Barbara Furtuna

Anghjulina

Fala u sole nant’à a marina
È pianu pianu vene à abbughjà
Si sente un omu chì camina
E prime case e tocca digià
Francatu a croce, piglia a chjappata
Stinza u passu hè bughju avà
Hè parsa longa, quessa a strada
Tantu hà bramatu l’ora di u vultà
Pocu cambiati sò i cuntorni
A casa è l’ortu ghjustu à l’insù
Duve finiscenu i so ghjorni
Chì l’hà ghjurata d’ùn parte mai più
Li vene in core a so zitellina
Dolci mumenti à corre è à ghjucà
È i capelli di a so Anghjulina
Eppo i so ochji per sunnià
Ritrova sensu a so vita
U so scalone ferma à cullà
Rittu cum’è un’ultima sfida
Eccu a so pace chì vene avà
Cerca e chjave di u purtone
À l’appasponi face girà
Ind’u silenziu u so merchjone
Cum’è un rimbeccu vene à trizinà
Sò tanti mesi tante stagione
Di spaisata da mare inlà
Oghje ne cerca a ragione
Chì hà purtatu a so vita quallà
Tanti culori è frutti persi
Chì oghje hè ghjuntu à ritruvà
Lascendu qualchi sogni appesi
In li frastorni di qualchì cità
È di Anghjulina truvà in stu locu
A pella dulcina i basgi di focu
Sta notte per u pellegrinu
U sonnu forse nun venerà
Furia di scopre u caminu
Chì l’avvicina di a felicità
Dumane cari nant’à a marina
Un sole novu s’hà da pisà
È tandu l’ochji d’Anghjulina
Ùn pianteranu più di luccicà.

Sott'à lu ponte

Scritta da Petru Santu Leca d’Arbori,durante a guerra di 1914-18.

Eléments lexicaux et phonétiques
Sott'à lu ponte, ci luce la luna
E stelle in celu, ùn ne manca manc'una
Dormi

In li castagni si lagna lu ventu
U nostru lume sarà prestu spentu
Dormi

Ind'una casa, ma quale sarà
Batte lu stacciu è si sente cantà
Dormi

U ghjattu maiò s'alliscia u mustacciu
Pianta la voce, si cheta lu stacciu
Dormi

Sò cinque mesi chè no simu sole
A guerra hà pigliatu i babbi à e figliole
Dormi

Mi frighje lu core è ùn ne possu più
Lascia pienghje à mè sta notte ma tù
Dormi

Serenada corsa
(Tradiziunale)
"Veni o bella affacciarti al balcone
Veni o bella a sentirmi cantà
Eu ti cantu una bella canzone
Cun la ghitara la devu accurdà

Eui ti cantu una bella canzone
Cun la ghitara, la devu accurdà


Se tu ne dormi in un lettu di fiori
Eiu ne dormu in un lettu di sassi
Felice notte tranquilla , tu passi
Tuttu durmendu ti scordi di me

Felice notte tranquilla , tu passi
Tuttu durmendu ti scordi di mè

Cumpràr ti vogliu un vestitu di seta
Cumpràr ti vogliu di milli culori
E ben guarnitu di rose e di fiori
In rincumpensa di u to prim' amore

E ben guarnitu di rose e di fiori
In rincumpensa diu to prim'amore

O tante stelle chi lucenu nell' cielu
O tanti pesci su l'onda del mare
E tu o bella ne devi venire
Su la barchetta di u to marinare

E tu o bella ne devi venire
Su la barchetta di u to marinare

Andar ne vogliu in paese nativu
Andar ne vogliu luntanu da tè
Ricevi o bella quest'ultimu addiu
Ch'eu murendu cantu per te

Ricevi o bella quest'ultimu addiu
E senti o bella che'eu morgu per tè"

Cantu d'amore (Petru Santu Leca)

Stammi vicina, ùn ti n’andà ti tengu cara.
Soca nun senti cum’ellu trema lu me core ?
Da parechji anni sì per mè la perla rara
S’avessi à vive senza tè, bramu di more

E nostre case sò di punta à la sulana
Luce lu to purtellu à lu spuntà di u sole
Sò ch’è tù l’apri à lu sunà di la campana
Capelli sciolti cum’è le donne di le fole

Un possu rispirà l’aria chì tu rispiri
Senza trima ne di passione quandu u ventu
Carcu di basgi, di canzone è di suspiri
Porta dinnù lu to odore è chì lu sentu

Si fresca e pura quant’è l’alba appena nata
Un rusulaghju sì, fiuritu a tutte l’ore
Dammi la rosa la più bella a più bramata
Quella chì nasce è chì fiurisce in lu to core.

U lamentu di Cursichella (Pampasgiolu)

Cursichella sfurtunata
mamma di tanti figlioli
sarai prestu abandunata
si qualchi rimediu ùn trovi
per tene vicino a te
i to frutti vecchji e novi

Tutti li to figliulacci
partenu a circa furtuna
ùn hai più conti a facci
ne menu speranza alcuna
al menu che t'ùn t'adopre
di a pastoghja o di a funa

Si ne vanu a lu strangeru
cume veri spatriati
di te ùn hanu più penseru
ne induv'elli so nati
quelli valorosi corsi
per a patria sacrificati

Chi ne penserà Sampieru
De Paoli o Sambucucciu
videndu chi lu s'imperu
hè miniciatu à di per tuttu?
a ruvina hè generale
e smarisce fondu e fruttu

Ùn ci hè più corsi di sanna
ùn ci hè che scarti di natura
di la so povera mamma
soca ùn hanu più primura
ma la vergogna hè per elli
s'ella more di malcura

Facciu un ardente preghera
e la mandu à a santa stella
s'ellu ci fosse manera
chi per avà s'hè zitella
d'allunga un pocu la vita
a la nostra Cursichella

Qui finiscu u miò lamentu
chi troppu male mi face
mi scappa guasi lu pientu
ne soffru e po' mi dispiace
che tu campi o Cursichella
'ncu u riscantu in pace

O Michela, ti ringraziu assai pè tutti sti videò chì m'incàntanu, ralegrendumi core è ànima ! Ti pregu salute è pace !