Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Thiers Ghjacumu

Voir le sujet précédent Voir le sujet suivant Aller en bas 
AuteurMessage
Circione



Messages : 2157
Date d'inscription : 27/02/2012

MessageSujet: Thiers Ghjacumu    Mer 20 Juin - 15:45



Ghjennaghju

U ghjornu singhjuzzava a vigilia bughjura
I carrughji attuniti cuntavanu i so morti...
Tandu entre u pastore cum'è battelli à i porti
Calmi è s'indinochja è sdrughje a paura.
Prega à core scioltu è si sparghje l'amore
Si hè zitta ancu l'aria aspettendu a chjama
Di a voce porta pace chì tutta a ghjente abbrama
S'hè piatta ancu a zerga è parla u Signore:

"Statu onniputente tù chì stai in l'imperu
Di forze accanite è di ferru è di focu
Lacami sti figlioli è lacami stu locu
Ùn mandà più saette contr'à u so addisperu.
Ùn parlemu di lege è guardemu li dritti
Si sò pisati tutti contr'à a to inghjustizia
Di mani è di voce ne cresce una divizia
Schizzerà torna u sangue sè tù ùn li lachi arritti..."

Ma queste ùn sò voce chì sente a preputenza
Hè debbule u Signore in pettu à u statu petra
I fiumi impauriti correnu à l'ombra tetra
Di a guerra chì rinnova quell'antica viulenza.







_________________
Spunsurizatu  da l'UNESCO


Dernière édition par Circione le Mer 20 Juin - 20:40, édité 3 fois
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Thiers Ghjacumu    Mer 20 Juin - 15:46



_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Thiers Ghjacumu    Mer 20 Juin - 15:49

Ponte Novu

S’è tù passi pè isse sponde
Pianta puru in Ponte Novu
Ci sò trè caffè : u José Bar,
U de Gaulle Bar...
L’altru si chjama Pascal Paoli Bar
Saluta mi u patrone : l’aghju
cunnisciutu bè in i tempi....
À u ponte fà pianu
chì a girata hè gattiva...


_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Thiers Ghjacumu    Mer 20 Juin - 19:49

Amandulu fiuritu


Amandulu fiuritu
inzicculatu à cotru
sì sbucciatu d'un colpu
in una notte
cum'è una fucilata

Surgente saltarina
cristallu di fiscola
sì zirlata d'un colpu
in una notte
cum'è una fucilata

Arietta veraninca
fola d’anime sole
sì picciata d'un colpu
in una notte
cum'è una fucilata

Amore zitellescu
fattu à coppiu è nescu
amandulu spugliatu
arietta secca
cum'è una fucilata

Scala d'inganni dolci
spezzati in mille sensi
amarezza d'un colpu
In una notte
cum'è una scaccanata

Cuscenze intustate
Fede à vede tissute
Cù e mani di l’anni
U tempu hè biancu è neru
Hè bella a notte
Cum’è a sfiuricciata
Di l’Esse

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Thiers Ghjacumu    Mer 20 Juin - 19:52

http://www.musicme.com/Petru-Guelfucci/titres/Innu-t656333.html

Innu

Hè lampatu quellu voceru
Di tondu à li me sensi
Mi cusgite le primure
Mi mucidisce la mente
Mi lighjite libri arcani
Chì ciambottanu lamenti
Chì ellu pianti lu voceru

Hè lampatu u caracolu
Di tondu à lu me capu
È mi ne fate lu chjerchju
Di tantu sangue landanu
Duve li spavechji vechji
Vanu à ciambuttà l'umanu
À l’eternu
Chì ellu pianti lu caracolu

Hè lampata a granitula
Di tondu à la me storia
M'ete toltu lu locu
Di li me sognimemoria
Vanu vani cunfratelli
Chì ciambottanu misteri
À l'infernu
Chì ella pianti a granitula

Fate li piantà issi mughji
Fate li squassà issi chjerchji

Hè tramuntata l'angoscia
Accampata di timori
In a pianura di e brame
Si incamina un chjarore
È per l'alba cusì linda
U to crede s'innamora

Indirizzate issu lume
Chì ellu corghi à la madre.

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Thiers Ghjacumu    Mer 20 Juin - 20:21

Golu


Golu mi cola in gola
O fiume di tanti anni
Pruni di una curona
Ch’è tu lampi à lu ponte

Eranu anime fiere
Pocu impreme l’armata
A banda o a ruchjata
Inchjuccate à luttà

Eranu anime meie
Pocu impreme lu sangue
A sterpa o u razzinu
Inchjuccate à firmà

Eranu anime lebie
Sopra à a sciuma di l’onda
U tagliu di a vita
E vulia annigà

U ponte s’hè falatu
Ma ferma fonte fida
Al di là di u tempu
Zirlata à meza mente

Golu mi cola in pettu
O ghjargalu di brame
Fiori di una cullana
Ch’è tù appendi à lu ponte

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Thiers Ghjacumu    Mer 20 Juin - 20:29

http://www.musicme.com/#/Petru-Guelfucci/titres/L'acqua-Viva-t432504.html

L'acqua viva



À isse curone d'acetu
di balagna chì ti lagna
u mare chì s'agranca
ùn vole esse più latinu

À isse curone d'acetu
di Balagna chì ti lagna
u marosulu si hè sbattutu
à tutti i so campanili

À isse curone d'acetu
di Balagna chì ti lagna
l'ansciu di una cialamella
ci hà appesu una speranza

À isse curolle d'alivu
a cialamella hè mora
è l'acqua viva corre
lesta cum'è a bandera.

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Thiers Ghjacumu    Mer 20 Juin - 20:35

http://ma-tvideo.france2.fr/video/iLyROoafM6hO.html

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Michela



Messages : 194
Date d'inscription : 08/03/2012

MessageSujet: Ghjacumu Thiers   Mer 20 Juin - 20:48

À l'Amicu

Stamane u ghjornu abbughja è sò chè tù ti svegli
Pensendu cume mè ch'oghje ci chjameremu...
O allora dumane...o prestu,un antru ghjornu
Ùn ci basta à sapè ch'ella ci hè l'amicizia?

Vulia rammintà tutte e nostre passate:
Quandu ci simu visti ci hè ghjunta a sumiglia.
Era tanti anni fà,à u nasce di u mondu.
Podasse hè per què chì u mondu hè più bellu.

Ùn era di parlata,di gesti o di faccende,
Nè di servizii resi,nè di parolle date.
Oghje u tettu hè grisgiu,ma u focu ùn hè spentu,
Hè stata ùn sò perchè,ma sò ch'ella hè stata.

Vulia rammintà tutte e nostre passate
e stonde d'alegria è l'altre di dulore,
Quelle da palisà è quelle à tene piatte,
Ma mi vergognu à dì ch'eiu ti tengu caru.

Stamane u sole splende è sò chè tù ti svegli
Pensendu cume mè ch'oghje ci scriveremu...
O allora dumane...o forse ùn vale a pena....
Ùn ci basta à sapè ch'hè no simu fratelli?

Revenir en haut Aller en bas
Voir le profil de l'utilisateur
Sperenza



Messages : 1146
Date d'inscription : 28/02/2012
Localisation : quassù

MessageSujet: Re: Thiers Ghjacumu    Dim 17 Fév - 12:24

DULCIE SEPTEMBER

Dolce settembre
ai u nome di u tempu
cum'è una manu liscia chì scrinerà capelli
biondi cum'è ricordi
U core chì l'ammenta
a si allonga à cantà

Dolce settembre
à l'alitu di a notte
e stelle ùn sò chete
da sopra à l'acqua viva
a lucenda chì spira
indarnu chjamerà

Dulci settembri
i zenni sò stampati
da sopra à lu so agguantu
mutu cum'è granitu
a stantara chì ride

Dulci settembri
ai nome d'idee
vittime di e pistole
cionche à lu to cantà


(L'arretta bianca, 2006, Albiana).

Dulcie September (20/08/35-29/03/88) era una persunalità pulitica d'Africa di u Sud. Rapresentante di l'ANC (African National Congress) ùn ebbe per disgrazia u tempu di cunnosce a fine di l'Apartheid (abulitu ind'è u 1991) : quella ch'era a "voce di u ghetto" fù tomba in Parigi di cinque colpi di pistola .
L'inchiesta di pulizza ùn hà permessu di ritruvà l'assassini.



Revenir en haut Aller en bas
Voir le profil de l'utilisateur http://isulana.blogspot.com
Circione



Messages : 2157
Date d'inscription : 27/02/2012

MessageSujet: SÒ   Ven 22 Fév - 22:09



Sò di l’altu silenziu
In a terra do l’orti
Di l’ultimu licenziu
À sti paesi morti

Ma sò,

Sò di un’anima persa
Da l’assalti vigliacchi
È cundanna è arresta
Di minà ùn sò fiacchi

Ma sò,

Sò di quella acqua lesta
Chì frighje trà le cote
Di a storia furesta
Longu à le borghe viote

È sò,

Si di un locu di fole
Natu à mezu à u lume
Isse sponde oghje sole
Ti ne scorre lu fume

Ma sì,

Si di un populu persu
Sbrisgiulatu in la storia
Fughji pè l’universu
A stampa di a memoria

Ma sì,

È si di un svegliu seccu
À l’albe di sufrenze
Quandu pichja u rimbeccu
Di tutte e indipendenze

È simu…

Simu di u stessu esiliu
Trà fole indiferente
U mo crede ùn hè figliu
S’unisce à la to mente

È simu,

Dumane intrecceremu
E curone di a pace
Inseme canteremu
L’unità chì si face

Seremu,

Seremu cunviati
À l’ultimu di l’Esse
À populi mischjati
Ampareremu à tesse

L’Avvene…

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Sperenza



Messages : 1146
Date d'inscription : 28/02/2012
Localisation : quassù

MessageSujet: Re: Thiers Ghjacumu    Lun 24 Juin - 23:39

Revenir en haut Aller en bas
Voir le profil de l'utilisateur http://isulana.blogspot.com
Sumenta



Messages : 2050
Date d'inscription : 25/02/2012

MessageSujet: Re: Thiers Ghjacumu    Mar 25 Juin - 9:51

bellu scrittu ditone
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: Thiers Ghjacumu    Aujourd'hui à 23:03

Revenir en haut Aller en bas
 
Thiers Ghjacumu
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» thiers modélisme auto club
» La ville de Thiers (63)
» La ville de thiers (63) le creux de l'enfer
» Exposition Sergio TOPPI à Thiers (63)
» THIERS ISSARD le Fief !

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Antulugia-
Sauter vers: