Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Vint'anni tandu, vint'anni oghje

Voir le sujet précédent Voir le sujet suivant Aller en bas 
AuteurMessage
u ghjudice

avatar

Messages : 200
Date d'inscription : 26/02/2012

MessageSujet: Vint'anni tandu, vint'anni oghje   Mer 13 Juin - 11:39

Vint'anni


I soi i vint’anni, l ’avia passati prigiuneru in Alemagna. Eramu in u 41, è facia un’ annu ch’ellu s’era fattu chjappà da i bosci in l’ Ardennes. Quand’elli s’eranu fatti piglià, ellu pisciava da sottu strada, ùn l’avianu vistu, allora pigliò u fucile è braccò u primu alemanu ch’ellu visse. Quellu li fece capì chì ùn valia a pena à resiste, chì tutti l’altri s’eranu resi.
E cusì partì per cinqu’anni di prigiò, cinqu’anni à battesi in trà di prigiuneri, i Corsi d’una parte, i Brittoni da l’altra, per sapè à quale tuccherebbe i pezzi di pane malatu spapersi ind’è l’acqua puttana ch’elli li servianu per suppa. Cinqu’anni à strazià, da dicenove à vintiquattru anni, a più bella età. L’averebbe avute da passà in paese à accupassi di i so cunigliuli, è à manighjà piane, pianelli è taglioli, in a buttega di u babbu, ma a sorte volse ch’ellu i passò prigiuneru in un paese strangeru, à amparà à arrubbà u zuccaru ch’elli trascinavanu nantu à u portu, o tutta l’altra robba da manghjà.
Perse a so giuventù quallà, ma perse dinù un fratellu, mortu in un accidente di mottò quandu l’alleati entronu in Berlinu. Ellu venia di ghjunghje in paese dapoi trè ghjorni, l’aspettava u so fratellone, ma un ghjunse chè a carta negra.
Cun mè, ùn ne parlò guasi mai, solu qualchì volta, quandu eramu soli, ma serà perchì era troppu chjucu, o perchè chì ùn vulia più ripensà à ‘ssi vint’anni arrubbati.
E oghje quandu vecu o ch’eo leghju chì Le Pen ùn hè a peghju per a Francia è per a Corsica, Le Pen quella chì hè andata à ballà cun i nazis, quella chì hà e listesse idee chè i tippi chì l’anu messu in prigiò, mi vene a rabbia, pensendu à ellu, à vint’anni, in u fretu alemanu.

I toi i vint’anni, anu finitu a so tracorsa contr’à un platanu. Aviamu fattu festa in Calvi o in Portivechju, o chì ne sò eo. Eramu zuffi bè, è ùn sì vulsutu rientre à tempu à noi.
Ci ai dettu, dopu dumane surtimu torna.
E noi, simu quì sottu à u sole di statina chì pichja più chè d’abbitudine, incustumati è bè, ma micca per sorte, per purtà a to cascia. N’aghju purtatu cascie, ma a toia quant’ella pesa. Serà perchè chì simu ingrandati inseme, serà perchè chì ancu s’è ùn n’eramu d’accunsentu nant’à nunda, battiamu sempre inseme, à beie, à ghjucà, à dunnighjà ?
E ‘ssi vechji cucchi chì ci fideghjanu fà u giru di a chjesa cun a to cascia nant’à e spalle, i sentu digià .
Avia betu troppu, andava in furia…
Ai vistu cum’ella era bella a so cascia…
Una merda, tuccava piuttostu à elli à esse ind’ una bella cascia.
Vint’anni ùn hè l’età per ripusassi ad eternu in campu santu.
Vint’anni hè l’età di vive, d’amparà a vita, di gode tutti i so piacè.
« Dans les comptes d’apothicaires, vingt ans c’est une somme de bonheur… » hà cantatu Brassens.
N’averai avutu troppu felicità per lacacci à vint’anni ?
Revenir en haut Aller en bas
Voir le profil de l'utilisateur
Ruclinonu Solechjari

avatar

Messages : 518
Date d'inscription : 27/02/2012
Localisation : Casinca

MessageSujet: Re: Vint'anni tandu, vint'anni oghje   Mer 13 Juin - 16:59

Duv'ellu ci hè u talentu, ùn ci hè nunda à aghjustà.
Revenir en haut Aller en bas
Voir le profil de l'utilisateur http://appuntamentu-corsu.forums-actifs.net
Sumenta

avatar

Messages : 2050
Date d'inscription : 25/02/2012

MessageSujet: Re: Vint'anni tandu, vint'anni oghje   Mer 13 Juin - 20:50

ùn ti possu micca dì quant'ellu m'hè piaciutu u to scrittu.
e ragiò sò diverse; u tema ben intesu ma sopra tuttu a to manera di parlà ne, di truvà e parolle ghjuste. sò numarosi quelli chì anu pruvatu à scrive nant'à stu sugettu. sò scarsi quelli chì anu riesciutu à dì ciò ch'omu risente o pensa quand'ellu campa una stonda simile.
salutu2
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: Vint'anni tandu, vint'anni oghje   

Revenir en haut Aller en bas
 
Vint'anni tandu, vint'anni oghje
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» [Derevaux, Jude] Vint un chevalier [Moyen-âge Ép. Victorienne]
» Et vint le printemps (Léo Ferré)
» Cent'anni, centu mesi... L'integrale.
» C'est l'anni d'Yvain !
» Vint'anni fà

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Prosa-
Sauter vers: