Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Poletti Ghjuvan Paulu

Voir le sujet précédent Voir le sujet suivant Aller en bas 
AuteurMessage
Circione



Messages : 2157
Date d'inscription : 27/02/2012

MessageSujet: Poletti Ghjuvan Paulu    Mer 20 Juin - 19:27

Hè vera chì quand'ellu si pensa à Poletti si pensa subitu à a so voce è à e so canzone.

Ma ùn ci scurdemu micca di u pueta. salutu2



A leccia


Qualcosa
Di verde è di celu
È muntese addunitu
Qualcosa
Di un lacrimosu velu
In l'ochji di u rimitu
È di i to ghjorni à l'eternu

Qualcosa
Di u primu accunsentu
Scrittu nantu a i to fianchi
Qualcosa
Di un stranu momentu
À i to meziorni bianchi
È di i to ghjorni à l'eternu ...

Qualcosa
Cume un arietta sana
Chì disseta la gola
Qualcosa
Di qualchì capivana
Chì una fronda consola
È di i to ghjorni à l'eternu ...

Qualcosa
Di un rilogiu chì sona
È chì ùn vole dà l'ora
Qualcosa
Di l'anima chì tona
Quandi a vita hè fora
È di i to ghjorni à l'eternu ...



_________________
Spunsurizatu  da l'UNESCO


Dernière édition par Circione le Ven 14 Sep - 12:16, édité 1 fois
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Poletti Ghjuvan Paulu    Mer 20 Juin - 19:40



Prete Andria

Tuttu di neru è capigrisgiu,
s’hè indinuchjatu u prete Andria.
A neve ci hà lasciatu un frisgiu,
in balcò di a sacristia.
Hè l’ora di l’ultima messa,
l’altare ci vole à appruntà
a ciccona un hé piu listessa,
ùn c’hè più ch’un buttone à appuntà

Dura la vita dolci ghjorni,
eramu ricchi o sgiò curà
Oghje bianchi so i cuntorni,
per un prete chì si ne và

Piu un zitellu un si vede,
sò pè issi mondi à ghjucà
St'abatini di poca fede,
piu pront’à ride chè à precà
Quantu n’ha minatu scabochji,
ancu u maestru era d’accordu
U tempu di vultassi l’ochji,
hè dighja l’ora di u ricordu

Dura la vita dolci ghjorni,
eramu ricchi o sgiò curà
Oghje bianchi so i cuntorni,
per un prete chì si ne và

E dumeniche di prucessione,
si ne ridia ancu Cristu
A si beia cun passione,
l’omu di Diu è u cummunistu
Quelli di tandu s’accettavanu,
avianu d’altre cose à sparte
Un c’era tantu orgogliu vanu,
è nimu d’amparalli l’arte


Po ci hè dinù l’ora mischina,
di u silenziu più supranu
Quand’ella stringhjia la falcina,
cù e donne è u so cantu stranu
Di u matrimoniu di Rosetta,
si ne parla sempre anc'avà
U pater nostru era in pumpetta,
l’acqua mancava tempi fà

Dura la vita dolci ghjorni,
eramu ricchi o sgiò curà
Oghje bianchi so i cuntorni,
per un prete chì si ne và

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Poletti Ghjuvan Paulu    Mer 20 Juin - 21:00



È mi ferma di tè

È mi ferma di tè, un surrisu secretu
Chì cerca in lu mio pettu, l'ardente zitellina.
È mi ferma di tè, a chjoma luminosa
Di una stella ascosa, cascata in la matina.
È chì vene à l'incontru di a mio vita.

È mi ferma di tè, cum'è un ricordu santu
Chì cerca lu so cantu, in la tomba smaritu.
È mi ferma di tè, u ventu chì s'intesta
À spuglià la furesta, à l'auturnu finitu.
È chì vene à l'incontru di a mio vita.

È mi ferma di tè, u fiume maestosu
Chì fala furiosu, à l'assaltu di e piane.
È mi ferma di tè, quella dolce carezza
Chì scacciava a tristezza, da ogni lindumane.
È chì vene à l'incontru di a mio vita.

È mi ferma di tè, quella lacrima amara
Di una zitella cara, chì cercava un destinu.
È mi ferma di tè, quella ferita vechja
Chì ogni tantu si spechja, nantu à lu mio caminu.
È chì vene à ripiglià la mio vita.

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Poletti Ghjuvan Paulu    Mer 20 Juin - 21:28



_________________
Spunsurizatu  da l'UNESCO


Dernière édition par Circione le Mar 6 Nov - 9:05, édité 2 fois
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Poletti Ghjuvan Paulu    Jeu 21 Juin - 6:43

A rivolta

O fratellu, o fratellu,
Sò sbarcati versu sera,
Cù li cavalli di ferru
Facenu trimà la terra
U rinforzu di i fucili
È cù la tenuta nera.

Ùn senti per le muntagne
Le muvre sò accampate
In lu celu bughjicosu
E stelle si sò piattate
E mamme à lu fucone
Di neru sò ammantate.

Cantanu i patriotti
Nant'à i chjassi di a storia
Cantanu la patria amata
È la so santa memoria.

O fratellu, o fratellu,
S'hè piattatu lu scruccone,
Hà paura u deputatu
Ùn averà più buccone,
Marchja u populu rittu,
In casa di u latrone.

E catene sò strappate,
Pronta hè la to carchera
E campane ind'i paesi
Sonanu à sbattagliera
Per la pace, per l'avvene
È per la santa bandera.

Cantanu i patriotti
Nant'à i chjassi di a storia
Cantanu la patria amata
È la so santa memoria.






_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Poletti Ghjuvan Paulu    Jeu 21 Juin - 6:45

Lettera di u prigiuneru

Vogliu cantà le to muntagne immaculate
Quandu l'alba santa si disceta in mè,
In lu to celu ci cantanu le fate,
È tante voce pure si spannanu cun tè.

Vogliu cantà cum'è un figliolu curagiosu,
In terra nemica oghje incarceratu,
Cun tanta cura u destinu gluriosu.
M'hà purtatu cun fede à l'altare sacrate.

Dammi la forza per tene alta la to bandera,
È libertà per la to terra cusì fiera.

Vogliu cantà li to oddii, le to passione,
Quandu mughja in mente u ventu nustrale,
Chì ghjunghje è sbatte e porte di e prigione,
È chì l'eterna gloria alza lu so fanale.

Vogliu cantà cun quattru muri per cunfine,
Aspettendu l'ora di la verità,
È anderaghju sempre senza fine,
A pace ritruvata per l'eternità.

Dammi la forza per tene alta la to bandera,
È libertà per la to terra cusì fiera.

Salute à tè, prigiuneru macchjaghjolu,
Quand'è tù turnerai ùn ci serà più dolu.



_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Poletti Ghjuvan Paulu    Jeu 21 Juin - 6:47

L'alta strada

La mio culomba messagera
Chì parte per longu viaghju
Traversa la Corsica intera
Cù lu zitellu è lu capraghju.

Salutami l'Omu di Cagna
È l'Ospedale cun Bavella
Di lu Cuscionu la muntagna
Incù l'Alcudina per stella.

Stendi lu volu maestosu
Cala u to sguardu in pianu d'Ese
Ci sò li Pozzi è lu Renosu
Ti faranu cullane appese.

Franca l'Oriente è Monte d'Oru
Da Manganellu à la Maniccia
Cù li lavi di lu Ritondu
Guardà lu Cardu è Lattiniccia.

Acqua Ciarnente è Camputile
Da Ninu à Verghju per la furesta
Hè bella la neve d'aprile
Quandu u sole si mette in festa.

O Paglia Orba luminosa
Regina bianca incurunata
Damicella cusì pumposa
Di lu Cintu s'hè innamurata.

Cantanu inseme cun amore
Cù l'altre cime di lu circondu
U silenziu fattu rimore
Per la bellezza di lu mio mondu.



_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Poletti Ghjuvan Paulu    Jeu 21 Juin - 6:50

Mal cunciliu

Tù sì l'alburu di lume
è ne veni da luntanu
Tù sì lu tonu è lu fiume
è Lesia chì canta pianu

Tù sì l'errante d'amore
Chì camina in la muntagna
Tù sì l'omu chì si more
Quandu fala l'ombra pagna

È quandu a notte ti porta
E voce di Torremorta
È chì u cantu di l'onda
Colla da a terra prufonda.

Tù sì l'alburu di sognu
Scurticatu da lu ventu
Tù sì anghjulu o demoniu
A carezza o lu spaventu.

Tù sì gioia o dulore
Ma cun tè mi meravigliu
Sò natu in lu to furore
Mal cunciliu





_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Poletti Ghjuvan Paulu    Jeu 21 Juin - 6:55

U vagabondu

Una fata peregrina s'hè calata in lu mio core
Ella guida la mio strada cun furtuna è cun amore
Corre corre à l'infinita u ventu di la mio vita

Cum'è pane d'ogni ghjornu aghju una sporta di stelle
Per a luna è per u sole scrivu le mio riturnelle
Corre corre à l'infinita u ventu di la mio vita

Quandu d'inguernu la neve mi trova per iss'alte cime
Cercu sempre qualchì agrottu per finisce le mio rime
Corre corre à l'infinita u ventu di la mio vita

Cum'è sposa aghju una musa, cum'è lettu aghju la terra
È le mio sole cunfine sò la muntagna è la serra
Canta canta à l'infinita u ventu di la mio vita

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Poletti Ghjuvan Paulu    Jeu 21 Juin - 6:58

Un soffiu di libertà

Quandi u mare amurosu carezza le to sponde,
È chì l'aria s'infiara à l'imbrunì di a terra.
M'incantanu e stagione chì azziganu e to stonde,
È l'ombra di a pace ch'invadisce la serra.

Cum'è un soffiu di libertà.
Cum'è un soffiu di libertà.

Quandi i venti d'inguernu scappanu à lu meziornu,
Nant'à e spiche mature intrecciate in onde d'oru.
Vegu ballà una fiara nata in core di ghjornu,
È chì l'ochji di u vechju luce tale un tesoru.

Cum'è un soffiu di libertà.
Cum'è un soffiu di libertà.

Quandi u sognu d'oghje si mette in catalettu,
Di tutte e schjavitù di tutte e to ruine.
Sentu cantà una voce in fondu di u mio pettu,
Chì corre à chjamà l'anima da l'elpe à le marine.

Cum'è un soffiu di libertà.
Cum'è un soffiu di libertà.

Da le to mosse antiche à l'alba incatenata,
Da u fiore chì spunta à l'usciu di e prigione.
Viaghja culore di lume a mente rivultata,
Di quellu chì ti cerca è ti scopre Nazione !

Per un soffiu di libertà,
Per un soffiu di libertà !



_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Poletti Ghjuvan Paulu    Jeu 21 Juin - 7:03

Perchè Cantu

Pè li ghjorni di maghju
Arrembati à u celu
È la to notte scema
Di libertà fiurita
Pè u pane di tavula
Duve luce un candelu
Chì tradisce lu silenziu
Di a ghjente addunita
Di a ghjente addunita
Cantu

Pé u filu d’eternu
Chì un soffiu ritene
Nantu à e labre vechje
Dopu à lu paternostru
Pè e petre di u solcu
Chì ingonfianu le vene
Quandi u sole hè di troppu
À u sudore inchjostru
À u sudore inchjostru
Cantu

Pè e stonde di a scola
Quandi a mente corre
Nantu à e verde cunfine
Di a prima carezza
Pè i ghjochi di a piazza
Un ballò per amore
È la strana stridura
Di a prima tristezza
Di a prima tristezza
Cantu

Pè l’errante chì vene
À beie à a to funtana
Pè u suldatu persu
Tombu da la so spada
Pè u cantu di e cime
Nantu a la tramuntana
Pè a culomba viva
Chì t’insegna la strada
Chì t’insegna la strada
Cantu

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Poletti Ghjuvan Paulu    Jeu 21 Juin - 7:08

E muntagne d'Ese

Quì sò surgente curtese
È di lume l'eternu sugiornu
Quassù per e muntagne d'Ese
Sè tù ci torni mai un ghjornu
Di silenziu n'aghju un tesoru
È u ricordu di quelli ochji d'oru

Quì cantanu mille fole
À e frebbe d'inguernu intrecciate
Da Tarmini à Scaldasole
À Foce d'Astra calma in le gruppate
Di bellezze n'aghju un tesoru
È u ricordu di quelli ochji d'oru

Quandu ferraghju n’hè chjosu
In le furie di i venti suprani
Altieru canta Renosu
Cun centu cialammelle in le mani
D'armunie n'aghju un tesoru
È u ricordu di quelli ochji d'oru

Di sonnii è d'orizonti
N'aghju li prufumi discreti
Di l'amicizia d’issi monti
Ne tengu i quaterni secreti
Di sole è ventu n'aghju un tesoru
È u ricordu di quelli ochji d'oru


_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Tittò



Messages : 50
Date d'inscription : 09/05/2012

MessageSujet: Re: Poletti Ghjuvan Paulu    Jeu 21 Juin - 8:07

SURELLA D'IRLANDA


S'hè infiarata la mio rima chi n'aghju tamanta pena
Hè scritta nant'un giurnale a disgrazia chi ti mena
Ti casticheghja l'Inglese chi ti strigne la catena
Surella d'Irlanda.

Sò figliola di sta terra è aghju listessa sorte
La mio prigione hè francese è mute sò le so porte
È l'ordine culuniale mi hà cundannatu à morte
Surella d'Irlanda.

È to notte sò sangue è ammantate di dolu
Quandu ghjunghje la mitraglia qual'hè ch'ùn si sente solu
Una sera in Bastia m'anu pigliatu un figliolu
Surella d'Irlanda.

Paura ùn ne cunniscia chi figliolu era d'onore
Ma quandu l'anu intravatu s'hè strappatu lu mio core
Ma francaraghju lu mare per sparghje lu mio terrore
Surella d'Irlanda

Un ghjornu ci scriveremu quandu a pace turnerà
Quandu a mente sarà sciolta per pudecci abbraccià
È stu mondu d'inghjustizia ghjurgu ch'ellu cascherà Surella d'Irlanda.
Revenir en haut Aller en bas
Voir le profil de l'utilisateur
Tittò



Messages : 50
Date d'inscription : 09/05/2012

MessageSujet: Un passu ver di u celu   Jeu 21 Juin - 8:08



Un passu ver di u celu

À tè sò l’ochji di l’alba è la prima riturnella
Chì t’accende core in pettu nantu à a strada la più bella
Quandu s’atteppa lu passu trà ghjineparu è murzella

À tè sò li verdi chjassi, l’onde chjare di e puzzine
In gioia sò ghjallicu è bassu, e taccule canterine
Chì vanu à cercà l’eternu sin’à le bianche cunfine

Quì si riposa lu ghjornu à l’ombra di qualchì fiore
À piverella è mintrastu hà furatu tant’odore
Per andà à truvà la notte è dumandalli l’amore

Quì sò li venti scherzosi chì pettinanu le cime
Di nebbia arriciulita ind’un stranu fischjulime
Quandi a furesta si veste per e stonde di vaghjime

Avà sò le neve ardente, a to richezza infinita
Falata da l’alte sponde cum'è fata insunnulita
À qual'è tù dai l’anellu per imbellisce la to vita
Revenir en haut Aller en bas
Voir le profil de l'utilisateur
Sperenza



Messages : 1146
Date d'inscription : 28/02/2012
Localisation : quassù

MessageSujet: Re: Poletti Ghjuvan Paulu    Dim 28 Oct - 20:35

UN PAISANU

Hè fattu di lume un paisanu
Quandu in celu u sole si move
Quandu spunta u ghjornu luntanu
Hè fattu di lume un paisanu
Quandu spunta u ghjornu luntanu
Hè fattu di lume un paisanu.

Hè fattu di pena un paisanu
Quandu u solcu li nasce in fronte
Quand'ella si scaglia a so manu
Hè fattu di pena un paisanu
Quand'ella si scaglia a so manu
Hè fattu di pena un paisanu.

Hè fattu di gioia un paisanu
Quandu a pianta nasce più bella
Quandu l'alburoni si spannanu
Hè fattu di gioia un paisanu
Quandu l'alburoni si spannanu
Hè fattu di gioia un paisanu.

Hè fattu di stintu un paisanu
Quandu a terra si face dura
Quandu u tempu si face stranu
Hè fattu di stintu un paisanu
Quandu u tempu si face stranu
Hè fattu di stintu un paisanu.

Hè fattu di sangue un paisanu
Quandu a rimigna strangera
Li porta lu focu è lu dannu
Face corre u sangue un paisanu
Li porta lu focu è lu dannu
Face corre u sangue un paisanu.




Revenir en haut Aller en bas
Voir le profil de l'utilisateur http://isulana.blogspot.com
Circione



Messages : 2157
Date d'inscription : 27/02/2012

MessageSujet: Re: Poletti Ghjuvan Paulu    Dim 4 Nov - 14:55



L'affissu

Guarda fratellu
a vigna luminosa trizineghja di vita
à l'orizonte accesu
cum'è un solcu d'argentu chì una manu marita
à un viaghju appesu
à un viaghju appesu.

Cusì bella a terra, duve dumane mi ne vò,
cusì bella a terra, duve dumane mi ne vò.

Guarda fratellu
di un paisanu mutu s'arricchisce u sudore
di e cugliere cumune
s'infrebba l'operaiu per un cantu amore
da rompe centu fune,
da rompe centu fune.

Cusì bella a terra, duve dumane mi ne vò,
cusì bella a terra, duve dumane mi ne vò.

Guarda fratellu
nant'à un'elpa fiurita s'accampa u to destinu
per fidighjà l'eternu
è m'incanta di gioia un sguardu zitellinu
postu nantu à un quaternu,
postu nantu à un quaternu.

Cusì bella a terra, duve dumane mi ne vò,
cusì bella a terra, duve dumane mi ne vò.

Guarda fratellu
à l'alba di a to notte hè tenneru l’affisu
Ch'è tù impeci à u muru
scrittu à l'inchjostru rossu da strughje quell'abbissu
di un tempu tropu duru,
di un tempu tropu duru.

Cusì bella a terra, duve dumane mi ne vò,
cusì bella a terra, duve dumane mi ne vò.


_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Cantu per un omu liberu   Lun 5 Nov - 0:24

una di e so più belle, forse a più bella per mè:





_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Poletti Ghjuvan Paulu    Mar 6 Nov - 8:36




_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Poletti Ghjuvan Paulu    Mar 6 Nov - 9:06




_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Sperenza



Messages : 1146
Date d'inscription : 28/02/2012
Localisation : quassù

MessageSujet: Re: Poletti Ghjuvan Paulu    Sam 6 Avr - 14:30



Revenir en haut Aller en bas
Voir le profil de l'utilisateur http://isulana.blogspot.com
Sperenza



Messages : 1146
Date d'inscription : 28/02/2012
Localisation : quassù

MessageSujet: Re: Poletti Ghjuvan Paulu    Sam 6 Avr - 19:44

A CANZONA DI U VIAGHJU

Ti portu per la manu in lu mio mondu
Quellu di la bianca alta muntagna
Da l'Alcudina fiera à lu Ritondu
Induve ci stà lu falcu cù l'altagna.

Ti portu à sente cantà la furesta
Imbalsamata è pura quand'hè l'ora
Quandu l'acellu à u nidu salta in festa
È chì lu mio muvrone s'innamora.

Ùn ai mai vistu in locu iste zitelle
Chì vanu à l'attrachjata à la funtana
Tenendu forte in capu le tinelle
È chì sona la sera à la campana.

Ti portu à sente batte la rustaghja
Chì canta in ogni chjassu à lu veranu
Ti portu à vede luce u tribbiu in l'aghja
Chì chjama ogni famiglia à piglià granu.

Ti portu à vede l'omu in la campagna
Chì pone la so piola in ogni locu
Mentre la neve copre la muntagna
È chì in ogni casale canta u focu.

Mi piace à sente cantà ista canzona
Chì parla di a rivolta di l'umanu
È canta cusì forte chì risona
Disceta la speranza in la mio manu.
Revenir en haut Aller en bas
Voir le profil de l'utilisateur http://isulana.blogspot.com
Sperenza



Messages : 1146
Date d'inscription : 28/02/2012
Localisation : quassù

MessageSujet: Re: Poletti Ghjuvan Paulu    Ven 14 Juin - 19:40

http://www.dailymotion.com/video/xgbmgi_canzona-di-u-viaghju-anna-rocchi_music
Revenir en haut Aller en bas
Voir le profil de l'utilisateur http://isulana.blogspot.com
Contenu sponsorisé




MessageSujet: Re: Poletti Ghjuvan Paulu    Aujourd'hui à 11:48

Revenir en haut Aller en bas
 
Poletti Ghjuvan Paulu
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Ghjuvan Paulu Poletti
» Ristori Ghjuvan Petru
» Ghjuvan Deziu
» Salvatore Viale
» Prete Paulu Filippi (Gregale)

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Antulugia-
Sauter vers: