Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Acquaviva Dumenicu "Duminicone"

Aller en bas 
AuteurMessage
Circione

avatar

Messages : 2199
Date d'inscription : 27/02/2012

MessageSujet: Acquaviva Dumenicu "Duminicone"   Jeu 17 Mai - 22:48




U Ricusatu

Oghje mi trovu sulettu,
Da la ghjente abbandunatu.
Vogliu, quì, sopr’à la carta
Iscrive lu mio passatu,
Cù l’aiuta di la musa
D’un povaru ricusatu.

Di scrive certi sicreti,
Mancu duvere saria
Ma la mio frebba accunsente
Un pocu à la malatia.
Per ingolle certi affronti,
Cumu vulete ch’e fia ?

À diciossette virani,
Tempu di a nostra virdura,
Li cori cum’è li fiori
Si sbuccianu per natura…
Eiu feciu cunniscenza
D’una rara criatura.

Fù cunniscenza fatale
Chì dimora inispiicata.
Mi face vive in turmentu
Cum’è un’anima dannata,
È niente cà lu ricordu
Mi rode core è curata.

L’avia scuntrata una sera,
Cù lu so surrisu errante ;
Quandu li ghjunsu vicinu,
Fenduli manere tante,
Mi trattò di curiosu
È di giovanu incustante.

Avissi pur fattu tandu
Cum’è tù dopu ai agitu !
Ùn avaria giratu
Stu mondu cum’è un rimitu,
È magnà sera è matina
U pane amaru è pintitu.

Nu lu fior di giuventù,
Sei anni d’amor prufondu !...
Ùn pudìa esse cà tù
À tene caru un secondu !
Eccumi povaru amante
Fendu pietai à lu mondu.

Eiu ùn la vogliu da tè,
U nome di nimu ùn citu.
Mi n’andaraghju luntanu,
Fughjaraghju à l’infinitu,
Ma mai più mi scurdaraghju
Di quella chì m’hà traditu.

Lu ghjornu ci pensu spessu,
A notte ci sunnieghju ;
Altre cose ùn aghju in core
Quand’e dormu o quand’e veghju ;
Mi pare d’avetti in faccia
O sente lu to passeghju.

Lu mio core s’era apartu,
Cagione di issa firita ;
Quand’ellu dissanguinava,
Culomba, ti sè pintita !
Per avemmi ricusatu
Ùn ti sarè arricchita !

S’e ùn t’avia da pussede,
A mio rosula adurante,
Perchè avemmi ritinutu,
Sei anni, sinceru amante ?
Oghje tù mi mandi à spassu
Cum’è una foglia vulante.

Ch’è t’ùn mi ritorni più,
Ne sò ben sicuru è certu ;
Ch’è t’ùn possa, tù, mai soffre
Quant’è u mio core hà suffertu !
Eiu mi cunsularaghju
In fondu à qualchì disertu.

Oghje li nostri paesi
Sò pieni di pantumina ;
Quale si pò più cunfonde
Di la ghjente fiminina ?
Un’amurosa v’indorme
Eppo dopu v’assassina.

Inde i nostri lucali
Ùn ci hè più da stalle à sente ;
Volenu tutte un maritu
Chì scali da u cuntinente,
A stima per l’omi corsi
Hè calata imminsamente.

Ci vole à esse afficiale,
Tandu la donna prumette,
È lu matrimoniu hè fattu
Subitu in quattru è trè sette ;
È lu mischinu sargente
Piglia frescu pè le strette.


Ùn mi ferma chè à girà
Di stu mondu le partite
Eppo rivene ind’è tè
Cù le mio borse guarnite :
Tandu sì !.. prumittarè
A to manu è ancu le dite !

Un amore chì si compra
Hè d’un gustu pocu raru.
Cridia, ancu senza soldi,
Chì tù mi tinissi caru,
Micca chì a to parsona
Fussi in cambiu di danaru.

Duminicone Acquaviva.
L’Artigliore di u 38


(mettu solu una selezzione di strufate, ma hè più longa cà cusì.)

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Maria

avatar

Messages : 1264
Date d'inscription : 28/02/2012
Localisation : quassù

MessageSujet: Re: Acquaviva Dumenicu "Duminicone"   Ven 4 Mai - 20:07

Aghju trovu què nantu à u bloggu Pacampacorsu, cun menu strufate chè u toiu...
Infatti quantu ci hè strufate in tuttu ? scratch

U RICUSATU

Oghje mi trovu sulettu
Da la ghjente abbandunatu
Vogliu qui, sopra à la carta
Iscrive lu mio passatu
Cù l'aiutu di la musa
D'un povaru ricusatu.

Di scrive certi secreti
Mancu duvere saria
Ma la mio frebba accunsente
Un pocu à la malatia
Per ingolle certi affronti,
Cumu vulete ch'e fia ?

A diciasette verani
Tempu di a nostra virdura
Li cori cum'è li fiori
Si sbuccianu per natura...
Eu feci cunnuscenza
D'una cara creatura.

Fù cunnuscenza fatale
Chi dimora inispiegata
Mi face vive in turmentu
Cum'è un'ànima dannata
E niente cà lu ricordu
Mi rode core è curata.

L'avia scuntrata una sera
Cù lu so surrisu errante
Quandu li ghjunsi vicinu
Fenduli manere tante
Mi trattò di curoisu
E di giovanu incustante.

Avissi pur fattu tanu
Cum'è tù dopu ai agitu !
Un avaria giratu
Stu mondu cum'è un rimitu
E manghjà sera è matina
U pane amaru è pentitu.

In lu fior di giuventù,
Sei anni d'amor prufondu !...
Un pudia esse cà tù
A tene caru un secondu !
Eccumi poveru amante
Fendu pietà à lu mondu.

Eu ùn la vogliu da tene ,
U nome di nimu ùn citu,
Mi n'anderaghju luntanu,
Fughjeraghju à l'infinitu
Ma mai più mi scurderaghju
Di quella chi m'ha traditu.

Lu ghjornu ci pensu spessu
A notte ci sunnieghju
Altre cose ùn aghju in core
Quand'e dormu o quand'e veghju,
Mi pare d'avetti in faccia,
O sente lu to passeghju.

Lu mio core s'era apartu,
Cagione di issa ferita,
Quand'ellu dissanguinava,
Culomba, ti sè pentita !
Per avemmi ricusatu
Un ti sarei arrichita !

S'e ùn t'avia da pussede
A mio rosula adurante,
Perchè avemmi ritenutu
Sei anni, sinceru amante ?
Oghje tù mi mandi à spassu
Cum'è una foglia vulante.

Ch'è t'ùn mi ritorni più,
Ne so ben sicuru è certu,
Chi tù ùn possa, tù, mai soffre
Quant'è u mio core hà suffertu !
Eu mi cunsuleraghju
In fondu à qualchi desertu.
Revenir en haut Aller en bas
Voir le profil de l'utilisateur http://isulana.blogspot.com
Maria

avatar

Messages : 1264
Date d'inscription : 28/02/2012
Localisation : quassù

MessageSujet: Re: Acquaviva Dumenicu "Duminicone"   Ven 4 Mai - 20:22

Cantatu da e surelle Colombani...à 00:13:57

http://www.repertorium.centreculturelvoce.org/polyphonies-profanes?sobi2Task=sobi2Details&catid=6&sobi2Id=17
Revenir en haut Aller en bas
Voir le profil de l'utilisateur http://isulana.blogspot.com
Circione

avatar

Messages : 2199
Date d'inscription : 27/02/2012

MessageSujet: Re: Acquaviva Dumenicu "Duminicone"   Sam 5 Mai - 8:11

Ci hè 27 strufate in tuttu.
ditone

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Maria

avatar

Messages : 1264
Date d'inscription : 28/02/2012
Localisation : quassù

MessageSujet: Re: Acquaviva Dumenicu "Duminicone"   Sam 5 Mai - 11:51

à ringraziatti Wink
Revenir en haut Aller en bas
Voir le profil de l'utilisateur http://isulana.blogspot.com
Maria

avatar

Messages : 1264
Date d'inscription : 28/02/2012
Localisation : quassù

MessageSujet: Re: Acquaviva Dumenicu "Duminicone"   Sam 5 Mai - 15:53

Ciò chì a ghjente ùn sà forse micca hè chì 'ssu lamentu hè solu un pretestu à puesia, postu chì Duminicone, vultatu da a culuniale spusò a so namurata, Cecca.
Puesia "racolta da Francescu Flori, da a bocca stessa di Cecca, chì l'hà cantata in u 1959 in Lozzi"
Cantu Nustrale, Ghj.de Zerbi
Revenir en haut Aller en bas
Voir le profil de l'utilisateur http://isulana.blogspot.com
Contenu sponsorisé




MessageSujet: Re: Acquaviva Dumenicu "Duminicone"   

Revenir en haut Aller en bas
 
Acquaviva Dumenicu "Duminicone"
Revenir en haut 
Page 1 sur 1
 Sujets similaires
-
» Carlotti Dumenicu (Prete) "Martinu Appinzapalu"
» Diavule - Jean Yves Acquaviva
» A vistica - Jean Yves Acquaviva
» Ombre di guerra
» Dumenicu Guerrini, "Minnellu"

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Antulugia-
Sauter vers: