Ricordi d'Ellenìa

T’avveni ?

L’azuru ci cuntava e fole d’Iunia. E bianche culonne, vistiche d’un tempu d’eroi, si rispechjavanu à l’infinitu .
Treccia d’ alloru nantu à a mo chjoma d’ebanu, longa rodda immaculata, caminava in quelle strette culore di sciuma tale una vestale antica ; à e finestre, sventulavanu lenzoli gialli è rossi, gonfi cum’è vele in partenza. U trattu marinu, carcu di sogni è di sperenze, carizzava a mo pelle.
Tavulini fiuriti,  curbelle d’uva è d’aranci, amandulata, Ellenìa appruntava i prumessi sposi . L’allegria era dapertuttu : in u sonu d’u viulinu, a risa di i zitelli, quellu dolce muscheghju di vinu è di frutti maturi chì si sparghjia in l’aria veranile…

O Ellenìa ! Veculu è stantu ! gemma d’incantu ! madreperla persa in l’immensità turchina ! Contalu à me, ch’ùn sò più dì, ssu tempu amatu…

       

ci faci fà un bellu viaghju  in  Grecia     (iè a  sò u  smiley  un hè micca propiu  adattu ma  un c'era  che  quessu per chi  ricordava  l'antichità )

SERRA a écrit:

ci faci fà un bellu viaghju  in  Grecia  

Chì tanti Costa Croisières !

Face prò di tantu in tantu di parte à gonfie vele per scopre d'altre sponde, mette appena da cantu l'ortu di babbone.Vale ancu per a scrittura.

Scrivi ancu in francese? annant'à d'altri fori? hè per quessa ch'è tù ci ai abbandunatu?

SERRA a écrit:

ci faci fà un bellu viaghju  in  Grecia       (iè a  sò u  smiley  un hè micca propiu  adattu ma  un c'era  che  quessu per chi  ricordava  l'antichità )

T'hà datu a brama d'andà à fatti vede ind'è i Grechi?

Circione a écrit:

hè  per quessa ch'è tù  ci ai abbandunatu?

A Sperenza sparghje e so ale in tutti i paesi!

Ùn aghju abbandunatu à nimu !! ... solu scumbattutu per fà un bloggu (isulana.blogspot.com) cun tutte e mo prose è puesie.

Hè robba nova allora Google ùn u trova micca sempre...

Circione a écrit:

SERRA a écrit:

ci faci fà un bellu viaghju  in  Grecia       (iè a  sò u  smiley  un hè micca propiu  adattu ma  un c'era  che  quessu per chi  ricordava  l'antichità )

T'hà datu a  brama  d'andà à  fatti vede ind'è  i Grechi?

ci anderebbi vulenteri ma aghju riservatu cume  tutti  l'anni u  bungalow  in Bagheera  (sai u to  priferitu  sott'à l'eucalyptus    )  e  avà s'o cambiu per andà in Grecia mi  perdu  l'acconti  digià  versati   , pffffff

Allora ci sarà Baloo in Bagheera