Messages : 6 Date d'inscription : 06/03/2012 Localisation : vicinu à i piazzili
Sujet: stonda delizia Jeu 26 Avr - 21:17
bramu di basgià di bocca u to pettu dolce e tondu quandu a mo manu tocca a fonte di u mo mondu, chi pianu spera è ci sbocca in tè à u più prefondu
mez'à e to labbre croscie indià u pass'è vene carrezzendu e to coscie, sente batte inlle to vene u to core chi cunnosce e to ransciulelle lene,
è sempre cun lu ciambottu sente u piacè chi cresce brama di quellu biscottu ch' ognunu vole riesce esse un amante ghjottu d'una voglia chi s'accresce
Erbaghju
Messages : 482 Date d'inscription : 29/02/2012
Sujet: Re: stonda delizia Ven 27 Avr - 9:12
Quantu per tè hè cuntente U to amicu Erbaghju Soca hè statu piacente Incun ella stu viaghju Ch'oghje ti trovu ridente Quante un sumere di maghju
meziornu
Messages : 6 Date d'inscription : 06/03/2012 Localisation : vicinu à i piazzili
Sujet: Re: stonda delizia Sam 28 Avr - 9:34
sempre lodu e to canzone, caru amicu erbaghju, mà per fà lu paragone, cun lu corciu pecuraghju, s impunia u muntone, benchi grisgia lana aghju.
Erbaghju
Messages : 482 Date d'inscription : 29/02/2012
Sujet: Re: stonda delizia Sam 28 Avr - 13:25
D'esse un pueta mattu À tutti l'affare stalba Ma ti dispiace u cuntrattu D'esse sumere o capra Perchè nant'à u to ritrattu Tù mi pari tuttu un'apa
meziornu
Messages : 6 Date d'inscription : 06/03/2012 Localisation : vicinu à i piazzili
Sujet: Re: stonda delizia Sam 28 Avr - 20:21
à pueta puru è castu cun la razza sumerina li piace à fà lu cuntrastu incu la rima bighina, à mè carca mi l'imbastu incu l'apa libertina
Erbaghju
Messages : 482 Date d'inscription : 29/02/2012
Sujet: Re: stonda delizia Sam 28 Avr - 21:34
Quessa l'apa libertina Chì viaghja cresta cresta Da a sera à a matina Tantu in piaghja ch'in furesta Quì farà menu a maligna S'ella a li prova una vespa