Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Franchi Ghjuvan Ghjaseppiu

Voir le sujet précédent Voir le sujet suivant Aller en bas 
AuteurMessage
Michela



Messages : 194
Date d'inscription : 08/03/2012

MessageSujet: Franchi Ghjuvan Ghjaseppiu    Mer 23 Mai - 14:26

VIS COSMICA



Di quandu in quandu sò ghjudeiu

Ghjudeiu di l’Esodu è Ghjudeiu di u Ritornu

M’anu fattu sappiente in le Meriche

Sò butticaghju ghjudeiu in u vintesimu circondu di Parigi

E me unghje sò firmate in li muri bianchi di calcina

È u sangue di li me manu

Sò u Ghjudeiu vivu è tistimone annantu à a tarra di l’omi

Hè isciuta a me sterpa quand’ellu nascia u mondu è in la sfiacculata di u frattempu

M’anu chjamatu à quandu Diu à quandu cane

À quandu Omu

Ma lu me pettu hè tabernaculu fidu ci tengu un sognu vechju

U sognu vechju di i mei

L’altri Ghjudei

Tante altre volte sò africanu

Sò l’Africanu u più neru di l’Afriche nere

Sò l’Africanu chì canta à voce grossa in li campi di u Misissipi

Sò quellu pastore sfilanciatu arritu da poi sempre à l’appiccià di i mondi

Sò quellu di e sicchie è quellu di e timpeste

Sò quellu di e fureste

Sò eiu l’esilatu anticu u foscu di centu paesi

M’hà suminatu u ventu gattivu

Africa mamma di l’omi a funa di i seculi avvigne è mi s’avvutula

È lega à turcinella

È mi ne stò mutu cum’è u tempu in le strette d’Aubervilliers

Ingutuppatu d’un mandillone cù a me spazzura in manu

Sò l’Africanu

Sò l’Arabu di induv’è Renault chì un ghjornu si ne volta

Ed eccumi à issu scornu di sole vechju

Maraviglia è spentafurtuna

Sò l’Arabu chi si ne posa à tagliu di e cunfine vane

Ed eccu in mè atturchjate è nudicute

E pacenzie mille di l’alivu arradicatu

Strappatempu à longu andà di li me feste riccamate

In le cose cuntinivate

A morte taglia à farru dolce

Duv’è noi Arabi

Ma nisuna morte gentile

Pò scute inseme li mio capi

L’alta cundanna hè d’esse vivu

In tutti l’Omi

Forse lu Tempu

.

GHJUVAN GHJASEPPU FRANCHI
Revenir en haut Aller en bas
Voir le profil de l'utilisateur
Circione



Messages : 2156
Date d'inscription : 27/02/2012

MessageSujet: Re: Franchi Ghjuvan Ghjaseppiu    Mer 20 Juin - 7:38

Festa zitillina

(G.G. Franchi/Ghj.P. Poletti)

À passi di ghjatta
A neve s'aguatta
È piglia è sì piatta
In ogni furcò.

Piove piove latte
V'aggranca le patte
C'hè pocu à scumbatte
O sgiò Calafrò.

Si vede sumeri
Arechji in pinseri
Umbrosi mazzeri
Pè issi cacciarò.

Sò fatti à frisgetti
I nostri fussetti
Sò in biancu li tetti
Chì bella staghjò.

Evviva li stracci
Prestu à vultulacci
-Ingrati zitellacci
-Perchè o Babbò?

U ventu sculiscia
Lascendu una striscia
Di bambace liscia
Sopr'à li machjò.

U ventu rumena
U celu sumena
L'angoscia è la pena
Di l'omi maiò.




_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2156
Date d'inscription : 27/02/2012

MessageSujet: Re: Franchi Ghjuvan Ghjaseppiu    Mer 20 Juin - 7:50

MUNTAGNA


_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2156
Date d'inscription : 27/02/2012

MessageSujet: Re: Franchi Ghjuvan Ghjaseppiu    Dim 24 Juin - 19:24

Duie fole dette da Ghjuvan Ghjaseppiu Franchi




























_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2156
Date d'inscription : 27/02/2012

MessageSujet: STONDA   Ven 22 Fév - 22:01

Stonda

Longu à le piazze
Pinciuleghjanu i vichjarelli.
Cum’è la ghjente e cose vanu
Ùn vale à corre o andà pianu !
… à lu serenu, i vechji stanu

Si ne stanu in un catagnolu,
Pè la vichjaia, pè lu dolu…
È la vita di u paese
Passa è vene, senza surprese…
A machja rode le campagne,
Ùn và più nimu à la castagna
For di Zi’Antone chì si lagna…

Un esiliatu parte solu
Strappendu un pezzu di paisolu !

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2156
Date d'inscription : 27/02/2012

MessageSujet: San Petru è a vichjarella   Ven 22 Fév - 22:04

"San Petru è a vichjarella"


In tempu d'una volta, quandi u Signore è i so apostuli viaghjavanu, li t'annotta una sera prima di ch'elli poscanu rientre in paese. Duva piglià, duva ùn piglia ?... In lu circondu c'era una casetta chì paria disvitata. Ma u caminu fumariava: hum !...
Pichjanu. S'affacca una vichjarella :
- Oh mi, mi, mi... oh salvune ! Intrite, intrite, o tinti, ùn istate fora à ist'ora. Ah in casa meia ùn ci hè tanta robba, ma manghjarete issu pocu è tantu. Eppo omancu sarete à l'ascosu, eh !
È cù una manata di farina rasciulata in fondu à un cascione, a vechja si dà à falli signe piattate di granasgioli. È i guardava manghjà chi paria ch'elli falissinu in corpu à ella i granasgioli !
- Minà, face dopu, lettu quì ùn ci ne hè cà unu... ma tantu eiu sò avvezza à dorme pedi à focu... Voi sete trè : pruvate à accunciavvi in lettu.
- Inno, o zia vechja, disse u Signore, andatevine puru à sciloffi in santa pace chi noi di stà à a ziglia, altru ùn dumandemu !
È s'appinnuleghjanu tutti à trè, pedi à focu (C'era u Signore, Petru è l'altru ùn la so qual'ell' era..,)
A mane, si licincieghjanu da a vechja.
San Petru, subitu subitu, disse à u Signore :
- Ete vistu, o Maestru, issa vichjarella cusì allampata ch'ella hè... Ancu un pocu è ci dà u so lettu ! Comu femu pè ricumpinsalla?
- O Pè, rispose u Signore. viaghja a to strada chì quessi sò i mei l'affari !
Ma Petru (a sapete cum'ellu era) :
- Oh oh oh ! allora nulla à issa vechja ? Eh ! nulla pò nò !
È boga... è torna à Vignale!
À rombu à rombu, à u Signore li scappa a pacenzia :
- Ah! dalli cio ch'ella ti pare è falla finita ! È San Petru chì di a puvertà ne avia e mughe, piglia è dumanda a ricchezza pè a vichjarella :
« Or chì tuttu li rendi à centu »
Da quellu ghjornu, principiò a furtuna di a vichjarella. S'ella punia una grana. quella ne rindia CENTU, un pome di sumente ed eccu CENTU pomi belli tondi è tunduliuti, ùn c'era pede di calzu chì ùn dassi CENTU caspe cù CENTU caspolli di CENTU granelle l'unu !
Ind un « patre è filliu » a vechja torna ricca merza.
Or capiteghjanu un antra volta, u Signore è i so dui apostuli (Petru è quill'altru) per quelli circondi. I piglia u tardi.
D'unde tene ?
- Eh, face u Signore, ci hè po a to vichjarella ! Avà s'ella ùn hè ricca, mai più ... Fora ùn ci lasciarà.
- Anh, mi ! face Petru... Oooh avemu pane è cultellu sta sera!
Vanu è pichjanu à le porte d'un casamentu novu novu : era u palazzu di a vechja ! Quella apre. – È torna andacciani ! Chì diammine traculinate à st'ora ?
- Circhemu alloghju... vi pagaremu in travagliu, rispose u Signore cù a so voce dolce.
A vechja i guarda in sott'ochju, calculeghja, riflette:
- Ah mi ! cascate à tappu, ci hè u granone da fà... cusì mi pagarete l'alloghju, mansa di piduchjosi !
S'era fatta, mi, a vichjarella !
- State à sente, disse pianu pianu u Signore, u granone u faremu, ma sta sera semu stanchi morti. Lasciateci dorme chì accor' à dumane u granone u truvarete fattu ... Hè detta.
- Durnane, dumane... Allora dumane à l'alba, chè ?
- Alò !... accunsinti u Signore.
A vechja, senza esse ghjacara di porghjeli un pezzu di pane piglia è i porta in camare. Avà po stanze è stanzini ùn ne mancava nò, in quella casa.
- Dumaitina pè u granone ! Attenti !
A mane dopu, a vechja s'arrizza à ott'ore (avà era signora è ancu è carcu un bancu !). U granone u vede ammanzatu, ma à pignotti sani !
« O latri ! »
Si frumbula in camare :
- Allora ? È issu granone ?
- Scusate, dice u Signore, eramu abbambanati da a fatica... minà quessu dorme sempre.
Petru surnacava, bocchi apartu !
A vechja tandu caccia un matarellu bellu nudicutu, s'avvicina è... buffa è dalli ! a li prova à e matarillate! Li vinia bè chì Petru u tintu durmia in tagliu di lettu.
- Quand'e voltu, ch'ellu sia fattu u granone !
Petru si vultava è si ghjirava, maccu da i colpi. Mezu sbaggiurnitu face pè appinnulassi dinò.
- Mi, o Pè, face u Signore, venitine qui à mezu : duvi tù sè, a corri brutta !
- Ete a raghjone, o Maestru, Vai chì a vichjarella hè calcosa !
Mutanu locu. San Petru, à mezu lettu stà un pocu è incoppia dinò.
Ghjunghje a vechja :
- Avà hè quill'altru à mezu chì dorme! Chì tù scià cecu !
È bavà ! bavà ! bastunate à Petru.
- U Diu! U Diu!
- L'emu da fà u granone o ùn l'emu da fà ?
- L'emu da fà, disse calmu calmu u Signore. (Bucie quellu ùn ne dice : l'avianu da fà, ma quandu ?)
- S'ellu ùn fattu u granone quand'è voltu, vi troncu e custigliole.
- Mì, o Pè, fece u Signore da ch'ella fù isciuta a vechja, trapassatine in la muraglia chì s'ella volta micca, ti tomba!
Petru, maccu da a fatica è da e bastunate s'incatagna in lu muru è... s'adurmenta dinò !
A vechja affacca :
- Avà hè l'altru chì dorme! Ma allora vi ne vulete ride! Aspetta ghjà !
È a li toma à pruvà à Petru, ma oh ! Falavanu e batarchjate à calzu d'arechje ! (ma vaga cum'ella vaga, u paganacciu era sempre Petru…)
- Basta! Basta ! scappemucine o Maestru ; aiò ...
- Prima l'emu da fà u so granone chì hè stata detta, fece u Signore.
Facenu u granone è si ne vanu cotti cotti...
- Allora, o Pè, chì ti ne pare di a nostra vichjarella ? dumanda u Signore.
- Ah ùn mi ne parlate, o Maestru ! L'aghju po vista ciò ch'ella hè a ricchezza !
- Voltati ghjà, o Pè !
Petru volta u capu : U casamentu si brusgiava !

"E fole di mamma" (1981)

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2156
Date d'inscription : 27/02/2012

MessageSujet: I Corsancesi   Mar 12 Mar - 20:46







_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Sperenza



Messages : 1140
Date d'inscription : 28/02/2012
Localisation : quassù

MessageSujet: Re: Franchi Ghjuvan Ghjaseppiu    Sam 16 Mar - 10:02

ACQUA (à G.Apollinaire)

L'acqua corre annantu à la rena
E lu fiume nun si ne và
E cusì sarà quella pena
Chì cola cola è si ne stà
U mio core s'hà da firmà
Cume ligatu di catena
Fin ch'ella và l'eternità

Ancu lu ponte si sustene
Ma pocu à pocu hà da lascià
E po petre annantu à la rena
A me pare chì la mio pena
Chì batte è batte è si ne stà
Mi ghjugherà cume fulena
Fin ch'ella và l'eternità.

(1974)
Revenir en haut Aller en bas
Voir le profil de l'utilisateur http://isulana.blogspot.com
Sumenta



Messages : 2050
Date d'inscription : 25/02/2012

MessageSujet: Re: Franchi Ghjuvan Ghjaseppiu    Sam 16 Mar - 12:07

mipiace assai ditone


(arrggg sò in traccia d'inventà una nuvella forma di cummunicazione...)
Revenir en haut Aller en bas
Voir le profil de l'utilisateur
Sperenza



Messages : 1140
Date d'inscription : 28/02/2012
Localisation : quassù

MessageSujet: Re: Franchi Ghjuvan Ghjaseppiu    Sam 16 Mar - 16:38




È sta forma di cummunicazione, a cunnosci ? risa

A interpretazione di i disegni si face in francese, per ottene una frasa in corsu... scemu geek
Revenir en haut Aller en bas
Voir le profil de l'utilisateur http://isulana.blogspot.com
Sumenta



Messages : 2050
Date d'inscription : 25/02/2012

MessageSujet: Re: Franchi Ghjuvan Ghjaseppiu    Sam 16 Mar - 16:51

@Sperenza a écrit:



È sta forma di cummunicazione, a cunnosci ? risa

A interpretazione di i disegni si face in francese, per ottene una frasa in corsu... scemu geek



evviva evviva evviva

iè a cunnoscu risa
l'avia digià fatta ma altrò, in una pieve scura è luntana risa ...è dava un risultatu ch'ùn possu mette quì imbarazzatu
quandu dicu chì e donne di stu foru sò propiu genii Cool
Revenir en haut Aller en bas
Voir le profil de l'utilisateur
Circione



Messages : 2156
Date d'inscription : 27/02/2012

MessageSujet: Re: Franchi Ghjuvan Ghjaseppiu    Sam 16 Mar - 19:38

scie a poussin K souris?


scratch scratch scratch


in corsu di chì regione?


_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Sumenta



Messages : 2050
Date d'inscription : 25/02/2012

MessageSujet: Re: Franchi Ghjuvan Ghjaseppiu    Sam 16 Mar - 20:18

@Circione a écrit:
scie a poussin K souris?


scratch scratch scratch


in corsu di chì regione?



poussin? mi pari tuttu tù un poussin
Revenir en haut Aller en bas
Voir le profil de l'utilisateur
Sperenza



Messages : 1140
Date d'inscription : 28/02/2012
Localisation : quassù

MessageSujet: Re: Franchi Ghjuvan Ghjaseppiu    Sam 16 Mar - 21:17

@Circione a écrit:
scie a poussin K souris?


scratch scratch scratch


in corsu di chì regione?


Perchè ? Hè capiscitoghju nò ? risa
Revenir en haut Aller en bas
Voir le profil de l'utilisateur http://isulana.blogspot.com
Sperenza



Messages : 1140
Date d'inscription : 28/02/2012
Localisation : quassù

MessageSujet: Re: Franchi Ghjuvan Ghjaseppiu    Sam 16 Mar - 21:21

Paese paese

paese paese
duve sò le ripe
appese

duve sò le case
le case è li forni
prufondi per sti
cuntorni

scagliole di luna
tarricce una à una
accese

spechju hè la funtana
u fiume hè cullana
cullana gioconda
di a notte bionda
chì luce in paese.

Revenir en haut Aller en bas
Voir le profil de l'utilisateur http://isulana.blogspot.com
SERRA



Messages : 951
Date d'inscription : 25/02/2012

MessageSujet: Re: Franchi Ghjuvan Ghjaseppiu    Sam 16 Mar - 21:30

@Sperenza a écrit:
@Circione a écrit:
scie a poussin K souris?


scratch scratch scratch


in corsu di chì regione?


Perchè ? Hè capiscitoghju nò ? risa

s'ellu è un rebbu ( spiegà ) basta à piglià a prima sillaba , tantu serebbe sci(scie) a pu(poussin) cc(k)rà (rat)
sciappuccarà vole dì qualcosa in Vignale confusu ?
Revenir en haut Aller en bas
Voir le profil de l'utilisateur
Sperenza



Messages : 1140
Date d'inscription : 28/02/2012
Localisation : quassù

MessageSujet: Re: Franchi Ghjuvan Ghjaseppiu    Sam 16 Mar - 21:36

Capita ! risa
Revenir en haut Aller en bas
Voir le profil de l'utilisateur http://isulana.blogspot.com
Contenu sponsorisé




MessageSujet: Re: Franchi Ghjuvan Ghjaseppiu    Aujourd'hui à 12:35

Revenir en haut Aller en bas
 
Franchi Ghjuvan Ghjaseppiu
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Ristori Ghjuvan Petru
» Ghjuvan Deziu
» Acquaviva Ghjuvan Pasquinu "Montepianu"
» "Impastughjata" Ghjuvan Marcu Leca
» Ghjuvan Carlu Adami

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Antulugia-
Sauter vers: