Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Rocchi Ghjuvanteramu

Voir le sujet précédent Voir le sujet suivant Aller en bas 
Aller à la page : 1, 2, 3  Suivant
AuteurMessage
Sperenza



Messages : 1146
Date d'inscription : 28/02/2012
Localisation : quassù

MessageSujet: Si vultatu tù   Mer 28 Mar - 22:37

SI VULTATU TÙ

Ci era un boscu è ùn ci hè più
Induve tù volti tù
Ci era un arburu è ùn ci hè più
Induve tù volti tù
U sigone cù lu focu
Anu stirpatu ogni locu
Mentre ùn ci eri tù
Mentre ùn ci eri tù

Ci era un paese è ùn ci hè più
Induve tù volti tù
Ci era una casa è ùn ci hè più
Induve tù volti tù
A miseria cù la guerra
Anu messu tuttu in terra
Mentre ùn ci eri tù
Mentre ùn ci eri tù

Torna appena è ùn ci era più
Induve tù volti tù
Torna appena è ùn ci era più
Induve tù volti tù
U to populu padrone
À campà in lu so rughjone
Mentre ùn ci eri tù
Mentre ùn ci eri tù

Pienta un arburu dinù
Induve tù stai tù
Alza una casa dinù
Induve tù stai tù
À mezu à li to fratelli
Falli i ghjorni più belli
Induve tù stai tù
Induve tù stai tù

Si vultatu tù
Si vultatu tù.


Ghjuvan Teramu ROCCHI

Revenir en haut Aller en bas
Voir le profil de l'utilisateur http://isulana.blogspot.com
Campu Longu



Messages : 5
Date d'inscription : 05/04/2012

MessageSujet: Re: Rocchi Ghjuvanteramu    Jeu 5 Avr - 23:35

Un omu attalintatu è un bellu scrittu ditone
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Rocchi Ghjuvanteramu    Mer 2 Mai - 10:56

Ghjuvanteramu ROCCHI, natu in 1940 in Loretu di Casinca. Fù incaricatu di a furmazione di i maestri in lingua è cultura corsa.
Militante di prima sfiera di u insignamentu di u corsu è pueta impurtante di a leva di u sittanta, à scrittu per parechji gruppi è cantadori corsi: I Muvrini, Canta u Populu Corsu, A Filetta, Antone Ciosi... Oghje scrive assai per u cantadore Felì.



Hè di più chè cusì

U mio paese o ghjente care
Ùn hè quellu di l'affissi
Pè i muri di e gare
Di quand'hè tempu à turisti

U mio paese o ghjente care
Ùn hè solu sole è mare
Hè di più chè cusì
U mio paese sì
Hè di più che cusì
U mio paese sì

U spechjanu e so case
Longu e quattru stagioni
Marine valle è muntagne
Da fiurimi à nivaghjoni

U mio paese o ghjente care
Ùn hè solu sole è mare
Hè di più chè cusì
U mio paese sì
Hè di più chè cusì
U mio paese sì

U cantanu omi è donne
Sempre in lotta pè u so pane
Per fà valè u dirittu
D'inventassilu un dumane

U mio paese o ghjente care
Ùn hè solu sole è mare
Hè di più chè cusì
U mio paese sì
Hè di più chè cusì
U mio paese sì

U dicenu i pueti
Terra è ghjente inghjumelati
Nè à cumprà nè à vende
Locu di i nostri fiati

U mio paese o ghjente care
Ùn hè solu sole è mare
Hè di più chè cusì
U mio paese sì
Hè di più chè cusì
U mio paese sì

Hè dettu è ancu à dì
U mio paese sì...

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Rocchi Ghjuvanteramu    Mer 2 Mai - 11:14


U muvrinu
Di e so prove
Sentu sempre u vantu
Sò ghjunti à schere
È fattuli l'accampu
S'anu chjappu u muvrinu
Chì ci teniamu tantu
È u si n'anu falatu
per purtassilu in un lampu.

Rizzati o caru
U muvrinu arrivintu
Imbela in la strada
Chì colla in Monte Cintu
Brama di ghjucacci torna
Induve u lacciu l'hà vintu
L'anu messu e pastoghje
È lampatu in un accintu.

Quassù a muvra
Sola o la curciarella
Tutta a notte
À chjamà si scannella
Teme di vedela spenta
In celu l'ultima stella
Senza chì u so muvrinu
Sia torna accantu à ella.

Da casamozza
È sempre in latu à Golu
Falli l'avviu
Sin'à lu Ponte Novu
Eppo dopu fratta fratta
Sinu à u biancu Niolu
Quantu seranu cuntenti
È a mamma è u figliolu.

Rizzati o caru
Aiò rittu chì hè ora
Tè a mio manu
Escimu inseme è fora
T'accumpagnerà Babbone
Da ch’è tù ùn abbia paura
Di fà cappià u muvrinu
Serà la nostra primura.

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
u ghjudice



Messages : 200
Date d'inscription : 26/02/2012

MessageSujet: Re: Rocchi Ghjuvanteramu    Mer 2 Mai - 12:03

In mediterraniu quant'ella era sola
Strada ùn ne sapia chè una
Si cuntava sempre a listessa fola
Era à pienghje sempre sfurtuna
U s'avvene quì era cum'è chjosu
Avvene per elle ùn ci n'era
Locu di silenziu locu di riposu
Messa detta è fatta prighera

E poi una mane addiu galera
S'hè vulsuta arritta in stu mare
Quantu l'hè custata a so discitera
Cun lacrime di sangue è di sale
Si di a so memoria alza le bandere
Fida à a so storia passata
A dice dinù in ciò ch'ella crede
Più fraterna l'avvicinata

In mediterraniu oghje ùn hè più sola
S'aprenu e strade più belle
Cresce a speranza d'una vita nova
D'isule in cullana è surelle

G.T. Rocchi / Felì Travaglini
Revenir en haut Aller en bas
Voir le profil de l'utilisateur
L'aria falcona



Messages : 5
Date d'inscription : 14/03/2012
Localisation : U mazzone

MessageSujet: In mediterraniu   Mer 2 Mai - 12:08

À ringraziavvi pè istu travaglione di tramandera. evviva
Eccuvi una puesia diu pueta ordacciu messa in musica da felì.

In mediterraniu

In mediterraniu quant'ella era sola

Strada ùn ne sapia chè una

Si cuntava sempre a listessa fola

Era à pienghje sempre sfurtuna

U s'avvene quì era cum'è chjosu
Avvene per ella ùn ci n'era

Locu di silenziu locu di riposu

Messa detta è fatta prighera


È poi una mane addiu galera

S'hè vulsuta arritta in stu mare

Quantu l'hè custata a so discitera
Lacrime di sangue è di sale

Sì di a so memoria alza le bandere

Fida à a so storia passata

A dice dinù in ciò ch'ella crede

Più fraterna l'avvicinata

In mediterraniu oghje ùn hè più sola

S'aprenu e strade più belle

Cresce a speranza d'una vita nova
D'isule in cullana è surelle

Revenir en haut Aller en bas
Voir le profil de l'utilisateur
L'aria falcona



Messages : 5
Date d'inscription : 14/03/2012
Localisation : U mazzone

MessageSujet: Re: Rocchi Ghjuvanteramu    Mer 2 Mai - 12:11

haha: "un messagiu hè statu pustatu mentre ch'è vo scriviate u vostru". Trasmissione di pensamentu.
Ùn mi stona mancu appena ch'ellu pubblicheghji ista puesia u Ghjudice.
Revenir en haut Aller en bas
Voir le profil de l'utilisateur
L'aria falcona



Messages : 5
Date d'inscription : 14/03/2012
Localisation : U mazzone

MessageSujet: Corsica dumane   Mer 2 Mai - 12:24

À tutti l'accaniti è i ghjucadori di u SCB.


Corsica Dumane


Sò fratelli di sparnuccera 

Di e sponde più luntane 

Hè a Corsica a so spera 

Corsica dumane

Sò piaghjinchi è sò muntagnoli 

Sò di brame paisane 

Hè a Corsica in li so cori 

Corsica dumane

Sò di terra di celu o mare 

Sò di u stentassi pane 

Hè a Corsica u s' altare 

Corsica dumane

Sò à furia è sò à rifiatu 

À stazzunà l'unione 

Hè a Corsica u so laziu 

Corsica dumane

Vai à dilla à a terra sana 

Chì a Corsica dumane 

Ne serà libara è suvrana 

Corsica dumane
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Rocchi Ghjuvanteramu    Mer 2 Mai - 15:27

@L'aria falcona a écrit:
À tutti l'accaniti è i ghjucadori di u SCB.


Corsica Dumane


Sò fratelli di sparnuccera 

Di e sponde più luntane 

Hè a Corsica a so spera 

Corsica dumane

Sò piaghjinchi è sò muntagnoli 

Sò di brame paisane 

Hè a Corsica in li so cori 

Corsica dumane

Sò di terra di celu o mare 

Sò di u stentassi pane 

Hè a Corsica u s' altare 

Corsica dumane

Sò à furia è sò à rifiatu 

À stazzunà l'unione 

Hè a Corsica u so laziu 

Corsica dumane

Vai à dilla à a terra sana 

Chì a Corsica dumane 

Ne serà libara è suvrana 

Corsica dumane

hè inedita questa quì innò?
hè bella, hè muderna.
ditone

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Rocchi Ghjuvanteramu    Mer 2 Mai - 15:32

Simu sbanditi

Simu sbanditi, o pessima cunghjura
Chì sò dui seculi ch'ella dura,
Ci hè stata tantu aduprata a so trista punghjitura
Quandu impiegata la forza, Quandu la intrappulatura.

Da Ponte Novu, finitu lu tazzeghju
Ci si sò dati à fanne assai peghju,
Viulentendu è impicchendu induv'ellu ci era passeghju
Di u populu di Cirnu, chì ancu oghje n'hà lu schifeghju.

Per fà le so guerre, è per fà lu so imperu,
S'anu arrubbatu più di u bracciu fieru,
Ramintendusi le prove di Ghjudice è di Sampieru
È di Sambucucciu d'Alandu è di Paoli l'altieru.

Sò senza bande, i nostri i pastori,
È senza terra sò tanti agricultori,
Fora la giuventù corsa, stà fendu lu corri corri,
Quand'elli sbarcanu à schere, i so vili incettadori.

Micca banditi, patriotti d'onore,
È per la patria pronti à lu furore,
E nostre bandere bianche, stampate di teste more
Chjoccanu cum'è saette, in faccia à l'ingannadore.

Aiò surelle, aiutate à a mossa,
Vi guidi sempre Faustina la corsa,
Chì u populu di Cirnu mai lu metteranu in fossa,
Sè cun voi per cumpagne, demu oghje l'ultima scossa.

O l'arme eterne, d'ogni virtù pruvisti,
Femu spazzosa di tanti inghjusti acquisti,
Ch'ellu si ne parli à veghja, quì di li culunialisti,
O i ladri, o i furdani, o li cani fora pristi.

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Rocchi Ghjuvanteramu    Mer 2 Mai - 15:46

SUNNIATA


U mare vene
Voltu San Pellegrinu
À sfrisgia rena
Ci undulieghja
Un chjarore argentinu
Di luna piena

Quattu in le fronde
Mezu à canne è falasche
Fium’Altu aspetta
Un’alitata
Di muntese in le frasche
Pè a so festa
Pè a so festa

L’aria falcona tira
Da sopra à San Petrone
A Castagniccia viva
Ribomba di canzone
Di lume riccamatu
Risplende ogni paese
U celu ci hà calatu
Tutte e so stelle incese

Di fiume l’acque fonde
Barcanu u striscione
Si maritanu l’onde
Di punta à San Petrone
Di u mare Tirrenu
Ne ride ogni cuntornu
S’avviccina un batellu
Chì si chjama « Ritornu »

È… Si pesa u ghjornu




_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
L'aria falcona



Messages : 5
Date d'inscription : 14/03/2012
Localisation : U mazzone

MessageSujet: Quì è Tantu manchi   Mer 2 Mai - 16:09

O Circiò ùn hè micca nova a poi truvà nant'à u dischettu "Veni à cantà esciutu" in u 1992

Ghjè nant'à istu dischettu ch'elli si ponu truvà:

QUÌ

Vede quantu sta pianetta hè tonda
È alta è prufonda
Vede quantu ne sbuccia è ne intrama
È ne spanna brama
Dissitammi à e mille surgente
Di a vita induv'ella hè presente
Fà pruvista di stonde sebbiate
In le mo scappate

Andulà pè porti è pè citatone
Ghjorni è settimane
Rimirà torre cù catedrali
Palazzi reali
Ogni locu è ogni opara umana
RitrattaIli è metteli in cullana
Fà pruvista di stonde sebbiate
In le mo scappate

Scopre l'altrò sì
Ma falla a mo vita quì

La ci fussi un isula furtunata
A mo innamurata
Accustacci à pasacci un suggiornu
È po fà ritornu
Fà ritornu in Corsica amata
Induve chì a passione ci hè nata
Fà pruvista di stonde sebbiate
In le nostre scappate

Scopre l'altrò sì
Ma fà a nostra vita quì.

TANTU MANCHI

Tù sapesse tù quant'è tù manchi
Tù sapesse u viotu à l'intornu
Sì partuta è da quellu ghjornu
Ghjochi è rise ind'è noi sò stanchi
D'ùn pudetti più vede hè frastornu
Da tantu manchi
U scalone hè cusì inchjuculitu
Senza tè è senza più zitelli
U scalone oghje mi pare un nidu
Chì u si anu lasciatu l'acelli
Sente solu di mè i rimpianti
Da tantu manchi

Forse sì induv'è tù sì ingrandata
Forse faci una vita beata
Ghjorni nostri mi ne vene tanti
Da tantu manchi

Tù sapesse tù quant'è tù manchi
Tù sapesse u viotu à l'intornu
U vaghjime hè digià di ritornu
Cù i so ventisgioli languenti
Ùn ci sì è m'attrista u ghjornu
Da tantu manchi

Forse sì induv'è tù sì ingrandata
Forse faci una vita beata
Ghjorni nostri mi ne vene tanti
Da tantu manchi
Ghjorni nostri eiu n'aspettu tantu
Da tantu manchi







Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Rocchi Ghjuvanteramu    Mer 2 Mai - 17:01

@L'aria falcona a écrit:
O Circiò ùn hè micca nova a poi truvà nant'à u dischettu "Veni à cantà esciutu" in u 1992

ah... :oops:
ùn mi dice nulla nulla, forse s'e a stò à sente...
à ringraziatti.
salutu2

ci vole à dì chì in lu 1992 ùn era ancu natu.
risa

_________________
Spunsurizatu  da l'UNESCO


Dernière édition par Circione le Mer 2 Mai - 20:54, édité 1 fois
Revenir en haut Aller en bas
Voir le profil de l'utilisateur
Isulanu



Messages : 226
Date d'inscription : 03/03/2012

MessageSujet: Re: Rocchi Ghjuvanteramu    Mer 2 Mai - 20:04

E so puesie sò meraviglie da veru!
Revenir en haut Aller en bas
Voir le profil de l'utilisateur
Sperenza



Messages : 1146
Date d'inscription : 28/02/2012
Localisation : quassù

MessageSujet: Re: Rocchi Ghjuvanteramu    Mer 2 Mai - 20:06

U Sognu di a mamma

Nantu à lu so scalone
Di petra matticciosa
Ch’ottobre frisgiuleghja
Di sole tepidognu
Zitta ver di u mare
À l’appossu è pensosa
A mamma lascia corre
Luntanu lu so sognu

L’hà visti parte tutti
I so dece figlioli
À tempu li vint’anni
Talle di tantu stantu
I stradicò la vita
Di mastini taglioli
È li si ne purtò
Cum'è frasche lu ventu

O li basgi o li basgi
Toccu l'estate quandu
Unu o l'altru ghjunghjia
À passà qualchi ghjornu
A notte si lasciava
Andà à sperà tandu
Ch'ellu era per sempre
In casa lu ritornu

Ma sò passati l'anni
È l'inghjulosa attesa
Hà inguizzitu li tratti
Hà stancatu lu core
S'hè chjosa ancu la manu
D'esse si tantu tesa
È quandu l'estatina
Cun un addiu more

Nantu à lu so scalone
Di petra matticciosa
Ch'ottobre frisgiuleghja
Di sole tepidognu
Ritta ver di lu mare
Silenziosa è zergosa
A mamma manda in pezzi
Stu sciaguratu sognu.

salutu2





Revenir en haut Aller en bas
Voir le profil de l'utilisateur http://isulana.blogspot.com
Sperenza



Messages : 1146
Date d'inscription : 28/02/2012
Localisation : quassù

MessageSujet: Re: Rocchi Ghjuvanteramu    Mer 2 Mai - 20:20

Ind'a sezzione PUESIA aghju messu "Si vultatu tù", di Ghjuvanteramu dinù. Wink



Revenir en haut Aller en bas
Voir le profil de l'utilisateur http://isulana.blogspot.com
Circione



Messages : 2157
Date d'inscription : 27/02/2012

MessageSujet: Re: Rocchi Ghjuvanteramu    Mer 2 Mai - 20:52

@Sperenza a écrit:
Ind'a sezzione PUESIA aghju messu "Si vultatu tù", di Ghjuvanteramu dinù. Wink




ete fattu bè, a pudete mette ancu quì, à u cuntrariu.
ditone

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
L'aria falcona



Messages : 5
Date d'inscription : 14/03/2012
Localisation : U mazzone

MessageSujet: Ghjuvantermu Rocchi è a Filetta   Mer 2 Mai - 21:58

Tutte messe in musica da Ghjuvanclaudiu Acquaviva fora di Machja n'avemu un antra è O Dumè o Muammè chì sò puesie lette. D'altronde ghjè un peccatu chì istu stile ùn avessi chjappu in a musica corsa!
Incù un sciaccamanu speziale à O Dumè o Muammè.


I mufrini

Noi simu i mufrini
Ghjunti da l'alte muntagne
È chì s'appuppanu à l'alba
Quella di e vostre brame.

Simu di stu Paese

È ci vulemu ingrandà

Simu di stu Paese

È ci vulemu amparà

Simu di stu Paese

È ci vulemu campà

Babbi è mamme chì ete tantu
Suspiratu à e partanze

Statelu à sente stu cantu

Colmu di nove speranze

O zitelli auropeani

D'Africa è l'altre cuntrate

Unimu e nostre mani

È cantemu à piene labbre.

A paghjella di l'impiccati

Se vo ghjunghjite in Niolu 

Ci viderete un cunventu 

Di u tempu u tagliolu 

Ùn ci n'hà sguassatu pientu 

Eranu una sessantina 

Chjosi in pettu à u spaventu

Dopu stati straziati 

Da i boia, o chì macellu ! 

Parechji funu impiccati 

Ci n'era unu zitellu 

L'anu tuttu sfracillatu 

È di rota è di cultellu

Oghje chì hè oghje in Corscia 

Fateci casu una cria 

Si pate sempre l'angoscia 

Intesu di Marcu Maria 

Era quessu lu so nome 

Mancu quindeci anni avia

Se vo ghjunghjite in Niolu 

Ci viderete un cunventu 

A brama d'ogni figliolu 

A ci dice ancu u ventu 

Libertà libertà sempre 

Dopu à tamantu spaventu

O Dumè o Muammè

U piccheletricu in battaglia
S'azzecca à a petra
À inzecca a taglia
In un scuppittime di mitraglia

À e manechje Muameddu
Capighjimbu
Tuttu trasalti
Quellu chi ùn caccia mai i so patti
À u stì quì a u stì là
Duv'ellu ci hè lochi da scassà
I palazzi saranu pè d'altri
Quelli di i paesi ricchi
Chì inventanu è vendenu i so picchi

Stasera
Muameddu si stracquerà
Nantu à una sumiglia di strapunta
Ghjustu in punta
Ci vole à lacà una piazza pè u sognu
Feritu in ogni capu d'ossu
Cù a coltra di a miseria à dossu

O Muameddu !Volta ! O Muameddu !Volta . .

Diceranu e chjame in la notte ceca
In la notte cioca sin'à ghjornu
È po un ghjornu...

O Dumè o Muamè o Dumè o Muamè o Dumè

I picchi eletrichi in battaglia
listessi à quelli di a mitraglia...

O vita

U focu mette in pulvina
Centu machje pampanute
Ma in le ceppe radicute
U suchju piglia è camina
È camina

Compie un annu à mata pena
Da stagioni troppu incerte
In le lenze cori aperte
A manu torna è sumena
È sumena

Pè issa forza ch'è tù movi
Quandu hè tempu di rinnovi
Pè a vita in locu nudu
O vita o vita ti cantu è lodu

Cara una voce s'accheta
Per ella hè sunata
L’ora è po fresca ch'innamora
Un antra nasce è si pesa
È si pesa

D'un amore inseculatu
libru pare ghjuntu à fine
À cantà e so matine
Più chè mai n'emu fiatu
N'emu fiatu

Pè issa forza ch'è tù movi
Quand'hè tempu di rinnovi
Pè a vita in locu mutu
O vita o vita ti cantu è lodu

Machja n'avemu un antra

A nostra machja l'arricava spaventu

L'anu brusgiata

Ma machja n'avemu un antra

Di seculi di storia

Di sepali di gesti

D'arburoni di fole

Di grotte di canti

Di poste di parulle

Machja n'avemu un antra

Ghjè a nostra cultura

Viva di a nostra lingua viva

Viva di u nostru vulè

À chì ci zinga focu

Ci si brusgia

À chì ci entre d'amore

Ci diventa
Machjaghjolu

Cù noi.

À a riscossa

Sò ghjunti da fora per stringhje li ferri
Sò torna nemichi, li nemichi d'eri,
Accampanu in arme paese è cità,
Ma in la machja cresce sulidarità,
Accampanu in arme paese è cità,
Ma in la machja cresce sulidarità.

D'ogni casa chjosa si apre un purtellu
In lingua materna si sbrama un zitellu
Di piaghje o muntagna la to ghjuventù
À nutrì l'esiliu ùn ci vole andà più,
Di piaghje o muntagna la to ghjuventù
À nutrì l'esiliu ùn ci vole andà più.

Ma oghje in paese sò mosse e cuscenze
U populu Corsu ripiglia sperenza
Di Paoli u ricordu rinnasce in la mente
Da l'imperialisti ci faremu sente,
Di Paoli u ricordu rinnasce in la mente
Da l'imperialisti ci faremu sente.

In la notte pagna di la to ruvina
L'addisperu more la vita camina
Camina ingrandendu u lume sperenza
Strada petricosa, cime Indipendenza,
Camina ingrandendu u lume sperenza
Strada petricosa, cime Indipendenza.

Populu Corsu, a lotta hè mossa
L'ora hè di chjama à la riscossa,
Populu Corsu, a lotta hè mossa
L'ora hè di chjama à la riscossa.
Revenir en haut Aller en bas
Voir le profil de l'utilisateur
u ghjudice



Messages : 200
Date d'inscription : 26/02/2012

MessageSujet: Re: Rocchi Ghjuvanteramu    Mer 2 Mai - 22:34

@L'aria falcona a écrit:

Incù un sciaccamanu speziale à O Dumè o Muammè.

O Ghjuvan Francè, quant'à mè sì scimitu ? Guarda chì t'ai da fà tirà da tutti i Lepenisti chì battenu ind'è noi avà.


Tè ne sciaccu una ancu eo nant'à stu tema.



Tù chì l'ai cunnisciutu
U tempu di spalluzzera
Brami di vede stu locu
Più riccu chè ch'ellu ùn era
Di benestà di ghjente accolta
Di risa à a to porta

Un paese s'arrizza
Senza odiu nè stizza
Per quelli chì ci anu da campà
Una casa si face
Pè ingrandacci in pace
D'amore è di fraternità

Venenu e imburascate
Da ghjaccià core cun mente
Inizia l'avvicinate
Sparghji fraterna sumente
Di benestà di ghjente accolta
Di risa à a to porta

Un paese s'arrizza
Senza odiu nè stizza
Per quelli chì ci anu da campà
Una casa si face
Pè ingrandacci in pace
D'amore è di fraternità
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Rocchi Ghjuvanteramu    Jeu 3 Mai - 11:07

@L'aria falcona a écrit:

A paghjella di l'impiccati

Se vo ghjunghjite in Niolu 

Ci viderete un cunventu 

Di u tempu u tagliolu 

Ùn ci n'hà sguassatu pientu 

Eranu una sessantina 

Chjosi in pettu à u spaventu

Dopu stati straziati 

Da i boia, o chì macellu ! 

Parechji funu impiccati 

Ci n'era unu zitellu 

L'anu tuttu sfracillatu 

È di rota è di cultellu

Oghje chì hè oghje in Corscia 

Fateci casu una cria 

Si pate sempre l'angoscia 

Intesu di Marcu Maria 

Era quessu lu so nome 

Mancu quindeci anni avia

Se vo ghjunghjite in Niolu 

Ci viderete un cunventu 

A brama d'ogni figliolu 

A ci dice ancu u ventu 

Libertà libertà sempre 

Dopu à tamantu spaventu


http://isula.forumactif.com/t203-1774-l-impiccati-di-niolu

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Rocchi Ghjuvanteramu    Jeu 3 Mai - 20:49

U Battellone

Voltu l’orizonte à lucendiluna,
Voltu l’orizonte passa un battellone.
Si ne và pian pianu à circà furtuna,
Si ne và luntanu pè un viaghjone.

Portami cun tè battellu di sonniu
Battellu di lume porta mi cun tè,
Vogliu parte anch’eiu à circà furtuna
À lucendiluna porta mi cun tè

Voltu l’orizonte à luce di sole,
Voltu l’orizonte passa un battellone.
Si ne và pian pianu à locu di fole,
Si ne và luntanu pè un viaghjone.

Portami cun tè battellu di sonniu
Battellu di lume portami cun tè,
Vogliu parte anch’eiu à circà furtuna
À luce di sole porta mi cun tè

Voltu l’orizonte voca vucatondu,
Voltu l’orizonte nant’à un battellone.
Mi ne sò partutu à locu di fole,
Mi ne sò partutu pè un viaghjone.

Portami cun tè battellu di sonniu
Battellu di lume porta mi cun tè,
À girà u mondu, voca vucatondu
Voca vucatondu porta mi cun tè.




Mi ne voltu

U meiu u battellu sarà di quelli à vela,
Prontu à sfidà l’ambate, lestu à coglie u ventu.
Mari maravigliosi ne sulcheraghju centu ;
Ne tuccheraghju centu, porti fasciati d’oru
Ma, quand’ella serà l’ora di scopre lu u tesoru,
M’affaccheraghju quindi cantendu :
« Mi ne voltu !
O Corsica sì tù è u mare è u portu ! ».


_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Rocchi Ghjuvanteramu    Jeu 3 Mai - 20:52

Quale serà


Forse v’arricurderete
Di quand’eranu zitelli
L’amparavete à e veghje
À piglià treni è battelli
Prumettendu mondi è mari
Avveni senza penseri
Di i figliuloni cari
Ne vuliete esse fieri.

Vi chjamavanu di voi
Ghjuchi è grandi cun rispettu
Tuttu vi venia mansu
Ricchi di roba è d’affettu
U sunniavete in Francia
Riesciutu à l’alte scole
Po cun rilazioni è mancia
Avucatone o duttore.

Ripigliu

Quale serà issu(a) giuvanottu(a)
Ch’ùn vole andà da mare indà
Quale serà u vostru sì
Ch’hà sceltu d’esse è campà quì

Erete poveri in canna
Pastori di tradizione
Sempre à batte a muntagna
Da casetta à casarone
Ma omancu ellu curtese
In cruvata è scarpi fini
Seria ogni fin di mese
Rè di l’usi parigini.

Da un Africa à quill’altra
Da tamburi à trumbittoni
Quand’omu s’hà straziatu
Quellu coppiu di galloni
Pè u figliolu si spera
Avà ch’ùn ci n’hè più guerre
Scuccagnata una carriera
In tenuta d’officiale


Ripigliu

Quale serà issu(a) giuvanottu(a)
Ch’ùn vole andà da mare indà
Quale serà u vostru sì
Ch’hà sceltu d’esse è campà quì

À parlalli furesteru
Ci mettiete attenzione
Ambiziunendu un mistieru
Degnu di riputazione
Una donna da fà imbiglia
D’allevu cumu si deve
Ella sì chì truveria
Culandi scarpu à so pede.

Forse v’arricurderete
Di quand’eranu zitelli
È avà chì sò ingrandati
Addiu treni è battelli
Feranu quì mondi è mari
Senza temene penseri
Di i figliuloni cari
Ne pudete esse fieri.
À piglià treni è battelli

Ripigliu

Quale serà issu(a) giuvanottu(a)
Ch’ùn vole andà da mare indà
Quale serà u vostru sì
Ch’hà sceltu d’esse è campà quì



_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Sperenza



Messages : 1146
Date d'inscription : 28/02/2012
Localisation : quassù

MessageSujet: Re: Rocchi Ghjuvanteramu    Jeu 3 Mai - 22:17

Stamane si ne và

Quantu si statu lestu
À fà e to vulate
Tempu di a niscentria
Di e zitellunate
Si passatu in un lampu
Tempu d'eri digià
U mio primu hà vint'anni
Stamane si ne và

Stamane u mio figliolu si ne và
U sole s'ellu ùn hè più quellu
À bocca à risa di zitellu
Da casa nostra à l'orizonte
Di lume ch'ellu dessi un ponte
Stamane u mio figliolu si ne và

U ci avemu allevatu
À u caldu nustrale
Ver di un bellu dumane
U portinu e strade
Fussi locu isulanu
Induve ellu hà da campà
Primu fior di veranu
Stamane si ne và

Stamane u mio figliolu si ne và
U sole s'ellu ùn hè più quellu
À bocca à risa di zitellu
Da casa nostra à l'orizonte
Di lume ch'ellu dessi un ponte
Stamane u mio figliolu si ne và

Un ghjornu tale à questu
Ci simu innamurati
Per ellu n'hà da vene
Ghjorni è ghjorni beati
Quì serà sempre festa
Quandu ci vulterà
A porta ferma aperta
Stamane si ne và.
Revenir en haut Aller en bas
Voir le profil de l'utilisateur http://isulana.blogspot.com
Sperenza



Messages : 1146
Date d'inscription : 28/02/2012
Localisation : quassù

MessageSujet: Re: Rocchi Ghjuvanteramu    Jeu 3 Mai - 22:25

Si vultatu tù

Ci era un boscu è ùn ci hè più
Induve tù volti tù
Ci era un arburu è ùn ci hè più
Induve tù volti tù
U sigone cù lu focu
Anu stirpatu ogni locu
Mentre ùn ci eri tù
Mentre ùn ci eri tù

Ci era un paese è ùn ci hè più
Induve tù volti tù
Ci era una casa è ùn ci hè più
Induve tù volti tù
A miseria cù la guerra
Anu messu tuttu in terra
Mentre ùn ci eri tù
Mentre ùn ci eri tù

Torna appena è ùn ci era più
Induve tù volti tù
Torna appena è ùn ci era più
Induve tù volti tù
U to populu padrone
À campà in lu so rughjone
Mentre ùn ci eri tù
Mentre ùn ci eri tù

Pienta un arburu dinù
Induve tù stai tù
Alza una casa dinù
Induve tù stai tù
À mezu à li to fratelli
Falli i ghjorni più belli
Induve tù stai tù
Induve tù stai tù

Si vultatu tù
Si vultatu tù.


sunny
Revenir en haut Aller en bas
Voir le profil de l'utilisateur http://isulana.blogspot.com
Sperenza



Messages : 1146
Date d'inscription : 28/02/2012
Localisation : quassù

MessageSujet: Re: Rocchi Ghjuvanteramu    Jeu 3 Mai - 22:39

Nantu à un CD di Ciosi magnificu, Musa di un populu, pudete stà à sente unepoche di puesie di Rocchi, lette da zitelli:

- A sera à veghja
- M'anu dettu
- Stamane

ditone

Revenir en haut Aller en bas
Voir le profil de l'utilisateur http://isulana.blogspot.com
Contenu sponsorisé




MessageSujet: Re: Rocchi Ghjuvanteramu    Aujourd'hui à 23:01

Revenir en haut Aller en bas
 
Rocchi Ghjuvanteramu
Voir le sujet précédent Voir le sujet suivant Revenir en haut 
Page 1 sur 3Aller à la page : 1, 2, 3  Suivant
 Sujets similaires
-
» Filastrocche (a scola)
» 1774 - L'impiccati di Niolu
» Si vultatu tù
» Filastrocche (e stagione, u tempu)

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Antulugia-
Sauter vers: