Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Moretti Ghjulia Maria

Voir le sujet précédent Voir le sujet suivant Aller en bas 
AuteurMessage
SERRA



Messages : 954
Date d'inscription : 25/02/2012

MessageSujet: Moretti Ghjulia Maria   Sam 14 Juil - 22:57

U lamentu di Maddalena

ma ch'o so tardata à ghjunghje
amosciata ti serai
nun mi da pocu effettu
o maddalè chi tu la sai
mi steria sempre cun te
senza abbandunatti mai

dimmi lu to cricifissu
duve tu l'hai buccatu
in tutta la to agunia
un l'hai mai lasciatu
t'aiuterà lu signore
chi tantu l'hai pregatu

eo prima di collà qui
in chjesa mi so cansata
fala quandu la ti pare
chi la to casa è preparata
per chi tu ci stie megliu
nentru la t'hanu 'npannata

sta mane per fàtti onore
babbitu s'è preparatu
hà fiuritu le cappelle
u fenebre e l'apparatu
nun li dispiace di spende
per te ch'è abituatu

ma cacciati la ghirlanda
e metteti un cappellu
chi l'inspittore ti chjama
hai da risponde à l'appellu
stu fiore cusi bellu
nun lu lascianu in pianellu

arrizzati o maddalè
ch'è ghjuntu lu fattore
t'hà inviatu un dispacciu
d'aiacciu l'inspettore
ch'hai ancu da subì
l'esame superiore

hanu scrittu da aiacciu
li capi di la scola
chi tra teresa e 'ndria
mandinu la so figliola
cusi stimata da tutti
stu fiore di figliola

in piazza la mula è 'nsellata
prontu ghjiseppu matteo
t'hanu da purtà in aiacciu
ti chjamanu à u liceu
chi tu sie piazzata prestu
ne so persuasa anc'eo

sai chi in li to studii
si un pocu ritardata
hai quattr'anni di lettu
e gravamente malata
riferai lui tempu persu
avà chi si migliurata

avà chì è migliurata
a vostra figliola o 'ndrine
portatela à la cità
chi si sta megliu che quìne
chi l'aspettanu culà
e camerate aiaccine

li maestri di la scola
t'aspettanu in pazienza
chi bramerianu prestu
di vede la to presenza
in u e classe nun ci n'era
fora di la to intelligenza

li maestri di la scola
da aiacciu li prufessori
sta mane si so decisi
di rendeti li favori
ma tu li ringrazieghji
cun rispettu e cun onori

ma tu li ringrazieghji
cun rispettu e cun onori
perchè ti si stabilita
in casa di lu signore
t'accettanu vunlenteri
a te chi si di bon core

sta mane lu to babbu
hà insellatu à mufrone
per andà in corti e in bastia
per pigliàtti lu trussone
chi la to nomina è ghjunta
e fermi in lu cantone

ma so questi li fiori
di teresa e di 'ndria
chi l'avianu allevata
cusi cun tanta allegria
a si piglia lu signore
chi dino à ellu piacia

o so questi li fiori
cusi di tantu valore
ancu in lu paradisu
facenu bellu splendore
noi nun ne sinmu degni
li si piglia lu signore

hai la to ghirlanbda in capu
cun lu to vestitu biancu
hai lu to fiore in pettu
cun lu to sposu a fiancu
ma per te quantu aghju capitu
babbitu nun è cuntentu

cun voi si chi la morte
è stata bella severa
è ghjunta in casa di ghjornu
micca à lume di lumera
e po s'hà pigliatu stu pegnu
or di lu megliu chi c'era

à voi si chi la morte
v'hà invitatu à lu patellu
ch di la casa d'ndria
troncu hà lu megliu puntellu
o chi colpu à duie mani
francu n'è lu to fratellu

oghje in le zilivelle
seranu tutti cuntenti
chi ci hai lu to fratellu
cun tutti li to parenti
ti piglierà à lu bracciu
lu brigadieru manenti

quande tu ghjunghji culà
nun ti manca la cumpagnia
ma ti ferai connosce
se tu trovi la to zia
dicerai chì tù sì
or la figliola d'Andria

o la scellerata morte
o quant'ella hà fattu male
s'hà pigliatu à Maddalena
à la so più bella etàne
avia vintidui anni
appena finiti avàle

s'ellu ci volia mezzi
s'ellu ci volia danari
per podè traduce la morte
davant'à lu tribunale
babbitu nun era in pena
per parà prontu , à l'affare

o la scellerata morte
face cumu voglia sia
s'hà pigliatu à Maddalena
per chi tantu si valia
n'hà scuronatu la casa
or di Teresa è 'ndria .


Ghjulia maria Moretti (1857 - 1927)

ps : Maddalena era a figliola di Teresa e Andria Luciani (quellu di a canzona di "o zu'ndrì")
Revenir en haut Aller en bas
Voir le profil de l'utilisateur
Ruclinonu Solechjari



Messages : 518
Date d'inscription : 27/02/2012
Localisation : Casinca

MessageSujet: Re: Moretti Ghjulia Maria   Dim 15 Juil - 8:48

Ùn a cuniscia quessa.
Hè longa longa.
È bella !
Revenir en haut Aller en bas
Voir le profil de l'utilisateur http://appuntamentu-corsu.forums-actifs.net
SERRA



Messages : 954
Date d'inscription : 25/02/2012

MessageSujet: Re: Moretti Ghjulia Maria   Dim 15 Juil - 11:21

@Ruclinonu Solechjari a écrit:
Ùn a cuniscia quessa.
Hè longa longa.
È bella !

un risicave di cunnoscela chi quessa è propiu di sottu scala !! à parte unu o dui di pianellu nu a a pudia sapè nimu ...
Revenir en haut Aller en bas
Voir le profil de l'utilisateur
Sumenta



Messages : 2050
Date d'inscription : 25/02/2012

MessageSujet: Re: Moretti Ghjulia Maria   Lun 16 Juil - 18:50

À ringrazià ti per sta scuperta salutu2
Revenir en haut Aller en bas
Voir le profil de l'utilisateur
Sepulana



Messages : 13
Date d'inscription : 18/09/2012
Localisation : Caccia di Lì

MessageSujet: Re: Moretti Ghjulia Maria   Mer 19 Sep - 2:13

Vi ringraziu per stu vuceratu (o voceru forse inde voi)!
ùn l'avia mai intesu o lettu è mi ne fermu cumossa di sti filari cusi rifiniti
Revenir en haut Aller en bas
Voir le profil de l'utilisateur
SERRA



Messages : 954
Date d'inscription : 25/02/2012

MessageSujet: Re: Moretti Ghjulia Maria   Jeu 20 Sep - 11:17

@Sepulana a écrit:
Vi ringraziu per stu vuceratu (o voceru forse inde voi)!

dimu voceru o ballata parlendu di i canti impruvisati per i morti , è vera chi u lamentu è più "generalistu" nu i so temi (e micca obligatoriamente impruvisatu). quessu nu u sapia più che una figliola di Ghjulia Moretti e è statu messu à u scrittu una trentina d'anni fà nanzu ch'ella murissi dinò ella , altrimente serebbe sparitu stu lamentu cume tanti altri tesori di a nostra cultura orale .
Revenir en haut Aller en bas
Voir le profil de l'utilisateur
Sepulana



Messages : 13
Date d'inscription : 18/09/2012
Localisation : Caccia di Lì

MessageSujet: Re: Moretti Ghjulia Maria   Jeu 20 Sep - 22:28

Scusate a mio dumanda
ma mi so chjappa di scimizia (dicenu certi amichi, pensate voi l'altri cio ch'elli ne pensanu) per i canti di morte à partesi di a mio ghjuventu è ancu più dop'à a mio maestria
leghjendulla mi si paria più Voceru che Lamentu di morte in u sensu d'impruvisazione salma presente più che lode fatte à a morta dop'à l'interru. Avete precisione di pettu à què?
Face un piacè tamantu di scoprene sempre cusi belli è "cumpletti" scusate a parolla
Revenir en haut Aller en bas
Voir le profil de l'utilisateur
SERRA



Messages : 954
Date d'inscription : 25/02/2012

MessageSujet: Re: Moretti Ghjulia Maria   Jeu 20 Sep - 23:18

@Sepulana a écrit:

leghjendulla mi si paria più Voceru che Lamentu di morte in u sensu d'impruvisazione salma presente più che lode fatte à a morta dop'à l'interru. Avete precisione di pettu à què?
Face un piacè tamantu di scoprene sempre cusi belli è "cumpletti" scusate a parolla

è bella che capita chi Ghjulia Moretti ballatava in presenza di a morta appaghjata e da nanzu a famiglia à veghja .
Revenir en haut Aller en bas
Voir le profil de l'utilisateur
Sepulana



Messages : 13
Date d'inscription : 18/09/2012
Localisation : Caccia di Lì

MessageSujet: Re: Moretti Ghjulia Maria   Jeu 20 Sep - 23:37

Vi ringraziu.. ancu di più chi in Caccia "appaghjata" ùn essiste micca
u mio vucabulariu cresce è s'arrichisce grazie à voi
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Moretti Ghjulia Maria   Ven 21 Sep - 0:02

U carrattare impruvisatu di u vuciaratu rende spessu cumplicatu a so trasmissione, si pò pinsà ancu chì parechji sò stati trasfurmati (ùn dicu micca ch'elli saranu stati boffi l'uriginali ma solu chì certe volte l'estru pueticu hè più forte cà a mimoria), accade spessu ch'elli si perdinu, accade dinù ch'ellu ùn ne fermi cà qualchì ballata.
Ma questu quì ci vene propiu da luntanu, chì bellu parcorsu quantunque, quand'omu ci pensa: cum' ellu hè statu cantatu è trasmessu stu vuciaratu, racoltu per iscrittu ind'è a vuceratrice stessa, "tappatu à a mascina" risa da Ghjallochju a nostra dactylo cù e dite di fata... ditone Si misura u u ghjustu valore di stu ducumentu.


Dunque à nome di tutti, à ringraziatti o Ghjallochju. salutu2

una piccula dumanda quantunque:

rimarcu parechji versi chì li mancanu i pedi cum'è
"Ma so questi li fiori"

l'ai trascritti tali è quali o era in corsu tuscanizatu? (Ma sono questi li fiori)



_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
SERRA



Messages : 954
Date d'inscription : 25/02/2012

MessageSujet: Re: Moretti Ghjulia Maria   Ven 21 Sep - 16:31

digià ci vole à rende una ghjustizia : u primu chi l'hà messu à u scrittu è un cuginu à me (o pier'andrì su tu ci leghji salutu2 ) . è statu ritrascrittu tale quale e sapendu chi a figliola Mariuccia chi l'avia tenuta à mente un sapia ne leghje ne scrive ci è poche scenze ch'ellu ci voglia à ricircà un influenza toscana (o allora incuscente) , in quant'à l'autora stessa ci è forte à scumette ancu se à ella un l'aghju micca cunnisciuta (iè serete stonnati ma bench'o un sia più un polastrone in 1927 un era ancu natu ..) ch'ella un fusse stata struita manch'ella .
dunque sia certi versi so stati legeramente trasformati cu u tempu (nanzu d'esse messa à u scrittu è stata ripetuta oralamente durante un ottanttina d'anni ..), sia e è u propiu dinò di a puesia impruvisata cumportava a so parte d'imperfezzioni : tandu è pussibule chi sia stata cantata "ma so[/b]nu[b] questi li fiori" (senza circà un tuscanisimu direttu era un usu cumunu tandu) o allora (altra minichicchja per ghjunghje à 8 pedi) stinzendu u "fio" di fiori per fà "ma-so-ques-ti-li-fi-o-ri"
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: Moretti Ghjulia Maria   Aujourd'hui à 11:45

Revenir en haut Aller en bas
 
Moretti Ghjulia Maria
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Moretti Ghjulia Maria
» Avec Maria Filali technique de la femme
» [Snyder, Maria V.] Les Portes du Secret - Tome 1: Le poison écarlate
» LES PORTES DU SECRET (Tome 1) LE POISON ECARLATE de Maria V. Snyder
» [Poblete, Maria] Simone Veil : "Non aux avortements clandestins"

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Antulugia-
Sauter vers: