ISULA
Vous souhaitez réagir à ce message ? Créez un compte en quelques clics ou connectez-vous pour continuer.


Lingua è cultura corsa
 
AccueilAccueil  Dernières imagesDernières images  RechercherRechercher  S'enregistrerS'enregistrer  ConnexionConnexion  
Le deal à ne pas rater :
Manga Fire Force : où commander le Tome 34 Fire Force édition ...
11.50 €
Voir le deal

 

 Lanfranchi Ceccè

Aller en bas 
3 participants
AuteurMessage
Circione

Circione


Messages : 2212
Date d'inscription : 27/02/2012

Lanfranchi Ceccè  Empty
MessageSujet: Lanfranchi Ceccè    Lanfranchi Ceccè  EmptyJeu 10 Mai - 13:41

Lanfranchi Ceccè  00113







Spartera

(F. Lanfranchi/N. Luciani)

Spartimu di lu ventu i suprani incirtezzi
Di lu mari sapemu u mova culuritu
A brama spinsirata di l'ultimi carezzi
Chì issu tempu ci porghji prima d'essa finita

Quì sò nati li tarri chì ci detini fiatu
È l'orisonti stremi di li passioni antichi
Quì ci ghjucò a sfiera d'un tempu misuratu
À lu troppu rimori, à li troppi nimichi

Spartimu di li nosci i sicurezzi amari
È di l'altri sapemu a più greva inghjustizia
Chì svolta cima è fundu è ci frighji li carri
Solu quand'idd'hè noscia, ùn ci pari scimizia

Quì sò nati i misteri, d'un tempu li sicreti
Ch'ugnunu voli tena com'è tanti tisori
I cridiami nati à fior di mossi schietti
È ci sò fermi in gola, è ci pesani in cori

Spartimu d'issi albori i dubbiti sbucciati
Com'è li fiori vani nati for di staghjoni
È pur l'avemu colti, è ancu suminati
Ma cridiami tandu di sapè ni a raghjoni.


Dernière édition par Circione le Sam 23 Juin - 14:01, édité 2 fois
Revenir en haut Aller en bas
Circione

Circione


Messages : 2212
Date d'inscription : 27/02/2012

Lanfranchi Ceccè  Empty
MessageSujet: Re: Lanfranchi Ceccè    Lanfranchi Ceccè  EmptyJeu 10 Mai - 15:13

Ghjochi


Baddaremu a guerra in corti di a scola
Suldati d'una stunda cù li scusali scuri
È lu parfumu longu d'issa risa chì svola
Sarà d'inchjostru amaru o di cunfitturi?

Aspissu l'istatina infiara l'aria bienna
Da schjariscia in li visi i nosci ochja ingriddati
È tutti li sicreta spartuti dopu cena
Ghjunti à li to labbra sò basgia impivarati

Middi luma d'arghjentu, di ramu è di mari
In li vapori strani di la me zitiddina
Ùn firmaia più nimu, era notti, mi pari
Eppuri la to voci era cussì vicina ...

____________________________


Aspissu l'istatina infiara l'aria bienna
Da schjariscia in li visi i nosci ochja ingriddati
È tutti li sicreta spartuti dopu cena
Ghjunti à li to labbra sò basgia impivarati

Eppo' veni lu tempu, più nudu è sicretu
Paru à li to ochja d'isuli ch'un sò mei
Chì ciambotta li sensa, è lu cori più chietu
Brusgendu par istrada u vanu di l'idei

Mimoria vagabonda, immensa è fantina
Inventa lindumani à senta lu so fiatu
Ch'ormai i to ricorda ùn sò chè pulvarina
U focu 'lli so ghjorna m'hà dighjà cunsumatu.

____________________________

Middi luma d'arghjentu, di ramu è di mari
In li vapori strani di la me zitiddina
Ùn firmaia più nimu, era notti, mi pari
Eppuri la to voci era cussì vicina!

Middi rimori dati com'è tanti pricheri
E li sapori vani di ciò chì ùn fù fattu
Firmaiani li toi à dì ch'è tù nun c'eri
E tutti sti piaceri ch'eiu ùn t'aghju cuntatu

Middi rimi circati, par dì à tremavoci
Ch'eiu ti tinia caru, ma l'anni si sò persi
Ti sianu cuncessi sta tarra è una croci
È com'è tistamentu, u pocu di sti versi.



NB: aghju cupiatu e "vere" parolle, quelle di u libru, perchè u ghjocu hè dinù di ripiglià a siconda è a terza quartina di a prima puesia cum'è prima quartina di l'altre puesie (a siconda è a terza)...

Revenir en haut Aller en bas
Tittò

Tittò


Messages : 51
Date d'inscription : 09/05/2012

Lanfranchi Ceccè  Empty
MessageSujet: Re: Lanfranchi Ceccè    Lanfranchi Ceccè  EmptyJeu 10 Mai - 22:25

SINTINEDDI



Tali un ochju lampatu à u mare latinu
O una mani porsa à l’imperi à liventi
Un sognu maladettu d’eternu scarpiddinu
O una chjama antica chì più nimu n’ùn senti

Tali i voci chì funu da culandi à l’ora
È li visi di petra chì dissinu di nò
Quidda sumiglia strana chì ùn si volsi mora
E l’idea chì tandu tuttu quì principiò

Tali a mani chì vensi in tempu d’ancu à fà
E vi feci d’altura cù quiddu arti supranu
Ùn era ancu lu mondu é n’erati digià
Guardiani impitrati di u ricordu umanu

Tali l’abbracciu primu chì u silenziu vi deti
E li sapienzi arcani cù li sò canti immersi
Di ciò chì ùn hè storia tiniti li sicreti
Tali una citadella chì a memoria persi


Revenir en haut Aller en bas
Sumenta

Sumenta


Messages : 2052
Date d'inscription : 25/02/2012

Lanfranchi Ceccè  Empty
MessageSujet: Re: Lanfranchi Ceccè    Lanfranchi Ceccè  EmptyVen 11 Mai - 12:33

Magnifiche tutte e trè ancu si devu ricunnosce chì Sintineddi face parte di e canzone/ puesie e più cummuvente per mè :oops:
Bella canzona di Diana di L'alba dinù!
Revenir en haut Aller en bas
Circione

Circione


Messages : 2212
Date d'inscription : 27/02/2012

Lanfranchi Ceccè  Empty
MessageSujet: Re: Lanfranchi Ceccè    Lanfranchi Ceccè  EmptyVen 11 Mai - 22:03

Lettera d'Argentina

(F. Lanfranchi & N. Luciani/E. Gineste)


I loca di quì
Sò fatti à lu to parè
Vularia chì
Tuttu firmessi par mè
Ma u tempu si sbucina
In'ssa terra d'Argentina

Quale à pò sapè
Chì hè la mio vita avà
Qualcosa di tè
Chì ferma in li ghjorni à fà
Chì lu me passu strascina
In'ssa terra d'Argentina

Com'è l'armunia strana
Chì risona tantu è più
Com'è a terra luntana
Di a nostra giuventù
Com'è quidda casa vechja
È lu paesi culà
Com'è tanti fole à veghja
Chì tu sapii cuntà

À chì pò ghjuvà
Di ramentassi dinò
È chì firmarà
Di li ricordi chì sò
Chjusi in l'ora citadina
Di sta terra d'Argentina

Tuttu ciò chì fù
Ùn mi ne possu scurdà
Ma dimmila tù
Chì ferma in li ghjorni à fà
Chì lu me passu strascina
In'ssa terra d'Argentina

Com'è a piazza tamanta
Duve andavamu à ghjucà
Com'è 'ssa risa chì ùn pianta
In fondu à mè di chjamà
Com'è li passi sicuri
Chì tu purtavi quassu
Com'è li chjassi primuri
Di la noscia giuventù

È tù...

Revenir en haut Aller en bas
Circione

Circione


Messages : 2212
Date d'inscription : 27/02/2012

Lanfranchi Ceccè  Empty
MessageSujet: Re: Lanfranchi Ceccè    Lanfranchi Ceccè  EmptyLun 14 Mai - 10:13

Eppo'

Eppo' sta lebbia buffulata
U vintuleddu à luna piena
Chì sfrisgia li to sonnia amari

… Eppo' u piova d'una volta
Quandu ti bagna l'acqua nova
È u mari muta culori

… Eppo' u focu à voci sciolta
Chì certi notti ti ritrova
Ma u senti, u so calori?

… Eppo' a mani appena nata
U baddu novu di a to penna
Chì scrivi l'ultimi filari

… Eppo' i porti di a notti
Quand'idd'hè muta a to vita
Ùn ci hè più soli è tù mi porti
Quidda di l'altri in li to dita…
Revenir en haut Aller en bas
Circione

Circione


Messages : 2212
Date d'inscription : 27/02/2012

Lanfranchi Ceccè  Empty
MessageSujet: Re: Lanfranchi Ceccè    Lanfranchi Ceccè  EmptySam 23 Juin - 13:45

Latina

Latina di li quattru venta
À dì l'isuli cardinali
Middi li risi è li pienta
Sò di u sempri è di l'avali

Latina di magia vechja
È lu to sguardu par alari
È la prima ora chì si spechja
À l'ira di l'intimu mari

Latina quant'è sonniu stridu
È straccià l'alba di una volta
À la mimoria senza nidu
À l'ochji di la me rivolta

Latina di la risa nova
In l'arghja di ciò chì s'inventa
Quandì u core a si prova
Quandì u ricordu a si stenta

Latina d'incerti passioni
L'amanti d'una volta sola
Chì un solu fiatu s'imponi
À la spiranza strina in gola

Latina di ciò chì ùn era
Chè u troppu di a sumidda
O! s'iddu ci fussi manera
In sonniu di tena la fida

Latina di l'umani avvinti
Ma quantu n'avaremu tarri?
Da una stessa luna accinti
Spartuti da u stessu mari
Revenir en haut Aller en bas
Contenu sponsorisé





Lanfranchi Ceccè  Empty
MessageSujet: Re: Lanfranchi Ceccè    Lanfranchi Ceccè  Empty

Revenir en haut Aller en bas
 
Lanfranchi Ceccè
Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Antulugia-
Sauter vers: