| SALE IN ZUCCA | |
|
|
Auteur | Message |
---|
Lùlù
Messages : 774 Date d'inscription : 04/11/2012
| Sujet: SALE IN ZUCCA Jeu 13 Aoû - 8:45 | |
| SALE in ZUCCA ! ‘ZUCCU’, fruttu di a pianta, ortaglia o pustime, ùn hè ‘légume’che per quellu chi l’hà persu . Tondu o longu, ghjè zuccone per ‘Aloween’è ‘Cendrillon’ U zucchu si mette à siccà per fà a zuccha bivitoghja o vinaghja si face u tufone di u tapu per sgranellalla è viotala cù un filu di farru ,pisticciuli di vetru, gravetta è à l’ultimu si mette u sale grossu per alisciala nentru è stringhje e fenice per ch’ell’ùn sfinghji ! u più fine hè di fà e manechje d’ogni latu, intricciate di vitalbuccia soffice . À tempu à e vindemie si ciottava a zucca fatta in u palmentu, à mezu mostu per dalli un bellu culore -Sale à prò di zucca ….da què a seguita : Dà a zucca tonda à u capu, a lea … andava cù i so pedi ! U zucchinu ghjè u ciarbellu è à unu chi cappia o face spropositi si dice U to zucchinu ! sempre megliu che : « a to caccara ! » Per l’ortu ci sò i zucchini ma Pumontinchi e chjamanu zucchette per ùn fà u mischju, è custi zucchinu ne hanu più che noi ! - D’un zuccu seccu grossu è tondu li s’apria u corpu per viutalu è fane una gabbia per ‘inzucchinà’l’acellucci, per u più i piugoni di cardellina è i parenti venianu à manteneli …(inzucchinà ) -di a robba disapita si dice « ghjè zuccu » -« Dorme cum’è un zuccu » cum’è un zocculu o un saccu …(inzuccassi) -Zuccà u legnu o a petra (sculpì) -Ci sò e pere zuccotte di forma zucchina ( tonde è grosse) è bunissime chi venenu dopu e San ghjuvanine è nenzu e Spadone (longue è grosse ) -Ci sò i zucchi chi pascenu in pianu .. è quelli chi s’elli trovanu un appichjatoghju si ne collanu per aria … megliu se vo site di quessi , chi dopu a què se vo vi firmate baullu… ? ùn serà culpa mea !! -Ò Zitelli lampate puru u sale …E ZUCCHE CI SÒ ! PS Se v’avete qualchi foto per fiurà u dettu site i benvenuti) | |
|
| |
Sumenta
Messages : 2052 Date d'inscription : 25/02/2012
| Sujet: Re: SALE IN ZUCCA Mer 19 Aoû - 18:31 | |
| quessa a fottò forse... osinnò possu mette u ritrattu di u nostru amministratore caru | |
|
| |
Lùlù
Messages : 774 Date d'inscription : 04/11/2012
| Sujet: SALE IN ZUCCA Ven 21 Aoû - 19:01 | |
| - Sumenta a écrit:
- quessa a fottò forse...
osinnò possu mette u ritrattu di u nostru amministratore caru -zucca per noi:(Mezazzuca) calebasse.... è cougourde altrò ti ringraziu di vene à sparte u sale ma e to fotos rosse è tonde sò zucconi ? -pichjate google : ‘gourde de corse’ o ‘gourde plate de corse’ : ‘fiure in più’ ci n’hè più che tantu, ma ùn sò buccane manc’una ! à quantu à u ritrattu di quellu administratore, una : di mezazzuca liscia pilata ghjè più per u ‘gourdin per e gourdes’ è duie se ogni botta ùn pò dà che u vinu ch’ell’hà ogni zucca ùn pò dà che u sale ch’ell’hà ! hè megliu à lacà corre chi e zucche faccirossu…. u francese è chjama.. courges ! à a seguita torneraghju à spiegàvine duie in più ! Ò Zitelli ! lampate puru u sale ….e zucche ci sò ! | |
|
| |
Lùlù
Messages : 774 Date d'inscription : 04/11/2012
| Sujet: SALE IN ZUCCA Mer 26 Aoû - 9:33 | |
| In a famiglia Zuccu ci’hè a razza ‘Zuccaghja’ chi secca senza infracicassi In sicchendu s’indurisce é s’allegnisce ( nunda à vede cù u francese ‘lenifier’= indulci, ammatà appacià ) Dipoi i tempi di i tempi, i popùli, sempre in cerca di stuviglii, per trascinà è tene prima l’acqua, ne hanu capitu e virtù per fàne parechji usi : Zucche, tinelle, piatti è vasetti è… strumenti di musica, ancu in Corsica ! ( cf Dumè Gambini : mammone di u viulinu, cù una corda sola !)
-Zucchi è Zucchette hanu i fiori maschje è fème gialle chi s’aprenu di ghjornu
-LAGENARIA SICERARIA :Zucca plata di Corsica:amara è immanghjevule face un fiuruciu biancu chi s’apre à l’attrachju per esse inserita di notte dà mignoculi è farfalle per u più dà u Sant’Antonu (o zicozzulu :Nebbiu) : le sphinx colibri dit ‘Bonne nouvelle’ ‘Sunà a zucca’ : caccià e sumente è accunciàla : ghjè ‘sunata’ quand’elle hè pulita L’usu ùn hè statu solu paisanu : tutti i cavalieri di l’armate l’avianu Ò Zitelli lampatene puru ! cala u sale !... ma è e zucche crescenu…. ! | |
|
| |
Lùlù
Messages : 774 Date d'inscription : 04/11/2012
| Sujet: SALE IN ZUCCA Ven 2 Oct - 10:32 | |
| Ci vulia un introitu à ‘Sale in zucca’ ma u scopu hè di parlà d’acutezza sapita è di cio chi ghjè lazzu Dà u sapè fà à u sapè dì ùn ci’hè cunfine è ci’hè un fossu cù cio chi scaglia !:
Una puzza di lozzu hà discitatu a Corsica ! « Mì mì mì ! chi simu un’Isula ! » I ‘Media’ si sò techji di lozzu ! D’un colpu di ‘lascia corre’ a vita hà ripigliatu …per un tempu.. chi ferma sempre u capatoghju ! Ùn staremu tantu à ùn sapè più cunnosce a ‘filetta’ intarrata cù u toscu di u scordu.. di u sale in zucca ! Sumentre affacca torna u Padduc per l’abbriu di a Corsica cù unipochi di cambiamenti à l’appiattu di u Populu ! Dipoì i tempi di i tempi ‘Cumandà ghjè prevè !’ I nostri eletti volenu fà u tettu nenzu i fundimenti senza tene contu di u frasu di i fatti novi ! ci staremu torna cù una ‘manu davanti è l’altra daretu !’ chi i nostri elletti sò i primi à piglià l’indipendenza cù a Dimocrazia ! « Ùn ci’hè più Sale in Zucca in què u paese ! » Mà per u ZUCCHISMU ! noì simu …‘SEMPRE PRONTI !’ | |
|
| |
Lùlù
Messages : 774 Date d'inscription : 04/11/2012
| Sujet: SALE IN ZUCCA Mer 14 Oct - 13:28 | |
| LULUNATA NOVA d’OTTORE
« Cumu v’hè ghjunta , per passione o per duvere ? »
-« per passione di u duvere di e cose ben fatte »
Serà ben detta ?
| |
|
| |
SERRA
Messages : 994 Date d'inscription : 25/02/2012
| Sujet: Re: SALE IN ZUCCA Jeu 15 Oct - 21:57 | |
| - Lùlù a écrit:
LULUNATA NOVA d’OTTORE
« Cumu v’hè ghjunta , per passione o per duvere ? »
-« per passione di u duvere di e cose ben fatte »
Serà ben detta ?
hè sopr'à tuttu ben pensata | |
|
| |
Lùlù
Messages : 774 Date d'inscription : 04/11/2012
| Sujet: SALE IN ZUCCA Ven 16 Oct - 8:57 | |
| - SERRA a écrit:
- Lùlù a écrit:
LULUNATA NOVA d’OTTORE
« Cumu v’hè ghjunta , per passione o per duvere ? »
-« per passione di u duvere di e cose ben fatte »
Serà ben detta ?
hè sopr'à tuttu ben pensata Ùn’hè d’oghje ch’o ti sentu passiunatu per u duvere di e cose ben fatte ! Secondu u calendare lunariu, sò ghjurnate fiori u 15,16 è 17 d’Ottore : Casca piccu è tondu per trapiantà u to ribombu fiuritu per l’ORTU! Sempre megliu ch’una 'Petricella'……….in u SCARPU ! Ti salutu à salutera ! | |
|
| |
Lùlù
Messages : 774 Date d'inscription : 04/11/2012
| Sujet: SALE IN ZUCCA Lun 19 Oct - 8:23 | |
| PARULLE ‘RADIOATTIVE !
Intesa da un linguistu, scrittore è universitariu : « puru cù e parulle nove a lingua tene a so cuerenza ?? » Addiu : tene u so filu,a so unita ,seguita u so indule o a so PRATICA.. è tante altre... .. senza andà à piglià un’imprestaticcia senza radica !! Cumu l’averia detta u so babbu o u babbone in lingua di mamma ? ?
-Detta à ‘dite à vostra’ da un rimaghjolu chi astrazia a prosa : « ùn sò futtuti di ! Un sà mancu dà duve vene sta parulla brutta Cumu averianu dettu prima in lingua di mamma Andate à traduce u cumunu : ‘futtimi u cane’ !!
-Sera megliu di fà rimà tuttu che di fascià un dettu libaru ??
-Hè calatu u nostru ‘sale in zucca’ !! | |
|
| |
Lùlù
Messages : 774 Date d'inscription : 04/11/2012
| Sujet: SALE IN ZUCCA Ven 30 Oct - 19:09 | |
| Risposta di FRINGHELLU à Sale in zucca
FRINGHELLU hà scrittu:
À rombu di mette sale in zucca simu turnati salami appesi A fumaghjine ch’omu stucca ci hà resu un pocu offesi. Ma ci sì tù o Lulù chì ognitantu erpiuleghji per andattine à ruzà dopu cun l’eghji dendu ticci è stuzzicosi butuleghji. Ti salutu casumai una stonda quì t’arreghji.
lulù à FRINGUELLU
u sale ci vulia per casgiu è per salami costava tandu più di stantu che di gabella ma ci’era una salaghjola in ogni casarella per accuncià in bocca a robba di cumpane !
(A RIMA ci’hè !!... quale mi pò dì chi SALAMI ùn RIMA cù ‘PANE’)
senza un suppu di sale ùn ci’hè dolce castagne per dì è sapè fà ,rispettu è galateu misuratu in zucca ùn ci vene macagne ci tene u capu à segnu sempre à bon prò di sèu !
ti ringraziu CASUMAI in tantu ch’ò m’arreghji , per ‘l’EGHJU’ parolla Virgilesca amparata più di sessant’anni fà da u mo babbone maternu bella intisgiata à mente mi n’aghju fattu un Credu !
à chì ùn seguita 'ssu cuntrastu ?... Ùn vole di ! ùn’hè ch’un ghjocu di parulle salimoghjate spartute in amicizia a lingua per u sale è l'estru frescu per u pane…. Amicu sì u benvenutu ! Stuppa a zucca è caccia a prima fetta insalimita …. qualcosa t’aghjusteremu ! | |
|
| |
Lùlù
Messages : 774 Date d'inscription : 04/11/2012
| Sujet: SALE IN ZUCCA Sam 14 Nov - 13:27 | |
| Francia ? « à ch’hà campatu cù u farru morerà da u farru ! »... vale sempre ancu avà !
« à chi sghisgia un scemu hà vintu a ghjurnata : » A si saperà RABIN chi hà opratu per a pace ma ùn hà pussutu sghisgià u scemu chi l’hà tombu !
Ci’hè più farru che sale è sò e zucche nucente chi LÈCCANU ! per serve a suppa à i ‘Media’ chi si ne techjanu chjamendu i ‘ghjalli di campanile à fà sente e soie ! ùn n’hè che ‘France culture’ chi si tene appena di sale !
| |
|
| |
Lùlù
Messages : 774 Date d'inscription : 04/11/2012
| Sujet: SALE IN ZUCCA Ven 20 Nov - 21:21 | |
| Sopra ‘Sale in zucca’ seguita l’attualità :" eccu un altru ribombu di ghuvan carlu Castelli "
..............CERCA IN VANU ...........
Cerca pè st'universu un cantu dùve s'asconde Si trova mezu solu, ùn sà più dùve andà Chjàma, sò l'omu persu! nisunu li risponde U nostru ridentore, u lascia scannellà.
E preghere di a terra ùn collanu più in cele Ci hè focu da partuttu, e cunsuma pè strada Ogni parulla detta pare intinta 'ndù fèle È da u più supranu ùn hè più ascultata.
L'omu hà sceltu scaldassi à u focu di l'infernu Un cunsigliu oghjè ghjornu ùn hà quellu valore U saviu l'hà capita, à chi prò parlà indernu ? Ma, sà chi l'assassinu! si piatta ancu 'nd'un fiore.
L'omu feghja di nanzu in daretu ùn si volta Cumu pò maì stimà i danni ch'ellu hà fattu ? Soga chi 'ndù ciarbellu qualchi vena s'hè sciolta È ghjè cù satanassu ch'ellu hà firmatu un pattu.
Ùn trova in st'universu un cantu dùve s'asconde L'omu fermatu solu ùn sà più dùve andà Avà s'affanna, hè persu, chjamà, nimu risponde Hà burlatu u Signore !.... l'hà lasciatu cascà !...
Ghjuvan Carlu CASTELLI i Fulelli u 18 di Novembre 2015 (N°661)
'Ùn trova in st'universu un cantu dùve s'asconde'...."ma si vale una canzona !" | |
|
| |
Lùlù
Messages : 774 Date d'inscription : 04/11/2012
| Sujet: SALE IN ZUCCA Sam 5 Déc - 11:20 | |
| à FUR è à MISURA ? ? = di fora è di miseria ! dite megliu VIA VIA ! ! ‘Fur’ vene di ‘fuer’ usatu in ‘à nul fuer’ =à nizun prezzu Adopratu à u 16emu seculu in u sensu di valore, prezzu…MISURA, si perdia pianu pianu è l’anu incalcatu cù ‘misura’ fendu cusi un bellu ‘pleonasma’ tale :bellu è bonu, o francu è sanu u Talianu dice ‘mano mano’, u Spagnolu ‘à medita che’ è l’Inglese ‘as and vhen’
Averemu cusi pocu sale ?.. per fà ‘via via’ fughje a lingua di u Nustrale ? ?
| |
|
| |
Lùlù
Messages : 774 Date d'inscription : 04/11/2012
| Sujet: SALE IN ZUCCA Dim 13 Déc - 22:43 | |
| ECCU ! u Populu s’hè avvistu à tempu ch’ellu avia u scontru cù a storia ! à parte d’oghje hè TUTTA TEPPA ! mi dispiace per i mo amici Teò Defendini è Jò antonini (JÒ Couteaux ) chì ùn hanu pussutu campà appena di più per vede què ! ùn hanu mantenutu a strada per nunda
Per ch’ell’ùn sià l’ultima zerpittata, ora prò hè di fà valè u nostru sapè fà ! Ferma sempre à bastanza sale… in zucca di u Populu | |
|
| |
SERRA
Messages : 994 Date d'inscription : 25/02/2012
| Sujet: Re: SALE IN ZUCCA Mer 23 Déc - 20:58 | |
| - Lùlù a écrit:
- ECCU ! u Populu s’hè avvistu à tempu ch’ellu avia u scontru cù a storia !
à parte d’oghje hè TUTTA TEPPA ! mi dispiace per i mo amici Teò Defendini è Jò antonini (JÒ Couteaux ) chì ùn hanu pussutu campà appena di più per vede què ! ùn hanu mantenutu a strada per nunda
Per ch’ell’ùn sià l’ultima zerpittata, ora prò hè di fà valè u nostru sapè fà ! Ferma sempre à bastanza sale… in zucca di u Populu un sò s'ella basterà sta vittoria à salvà cio chi ferma di stu populu e chi ne fecia l'esse ma era un passu indispensevule emu scuzzulatu a coppia , avà à provà ch'ellu un serà stata l'ultima stinzata .. aspettendu l'atti chi seguiteranu prestu in tantu ci ricurderemu di sti mumenti di cumunione populari e cume tu l'hai mentuatu una pensata per i cumpagni chi ci hanu accumpagnatu e chi oramai ci feghjanu (forse) da quassù . | |
|
| |
Lùlù
Messages : 774 Date d'inscription : 04/11/2012
| Sujet: SALE IN ZUCCA Sam 2 Jan - 10:02 | |
| Per capu d’annu a sperenza volta à l’appolu chi u sale ùn pò tace l’estru chi stende u volu d’auguri di soffice bambace !
| |
|
| |
Lùlù
Messages : 774 Date d'inscription : 04/11/2012
| Sujet: SALE IN ZUCCA Lun 11 Jan - 10:06 | |
| Meccanica : manuvella di i caretti è caliscini per calà l’andatura in falata è per piantà… è in generale quella chi s’incrochja di manu in è vitture d’avà
Ci’hè principiu è principià =ciò chi vene in prima principe (rè) principessa,principottu, principiante Principiu= d’orìgine … bon o gattivu principiu In principiolu =à l’iniziu : vg :a genesi
Cumenciu è cumencià : scumpientu ! in u corsu di ‘malorosamente suvente’ di Rcfm è Viastella
| |
|
| |
Lùlù
Messages : 774 Date d'inscription : 04/11/2012
| Sujet: sale in zucca Mer 12 Oct - 19:07 | |
| U nostru Foru : Tastu ‘Vacance’ fogliare 1 dà u 20 à u 23 di Sittembre ‘Vaghjime è Capicursura’ ??
--------Lulù hà scrittu : « Capicorsu crucitrattu di l’ambata è di u muntese tenia i lochi d’erba verde, più chi tandu, ci era, una vera rinfrescata di santa Maria A Santa sunava l’impiaghjera di i Niulinchi per Capicorsu(capicursura) L’altri aspettavanu u vaghjime per ritrovà l’erba nova Listessu mischju tra auturnu è vaghjime è capicursura è vaghjime . »
---- -------CIRCIONE hà scrittu : « aghju amparatu a parolla capicursura à Lulù dopu hè andatu à circà inde u dizziunariu è vole fà quellu chì a sapia.......ma u merci l'aspettu sempre »
----Mi tocca à ripiglià, chì ùn hè cumu l’aviamu pensatu : « CURSURA : u freddu …. CAPICURSURA : i primi freddi di l’auturnu Cum’è ‘sti ghjorni è oghje !
ùn ringraziu micca à Circione ... chì ùn hà ci'a detta !! | |
|
| |
Contenu sponsorisé
| Sujet: Re: SALE IN ZUCCA | |
| |
|
| |
| SALE IN ZUCCA | |
|