Induvinella

Vi prupongu di truvà u sensu di una spressione:

Fà a soma à u topu

Corciu quellu topu, avà hè guasi un mese ch'ellu hè insumatu, vecu ch'ùn hè prontu à parte...

sidussincu a écrit:

Corciu quellu topu, avà hè guasi un mese ch'ellu hè insumatu, vecu ch'ùn hè prontu à parte...

ci vole à sperà ch'ellu sia insomatu à soma longa , omancu un li mucherà l'imbastiu ..

ùn ci pinsava mancu più à sta induvinella!
aiò fatemi ghjà una pruposta è vi daraghju a risposta

Erbaghju a écrit:

ùn ci pinsava mancu più à sta induvinella!
aiò fatemi ghjà una pruposta è vi daraghju a risposta

travaglià per nunda (o per u latru)? chi u topu shà da purtà a soma duv'e ellu ..

(ghjustu per fà avanzà u scimilbliccu :oops: )

Quandu era zitella, passava e mo vacanze d'estate in paese. Tandu ghjunghjianu ancu e mo cugine di Marseglia è mammona ci facia dorme in listessu lettu. Eramu trè zitellette di 7, 8 anni è quandu a mo caccara venia à dì ci bona notte spessu si mettia à ride è dicia : "e mo ciucce sta sera fate a soma à u topu".

Pensu ch'ella parlava di u fattu chè no eramu strinte. :shock:

Sperenza a écrit:

Quandu era zitella, passava e mo vacanze d'estate in paese. Tandu ghjunghjianu ancu e mo cugine di Marseglia è mammona ci facia dorme in listessu lettu. Eramu trè zitellette di 7, 8 anni è quandu a mo caccara venia à dì ci bona notte spessu si mettia à ride è dicia : "e mo ciucce sta sera fate a soma à u topu".

Pensu ch'ella parlava di u fattu chè no eramu strinte. :shock:

Pensi bè! Ghjè u fattu di stà in parechji inde un locu (un lettu, una casa, una stanza...)troppu strettu

Ti filiciteghju !!!

sidussincu a écrit:

Corciu quellu topu, avà hè guasi un mese ch'ellu hè insumatu, vecu ch'ùn hè prontu à parte...

Hè perchè nimu ùn hà trovu.

Bella sprissione!

ma da l'avà somma à u topu annant'à Isula ùn si ne face ...

Avà chì u ben di topu hè cautatu... A cunniscite quessa :

Avè u sabbatu appressu

sidussincu a écrit:

Avà chì u ben di topu hè cautatu... A cunniscite quessa :

Avè u sabbatu appressu

u sabatu era u ghjornu di u pane allora po esse per sprime ch'omu è famitu (o u cuntrariu)
(torna per fà avanzà u smilbliku :oops: )

Eccu, ai guasi capitu. Eiu l'aghju intesa per parlà d'un omu chì li piacia di fà a nozza, è chì piglia moglia. Cusì si pò dì : "avà s'affrinarà perchè hà u sabbatu appressu" : diventa babbu di famiglia è li tocca à arrizzassi per fà u pane u sabbatu.

È quessa ?

Mi face fà e frittelle ind'è a sporta !

Sperenza a écrit:

È quessa ?

Mi face fà e frittelle ind'è a sporta !

Quessa mi face pinsà à u dettu d'una mamma parlendu di a so figliola ch'ùn sà aspittà u matrimoniu per fà e galippette

È ùn hè micca (solu) una cacciata

Mi pare dinù ch'ellu ci vularia à scrive "inde" per 'ssu casu custì... O Sperenza s'è t'ùn voli leghje i rumanzi di Circione poi andà dinù nant'à Forucorsu

Sperenza a écrit:

È quessa ?

Mi face fà e frittelle ind'è a sporta !

In castagniccia si dice :"Li face fà i brìlluli in u spurtellu"

Tittolu a écrit:

Mi pare dinù ch'ellu ci vularia à scrive "inde" per 'ssu casu custì...

Ti ringraziu è per ch'ella mi fermi in mente a recula a cupieraghju 500 volte. Avia fattu cusì ancu per CUME, QUANTE, INDUVE...

ciocciu a écrit:

Sperenza a écrit:

È quessa ?

Mi face fà e frittelle ind'è a sporta !

In castagniccia si dice :"Li face fà i brìlluli in u spurtellu"

L'anu arrubatu à u Casacconi !

È allora, d'appressu à tè, hè più faciule di "fà e frittelle inde a sporta" o "i brilluli in u spurtellu" ?

U Casacconi hè in Castagniccia

U più astutu hè d'ùn pruvà mancu !

Ié ma tutta a Castagniccia ùn hè u Casacconi.

Quellu chì vi face fà e frittelle inde a sporta, vi face fà n'importa cosa.

  

Erbaghju a écrit:

Sperenza a écrit:

Quandu era zitella, passava e mo vacanze d'estate in paese. Tandu ghjunghjianu ancu e mo cugine di Marseglia è mammona ci facia dorme in listessu lettu. Eramu trè zitellette di 7, 8 anni è quandu a mo caccara venia à dì ci bona notte spessu si mettia à ride è dicia : "e mo ciucce sta sera fate a soma à u topu".

Pensu ch'ella parlava di u fattu chè no eramu strinte. :shock:

:dito:Pensi bè! Ghjè u fattu di stà in parechji inde un locu (un lettu, una casa, una stanza...)troppu strettu

Ti filiciteghju !!!

Ghè hè vera una bella spressione ma ci hè dinu u ghjocu (per u più di i maschi) chi si chjame cusi
ùn hè mica una critica era ghjustu per ramintà cio chi i nostri vechji praticavanu di pettu à sti tempi di "Tablettes" è "PS 40 à u minimu"  

Chì ghjocu era ? U ci poi spiegà ?

Ghjocannu à parechji :un spezia di balchera nant'à u spinu di duii cumpagni fatta da duii zitelli chi si tenenu à l'arritrosa, quandu un si pesa, l'altru falla... è dopu si cambianu quelli chi purtavanu si mettianu nantu... eccu! ùn sò s'eiu mi spiegu bè ma pensu chi d'altri più astuti ci ghjunghjeranu megliu  

Hè u ghjocu mintuvatu da Ghj. THIERS in A Funtana d'Altea (p. 106): 'ghjucà à ciccia'. Da Antulugia di ghjochi isulani, C. Castellani / Ghj. Fusina (Ed. Scola Corsa Bastia 1983 /Reed. 1996):

À ciccia ci ghjucavamu quand'eramu studienti...    ma u ghjocu di "a somma di i topi " ùn lu cunnoscu micca, almenu ch'ella appia a ragione Marilena è ch'ellu sia u listessu ghjocu ma – d'appressu à ciò ch'ella hà spiicatu Sepulana – ùn pensu micca.