Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Canzone pulitiche (vechje è nove)

Voir le sujet précédent Voir le sujet suivant Aller en bas 
AuteurMessage
sidussincu



Messages : 252
Date d'inscription : 14/03/2012

MessageSujet: Canzone pulitiche (vechje è nove)   Ven 20 Avr - 22:15

Aghju da apre stu filu cù una puesia di circustanza (era ora di mettela, chì s'avvicina u scrutinu !). Ci n'hè per tuttu u mondu, ma cù certi era di sicuru più faciule :

L’elezzione di u Prisidente di a Republica francese – maghju 2012



Di tutti sti candidati
Chì n’avaremu da fà
Cercanu tutti li mezi
Per avè a magiurità
Noi ùn li vutemu micca
È i lascemu parlà.

O s'ellu c'era una amenda
Per ogni bucia cappiata
Pensu chì più d’una volta
Falaria ma cutrata !
Tutta la candidatura
Ne saria sbaiuccata.

Prima vogliu ammintà
L’arichjutu di l’Elisea
Cinqu’anni ch’ellu s’arrizza
Sempre cù una nov’edea
Pè zappà nu u bangatu
Hè di novu candidatu.

À stà à sente à Sarkossu
Hà già salvatu u mondu
Ancu à pedi nu u fossu
Ùn si vole vede in fondu
U ci prisenta quadratu
L’affare quand’ellu hè tondu !

C’eranu candidatelli
Diputati è ministri
Giravanu intornu à elli
Butinisti è Vilpinisti
Anu righjuntu u primu
Senza troppu ch’ellu insisti.

Ma lascemu po’ issa ghjente
Lampemu un sguardu à manca
Hollande ghjè seguitatu
Da una truppa bella stanca
Quellu pè ghjunghje à u tronu
Quant’hè ch’ellu pesa l’anca !

S’o vuteraghju per ellu
Cù pecure, capre è mucche
Mi misurgu è dubiteghju
S’aghju da rinfurzà e truppe
Forse ci zapparà menu
Ma ci zapparà quantunque.

Dopu ci hè ssu Mélanchon
Arrabiatu cum’è un cane
Vole spuglià i ricconi
Ma ùn sò s’ellu l’hà da fane
E prumesse, dopu elettu
Parenu sempre luntane…

Nu u chjosu socialistu
Ci hà apartu una callaghja
Sortanu e pecurelle
Ogni volta ch’ellu abbaghja
Ma riturneranu prestu
Videndu u latte ch’ùn caghja.

Ci sarà quellu impiegatu
Licenziatu da l’usina
Chì n’andarà cum’è sempre
À fassi un frullu à Marina
Suguitavanu u babbu
Suguitanu a figliulina.

Pare ch’ella appii manghjatu
E forche in aziminu
Hà frustatu li so scarpi
Sempre in listessu camminu
Vole caccià u strangeru
Chì zappa lu so giardinu !

Ùn parlaraghju d’Artaud
È nemmancu di Poutou
Chì piglianu à capu inghjò
È Dupont-Aignan dinù
Ma mi tocca à dì qualcosa
Di quellu François Bayrou.

Cinqu’anni fà mi paria
Un omu più chè fundatu
Quist’annu, cumu si face ?
Pare più chè disinnatu
L’astra volta era u terzu
Ma oghje sarà falatu !

C’hè lu partitu di l’erba
Chì face candidatura
Ma la so ghjente hè macerba
- Fruttu verde ùn hè maturu ! -
Per viaghjà in bissicletta
Và listessu nu u muru.

U più stranu sarà forse
’Ssu scemu di Sciaminatu
Fà chì pè pudè cuncorre
Pè u carminu hè passatu ?
Quand’ellu era nantu u tettu
Pensu chì u sole hà pichjatu.

Si vede subitu subitu
Ch’ellu hè liatu à a funa
Face appena cum’è tutti
Prumittenduci a luna
Ma sarà ancu più pazzu
Chì ci prumette ancu Marzu !

Di parlà s’elli anu l’asgiu
A cosa hè più chè chjara
Ùn hè micca à u più chì face
Hè à u più chì dichjara
Ma quella di i « sondages »
Quandu fala nun si para.

Parlanu di carne Hallal
Di permessi di cunduce
In pettu à u « chômage »
Hè quant’à spillà e puce
Facenu cum’è a farfalla
Chì gira intornu à a luce.

Girate u primu giru
Belle techje di duttrine
Ma sappiatevi cunnosce
O siate più maligne
A farfalla ch’hà giratu
Spessu si brusgia à a fine !

SIDUSSINCU
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Canzone pulitiche (vechje è nove)   Sam 21 Avr - 0:19

ditone

À tutti ai numinatu
Incu a to musa à fiancu
Citi ogni candidatu
Eppo ùn ti sbagli mancu
Quantunque ti sè scurdatu
Di u buglittinu biancu Wink

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
 
Canzone pulitiche (vechje è nove)
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Nove, nouvelle parmi vous.
» jardiland auchan noyelles godault
» [Dédicace] Ji Di le mercredi 12 novembre
» transport baja
» Parigi: lasciapassare dell'Italia a immigrati sono un problema

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Puesia-
Sauter vers: