Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Rocchi Ghjuvanteramu

Voir le sujet précédent Voir le sujet suivant Aller en bas 
Aller à la page : Précédent  1, 2, 3  Suivant
AuteurMessage
Circione



Messages : 2157
Date d'inscription : 27/02/2012

MessageSujet: Re: Rocchi Ghjuvanteramu    Jeu 3 Mai - 23:05

@Sperenza a écrit:
Nantu à un CD di Ciosi magnificu, Musa di un populu, pudete stà à sente unepoche di puesie di Rocchi, lette da zitelli:

- A sera à veghja
- M'anu dettu
- Stamane

ditone

http://www.musicme.com/Antoine-Ciosi/albums/Musa-Di-Un-Populu-3661585277750.html

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Tittò



Messages : 50
Date d'inscription : 09/05/2012

MessageSujet: Re: Rocchi Ghjuvanteramu    Mer 9 Mai - 10:48

Pensu chì hà da esse longa a lista...


Chjama di u castagnu

Da e radiche fonde
Sinu à tuccà cimali
Mi sentu sanguipestu
E’membrimaculatu
Eppuru nùn ti vogliu
Mandà à tribunali
Un si lampa ghjasteme
A chì hè statu ingannatu

Si tù fusse dispostu
A’sente a mo chjama
D’ogni cosa ch’accore
Un resterie in brama

Compia a diraschera
E’ putatu u seccu
Torna appena d’amore
Cù a bella stagione
Pensa à fà pulizia
Di curtecce è pulescu
E’ùn teme penseri
Pè fretu o nivaghjoni

Un ti mancherà nunda
Nè legne nè ligname
Frutti ne lamperaghju
Da cacciatti ogni fame

Un pretendu eiu solu
Di merità a rima
A’l’alivu è l’aranciu
Lodali quant’è prima
Di a Corsica sana
Fattine un paradisu
D’accuncià i s’affari
Sinda à l’omu decisu

Un ti mancherà nunda
Nè legne nè ligname
Frutti ne lamperemu
Da cacciatti ogni fame
Revenir en haut Aller en bas
Voir le profil de l'utilisateur
Tittò



Messages : 50
Date d'inscription : 09/05/2012

MessageSujet: Re: Rocchi Ghjuvanteramu    Mer 9 Mai - 10:49

Settembre

Settembre chjode e porte di l'estate
U sole pocu à pocu intepidisce
In celu qualchì nulu face strisce
U ventulellu annunzia rinfriscate

Si sente pochi canti è soni fora
Partuti sò l'amichi cù i parenti
Si contanu à chjosi ochji i statinanti
I zitelli dinù di punta à a scola

I vechjarelli in fila spinu à u muru
Si piglianu u calore di l'appossu
Ramintendusi pianu o tempu scorsu
A giuventù passata in gran’ sussuru

Settembre si ne và giovani fieri
Voi altri l'oru vivu di u vaghjime
E u focu casanu di ste cime
A fuga chi cacciava i penseri

Settembre si ne và duve campate
Vo sapessete quandu vi speremu
Diteci sì stu sonniu hè cusì scemu
Di vede torna pieni lochi è case
Revenir en haut Aller en bas
Voir le profil de l'utilisateur
u ghjudice



Messages : 200
Date d'inscription : 26/02/2012

MessageSujet: Re: Rocchi Ghjuvanteramu    Mer 9 Mai - 23:34

Simu ingrandati inseme
Cum'è matina è sole
Duve ch'o ci era eiu ci ere tù
Quand'hè venuta l'ora
Di diccilu l'amore
S'hè apertu lu fiore giuventù


Dumane ti ne vai
Ne trincanu le to strade
I toi l'anu decisa cusì
A nostra vita ormai
Averà stonde amare
Anch'ella e so ferite à guarì


Un ci ne vale pienti
Ne ricumandazioni
A luntananza tomba ogni vulè
Morenu in lu silenziu
E piu grandi passioni
Un torna chè fulena u piacè


Si n'hè vistu digià
Innamurati à bastanza
Si n'hè vistu digià
Maladì à spiccanza


Ma simu sempre à tempu
Di metteci à palesu
U nostru amore tandu ingranderà
Li daranu accusentu
A' ciò ch'era difesu
Quelli chi ci anu vulsutu spiccà


Sò torni celi immensi
Quelli ochji ammachjati
I to basgi mi dicenu di sì
I ci femu sta sera
I più belli viaghji
Demu vita à u sognu natu quì

Quand'è no vulteremu
Coppiu di fughjiticci
U paesa addunitu canterà
I toi cun i mei
Senza piu fà capricci
Si metteranu anch'elli à festighjà


Emu da campà
Emu da campà
Emu da campà Inseme
Revenir en haut Aller en bas
Voir le profil de l'utilisateur
Isulanu



Messages : 226
Date d'inscription : 03/03/2012

MessageSujet: Re: Rocchi Ghjuvanteramu    Lun 14 Mai - 1:06

Veni à cantà


In giru à tè pasce u viotu
Pare ch'ellu ti manghjicheghji
Un vedi più casa nè locu
Nè ghjente è puru guardi è fideghji
Ti lachi vince da l'annoiu
Nunda ti và ti senti solu

Da sapè sè lu ferà ghjornu
Ti taruleghji u cerbellu
U monde corre à u prufondu
In terra più nunda ùn hè bellu
Dislaziatu è pocu fieru
Per un nunda porti penseru

À tè ti piace l'amicizia
Di ghjente accolta un'aghjunata
À viaghjà da tremu à risa
Filu filoni una serata
Ci passerie e stagione
À dillu u mondu in canzone

Quand'ellu s'alza u cantu
Veni cun noi à cantà
Lasciati andà à l'incantu
À a brama di campà
Veni cun noi à cantà
Revenir en haut Aller en bas
Voir le profil de l'utilisateur
Isulanu



Messages : 226
Date d'inscription : 03/03/2012

MessageSujet: Re: Rocchi Ghjuvanteramu    Lun 14 Mai - 10:51

Malena


St'ora invita à gode pace
Tant’ella hè calma è serena
Ma tù core ùn voli tace
U perchè di a to pena
Una notte à sta notte listessa
T'ai persu l'amore di Malena

Si ne venia sincera
Ogni sera à l'attrachjata
Senza fà casu s'ella era
Da qualsiasi curata
Un pensava à peccatu Malena
Era giovana è bella è innamurata

Qualessa hè stata la manu
À lampa a prima petra
Quale fece da villanu
Lestu à metteci in catedra
Chì di mè è di tè a mo Malena
Si n'hè intesu sunà ragana è cetra

Celu spegni i to lumi
Fiume tù e to canzone
Ch'o a cerchi cecu è mutu.
Trà silenziu è bughjicone
Duve ella stà di casa avà Malena
Un ne cambia più tempu nè stagione
Revenir en haut Aller en bas
Voir le profil de l'utilisateur
Tittò



Messages : 50
Date d'inscription : 09/05/2012

MessageSujet: Re: Rocchi Ghjuvanteramu    Mer 16 Mai - 9:29

Nant'à u dischettu "Musa d'unn populu", cantata da Antone Ciosi...

... Mamma o mà...

In a camera bughjosa,
Ci hè qualcosa, ci hè qualcosa
Sentu un passu lindu lindu
È a notte si ne và
Sentu un passu lindu lindu
È l'alba sì tù o mà!

Da sopra à u mio lettinu,
Sì vicinu sì vicinu
Chì mi chjami pianu pianu
È a notte si ne và
A mio manu hè in a to manu
È l'alba sì tù o mà!

Eccu apertu u purtellu
Chì ghjuvellu o chì ghjuvellu
Per mè u primu surrisu
È a notte si ne và
S'allumina u to visu
È l'alba sì tù o mà!
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Rocchi Ghjuvanteramu    Mer 20 Juin - 7:53

Neva

Neva neva à più pudè
Ci n’hè digià un mansumè
Neva neva à più pudè
À vede nivà quale ci hè

À u purtellu ci hè un zitellu
Chì mette à ride à scaccanà
Fiocculi bianchi quanti o li quanti
Voi ùn piantate di vulà

Neva neva à più pudè
Ci n’hè digià un mansumè
Neva neva à più pudè
À vede nivà quale ci hè

Fora in lu chjassu, più mancu un sassu
Crucchiti un passu chì vene è và
À pè di porta cum’è una volta
Mi par di sente sbanghittà

Neva neva à più pudè
Ci n’hè digià un mansumè
Neva neva à più pudè
À vede nivà quale ci hè

Una vittura ! zenza misura
Introna la ghjura u so curnà
Serà u pane cottu stamane
O lu pisciaiu qual’hè chì sà !

Quist’annu stessu ci anu prumessu
Di cullà spessu da a cità
Sò i zitelli, quant’è sturnelli
Ghjunti o li belli à u nivà

Neva neva à più pudè
Ci n’hè digià un mansumè
Neva neva à più pudè
À vede nivà quale ci hè

Neva neva à più pudè
Ci n’hè digià un mansumè
Neva neva à più pudè
Neve d’evive è d’oimè

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Rocchi Ghjuvanteramu    Lun 29 Oct - 19:52

@L'aria falcona a écrit:
À a riscossa

Sò ghjunti da fora per stringhje li ferri
Sò torna nemichi, li nemichi d'eri,
Accampanu in arme paese è cità,
Ma in la machja cresce sulidarità,
Accampanu in arme paese è cità,
Ma in la machja cresce sulidarità.

D'ogni casa chjosa si apre un purtellu
In lingua materna si sbrama un zitellu
Di piaghje o muntagna la to ghjuventù
À nutrì l'esiliu ùn ci vole andà più,
Di piaghje o muntagna la to ghjuventù
À nutrì l'esiliu ùn ci vole andà più.

Ma oghje in paese sò mosse e cuscenze
U populu Corsu ripiglia sperenza
Di Paoli u ricordu rinnasce in la mente
Da l'imperialisti ci faremu sente,
Di Paoli u ricordu rinnasce in la mente
Da l'imperialisti ci faremu sente.

In la notte pagna di la to ruvina
L'addisperu more la vita camina
Camina ingrandendu u lume sperenza
Strada petricosa, cime Indipendenza,
Camina ingrandendu u lume sperenza
Strada petricosa, cime Indipendenza.

Populu Corsu, a lotta hè mossa
L'ora hè di chjama à la riscossa,
Populu Corsu, a lotta hè mossa
L'ora hè di chjama à la riscossa.

mi paria ch'ella fussi stata scritta da Michele Frassati questa quì.

D'appressu à a SACEM a musica hè di M.Frassati è e Parolle di Ghj.C. Acquaviva.

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Rocchi Ghjuvanteramu    Lun 29 Oct - 19:56

À voline più


À chì li conta l’ore
À chì li conta l’anni
À chì li face mode
À chì li taglia panni

Sò d’oghje è d’avale
È n’anu a brama
Di campà a vita
Cum’ella i chjama

À voline più
U portanu in pettu
À voline più
L’amore è l’affettu
Amore passione
Fior di giuventù
U portanu in pettu
À voline più

Veneranu prestu
Capatoghji è stanti
U tempu di l’arte
È di fassi avanti
Ad arrizzà mondu
Più bellu chè eri
Ci seranu elli
Cù ingegnu è penseri

À voline più
U portanu in pettu
À voline più
L’amore è l’affettu
Amore passione
Fior di giuventù
U portanu in pettu
À voline più

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Isulanu



Messages : 226
Date d'inscription : 03/03/2012

MessageSujet: Re: Rocchi Ghjuvanteramu    Mar 18 Déc - 20:14

Sè qualchissia hà u dischettu "Ancu tù" di Felì, cercu e parolle di a canzona "Si parte" scritta da G. T. Rocchi.
L'aghju intesa nant'à deezer ma mi manca una parolla o duie.

Ringraziu digià à Circione chì s'hà tutti i dischetti di Felì in casa. basgiu
Revenir en haut Aller en bas
Voir le profil de l'utilisateur
Sperenza



Messages : 1142
Date d'inscription : 28/02/2012
Localisation : quassù

MessageSujet: Re: Rocchi Ghjuvanteramu    Mer 13 Fév - 9:15

PESATI O SOLE

Per quellu chì tutti l'anni spaesa
À core strintu à stentassilu un buccone
Per quellu chì ùn ne trova difesa
Quand'ellu ghjunghje à pichjà qualchi vulpone
Per quellu chì minuratu hè in li strazi
Causa d'identitai
Un ghjornu soga u sole s'apre
Pesati o sole pè i scurdati
Pesati o sole pè l'arrubati di sta terra
Pesati o sole pè i spugliati
È luci à l'altu sopra à un mondu d'umanitai
L'amore face à piccia piccia

Per quellu chì dice innò à l'esiliu
È cù i soi difende a so sorte
Per quellu chì u rivolta l'ardignu
Contru à l'impresa di fame è di morte
Per quellu chì hà pigliatu a machja
Causa a libertai
À scopre mondi à tuccà stelle
Pesati o sole pè i scurdati
Pesati o sole pè l'arrubati di sta terra
Pesati o sole pè i spugliati
È luci à l'altu sopra à un mondu di libertai
Pesati o sole !

Ghjuvanteramu Rocchi
Felice Travaglini

Dischettu "O Corsica la mea" (1994).
Revenir en haut Aller en bas
Voir le profil de l'utilisateur http://isulana.blogspot.com
Sperenza



Messages : 1142
Date d'inscription : 28/02/2012
Localisation : quassù

MessageSujet: Re: Rocchi Ghjuvanteramu    Mar 19 Mar - 20:42

@Isulanu a écrit:
Sè qualchissia hà u dischettu "Ancu tù" di Felì, cercu e parolle di a canzona "Si parte" scritta da G. T. Rocchi.
L'aghju intesa nant'à deezer ma mi manca una parolla o duie.

Ringraziu digià à Circione chì s'hà tutti i dischetti di Felì in casa. basgiu

Si parte

Si parte quand'è lu si pò
Si dice innò si dice aiò
Sò ghjucate tutte e carte
Ùn ci vale più nisun arte
Si dice innò innò è po
Postu chì un ghjornu ci vole à parte
Si parte quand'è lu si pò
Si campa cum'è lu si pò
Ùn s'hè innò padroni in altrò
A cità ingorda vi s'accampa
Vi lascia frantu à ogni franta
Si dice innò innò è po
Postu chì culandi si campa
Si campa cum'è lu si pò
Si volta quant'è lu si pò
À capu in sù à capu in ghjò
À vita persa o frusta o colta
Cum'è à i tempi d'una volta
Si dice innò innò è po
Postu chì s'hè fidi è si volta
Si volta quant'è lu si pò
Si cheta quant'è lu si pò
Si dice innò si dice aiò
Ma quandu ogni speranza hè tolta
Si pesa un ventu di rivolta
Si mughja innò innò è po
Postu ch'ellu soffia à a lotta
Si lotta quant'è lu si pò
Si lotta quant'è lu si pò
Pè parte quand'è lu si volte.



salutu2
Revenir en haut Aller en bas
Voir le profil de l'utilisateur http://isulana.blogspot.com
Sperenza



Messages : 1142
Date d'inscription : 28/02/2012
Localisation : quassù

MessageSujet: Re: Rocchi Ghjuvanteramu    Mar 19 Mar - 23:28

Ùn sò s'è tù avii trovu e parolle chè tù circavi o Isulanu. Intantu l'aghju messe, è s'è tù ne voli d'altre e scriveraghju quì. salutu2
Revenir en haut Aller en bas
Voir le profil de l'utilisateur http://isulana.blogspot.com
Sperenza



Messages : 1142
Date d'inscription : 28/02/2012
Localisation : quassù

MessageSujet: Re: Rocchi Ghjuvanteramu    Ven 31 Mai - 9:42

http://www.kewego.fr/video/iLyROoafJi6M.html
Revenir en haut Aller en bas
Voir le profil de l'utilisateur http://isulana.blogspot.com
Isulanu



Messages : 226
Date d'inscription : 03/03/2012

MessageSujet: Re: Rocchi Ghjuvanteramu    Ven 31 Mai - 12:11

Scusami, ùn avia mancu vistu imbarazzatu
À ringraziatti o Sperenza! salutu2
Revenir en haut Aller en bas
Voir le profil de l'utilisateur
Isulanu



Messages : 226
Date d'inscription : 03/03/2012

MessageSujet: Re: Rocchi Ghjuvanteramu    Ven 31 Mai - 13:26

@Sperenza a écrit:
http://www.kewego.fr/video/iLyROoafJi6M.html

L'avia vistu qualchì annu fà è ùn ci l'aghju mai più fatta à truvallu. Hè cummuvente assai è po, di stà à sente à Circione è à Ghjuvan Francescu Giamarchi hè sempre un piacè evviva
Revenir en haut Aller en bas
Voir le profil de l'utilisateur
Sumenta



Messages : 2050
Date d'inscription : 25/02/2012

MessageSujet: Re: Rocchi Ghjuvanteramu    Ven 31 Mai - 13:31

ne prufittu per sparte sta publicazione:

Festa in giru à l'opera di Ghjuvanteramu Rocchi, sabatu l'8 di ghjugnu, in lupinu, sala pulivalente.
à partesi da 5 ore: mostra è dibattitu nantu à l'opera di Ghjuvanteramu Rocchi
à 9 ore: grande serata culturale.



Revenir en haut Aller en bas
Voir le profil de l'utilisateur
Sperenza



Messages : 1142
Date d'inscription : 28/02/2012
Localisation : quassù

MessageSujet: Re: Rocchi Ghjuvanteramu    Ven 31 Mai - 22:42

@Isulanu a écrit:
Scusami, ùn avia mancu vistu imbarazzatu
À ringraziatti o Sperenza! salutu2

Megliu tardi chè mai. risa
Era andata apposta à cumprà u dischettu... Cusì aghju tutta a cullezzione, hè u solu di Felì chì mi mancava. felice
Revenir en haut Aller en bas
Voir le profil de l'utilisateur http://isulana.blogspot.com
Isulanu



Messages : 226
Date d'inscription : 03/03/2012

MessageSujet: Re: Rocchi Ghjuvanteramu    Dim 2 Juin - 21:49

Ùn sapia mancu chì si pudianu sempre cumprà i dischetti vechji.
Revenir en haut Aller en bas
Voir le profil de l'utilisateur
Sperenza



Messages : 1142
Date d'inscription : 28/02/2012
Localisation : quassù

MessageSujet: Re: Rocchi Ghjuvanteramu    Dim 2 Juin - 22:36

Ùn hè tantu vechju... imbarazzatu

Sì tù passi un ghjornu per I Fulelli, cansati à l'Hyper U : in a galleria mercante ci hè un magazinu di ricordi chì vende dinù dischi è K7 (è micca solu d'artisti corsi), ghjè quì chì l'aghju compru. felice

Si puderia forse ancu truvà à Chorus in Bastia.
Revenir en haut Aller en bas
Voir le profil de l'utilisateur http://isulana.blogspot.com
Sperenza



Messages : 1142
Date d'inscription : 28/02/2012
Localisation : quassù

MessageSujet: Re: Rocchi Ghjuvanteramu    Jeu 23 Jan - 13:32

Trà mè è tè

Quand'hè tempu di fà mele
l'apa vola à u so fiore
u fiume saltisaltendu
sin'à u so mare corre
Trà mè è tè canta a vita
Trà mè è tè ci hè calamita

Dui cori à batti batti
facenu chjam' è rispondi
ci ne serà innamurati
più allegri in sti cuntorni
Trà mè è tè canta a vita
Trà mè è tè ci hè calamita

Dimmi ch'in lu nostru pratu
ci fiuriscerà veranu
à fàlli ingrandà l'amori
ci anderemu apperlamanu
innamurati latu à latu
cusì bellu u viaghju

In fondu di i to ochji
vecu l'avvene ridente
à tene ci sempre caru
seraghju fidu è attente
ora mettimula à prova
sta scelta di vita nova
ora mettimula à prova
sta scelta di vita nova
.
Revenir en haut Aller en bas
Voir le profil de l'utilisateur http://isulana.blogspot.com
Circione



Messages : 2157
Date d'inscription : 27/02/2012

MessageSujet: Re: Rocchi Ghjuvanteramu    Mer 23 Sep - 15:00

ANU DA VULTÀ

Anu da vultà
Trè parulle di sumente
Salve in u scornu di mente
Sò granate
Anu da vultà
Trè parulle à tempu nate
Sò nantu à tutte e labre
Trè parulle
Anu da vultà.

Anu da vultà
Tuttu era à funerale
Ci n'andavamu di male
Calpighjati
Anu da vultà
Quelli chì si sò pisati
I fratelli imprigiunati
A vulemu
Anu da vultà.

Anu da vultà.
Mare culandi un delittu
Da mare quindi un delittu
«Esse noi»
Anu da vultà
Di Corsica sò figlioli
Da sparteci gioie è doli
I vulemu
Anu da vultà.

Anu da vultà
Cresce cresce a vuciata
Hà digià vintu ogni casa
Cù i cori
Anu da vultà.
Serà un ghjornu d'onori
Di canti di basgi è fiori
Serà festa
Anu da vultà.

Anu da vultà
Trè parulle di sumente
Salve in u scornu di mente
Sò granate
Anu da vultà
Trè parulle à tempu nate
Sò nantu à tutte e labre
Trè parulle
Anu da vultà...
Anu da vultà...
Anu da vultà.

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Sperenza



Messages : 1142
Date d'inscription : 28/02/2012
Localisation : quassù

MessageSujet: Re: Rocchi Ghjuvanteramu    Ven 29 Jan - 19:53

http://www.musicme.com/#/Antoine-Ciosi/albums/Corsica...-0602547715869.html

CI SÌ TÙ

Ch'è no ci trovimu soli
Ci sì tù ci sì tù
Chì ci annanni è ci cunsoli
Ci sì tù ci sì tù
Ancu tutta una nuttata
Cun a voce inzuccarata
È le to mani di fata
Ci sì tù o Mà

Venghinu venti è friddure
Ci sì tu ci sì tù
Malanni angosce o paure
Ci sì tù ci sì tù
Sempre cù lu tremu addossu
Lesta à porghjeci succorsu
Per fà smarì ogni morsu
Ci sì tù o Mà

Stella ùn avemu chè una
È sì tù è sì tù
Ùn hà prezzu sta furtuna
È sì tù è sì tù
Celu foscu o celu chjaru
Quella ch'o tenimu caru
Ùn hà indocu lu so paru
È sì tù o Mà


Sta canzona ch'o cantemu
Hè per tè hè per tè
Cun affettu a ti demu
Hè per tè hè per tè
Pè lu to bè li to asgi
Scoppa in mazzuli di basgi
È di centumila raggi
Hè per tè o Mà



Revenir en haut Aller en bas
Voir le profil de l'utilisateur http://isulana.blogspot.com
Circione



Messages : 2157
Date d'inscription : 27/02/2012

MessageSujet: Re: Rocchi Ghjuvanteramu    Mar 12 Avr - 14:02





A fiaccula di a vita

(Ghj.T. Rocchi)

U locu di u nostru amore
Intaccatu da l’oppressore
E strade tante vene aperte
Da dissuchjacci forze è arte
Ci avia da tuccà lu spiombu
D’un populu vintu è pò tombu

Fà ch’in la memoria cumuna
Fiaccula ci n’hè sempre una
Quella di u vulè campà
Porta u nome resistenza
Nè falzità nè viulenza
Nunda l’hà pussuta smattà

Sterminatore industriatu
À nigacci ancu u passatu
Lestru à carcacci di difetti
À spezzà pensamentu è detti
Ci avia da tuccà lu spiombu
D’un populu vintu è po tombu

Fà ch’in la memoria cumuna
Fiaccula ci n’hè sempre una
Quella di u vulè campà
Porta u nome resistenza
Nè falzità nè viulenza
Nunda l’hà pussuta smattà

Fà ch’in la memoria cumuna
Fiaccula ci n’hè sempre una
Di u vulessi liberà
Porta u nome indipendenza
Nè falzità nè viulenza
Nunda la puderà smattà,
Nunda la puderà smattà.

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: Rocchi Ghjuvanteramu    Aujourd'hui à 13:28

Revenir en haut Aller en bas
 
Rocchi Ghjuvanteramu
Voir le sujet précédent Voir le sujet suivant Revenir en haut 
Page 2 sur 3Aller à la page : Précédent  1, 2, 3  Suivant
 Sujets similaires
-
» Filastrocche (a scola)
» 1774 - L'impiccati di Niolu
» Si vultatu tù
» Filastrocche (e stagione, u tempu)

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Antulugia-
Sauter vers: