunta ghjà sì tù ha' ghjà vistu un paghju di spichjetti cù un vulumu paghjesu ! ch'e' li dissi tuttu sbraghittendumi.

Dui minuti dopu, li spaccaiu u palazzu senza mancu lubrificà. A principessa ingurda briunaia com'è una persa : "Oh my god ! How ! Hè da veru u più grossu libru ch'aghju ma' presu in u parastagiu !!!"

Saziu, sbiutatu, mi lampaiu annant'à u spinu, i braccia in cruci è u tirrulu à l'aria, ch'iddu rispiressi appena dopu à tamanta chjachjarata.

Quidda anghjula sporca è vituparata di Princess 4 ever s'avvicinò tandu, pà cuffassi ghjustu contr'à u me pettu, calurosa, è sussurammi à l'arichji dui parolli di tinnarezza.

- Ùn parlu micca à l'intillittuali ! ch'e' li risposi senza fighjulalla. A prossima volta riflittarè nanzi d'inviammi i missaghja annant'à Isula !




Bravu o Ghjuvan Filci! un testu colmu di sensibilità, di dulcezza è d'emuzione!
un'opera maiò di i scritti imposti di u nostru foru
mi piace assai assai assai...

fiore fiore fiore
core core core
Revenir en haut Aller en bas
Voir le profil de l'utilisateur
Maria

avatar

Messages : 1235
Date d'inscription : 28/02/2012
Localisation : quassù

MessageSujet: Re: Scritti imposti   Ven 25 Jan - 21:27

Più chè u mischiu trà discorsu crudu (sbraghittendumi, scuzzulammi quissu...) è dolce (fata, anghjula...) sò ste parole inaspettate chì danu à u scrittu a so putenza (libru, parastasgiu...). mipiace

"ch'iddu rispiressi appena dopu à tamanta chjachjarata" risa

Nanz'ora mi dicia un vechju vicinante :"stu dopu meziornu mi so fattu una longa chjachjarata cun Orsu-Petru."
M'hè scappata a risa imaginandu certe cose...
Revenir en haut Aller en bas
Voir le profil de l'utilisateur http://isulana.blogspot.com
Sumenta

avatar

Messages : 2050
Date d'inscription : 25/02/2012

MessageSujet: Re: Scritti imposti   Mer 30 Jan - 10:17

Cronica ghjudiziara
di Petra Circione, u 30 di ghjennaghju di u 2033


« Monsieur sérieux, ayant petit capital, désire épouser veuve ou femme incomprise, entre 35 et 45 ans, bien sous tous rapports, situation en rapport »*

Abituatu à e scruccunerie Landri avia avutu l’idea fumicosa in stu 2014 di fà passà un annunziu in i giurnali lucali è nant’à i media virtuali. Corse Matin, Le Petit Bastiais, Le Journal de la Corse, Twitter, Facebook, Tumblr, avianu ricevutu sugni messagi in a rubrica matrimuniale o nant’à a so pagina d’accogliu.

Ben'intesu a trappula funziunò d'incanti. In issi tempi di miseria economica è di cunfusione emuziunale eranu numarose quelle chì si vulianu marità. Intelligente, psicologu, paghjellaghju à e so ore perse, l’omu fece cunniscenza d'omancu 300 donne. Maria, Anghjulina, Lisandra, Antunietta, Paulina, Maddalena, Francesca, Livia, Unesta, Chjara, Nunzia, Ghjulia, Elisa, Petra, Lisabetta, Margarita, Marietta, Amandina… avianu tutte cedutu à u stu scruccone vulgaru. Avia un fisicu pocu agradevule ma andate à sapè perchè, piacia à e donne. Era un fattu. Sarà statu u so sguardu vitrosu di stumacatu di i sessu, a so chjocca pilata, a so dimarchja sticchita chì avia fattu d’ellu un voltacore ? Quellu ch’omu chjamava u « Barbiturchinu di Corti » avia soprattuttu prufittatu di u cuntestu. Aduprendu si di più di 90 fintinomi (Ruclinone, Rappallinu, Tittolu, Circione, Ghjallochju, Ghjuvan Filici, Erbaghju, Sidussincu, Caparrittu, Rocco2b, Principe4ever, Laricciudiuniolu, Pinudipalumbaghja, ecc.) pagava 2 camere à l’ostellu HR, 3 ind’è Colonna, un appartamente in a vechja cità è unu in e Lubiacce, senza cuntà i 2 guardia mobuli in u rughjone di Bastia è 2 case in Pianellu, avia messu in piazza un veru pianu machjavellicu. Di manera meticulosa avia scrittu una decina di lettere di risposta è fattu un schedariu metodicu di e so cunquiste, u tuttu archiviatu ben nant’à u so discu duru. Ci scrivia i detagli fisichi, nasi disgraziosi, arechje di pachidermu, ochji di topu,ecc. ma dinù a situazione familiale è a furtuna. I ducumenti eranu classificati sicondu designazione precise : « Risponde subitu », « senza seguita », « nunda à fà » è l’iniziale « SF » (senza furtuna) eliminendu d’offiziu a candidata.

Ma perchè avia risicatu a ghigliottina ? Pè u soldu. Fendu firmà procurazione è dunazione diverse, à a sparizione di e so vittime vendia case è tetti, mobuli è panni è si tenia a muneta. In u 2017 scuntrò à Fernanda Segret à u Caffè di Francia. Diventarà a so amica. A tenerà caru, quessa ùn smariscerà micca. Hè ancu in casa soia ch’ellu sarà arrestatu da a pulizza. À a listessa epica e prime famiglie cumencianu à dubità. Madamicella Lacosta per esempiu s’inchieta perchè chì ùn hà micca nutizie di a so surella Celestina pertuta per a dumenicata in Pianellu cù Landri. Cuntatta u sgiò merre u quale, suspresu da u so mail, li dice ch’una antra dumanda di u listessu tippu era ghjunta. A famiglia Pilloti, preoccupata da l'assenza di a so figliola venia di cuntattà lu. Lagnanza hè dipusitata. L’inchiesta cumencia cù u vicinatu di stu schisofrenu murtiferu chì si lagnava di u fume negru è di a puzza chì venia sempre di a so casa. U maltoltu fattu avia pigliatu l’abitudine di finisce e so cumpagne in potée o arrustite in u so fornu à pirulisa Schmidt.

Dece donne fubbenu tombe da Landri :

• Jeanne Cucheti : 39 anni, veduva, sartora, smarita di ghjennaghju 2015
• Lina Laborde : 47 anni, veduva, disoccupata, smarita di ghjugnu 2015
• Maria Angelica Guillini : 52 anni, veduva, renditaria, smarita d’ aostu 2015
• Berta-Anna Héoni : 55 anni, veduva, disoccupata, smarita di dicembre 2015
• Anna Collombi : 39 anni, veduva, secretaria, smarita di dicembre 2016
• Lyane Jaume : 36 anni, guasi divurziata, sartora, smarita di marzu 2017
• Andria Babelai : 19 anni, celibataria, serva, smarita di aprile 2017
• Celestina Buisson : 44 anni, veduva, serva, smarita di nuvembre 2017
• Annette Pasquali : 36 anni, divurziata, disoccupata, smarita d’aprile 2018
• Maria-Teresa Marchadier 39 anni, celibataria, puttana, smarita di ghjennaghju 2019

L’ondecesima vittima fù Tittina, 17 anni, u scivavà di a prima donna assassinata.

In u 2021 cuminciò u prucessu di Landri chì mughjava a so nucenza. U so avucatu Mu Moro-Giafferi, grande penalistu di l’epica, pruvò un colpu chì starà in l’annali ghjudiziari. Durante u dibattitu, quandu vense u mumentu d’evucà una di e donne smarite, si girò in direzzione di a porta è disse : « Sta donna ch'omu dice smarita, eccu la!!!» . A folla guardò a porta. Tandu l’avucatu lampò à a corte : « A vidite bè chì nimu ci crede ch'ella hè smarita! si sò girati tutti sani sani o sgìo presidente! » « Iè, for di u vostru cliente... » rispose quellu.

Landri fù ghigliottinatu u 25 di ferraghju di u 2022 à 6 ore di matina.**






* per disgrazia Landri ùn era micca corsofonu lacrime
** Toute ressemblance avec des personnages existants ou ayant existé ne serait pas purement fortuite lingua
Revenir en haut Aller en bas
Voir le profil de l'utilisateur
Rappallinu

avatar

Messages : 437
Date d'inscription : 25/02/2012

MessageSujet: Re: Scritti imposti   Mer 30 Jan - 20:20

Bugie ! Da cima à fondu ! U to landri ùn avaria tinutu duie sere à l'hotel HR... paura
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: Scritti imposti   Mer 30 Jan - 20:31

Tittolu a écrit:
Bugie ! Da cima à fondu ! U to landri ùn avaria tinutu duie sere à l'hotel HR... paura

tù ai da finisce in u mo fornu à pirulisa basgiu
Revenir en haut Aller en bas
Voir le profil de l'utilisateur
Rappallinu

avatar

Messages : 437
Date d'inscription : 25/02/2012

MessageSujet: Re: Scritti imposti   Mer 30 Jan - 20:47

petra alta a écrit:
Tittolu a écrit:
Bugie ! Da cima à fondu ! U to landri ùn avaria tinutu duie sere à l'hotel HR... paura

tù ai da finisce in u mo fornu à pirulisa basgiu


Hè sempre megliu cà in Tallone... lingua
Revenir en haut Aller en bas
Voir le profil de l'utilisateur
Rappallinu

avatar

Messages : 437
Date d'inscription : 25/02/2012

MessageSujet: Re: Scritti imposti   Mer 30 Jan - 21:33

eccu à Santa croce è santa

Per fammi pardunà ti facciu vede i mio santi... (assai private joke Rolling Eyes )
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: Scritti imposti   Mer 30 Jan - 21:46

paura paura paura

bounce bounce cusì ghjè sempre un private joke? lingua
Revenir en haut Aller en bas
Voir le profil de l'utilisateur
Ciriola

avatar

Messages : 6
Date d'inscription : 28/02/2012

MessageSujet: Re: Scritti imposti   Sam 23 Fév - 0:43

Avia aspettatu l’ultimu mumentu per entre. Ùn era più pussibule di fughje avà, era intrutu è surtita ùn ci n’era.
A colpa era di Maria, s’ella avia rispostu omancu una volta à tutte e so chjame è missaghji ma era solu silenziu dipoi a so partenza par u Bresiliu dui mesi fà. Tandu, ùn avia più riposu, ùn era solu ghjelusia o urgogliu feritu. S’inchietava da veru. Chì sà ciò chì pò accade à una giuvanotta un pocu persa in stu paese… Avia intesu certe storie, lighjia ancu i ghjurnali per sapè un pocu ciò chì si passava è era nata una angoscia terribule.
È finalmente, s’era decisu à affruntà a so fubbia di l’aviò per andà à vede ciò chì ne era di a situazione, truvà una spiecazione à stu silenziu. Sarà forse una spezia di Bresilianu, bellu zitellu è carcu à musculi a spiecazione ma s’era priparatu ancu à què.
Li facia quantunque un pocu male in quellu locu di pagà si un bigliettu d’aviò per custattà a so disfatta amurosa ma era dinù u prezzu di a so pace, permette li di pensà à d’altre donne, à d’altre strinte è d’altri basgi caldi…
Era prontu per u so primu viaghju reale chì per avà e so aventure è splurazione eranu piuttostu in u so capu o allora vicin’à u so quartieru in Pariggi.

S’era messu à pusà ùn circhendu micca à usservà à l’altri passageri, cumminciava à sente si male. Era dighjà strintu, stallatu è sudava d’angoscia. Li mancava u soffiu è u so ciarbellu bullia. Ùn era capace di pensà, raggiunà è purtantu li ci vulia à calmà si… pensà à Maria, pensà à Maria… Eccu, ciò ch’ellu circava à fà per appacià si, suffiendu di manera regulare cum’ella a facenu e donne in partu. Circava in tutte e so risorce psiculogiche per calmà i so terrori i più prufondi è arradicati à a so anima dipoi sempre.
Era partutu l’aviò, s’era staccatu da u catramu è u mondu sottu à elli ùn era più cà mosaiche di culori è forme diversi. U mondu cum’ellu ùn l’avia mai vistu. A vizione l’avia un pocu rassirinatu, ghjustu per ciuttà in u sonnu, perde a nuzione di u tempu è di u periculu ma facia sunniacci, i rimori di l’aviò si mischiavanu cù e so angosce : paura di l’aviò, paura di scopre Maria innamurata, paura d’amparà una gattiva nutizia… morte, accidente, sparizione. Paura d’avè la persa per sempre.
À tempu discitatu, a fubbia mughjava cum'è una bestia salvatica amansata qualchì minuti ma più periculosa cà mai. Cumminciava à trimà è era scuzzulatu di spasmi cum’è una girivecula in mani à un magu scemu. Ùn era mancu più capace di pensà à Maria, sudava più chè mai… u passageru accantu à ellu si decise à chjamà à l’ostessa. Quella era affaccata per calmà lu.

L’appaciava cù a so voce dolce, circava à truvà parulle magiche, u rassicurava, u so prufume era dilicatu è li cullava in capu, li dicia chì u viaghju era bellu avanzatu, chì eranu avà sopra à l’uceanu atlanticu, li dumandava senza aspettà nisuna risposta ciò ch’ellu andava à fà, li dicia d’avà cunfidenza è in lu mentre li mettia un mascu d’ossigeniu. Partia in e prufundure di l’anima purtatu da e parulle serene di a so musa aeriana…
Sunniava di Maria chì li parlava di i so missaghji, si scusava d’ùn avè rispostu, li parlava di pace, d’amore è di brama. Li dicia "ci avemu da ritruvà amore, ùn t’inchietà. T’aspettu…"
Si sentia appaciatu è serenu cum’è mai quandì l’aviò entrò in lu mare in un fracassu terribule…
Era u volu 447 di ghjugnu 2009.
Revenir en haut Aller en bas
Voir le profil de l'utilisateur
Circione

avatar

Messages : 2189
Date d'inscription : 27/02/2012

MessageSujet: Re: Scritti imposti   Sam 23 Fév - 12:49

Bella cuntribuzione à u sugettu o Ciriola pè u to primu missagiu, brava. evviva






_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: Scritti imposti   Sam 23 Fév - 14:39

mi piace assai ancu à mè!
brava sunny


(ma ùn m'incuragisce micca à piglià l'aviò palidu ... cumu aghju da fà per andà à Honolulu? lacrime )
Revenir en haut Aller en bas
Voir le profil de l'utilisateur
Maria

avatar

Messages : 1235
Date d'inscription : 28/02/2012
Localisation : quassù

MessageSujet: Re: Scritti imposti   Sam 23 Fév - 15:23

Brava Ciriola, bellu scrittu ! salutu2
Revenir en haut Aller en bas
Voir le profil de l'utilisateur http://isulana.blogspot.com
Contenu sponsorisé




MessageSujet: Re: Scritti imposti   

Revenir en haut Aller en bas
 
Scritti imposti
Voir le sujet précédent Voir le sujet suivant Revenir en haut 
Page 3 sur 11Aller à la page : Précédent  1, 2, 3, 4 ... 9, 10, 11  Suivant
 Sujets similaires
-
» Scritti imposti
» Scritti imposti
» Scritti imposti antulugia

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Prosa-
Sauter vers: