Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Cronichi di i cunfini

Voir le sujet précédent Voir le sujet suivant Aller en bas 
Aller à la page : Précédent  1, 2, 3, 4, 5  Suivant
AuteurMessage
Ghjuvan Filici

avatar

Messages : 194
Date d'inscription : 25/02/2012

MessageSujet: Re: Cronichi di i cunfini   Dim 11 Mar - 14:26

Ciò ch'hè bè, hè chì Circionu entri in u dibattitu anch'iddu cù una cronica. Quissa mi piaci.

Vurriu cambià u titulu di a rubrica "cronichi spaziali" è chjamallu "cronichi di i cunfini", ciò chì pirmittaria di parlà d'altr'affari chè di u spaziu.

Ma t'aghju a paura di fà una cunnaria è di sfassà tuttu... :pale: Lacu fà à El Cì.
Revenir en haut Aller en bas
Voir le profil de l'utilisateur
Ghjuvan Filici

avatar

Messages : 194
Date d'inscription : 25/02/2012

MessageSujet: Re: Cronichi di i cunfini   Dim 11 Mar - 14:32

Salutu a riattività è l'efficacità... ditone salutu2
Revenir en haut Aller en bas
Voir le profil de l'utilisateur
Biacculu di carri



Messages : 6
Date d'inscription : 11/03/2012

MessageSujet: Re: Cronichi di i cunfini   Dim 11 Mar - 20:48

Bona sera,
Sti cronichi ùn valini nudda. Quandu leghju u missaghju d'issa Petra Alta chì sciaccamagnighja cum'è una grupì di Michèle Torre à una sirata di u Lion's Club, mi dà a vodda di rocia. Ma hè vera chì ghjè un pezzone quantunque ❤.. T'hà a raghjoni Cosa - aghju sminticatu u so nomu - a mattaghjatta chì ha' palisatu quì u so schifizzu quand'edda leghji i purcarii di Ghjuvan'Filici ! A tinta ! Ma t'hà a raghjoni ! Par mè, tutti i spaziii sò boni par criticà ! Seti bisunursi! V'abbracciu! Tutti ! Ma subratuttu Circione chì mi pari d'essa un beddu tippu!
O Ghjuvan'Filici, o Asinò : cambia lu puri u to titulu: chjama lu Cronichi di i donfii chì ti stà bè !


Dernière édition par Biacculu di carri le Dim 11 Mar - 20:52, édité 2 fois
Revenir en haut Aller en bas
Voir le profil de l'utilisateur
Biacculu di carri



Messages : 6
Date d'inscription : 11/03/2012

MessageSujet: Re: Cronichi di i cunfini   Dim 11 Mar - 20:50

E ùn socu micca qual'hè stu MArchetti, ma l'abbracciu listessu, senza intrecciate ne cambierine, griego sin panna !
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: Cronichi di i cunfini   Dim 11 Mar - 20:56

@Biacculu di carri a écrit:
Bona sera,
Sti cronichi ùn valini nudda. Quandu leghju u missaghju d'issa Petra Alta chì sciaccamagnighja cum'è una grupì di Michèle Torre à una sirata di u Lion's Club, mi dà a vodda di rocia. Ma hè vera chì ghjè un pezzone quantunque ❤.. T'hà a raghjoni Cosa - aghju sminticatu u so nomu - a mattaghjatta chì ha' palisatu quì u so schifizzu quand'edda leghji i purcarii di Ghjuvan'Filici ! A tinta ! Ma t'hà a raghjoni ! Par mè, tutti i spaziii sò boni par criticà ! Seti bisunursi! V'abbracciu ! Tutti ! Ma subratuttu Circione chì mi pari d'essa un beddu tippu!
O Ghjuvan'Filici, o Asinò : cambia lu puri u to titulu: chjama lu Cronichi di i donfii chì ti stà bè !


o Biacculu t'aghju lampatu u mo 06 in privatu basgiu


Dernière édition par petra alta le Dim 11 Mar - 21:43, édité 1 fois
Revenir en haut Aller en bas
Voir le profil de l'utilisateur
Circione

avatar

Messages : 2189
Date d'inscription : 27/02/2012

MessageSujet: Re: Cronichi di i cunfini   Dim 11 Mar - 21:18

O Biacculu poi ripete ciò ch'è t'ai dettu ùn aghju micca capitu...



_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Biacculu di carri



Messages : 6
Date d'inscription : 11/03/2012

MessageSujet: Re: Cronichi di i cunfini   Dim 11 Mar - 21:19

O Petra,
Par cummincià, ùn aghju ricivutu nudda. E dopu, mi pari chì stu foru ùn hè micca fattu par a macagna. Aghju dittu u me parè. Era u me dirittu. Ma ci voli sempri à suppurtà a ghjenti intullarenti è fassi ghjucà à a risa in più di tuttu ! Povara Corsica ! Vi lasciu è mi ni voltu ind'è i me veri amichi di Badoo chì sani bè ciò ch'edda hè a tullarenza !
Stu paesu hè arruvinatu da a miseria sessuali, ci so i pastori scantati chì si battini i seghi l'annata sana, i vechji poti scunsulati in i paesi di muntagna, è ch'ù, ani mancu i soldi par andà in cabulò, o pacà si un giton, è, à mè, quiddi chì si ni ridini, fendu neci di dà u so numaru senza dallu, ùn mi facini rida mancu appena. A pacarè, brusgiendu pà l'eternu in i fiari di l'infernu.
Revenir en haut Aller en bas
Voir le profil de l'utilisateur
Biacculu di carri



Messages : 6
Date d'inscription : 11/03/2012

MessageSujet: Re: Cronichi di i cunfini   Dim 11 Mar - 21:20

T'abbracciu ! Chì hè a parti ch'ùn capisci ??
Revenir en haut Aller en bas
Voir le profil de l'utilisateur
Circione

avatar

Messages : 2189
Date d'inscription : 27/02/2012

MessageSujet: Re: Cronichi di i cunfini   Dim 11 Mar - 21:23

a parte nanzu à "chì hè a parte"

a poi ripete torna?


_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: Cronichi di i cunfini   Dim 11 Mar - 21:24

@Biacculu di carri a écrit:
O Petra,
Par cummincià, ùn aghju ricivutu nudda. E dopu, mi pari chì stu foru ùn hè micca fattu par a macagna. Aghju dittu u me parè. Era u me dirittu. Ma ci voli sempri à suppurtà a ghjenti intullarenti è fassi ghjucà à a risa in più di tuttu ! Povara Corsica ! Vi lasciu è mi ni voltu ind'è i me veri amichi di Badoo chì sani bè ciò ch'edda hè a tullarenza !
Stu paesu hè arruvinatu da a miseria sessuali, ci so i pastori scantati chì si battini i seghi l'annata sana, i vechji poti scunsulati in i paesi di muntagna, è ch'ù, ani mancu i soldi par andà in cabulò, o pacà si un giton, è, à mè, quiddi chì si ni ridini, fendu neci di dà u so numaru senza dallu, ùn mi facini rida mancu appena. A pacarè, brusgiendu pà l'eternu in i fiari di l'infernu.


ai da brusgià tù si tù mi chjami o suppò di satanassu!


Dernière édition par petra alta le Dim 11 Mar - 21:43, édité 1 fois
Revenir en haut Aller en bas
Voir le profil de l'utilisateur
Biacculu di carri



Messages : 6
Date d'inscription : 11/03/2012

MessageSujet: Re: Cronichi di i cunfini   Dim 11 Mar - 21:26

abbraccià, abbraccià, abbraccià (v.t.) : smmmuuuuuuuuuuaaaaaaaaaacccccckkkkkkkkkkkk fiore .

Hè l'unioni sovietica, qui !


salutu
Revenir en haut Aller en bas
Voir le profil de l'utilisateur
Biacculu di carri



Messages : 6
Date d'inscription : 11/03/2012

MessageSujet: Re: Cronichi di i cunfini   Dim 11 Mar - 21:31

intilittuale ! Annantu à Badoo, nimu ùn si permittaria di fà cussì !
Revenir en haut Aller en bas
Voir le profil de l'utilisateur
Ghjuvan Filici

avatar

Messages : 194
Date d'inscription : 25/02/2012

MessageSujet: Re: Cronichi di i cunfini   Mar 13 Mar - 13:42

O Biacculu, dui cosi :

A prima t'abbracciu, sin pana.

A siconda hè u to nomu : parchì biacculu ? Carabbuddulu saria bastatu.

T'abbracciu torra, à siccu !
Revenir en haut Aller en bas
Voir le profil de l'utilisateur
Ghjuvan Filici

avatar

Messages : 194
Date d'inscription : 25/02/2012

MessageSujet: Re: Cronichi di i cunfini   Mar 20 Mar - 12:32

Ùn la so sì vo eti rimarcatu, ma in 'ssu mumentu, à l'abbrucatu, si vidini dui "stiddi" chì baddani insembu in u celi. Voddu dì ch'iddi sò infilarati, chjari, l'una accanta à l'altra. Sò infatti i pianetti Ghjupiteru è Vènera (a più luminosa), chì parini d'essa à tocca tocca, hè un fenòmenu raru, chì si vidi pocu cù i so ochja (tè, comme si dici "à l'oeil nu" in corsu ? ùn la so...).

L'altru ghjornu, vultendu da a pesca, mi ci vulia à fà dui chilometri à pedi pà vultà à a vittura. T'aviu à Ghjupiteru è Vènera faccia à mè (à punenti) è à Marzu in u spinu (à livanti), russu infiaratu.

Fermani uni pochi di ghjorna pà veda 'ssu spittàculu, sì un membru di u situ trova u mumentu di piddà una fottò, saria bè di mettala quì.

Ghje' l'altru ghjornu ùn aviu micca apparechju, quand'e' pescu pescu.
Revenir en haut Aller en bas
Voir le profil de l'utilisateur
Circione

avatar

Messages : 2189
Date d'inscription : 27/02/2012

MessageSujet: Re: Cronichi di i cunfini   Mar 20 Mar - 12:51

l'aghju viste arrisera hè vera chì hè magnificu.

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Addisperata

avatar

Messages : 205
Date d'inscription : 10/03/2012

MessageSujet: Re: Cronichi di i cunfini   Mar 20 Mar - 15:14

@Ghjuvan Filici a écrit:
Ùn la so sì vo eti rimarcatu, ma in 'ssu mumentu, à l'abbrucatu, si vidini dui "stiddi" chì baddani insembu in u celi. Voddu dì ch'iddi sò infilarati, chjari, l'una accanta à l'altra. Sò infatti i pianetti Ghjupiteru è Vènera (a più luminosa), chì parini d'essa à tocca tocca, hè un fenòmenu raru, chì si vidi pocu cù i so ochja (tè, comme si dici "à l'oeil nu" in corsu ? ùn la so...).

L'altru ghjornu, vultendu da a pesca, mi ci vulia à fà dui chilometri à pedi pà vultà à a vittura. T'aviu à Ghjupiteru è Vènera faccia à mè (à punenti) è à Marzu in u spinu (à livanti), russu infiaratu.

Fermani uni pochi di ghjorna pà veda 'ssu spittàculu, sì un membru di u situ trova u mumentu di piddà una fottò, saria bè di mettala quì.

Ghje' l'altru ghjornu ùn aviu micca apparechju, quand'e' pescu pescu.

bella fiura, cusì puetica!

ùn aghju vistu nunda, ma apreraghju l'ochji avà.

"à l'oeil nu" : "à vista d'ochju"
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: Cronichi di i cunfini   Mer 21 Mar - 20:32

un ritrattu di Vénus è Jupiter publicatu nant'à pagina facebook di Canon





un antru pigliatu sta sera...peccatu, qualchi ghjornu fà eranu propiu vicine

Revenir en haut Aller en bas
Voir le profil de l'utilisateur
Ghjuvan Filici

avatar

Messages : 194
Date d'inscription : 25/02/2012

MessageSujet: Re: Cronichi di i cunfini   Jeu 22 Mar - 0:49

Ti ringraziu ! evviva

Hè magnifica sta fottò. ditone
Revenir en haut Aller en bas
Voir le profil de l'utilisateur
Ghjuvan Filici

avatar

Messages : 194
Date d'inscription : 25/02/2012

MessageSujet: Re: Cronichi di i cunfini   Mar 15 Mai - 0:41

Vardiani di a Fruntiera

È l’ùltima pianetta di u sistemu sulariu hè… Nettunu. Iè, chì dipoi 2006 a cumunità scentìfica intarnaziunali hà cacciatu una pianetta à i novi chì cumpuniani i mondi di u nosciu sistemu, è u tintu Plutonu, chì sin’ad avali era cunsidaratu com’è novèsima pianetta, hè statu riligatu senza senta nè ghjuratu nè tistimonii. A raghjoni di st’umiliazioni ? A scuparta, à u fà di XXIu sèculu, di corpi cussì maiori chè Plutonu à i fruntieri sterni di u sistemu sulariu, una rigioni bughja è mistiriosa chjamata à usu cumunu a Cinta di Kuiper. Ma pà richjappassi appena, è ridà calchì surrisu à a pianetta scaduta, una nova categuria d’ughjetti spaziali hè stata criata : i « pianetti nanni ». Hè dunca à ‘ssu rangu quì chì Plutonu si trova oramai, in cumpagnia di l’asteròidu Ceres – chì iddu pà u colpu hà cunnisciutu una prumuzioni furmidèvuli – è d’altri vicini scuparti ùn hè tantu. V’invitemu tandu à viaghjà, luntanu in i cunfini i più tenebrosi di u spaziu, culà ind’è chì i raghji di u Soli affaccani ghjustu ghjustu, pà scuntrà ‘ssi vardiani sicreti di a noscia ùltima fruntiera.

Plutonu, dunca. Scupartu in 1930 da un ghjovanottu di 23 anni chjamatu Clyde William Tombaugh, st’astru ghjacciatu pinciulighja à guasgi 6 migliarda di chilòmetri da u Soli. À principiu, l’astrunomi l’ani crettu beddu più maiori ch’iddu hè in verità, forsa stuzzicati da i pridizzioni di u fantascu Percival Lowell (mortu in 1916) chì annunciò u prima ch’una pianetta impurtanti ghjacìa al dilà di u ghjiganti Nettunu. Lowell t’avia a raghjò annant’à l’esistenza d’una pianetta, ma si sbagliaia appena annant’à i so prupurzioni pussìbuli, è à forza di ridùcialu à ugni nova misura, s’hè finitu par sapè chì Plutonu ùn avia « chè » un diametru di 2300 km. Puri saria ancu ghjusta d’aghjunghja à ‘ssi diminsioni i 1200 km di u so satellitu Caronu, scupartu solu in 1978, è chì cumponi cun iddu un sistemu guasgi ùnicu di « pianetta duppia » (l’altru sistemu sìmuli hè cumpostu ben sicura di a Tarra è di a Luna). Rimarchèvuli dinò u fattu chì Plutonu è Caronu si tenini guasgi abbracciati, à solu 20 000 km ! Pà a stodia, ramintaremu infini chì quandi Plutonu fù scupartu, i cintunari di pruposti funi lampati pà battizà a nuvella pianetta. Fù una zitedda d’11 anni, un’ Inglesa chjamata Venetia Burney (nisciuna parintia cù Veneziana Cinarchesa), à prupona di numinà l’astru di i cunfini par via di Plutonu, Diu di l’Inferni, Maestru di u Tàrtaru… Appaghjatu à un astru chì vighjaia u più luntanu in i tenebri còsmichi, u nomu andaghjia d’incantu, è tandu li firmò.


Sì no eramu annant'à a surfazia di Plutonu, eccu com'iddu ci cumparisciaria u so satellitu Caronu. Più luntanu, u Soli ùn saria chè un puntu dèbbuli di luci...

Ma emu dittu chì u distinu di Plutonu, intantu chè ùltimu vardianu di u sistemu sulariu, duvia cada un ghjornu di manera spittacularia, à tempu chì u so fàscinu – pinsemu chì ancu Lovecraft avia situatu certi di i so stodii in i so circundarii – si vidia abbughjatu da l’avanzati miraculosi di a scenza. È u mumentu d’infamia affaccò, in 2005, quandi trè astrunomi di u telescopu di u Monti Palomar, in Califurnia, annuncioni a scuparta d’una pianetta più maiori al dilà di l’urbitu plutunianu. L’ughjettu, chì infatti t’avaria i stessi diminsioni chè Plutonu (2300 km), era statu ghjà usservatu dui anni nanzi da Michael Brown, David Rabinowitz è Chadwick Trujillo, veri spicialisti di a caccia à i mostri di a Cinta di Kuiper. Avendu tinutu u sicretu annant’à a so scuparta, aspittendu di virificà a so isistenza, duvistini pricipità i risultati di i so usservazioni par via di a cuncurrenza di i diffarenti squatri di circadori. È prestu a « dicèsima » pianetta, situata à 10 migliarda di km da u Soli, ricivisti u nomu d’Eris, una Dea greca simbulizendu u bisbigliu… C’era di chì, battutu in tutti i categurii (diminsioni, luntananza), videndu i candidati multiplicassi com’è par miràculu à a sèguita d’Eris, ùn firmaia più à Plutonu chè à perda u so rangu, à falà da u so pedestali di divinità spaziali siculari, par duvintà infatti una « pianetta nanna » trà tanti altri. È fù una cosa fatta, in 2006, quandi l’UAI (Unioni Astrunòmica Intarnaziunali) dicisi – è quissa malgradu una risistenza forti di i scentìfichi americani, sulidarii di u scupartori Tombaugh – di sclassificà un astru puri cussì impurtanti in a Stodia di a cunniscenza spaziali. L’attu di fedi finali fù puri furmulatu da u Statu di u Novu Mèssicu, chì dichjarò in 2007 chì Plutonu firmaria à u rangu di pianetta « à l’internu di i fruntieri » di quissu Statu, è u 13 marzu – ghjornu di a scuparta di Plutonu – ci fù ancu prucamatu umuristicamenti ghjornu ufficiali di cumimurazioni ! U fattu chì Clyde William Tombaugh si fussi stallatu un ghjornu in ‘ssu Statu, par duvintà un di i prufissori i più stimati di l’Università di u Novu Mèssicu, ùn avia ben intesa nosciun raportu cù ‘ssi presi di pusizioni assulutisti.


Eccu ciò ch'idda pari Eris, cù u so pìcculu satellitu Disnomia, futtugraffiata da Hubble. Una visioni migliori, par avali ùn l'avemu micca...

Ma cumpiimu cù una vista generali annant’à i novi ughjetti di a Cinta di Kuiper. Di Plutonu è d’Eris n’emu ghjà parlatu. Ma l’accumpagnani ancu i inchiitanti Makemake è Haumea, dui astri chjamati cubewani, dapressu à u termini inglesu QB1, sicondu l’appellazioni di u prim’astru novu trovu in a Cinta di Kuiper, 1992 QB1. ‘Ssi dui quì sò dunca intruti in a categuria di i pianetti nanni, ma d’altri ughjetti similarii sò candidati anch’iddi pà a stessa classificazioni. Sò – par quissi ch’ani ricivutu un nomu di batèsimu accittèvuli – Caronu (satellitu di Plutonu, ghjà prisintatu), Sedna, chì viaghja à u più luntanu di u soli, Quaoar, Orcus, Varuna è Ixion. D’altri, idintificati, fermani troppu mistiriosi pà avè ricivutu un nomu, ma trà quisti quì mintuvemu 2002 TC302, beddu più maiori à ciò chì pari chè a pianetta nanna Ceres, o 2007 OR10, chì i so scupartori americani ani cugnumatu « Snow White ». D’altri, forsa parichji cintunari, fermani sempri à scopra in a scurità, à tempu chè a putinziali « pianetta X », mostru iputèticu chì ghjaciaria à i fruntieri di u sistemu sulariu, è chì certi ani dighjà batizatu Nibirù, o Persefona, è chì saria – pò dassi – rispunsèvuli di a caduta brutali di a materia à i cunfini di a Cinta di Kuiper, o ancu di l’urbitu stravacanti di Sedna. Ma quì surtimu da i lìmiti tullarati da a scenza, par entra in u tarritoriu di u sonniu è di a spiculazioni. Stunanti ? Manc’appena, chì ‘ssi vardiani di a fruntiera ch’emu evucatu sò dinò i scali futuri nanzi à a noscia surtita difinitiva di u spaziu nativu, ghjustu nanzi d’entra in u mondu intersiderali, quissu di l’imaginazioni è di i scuparti à vena.


A forma d'Haumea hè di i più strani : pari un ovu, o un ballò di rugby, accumpagnatu da dui satelliti mischineddi. A luminusità di 'ssa pianetta nanna hè quissa di a nivi, cù una tacca russa di materia scunnisciuta...

Culà, dicini, ci sariani pianetti bughji è urfaneddi, à millai, chì viaghjani staccati da ugni sistemu… Culà, i diminsioni sò altri, è ci aspettani i sicreti ch’ùn semu ancu capaci di cuncipiscia… È culà ci aspettani, forsa, i chjavi d’un universu ch’ùn semu pò dassi mancu pronti à visualizà, ma simpliciamenti à accittà…
Revenir en haut Aller en bas
Voir le profil de l'utilisateur
Isulanu

avatar

Messages : 228
Date d'inscription : 03/03/2012

MessageSujet: Re: Cronichi di i cunfini   Mar 15 Mai - 20:22

Mi dumandava quandu i ripiglierii. Mi mancavanu e to croniche! evviva
Revenir en haut Aller en bas
Voir le profil de l'utilisateur
Addisperata

avatar

Messages : 205
Date d'inscription : 10/03/2012

MessageSujet: Re: Cronichi di i cunfini   Jeu 17 Mai - 16:10


anch'eiu aspittava

si leghje cum'è un rumanzu è si n'impara! passiunante.
Revenir en haut Aller en bas
Voir le profil de l'utilisateur
Circione

avatar

Messages : 2189
Date d'inscription : 27/02/2012

MessageSujet: Re: Cronichi di i cunfini   Jeu 17 Mai - 20:22

Hè vera, bravu o Ghjuvan Filì. ditone

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Ghjuvan Filici

avatar

Messages : 194
Date d'inscription : 25/02/2012

MessageSujet: Re: Cronichi di i cunfini   Sam 9 Juin - 1:38

Sukkwan Island, capu d’òpara tirrificanti


Vengu di finiscia u libru di David Vann, Sukkwan Island, è à tempu di piddammi u più grossu pattonu literariu dipoi Blood Meridian, di Cormac McCarthy. Ancu arisera, ni parlaiu cù un amicu, li diciu ch’iddu esistia un filu trà ‘ssi dui autori, una putenza similaria, è oghji, fendu calchì ricirca, scopru chì Vann cunsidarighja à McCarthy com’è u so autori prafiritu. È si vidi d’altrondi in u stilu una certa influenza, in a manera d’intigrà i diàlughi à u testu narrativu, par esempiu, è s’iddu ùn si cunniscìa a gènesi di u libru di Vann, si pudaria ancu creda à calchì sumidda cù The Road, sempri di McCarthy, i dui testi liendu à modu tràgicu u distinu d’un babbu cù u so fiddolu.

Ma ùn ci hè puri quì nisciun imprèstitu temàticu. Solu, forsa, una cumunità di pinsamentu pussìbuli, è un talentu cussì forti ind’è l’unu è ind’è l’altru. A verità hè chì u libru di Vann si spira di a so propia stodia : quandu t’avia trèdici anni, u so babbu – spiccatu cù a so mamma – li pruposti di passà un annu solu cun iddu annant’à un’ ìsula di l’Alaskà. U ghjòvanu David rifusò, è pocu dopu imparò chì u babbu, scantatu listessi annant’à quidda ìsula, s’era tiratu una badda in capu. ‘Ssu drama duvintarà tandu a surghjenti ussessiunali d’un rumanzu chì Vann mittarà deci anni à scriva, è chì sarà rifusatu da tutti l’editori sin’à u ghjornu ch’iddu si vinciarà un premiu literariu d’impurtanza. Infatti, in a so virsioni americana, u libru hè una ricolta di parichji nuvelli, intitulata « Legend of a Suicide », è « Sukkwan Island » n’hè u testu u più maiori, quissu sceltu da l’edizioni francesi Gallmeister, spicializati in u nature writing.



U rumanzu, dunca, principia esattamenti com’è a passata tràgica ch’emu mintuvatu. Jim, u babbu, è u so fiddolu Roy si facini lacà annant’à l’ìsula di Sukkwan, nant’à i costi di l’Alaskà, dicisi à passacci tremindui un’ annata intreva. Capimu bè chì l’autori stuzzica quì i so propii dimonia. Sutt’à a figura di Roy, u pudemu imaginà partitu pà ‘ssu viaghju ch’iddu avia rifusatu ziteddu, è ch’era finitu cù a morti di u so babbu. Si pudaria ancu creda chì ‘ssu scrittu – cù i so variazioni di a virsioni originali, tutti appughjati à senta dì annant’à a stessa temàtica – hè una forma di terapia parsunali, di cunfruntazioni à ‘ssu mumentu bughju di a so vita. Forsa pà circà i chjavi d’un misteru mòrbidu, o allora pà libaràssini. Ma puri ùn saremu micca quì in un racontu autobiugràfficu schiettu, è prestu a fizzioni intarveni, à dà un suffiu è una diminsioni da veru abbaraculenti, traumatizenti, à ciò chì hà da siguità.

Chì pudemu dì di a stodia senza fà u sacrileghju di palisà l’intriga ? Chì ghjustappuntu in ‘ssu testu nienti devi essa statu palisatu capu nanzi à u littori. Chì nienti di ciò chì si pò imaginà hà da succeda sutt’à a forma chì s’aspittaria. È chì a tinsioni nata trà u fiddolu incertu è u babbu incapaci hà da sbuccà in un infernu chì lacarà u littori impussissitu è imbalbaticatu parichji ghjorna dopu à a littura di l’òpara. Solu pudemu dì chì l’ìsula di i disiderii duvintarà prestu l’ìsula di u fiascu è di u tarrori assulutu. Solu pudemu dì chì ‘ssu cunfrontu scimitu trà u babbu carcu à mancanzi è u ziteddu persu è tirrificatu da a so sorti ci purtarà sin’à affucà. Solu pudemu dì chì ciò chì succedi à a pàgina 118 ci hè da veru insuppurtèvuli. È chì a fini ci dà u sbileghju, è ci laca cù a baracina, sbiutati, truncati bè, sin’à facci entra in no stessi, carchi à quistiunamenti annant’à ciò chì no semu faccia à u distinu, èssari dirisorii, cussì cumpassiunèvuli, cussì patètichi.

Chì pudemu dì, dinò ? Chì a sera, nanzi di dorma, è mentri ch’iddi sò tutt’è dui in a sola pezza abitèvuli di a so capanna, u babbu pienghji è u ziteddu ascolta. Senza ch’iddu ci fussi quì un diàlugu. I cunfissioni di u babbu sò cunfissioni autìstichi. A prisenza di u fiddolu ùn hà nisciuna impurtanza. Dici u babbu ch’iddu sbagliaia a mamma di u ziteddu, andaghjia à i puttani, li piaciani i potti arrasati, ùn pudia micca campà senza donni, l’idea d’essa solu l’arricaia u telu. U ziteddu ascolta i rivilazioni, i nuttati interi, senti i parolli ch’un ziteddu ùn devi micca senta da un babbu, è u lindumani matina, devi fà com’è s’iddu ùn avia intesu nudda, devi perda a mimoria par fà neci di sustena st’omu cù tutti i so facci, tutti i so difetta. È iddu dinò devi avè tanti facci. Un ursu hè intrutu in a capanna ghjà à u principiu di a so affaccata annant’à l’ìsula. Hà sciappatu a radiu, manghjatu guasgi tutti i so riservi. Ci vularà à caccighjà, à piscà pà mantènasi quì. Ci vularà à luttà, à essa capaci di luttà pà affruntà l’ingernu chì s’annuncia. U longu inguernu crudu di u gran nordu. È iddi dui t’avarani bè tutti i facci à u longu di u rumanzu, pà affruntà l’elementi, pà suppurtà u distinu, pà ciuttassi di capu in i tenebri chì l’aspettani. È avali… avali ni sapeti ghjà abbastanza.
[img][/img]


Dernière édition par Ghjuvan Filici le Sam 16 Juin - 14:43, édité 1 fois
Revenir en haut Aller en bas
Voir le profil de l'utilisateur
Addisperata

avatar

Messages : 205
Date d'inscription : 10/03/2012

MessageSujet: Re: Cronichi di i cunfini   Sam 9 Juin - 12:11


è dà a voglia di sapenne di più. anderà in "no country" st'articulu? Hè un pezzu ch'ùn ci ai publicatu.

mi dà dinù a nustalgia di una certa cronaca in La Corse votre hebdo...
Revenir en haut Aller en bas
Voir le profil de l'utilisateur
Ruclinonu Solechjari

avatar

Messages : 518
Date d'inscription : 27/02/2012
Localisation : Casinca

MessageSujet: Re: Cronichi di i cunfini   Sam 9 Juin - 13:14

È ancu d'altre cose.
Revenir en haut Aller en bas
Voir le profil de l'utilisateur http://appuntamentu-corsu.forums-actifs.net
Contenu sponsorisé




MessageSujet: Re: Cronichi di i cunfini   

Revenir en haut Aller en bas
 
Cronichi di i cunfini
Voir le sujet précédent Voir le sujet suivant Revenir en haut 
Page 2 sur 5Aller à la page : Précédent  1, 2, 3, 4, 5  Suivant
 Sujets similaires
-
» Cronichi di i cunfini

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Prosa-
Sauter vers: