Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Scritti imposti

Voir le sujet précédent Voir le sujet suivant Aller en bas 
Aller à la page : Précédent  1, 2, 3, 4, 5, 6, 7, 8, 9  Suivant
AuteurMessage
Circione



Messages : 2157
Date d'inscription : 27/02/2012

MessageSujet: Re: Scritti imposti   Jeu 17 Mai - 10:05

Filari


Da tè sò cusì luntanu
È lentu suspiri amari
Ma ùn vale à piglià in manu
Nè penne nè calamari
Per dì quant’è tù mi manchi
Soca ùn esiste filari

È s’aghju insulcatu l’onde
Mossu da funesti venti
S’aghju abbracciatu e sponde
Di i cinque cuntinenti
I m’aghju purtati in core
I to più dolci accunsenti

L’orizonte hè sonniu nostru
Duve u sguardu si intigne
Ma u celu benchì d’inchjostru
Ùn abbasta per dipigne
Di a t’assenza u pesu
È issu biotu chì m’arvigne

Per tè vogliu mette fine
À l’infernale sugiornu
Di distruge le cunfine
Vinarà forse u ghjornu
Basta ch’è tù sia meia
Quandu faraghju ritornu.

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Sumenta



Messages : 2050
Date d'inscription : 25/02/2012

MessageSujet: Re: Scritti imposti   Jeu 17 Mai - 10:36

@Circione a écrit:
Filari


Da tè sò cusì luntanu
È lentu suspiri amari
Ma ùn vale à piglià in manu
Nè penne nè calamari
Per dì quant’è tù mi manchi
Soca ùn esiste filari

È s’aghju insulcatu l’onde
Mossu da funesti venti
S’aghju abbracciatu e sponde
Di i cinque cuntinenti
I m’aghju purtati in core
I to più dolci accunsenti

L’orizonte hè sonniu nostru
Duve u sguardu si intigne
Ma u celu benchì d’inchjostru
Ùn abbasta per dipigne
Di a t’assenza u pesu
È issu biotu chì m’arvigne

Per tè vogliu mette fine
À l’infernale sugiornu
Di distruge le cunfine
Vinarà forse u ghjornu
Basta ch’è tù sia meia
Quandu faraghju ritornu.


L'avemu aspettata un mumentu a to cuntribuzione, ma valia u colpu. Hè magnifica o Circione king
Revenir en haut Aller en bas
Voir le profil de l'utilisateur
Ruclinonu Solechjari



Messages : 518
Date d'inscription : 27/02/2012
Localisation : Casinca

MessageSujet: Re: Scritti imposti   Jeu 17 Mai - 10:39

Tutti scrivite bè, è ancu puru benissimu, ma à mumenti, pienghju.
Revenir en haut Aller en bas
Voir le profil de l'utilisateur http://appuntamentu-corsu.forums-actifs.net
Addisperata



Messages : 205
Date d'inscription : 10/03/2012

MessageSujet: Re: Scritti imposti   Jeu 17 Mai - 15:34


Cutrura

Ùn la saperai mai
A cutrura in lu core
Ùn la diceraghju, a sai
À nimu, mancu per more
Hè solu meiu u secretu
Di un tamantu dulore.

A vita hè un rinaghju
Battutu da u marosu
Cum'è un'ombra viaghju
Sunniendu è penserosu
A vita hè una sponda
Di l'avvene bughjicosu.

Vogliu perde a memoria
Per ripiglià a mo strada
Vogliu sminticà a storia
Di quella donna amata
È chì senza una parolla
Ùn hè mai più turnata

À l'urizonte l'albore
Splende di tutta a so luce
Ma senza u so calore
Mancu u sole mi brusgia
Pargu vivu è socu mortu
U mo fiatu si ne sfughje.

(ùn hè esattamente u sugettu,, forse, diceremu ch'è l'ammancu di un amore persu surrisu)
Revenir en haut Aller en bas
Voir le profil de l'utilisateur
Ruclinonu Solechjari



Messages : 518
Date d'inscription : 27/02/2012
Localisation : Casinca

MessageSujet: Re: Scritti imposti   Jeu 17 Mai - 15:40

Ùn sò micca d'accunsentu incù l'ultima frasa. Hè propiu ghjustu u sughjettu, mi pare, è hè trattatu cun squisitezza.
Revenir en haut Aller en bas
Voir le profil de l'utilisateur http://appuntamentu-corsu.forums-actifs.net
Erbaghju



Messages : 452
Date d'inscription : 29/02/2012

MessageSujet: Re: Scritti imposti   Jeu 17 Mai - 18:56

Trovu ch'emu fattu bè d'aspittà un pocu, stu sugettu ci hà datu belle puesie ditone
Revenir en haut Aller en bas
Voir le profil de l'utilisateur http://erbaghju.unblog.fr/
Circione



Messages : 2157
Date d'inscription : 27/02/2012

MessageSujet: Re: Scritti imposti   Jeu 17 Mai - 20:29

@Erbaghju a écrit:
Trovu ch'emu fattu bè d'aspittà un pocu, stu sugettu ci hà datu belle puesie ditone

iè mi pare un bon principiu, filicitazione à tutti.
salutu2

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Addisperata



Messages : 205
Date d'inscription : 10/03/2012

MessageSujet: Re: Scritti imposti   Ven 18 Mai - 8:56

Novu scritti imposti puesia

CHJAMA à I PUETI DI U BLOGGU

Pè a settimana di a lingua d'AIACCIU (4-10 di ghjugnu),
scrivite una puesia ripigliendu una o parechje parolle di e 33 parolle scelte da l'urganizatori
(vede in "Attualità" , in "settimana di a lingua", a rubrica DEMO ET DES LETTRES, ci sò e mudalità)


A SFIDA seria di ripiglià u più gran numeru di parolle pussibule

mittitele quì è MANDATELE à a cità d'AIACCIU à u più prestu (era u 16 a data limita ma sò sicura chì sin'à LUNI anderà)











Dernière édition par Addisperata le Ven 18 Mai - 8:58, édité 1 fois
Revenir en haut Aller en bas
Voir le profil de l'utilisateur
Addisperata



Messages : 205
Date d'inscription : 10/03/2012

MessageSujet: Re: Scritti imposti   Ven 18 Mai - 8:58


http://isula.forumactif.com/t189-settimana-di-a-lingua-corsa

vede "demo et des lettres scrive un testu "
Revenir en haut Aller en bas
Voir le profil de l'utilisateur
Addisperata



Messages : 205
Date d'inscription : 10/03/2012

MessageSujet: Re: Scritti imposti   Ven 18 Mai - 9:01


Eccu a meia
(cù solu trè parolle : Allegria, nimu, voce)

si pò fà bellu megliu Wink


A to voce



A to voce

in u silenziu

di u core

dice l'allegria

di tandu.



Eccu un omu

chì viaghja

longu à u mare

ùn la sente

a to voce

ùn cunnosce

u to cantu

smarrisce daretu à i pini

cum'è un'ombra.



Nimu

sottu à u celu



Eiu

sola

nantu à a rena

cù a to voce

in core



Eiu

in u ventu

chì a si porta



Eiu?

Quale sò?

Revenir en haut Aller en bas
Voir le profil de l'utilisateur
Tittò



Messages : 50
Date d'inscription : 09/05/2012

MessageSujet: Re: Scritti imposti   Sam 19 Mai - 11:15

Di manera à risponde à ogni dumanda (U ghjocu cun e parulle è u scrittu impostu ben ch'o mi sia lampatu in una struttura di rime ABABAB) aghju scrittu in furia un qualcusellu... risa
(O Addisperata s'ellu hè appena longu ne facciu un' altru più cortu ma cacciendu qualchì parulla)

Destinu, o caru destinu…

Pigliu penna è calamaru
Da pudè fà cunfessione
A u mo destinu caru
Chì si ne stà papachjone
Lascendumi ind’è l’amaru
Senza nisun’ cumpassione.

Eri rè d’u mo stradone
E ti sò statu ubidiente
Ma oghje o caru patrone
A mo voce facciu sente :
Vogliu rifà l’elezzione
Chì t’hà fattu presidente !

Affunatu è mezu rittu
Sò di pedi in a to pasta
Pari campà d’u cunflittu
Duve u mo esse si guasta…
Oghje ùn possu più stà zittu
Eppo ti volgiu dì : basta !

A mo vita hè straziata
A saperai ancu bè,
Per ogni stonda cacciata
Ci ai messu un oimè,
E l’idea chì m’hè nata :
Scappà luntanu di tè !

Sai chì u galateu
Ancu troppu u cunnoscu
Mughju chì mi trovu eu
Sott’un lume bellu boscu
E m’alliscia un alizeu
Sparghjendu solu attoscu.

Ti credia u mo fratellu
Cun qual’ pudia sulcà,
Ancu u mare u più ribellu
Senza teme di cascà
Nant’à un stessu battellu,
Inseme per spassighjà.

Ti credia u mo fratellu
Chì mi sapie purtà
Nant’u chjassu u più bellu
Ch’ùn pudia imaghjinà,
Chì d’ogni ghjornu nuvellu
Mi pudia innamurà.

Ti credia u mo fratellu
Carcu à sulidarità,
Caru di più ch’un ghjuvellu
Chì issu mondu ci pò dà,
Ti credia sempre quellu
A ditti a verità...

Mi credia affurtunatu
Mez' à un tempu uffertu,
Invece sò casticatu
Mez'à un tempu incertu...
Averia di più fiatu
À zappà in u desertu...

Eiu mancu ùn ti dumandu
Riescita infinita,
Ma dammi torna u cumandu
Ch’o ripigli a mo vita…
Mi sò scurdatu di quandu
Andava senza ferita…

Vogliu dumandà favore
Chì sò bughji i mo camini,
Spergu ancu un lasciacorre
Da i to colpi mastini :
A spina di u to fiore
Vale più chè mille zini.

Sò mastini eppo vili
E per forza m’inghjinnochju,
E i tempi veranili
Guardanu in caterochju…
Ùn valenu più mandili
Per asciuvà u mo ochju.

Pensava ch’ella era fida
E dolce a to cumpagnia
Ma u core troppu strida
D’esse privu d’allegria,
Era chjachjara perfida
Macagna, viziu è bugia.

Ti facia u battimanu
Mi paria generosu,
Sunniava ancu pianu
A un andà più pumposu
Duve t’ere u guardianu
D’un campà maravigliosu.

Ma tuttu oghje m’abbisogna
Ùn a pregheraghju à nimu,
Sò persu mez’à l’angogna
E di core a ti sprimu
Dicendu senza vergogna :
Eramu ma più nun simu.

Manc’una donna à amà
Tuttu mi gira u spinu,
Più mi scannellu à chjamà
E più mi sentu mischinu
Cusì ùn possu firmà :
Lagami caru destinu !.

Tittò u 19 di maghju di u 2012.


PS : amusatevi à ritruvà e parulle... lingua


Dernière édition par Tittò le Dim 20 Mai - 1:11, édité 1 fois
Revenir en haut Aller en bas
Voir le profil de l'utilisateur
Addisperata



Messages : 205
Date d'inscription : 10/03/2012

MessageSujet: Re: Scritti imposti   Sam 19 Mai - 23:35

@Tittò a écrit:
Di manera à risponde à ogni dumanda (U ghjocu cun e parulle è u scrittu impostu ben ch'o mi sia lampatu in una struttura di rime ABABAB) aghju scrittu in furia un qualcusellu... risa
(O Addisperata s'ellu hè appena longu ne facciu un' altru più cortu ma cacciendu qualchì parulla)

Destinu, o caru destinu…

Pigliu penna è calamaru
Da pudè fà cunfessione
A u mo destinu caru
Chì si ne stà papachjone
Lascendumi ind’è l’amaru
Senza nisun’ cumpassione.

Eri rè d’u mo stradone
E ti sò statu ubidiente
Ma oghje o caru patrone
A mo voce facciu sente :
Vogliu rifà l’elezzione
Chì t’hà fattu presidente !

Affunatu è mezu rittu
Sò di pedi in a to pasta
Pari campà d’u cunflittu
Duve u mo esse si guasta…
Oghje ùn possu più stà zittu
Eppo ti volgiu dì : basta !

A mo vita hè straziata
A saperai ancu bè,
Per ogni stonda cacciata
Ci ai messu un oimè,
E l’idea chì m’hè nata :
Scappà luntanu di tè !

Sai chì u galateu
Ancu troppu u cunnoscu
Mughju perchè chì mi trovu eu
Sott’un lume bellu boscu
E m’alliscia un alizeu
Sparghjendu solu attoscu.

Ti credia u mo fratellu
Cun qual’ pudia sulcà,
Ancu u mare u più ribellu
Senza teme di cascà
Nant’à un stessu battellu,
Inseme per spassighjà.

Ti credia u mo fratellu
Chì mi sapie purtà
Nant’u chjassu u più bellu
Ch’ùn pudia imaghjinà,
Chì d’ogni ghjornu nuvellu
Mi pudia innamurà.

Ti credia u mo fratellu
Carcu à sulidarità,
Caru di più ch’un ghjuvellu
Chì issu mondu ci pò dà,
Ti credia sempre quellu
A ditti a verità…
Eiu mancu ùn ti dumandu
Riescita infinita,
Ma dammi torna u cumandu
Ch’o ripigli a mo vita…
Mi sò scurdatu di quandu
Andava senza ferita…

Vogliu dumandà favore
Chì sò bughji i mo camini,
Spergu ancu un lasciacorre
Da i to colpi mastini :
A spina di u to fiore
Vale più chè mille zini.

Sò mastini eppo vili
E per forza m’inghjinnochju,
E i tempi veranili
Guardanu in caterochju…
Ùn valenu più mandili
Per asciuvà u mo ochju.

Pensava ch’ella era fida
E dolce a to cumpagnia
Ma u core troppu strida
D’esse privu d’allegria,
Era chjachjara perfida
Macagna, viziu è bugia.

Ti facia u battimanu
Mi paria generosu,
Sunniava ancu pianu
A un andà più pumposu
Duve t’ere u guardianu
D’un campà maravigliosu.

Ma tuttu oghje m’abbisogna
Ùn a pregheraghju à nimu,
Sò persu mez’à l’angogna
E di core a ti sprimu
Dicendu senza vergogna :
Eramu ma più nun simu.

Manc’una donna à amà
Tuttu mi gira u spinu,
Più mi scannellu à chjamà
E più mi sentu mischinu
Cusì ùn possu firmà :
Lagami caru destinu !.

Tittò u 19 di maghju di u 2012.


PS : amusatevi à ritruvà e parulle... lingua


L'aghju tutte??


bravu o Tittò, un magnificu eserciziu di stilu! l'ai fatta!

mandalu cusì, pocu impreme ch'ellu sia un pocu longu, ai adupratu guasi tutte e parolle

NB : era "affurtunatu" a parolla è micca affunatu
manca dinù ; zappà risa

MA sì un virtuosu...
Revenir en haut Aller en bas
Voir le profil de l'utilisateur
Tittò



Messages : 50
Date d'inscription : 09/05/2012

MessageSujet: Re: Scritti imposti   Dim 20 Mai - 1:18

Eccu aghju fattu e mudificazione in quantu à e duie parulle... Avia lettu in caterochju... ride À quale a mandu??


Ps : m hè piaciutu l eserciziu ! Forse un idea per u prussimu scrittu impostu scratch ride
Ps 2: ùn sò micca un virtuosu aiò! À ringraziatti quantunque per i fiori! evviva
Revenir en haut Aller en bas
Voir le profil de l'utilisateur
Ruclinonu Solechjari



Messages : 518
Date d'inscription : 27/02/2012
Localisation : Casinca

MessageSujet: Re: Scritti imposti   Dim 20 Mai - 8:01

Bella prudessa, in tutti i casi ! ditone
Revenir en haut Aller en bas
Voir le profil de l'utilisateur http://appuntamentu-corsu.forums-actifs.net
Addisperata



Messages : 205
Date d'inscription : 10/03/2012

MessageSujet: Re: Scritti imposti   Dim 20 Mai - 10:42

@Tittò a écrit:
Eccu aghju fattu e mudificazione in quantu à e duie parulle... Avia lettu in caterochju... ride À quale a mandu??


Ps : m hè piaciutu l eserciziu ! Forse un idea per u prussimu scrittu impostu scratch ride
Ps 2: ùn sò micca un virtuosu aiò! À ringraziatti quantunque per i fiori! evviva

Vai in "Attualità", à u sugettu "settimana di a lingua in Aiacciu" ci sò i furmularii

o vai nantu à u situ di a cità d'Aiacciu, "settimana di a lingua" .

torna i mo cumplimenti!
Revenir en haut Aller en bas
Voir le profil de l'utilisateur
Ruclinonu Solechjari



Messages : 518
Date d'inscription : 27/02/2012
Localisation : Casinca

MessageSujet: Re: Scritti imposti   Dim 20 Mai - 11:06

@Addisperata a écrit:
@Tittò a écrit:
Eccu aghju fattu e mudificazione in quantu à e duie parulle... Avia lettu in caterochju... ride À quale a mandu??


Ps : m hè piaciutu l eserciziu ! Forse un idea per u prussimu scrittu impostu scratch ride
Ps 2: ùn sò micca un virtuosu aiò! À ringraziatti quantunque per i fiori! evviva

Vai in "Attualità", à u sugettu "settimana di a lingua in Aiacciu" ci sò i furmularii

o vai nantu à u situ di a cità d'Aiacciu, "settimana di a lingua" .

torna i mo cumplimenti!

Eiu ùn ti facciu ch'e cumplimenti arrabiati, o Tittò, perchè ai scrittu megliu ch'e mè è mi dispiace ! ira
Revenir en haut Aller en bas
Voir le profil de l'utilisateur http://appuntamentu-corsu.forums-actifs.net
Ruclinonu Solechjari



Messages : 518
Date d'inscription : 27/02/2012
Localisation : Casinca

MessageSujet: Re: Scritti imposti   Dim 20 Mai - 11:10

@Ruclinonu Solechjari a écrit:
@Addisperata a écrit:
@Tittò a écrit:
Eccu aghju fattu e mudificazione in quantu à e duie parulle... Avia lettu in caterochju... ride À quale a mandu??


Ps : m hè piaciutu l eserciziu ! Forse un idea per u prussimu scrittu impostu scratch ride
Ps 2: ùn sò micca un virtuosu aiò! À ringraziatti quantunque per i fiori! evviva

Vai in "Attualità", à u sugettu "settimana di a lingua in Aiacciu" ci sò i furmularii

o vai nantu à u situ di a cità d'Aiacciu, "settimana di a lingua" .

torna i mo cumplimenti!

Eiu ùn ti facciu ch'e cumplimenti arrabiati, o Tittò, perchè ai scrittu megliu ch'e mè è mi dispiace ! ira


risa risa
Revenir en haut Aller en bas
Voir le profil de l'utilisateur http://appuntamentu-corsu.forums-actifs.net
Tittò



Messages : 50
Date d'inscription : 09/05/2012

MessageSujet: Re: Scritti imposti   Dim 20 Mai - 13:08

lol!
Revenir en haut Aller en bas
Voir le profil de l'utilisateur
ghjiseppa



Messages : 14
Date d'inscription : 06/03/2012
Localisation : Petralba / Pigna / Bastia.

MessageSujet: Re: Scritti imposti   Dim 20 Mai - 18:32

bella o TITTÒ evviva
Revenir en haut Aller en bas
Voir le profil de l'utilisateur
Addisperata



Messages : 205
Date d'inscription : 10/03/2012

MessageSujet: Re: Scritti imposti   Dim 20 Mai - 18:49

@ghjiseppa a écrit:
bella o TITTÒ evviva

è tù o Ghjisè? felice
Revenir en haut Aller en bas
Voir le profil de l'utilisateur
Erbaghju



Messages : 452
Date d'inscription : 29/02/2012

MessageSujet: Re: Scritti imposti   Dim 20 Mai - 20:13

Pudemu aspittà sin'à a fine di u mese innanzu di truvacci un antru sugettu
Revenir en haut Aller en bas
Voir le profil de l'utilisateur http://erbaghju.unblog.fr/
Erbaghju



Messages : 452
Date d'inscription : 29/02/2012

MessageSujet: Re: Scritti imposti   Mer 30 Mai - 20:50

@Tittò a écrit:

Ps : m hè piaciutu l eserciziu ! Forse un idea per u prussimu scrittu impostu scratch ride

Postu ch'ella hè cusì, tocc'à tè di pruponeci calcosa per u mese di ghjunghju.
Revenir en haut Aller en bas
Voir le profil de l'utilisateur http://erbaghju.unblog.fr/
Erbaghju



Messages : 452
Date d'inscription : 29/02/2012

MessageSujet: Re: Scritti imposti   Lun 16 Juil - 21:42

@Erbaghju a écrit:
@Tittò a écrit:

Ps : m hè piaciutu l eserciziu ! Forse un idea per u prussimu scrittu impostu scratch ride

Postu ch'ella hè cusì, tocc'à tè di pruponeci calcosa per u mese di ghjunghju.

Postu chì Tittò ùn ci risponde, u prussimu sugettu u prupongu eiu! Fate una canzona per i zitelli, avete sin'à a riintrata di a scola!


Revenir en haut Aller en bas
Voir le profil de l'utilisateur http://erbaghju.unblog.fr/
Erbaghju



Messages : 452
Date d'inscription : 29/02/2012

MessageSujet: Re: Scritti imposti   Mar 4 Sep - 18:03

Allora quale hè chì hà scrittu calcosa?
Revenir en haut Aller en bas
Voir le profil de l'utilisateur http://erbaghju.unblog.fr/
Sumenta



Messages : 2050
Date d'inscription : 25/02/2012

MessageSujet: Re: Scritti imposti   Mar 4 Sep - 19:25

@Erbaghju a écrit:
Allora quale hè chì hà scrittu calcosa?

averanu scrittu qualcosa nant'à e vacanze postu ch'elli ùn anu tantu u laziu di ripiglià a strada di a scola risa

mi piacerebbe assai à leghje parechji scritti nant'à stu sugettu! postu chì a rientrata s'avvicina sarebbe l'occasione di prupone testi novi à i mo ciucci :oops:
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: Scritti imposti   Aujourd'hui à 11:14

Revenir en haut Aller en bas
 
Scritti imposti
Voir le sujet précédent Voir le sujet suivant Revenir en haut 
Page 4 sur 9Aller à la page : Précédent  1, 2, 3, 4, 5, 6, 7, 8, 9  Suivant
 Sujets similaires
-
» Scritti imposti
» Scritti imposti
» Scritti imposti antulugia

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Puesia-
Sauter vers: