Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Cronichi di i cunfini

Voir le sujet précédent Voir le sujet suivant Aller en bas 
Aller à la page : Précédent  1, 2, 3, 4, 5  Suivant
AuteurMessage
Ghjuvan Filici

avatar

Messages : 194
Date d'inscription : 25/02/2012

MessageSujet: Re: Cronichi di i cunfini   Sam 9 Juin - 14:53

Addisperata a écrit:

è dà a voglia di sapenne di più. anderà in "no country" st'articulu? Hè un pezzu ch'ùn ci ai publicatu.

mi dà dinù a nustalgia di una certa cronaca in La Corse votre hebdo...

Iè, l'aghju missu ancu quì :

http://marcubiancarelli.blogspot.fr/

Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: Cronichi di i cunfini   Dim 10 Juin - 19:21

ripigliu ciò ch'hà dettu Addisperata, dà propiu a voglia di leghje lu! mi pare di sente in sta presentazione tutta a forza di stu scrittu (senza cunnosce lu) è u terrore ch'ellu conta. mi dà a voglia di leghje lu è à tempu mi face a paura. :oops:
ditone
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: Cronichi di i cunfini   Ven 30 Nov - 14:10

Aspittendu l'annunziu di a Nasa chì ci prumette nutizie tremende nant'à a pianetta Marzu alien ...à leghje un articulu di L'Express nant'à Mercuriu
Ogni ghjornu u spaziu ci offre suprese nove...

http://www.lexpress.fr/actualite/sciences/de-l-eau-glacee-decouverte-sur-mercure_1193579.html


Avà ch'elli anu calore è acqua in quantità in u listessu locu ùn anu più bisognu di fà cacà à Corsica à colpu di PLU rambo
Revenir en haut Aller en bas
Voir le profil de l'utilisateur
Ghjuvan Filici

avatar

Messages : 194
Date d'inscription : 25/02/2012

MessageSujet: Re: Cronichi di i cunfini   Jeu 24 Jan - 13:57

Rumanzu - Strattu - Ineditu

Era ghjà pusatu in u baru quandi a donna hè intruta. Paria annarbata, è i ciuffi in battaglia chì l’imbistiaiani a faccia a rindiani un pocu più sivera. S’hè missa à pusà è nanzi d’avè cummandatu u so caffè hà postu u so saccu annant’à a tola davanti ad idda è ci hà infrugnatu a mani pà chjappà u teleffonu. Fighjulaia u teleffonu è ùn paria micca di truvacci u missaghju ch’idda aspittaia, buffulò a so stizza, appena vulgari, senza fà attinzioni à i clienti chì manch’iddi faciani attinzioni ad idda, fora di dui liceani chì ghjucaiani à una mascina à solda à l’àngulu di u comptoir è chì si parlaiani à boci bassa è scambiaiani i surrisi sporchi.
Vidia a donna ghjustu dui toli faccia ad iddu, è vidia dinò u carrughju à traversu à u muru vitratu, malgradu i distributori di liccaturi è di sigaretti chì paraiani una parti di a so visioni. Quandu i so sguarda si scruchjoni idda li feci un cennu cù u capu, à tempu à unu spezia di surrisu chì indittaia ch’à modu cunfusu paria d’idintificallu trà tutti st’aienti, o d’idintificà calcosa in iddu chì forsa l’era famiglieri, po’ ripresi a so sprissioni bughja è vultò u sguardu in dirizzioni di u carrughju.
C’era un tippu chì circaia tistardu d’ingarà a so vittura à culu in daretu trà dui veìculi ch’ùn irrispittaiani micca i ligni di l’impiazzamenti. Ùn avia nisciuna scianza di sbuccanni, u spaziu trà i dui vitturi ghjà ingarati era troppu strettu, ma insistia, è tuttu ciò ch’iddu riiscia à fà in u frattempu, era di ghjastimà, è di disturbà u passaghju di l’altri vitturi chì falaiani a via.
Dumandò infini u so caffè à u servori chì pur chè puri s’era dicisu à piddà a so cummanda. Ciò ch’iddu rimarcheti era chì mentri ch’idda s’adrizzaia à u sbruzinu a so sprissioni era cambiata in tuttu, è ch’idda circaia à essa a più amàbili pussìbuli, d’un’ amabilità furzata chì risimbraia à un ghjocu. Pinsò ch’idda duvia essa una cumidianti di quiddi, è pò dassi ancu una bedda burdanona. Annant’à quissa in generali ùn si sbagliaia tantu. U so stintu ad iddu era bè di misurà a fiorda chì si trova in fundu di l’ànima d’ugnunu, ed era ancu una parti impurtanti di u so mistieri, u pagaiani par quissa. Trà altri affari.
Mittia un tempu scemu à bulicà u so caffè, è paria sempri cussì bughja è cuntrariata. U so sguardu viaghjaia da u neru in fundu di a so tazza à u dicorru cussì lugubru di ‘ssu carrughju indu a billezza era stata abulita da i primi custruzzioni. Andaia sin’à fà in tantu in tantu una gnera bizarra cù a so bucca, com’è chì calcosa li frighjissi à l’internu, è quissa dinò capisti ch’era cumedia. Micca ch’ùn duvia essa cuntrariata, ma ‘ssa manera di spàrtala cù u mondu interu era bè una biulinata, u stessu sinemà chè a boci languenti è cundiscindenti ch’avia presu cù u barman, ma pà una sprissioni tutta altra.

Quandu si sò trovi infini à a stessa tola, hà cuntinivatu à passà da u disturbu à a siduzzioni. Lacaia intenda chì calchissia ùn era vinutu chì duvia vena, ma senza dinni di troppu. Tandu era falsamenti affannata, o dillusa ma forti, ghjà passata à altr’ affari, è sùbbitu si riciuttaia in u so discorsu ad iddi, riaccindia u so intaressu pà ‘ssu stranieri ch’idda vinia di scopra, à l’azardu, par furtuna, parchì u distinu hè fattu cussì, « à scali », ma era a cunfidenza chì a vidaia, funziunaia cussì à a cunfidenza, ma attinzioni à ùn tradìsciala micca, attinzioni à ùn piddalla par ciò ch’ùn era. Parlaia ghjustu ciò ch’era nicissariu, un certu sapè fà in a cummunicazioni, cù i silenzii quandu ci voli, l’aria enigmàtica o i sguarda pà da suttu quandu u rolu l’abbisugnaia. Una burdana cù middi facci, una cumidianti chì sà burlà u so mondu, si dissi trà iddu stessu, a sà bè comu ci voli à accumudassi cù a rialità, comu ci voli à metta a distanza pà pruttèghjasi. Una donna dura, o più chè dura forsa ingattivita, una dunnaccia cù una curazza di quiddi tosti. Li piaciani cussì, infatti, li piaciani quand’erani supiriori è sfacciati, parchì ciò chì li piacia era di dumalli, di chjùdali u discorsu è di truncà a so risistenza. I vidia affaccà da luntanu, cù i so facciacci viziosi, a so andatura altiera, ma iddu era monda più viziosu ancu, mondu più gattivu. Ancu sì trà i gattivi, quissa li paria bè una campiona.

– È tù, ch’idda l’hà dittu, parli pocu ma a sa’ longa, ùn hè ?
– Sì tù a credi.
– Innò… nò… ùn credu nudda. Hè da avali ch’ùn credu più.
– Tutti ghjàcari, tutti à fiore trattu è in calori, hè quissa ?
– Tutti grossi inculati sì… Tutti una mansa di grossi pedè…

È cuntinivaia à fighjulallu pà da suttu, cù u so sguardu di ghjatta ammarzita chì risistia ma ch’era pronta à ceda.

– Sì tù a dici.
– Iè, a dicu.
– Se una pòvara dunnetta tù. Una tralasciata.
– I tippi i troncu eu. Piddu è ghjettu.
– È quiddu ch’ùn hè vinutu. U tintu.
– Un grossu intilittuale.
– …
– Ùn ti piaci micca di sèntami parlà cussì ? Hein ? Socu vulgari… A so, tribbulighja a vulgarità. Socu una « pisciaghja », devi pinsà, una mal educata, una « lufiona »…
– Mi ni ci voli à pena di più o cocca…
– Una grossa lufiona…
– …pà tribbulammi.
– Parlu mali cù a bucca…
– Piccatu. Cussì bella bucca.
– Iè… dicia guasgi in un sussuru.

Po’ l’hà presu u pulsu, dicia ch’idda vulia misurà a forza ch’iddu t’avia in u pulsu. Era stunata parchì t’avia i spaddi larghi è i braccia putenti, ma u so pulsu era finu. Un pulsu d’artistu. U ‘ddi stringhjia cù a so manuchja, valutaia u so vulumu.

– Puttana, u to sguardu… Hè u to sguardu ch’aghju rimarcatu sùbbitu. I devi fà sdrughja, nò, i lufioni…
– Micca chè i lofii.
– Iè…
– I troii dinò.

S’erani missi in fasa, è avali a facia rida. Ma micca com’è una trasaltata, sempri à modu cumidianti, parchì a riplica era bona. È avia lacatu tutti i so màscari par ùn purtà più chè quidda di a messalina ch’idda vulia parè.

Revenir en haut Aller en bas
Voir le profil de l'utilisateur
Addisperata

avatar

Messages : 205
Date d'inscription : 10/03/2012

MessageSujet: Re: Cronichi di i cunfini   Jeu 24 Jan - 18:57


mipiace


sta burdana t'hà purtatu à u settesimu celu,chì ti sbagli di sugettu? risa

ùn era per "scritti imposti"? Wink
Revenir en haut Aller en bas
Voir le profil de l'utilisateur
Circione

avatar

Messages : 2189
Date d'inscription : 27/02/2012

MessageSujet: Re: Cronichi di i cunfini   Jeu 24 Jan - 20:40

iè hè vera u pudia avè messu in scritti imposti...

una dumanda tecnica:

"un grossu intilittuali" hè u testu uriginale?


duie dumande d'ordine dialettulogicu:

1/ chì diffarenza fate trà a lofia è a troia
(m'interessa di sapella ancu à u sensu figuratu)


2/chì hè issu e à fiore o capità? paura


una dumanda piu literaria (à l'usu quistione di u baccu):

Vi pare logica, essendu una lufione, ch'ella valuti u vulumu di u polsu? scratch *







* sarà una cinsura di m'amministrazione automatica? risa


_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione

avatar

Messages : 2189
Date d'inscription : 27/02/2012

MessageSujet: Re: Cronichi di i cunfini   Jeu 24 Jan - 22:44

bon per esse appena serii, prupongu à l'amministratrice di caccià a currizzione automatica...


_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
u ghjudice

avatar

Messages : 200
Date d'inscription : 26/02/2012

MessageSujet: Re: Cronichi di i cunfini   Jeu 24 Jan - 22:48

Chì differenza trà a lofia, a troia, a tonfia a burdana è a cagna?

Puderebbe esse un bellu sughjettu di dibattitu, innò?


P.S : Ossinò Ghjuvan Filici si sbroglia sempre quand'ellu scrive.
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: Cronichi di i cunfini   Jeu 24 Jan - 22:54

o circione voli lascià stu spaziu benedettu diventà un locu di perdizione? paura
d'accordu risa


caccemu puru a curezzione automatica...
Revenir en haut Aller en bas
Voir le profil de l'utilisateur
Circione

avatar

Messages : 2189
Date d'inscription : 27/02/2012

MessageSujet: Re: Cronichi di i cunfini   Jeu 24 Jan - 22:54

a tonfia hè boffa invece a lofia, a troia a burdana è a cagna ponu esse belle ... scratch
ùn hè cusì?

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
u ghjudice

avatar

Messages : 200
Date d'inscription : 26/02/2012

MessageSujet: Re: Cronichi di i cunfini   Jeu 24 Jan - 23:07

Circione a écrit:
a tonfia hè boffa invece a lofia, a troia a burdana è a cagna ponu esse belle ... scratch
ùn hè cusì?

suspettu Forse in Niolu serà cusì.

Eo averebbe piuttostu vistu una differenza secondu e pratiche sessuale...
Revenir en haut Aller en bas
Voir le profil de l'utilisateur
Ghjuvan Filici

avatar

Messages : 194
Date d'inscription : 25/02/2012

MessageSujet: Re: Cronichi di i cunfini   Jeu 24 Jan - 23:11

S'iddu ci hè un tema in i scritti imposti indu pò entra 'ssu testu u mittaraghju culà.

Sì di nò, pà a quistioni di dialettulugia, vi spiegu, u "fiore" hè un cosu longu, drizzatu, cù unu spezia di capeddu. A so, u fungu dinò pudaria risponda à 'ssa discrizzioni, è bè ghjustappuntu, u "fiore" hè un pocu com'è u fungu. Ma a diffarenza hè chì certi volti vi pò sbuttà in faccia.

D'altrondi i lofii è i troii a sani bè, chì t'ani l'arti di tirà u fiori, è ancu di fassi tirà in i fiora, dinò.

Ma trovu chì sti currizzioni automatichi sò veri purcarii, è sò cuntrarii in tuttu à a literatura, mi pirmettu di dilla.

Revenir en haut Aller en bas
Voir le profil de l'utilisateur
u ghjudice

avatar

Messages : 200
Date d'inscription : 26/02/2012

MessageSujet: Re: Cronichi di i cunfini   Jeu 24 Jan - 23:15

Ghjuvan Filici a écrit:
S'iddu ci hè un tema in i scritti imposti indu pò entra 'ssu testu u mittaraghju culà.

Sì di nò, pà a quistioni di dialettulugia, vi spiegu, u "fiore" hè un cosu longu, drizzatu, cù unu spezia di capeddu. A so, u fungu dinò pudaria risponda à 'ssa discrizzioni, è bè ghjustappuntu, u "fiore" hè un pocu com'è u fungu. Ma a diffarenza hè chì certi volti vi pò sbuttà in faccia.

D'altrondi i lofii è i troii a sani bè, chì t'ani l'arti di tirà u fiori, è ancu di fassi tirà in i fiora, dinò.


Ma trovu chì sti currizzioni automatichi sò veri purcarii, è sò cuntrarii in tuttu à a literatura, mi pirmettu di dilla.


Mi piace à leghje puesia a sera à u pede di u carminu...
Revenir en haut Aller en bas
Voir le profil de l'utilisateur
Ghjuvan Filici

avatar

Messages : 194
Date d'inscription : 25/02/2012

MessageSujet: Re: Cronichi di i cunfini   Jeu 24 Jan - 23:17

Ghjudici... vi cridiu cripatu com'è u ruspu...
Revenir en haut Aller en bas
Voir le profil de l'utilisateur
u ghjudice

avatar

Messages : 200
Date d'inscription : 26/02/2012

MessageSujet: Re: Cronichi di i cunfini   Jeu 24 Jan - 23:20

Ghjuvan Filici a écrit:
Ghjudici... vi cridiu cripatu com'è u ruspu...

Aghju u coghju duru, ùn v'inchietate, ancu sè in stu mumentu u mi frustanu.

Ma i'll be back cum'ellu dicia quellu.
Revenir en haut Aller en bas
Voir le profil de l'utilisateur
Circione

avatar

Messages : 2189
Date d'inscription : 27/02/2012

MessageSujet: Re: Cronichi di i cunfini   Jeu 24 Jan - 23:24

per mè a tonfia hè una grossa pufiassa
invece a lofia hè una chì li piace viramente u fiore

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
u ghjudice

avatar

Messages : 200
Date d'inscription : 26/02/2012

MessageSujet: Re: Cronichi di i cunfini   Jeu 24 Jan - 23:26

Circione a écrit:
per mè a tonfia hè una grossa pufiassa
invece a lofia hè una chì li piace viramente u fiore

E a cagna allora?

A cagna serà una chì li piace u sessu sporcu, hardcore cum'elli dicenu.
Revenir en haut Aller en bas
Voir le profil de l'utilisateur
Ghjuvan Filici

avatar

Messages : 194
Date d'inscription : 25/02/2012

MessageSujet: Re: Cronichi di i cunfini   Jeu 24 Jan - 23:26

risa

"grossa pufiassa" ritengu.
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: Cronichi di i cunfini   Jeu 24 Jan - 23:27

eccu...
ogni scornu di a nostra lingua cara pò esse visitatu da i grandi sploratori ch'è voi site rock


libertà per a lingua! punti
fughje
Revenir en haut Aller en bas
Voir le profil de l'utilisateur
Ghjuvan Filici

avatar

Messages : 194
Date d'inscription : 25/02/2012

MessageSujet: Re: Cronichi di i cunfini   Jeu 24 Jan - 23:30

Mi piaci 'ssa manera ch'iddu t'hà u Ghjudici di bulià u corsu è l'inglesu.

Imagineti ghjà chì lingua putenti parlariamu sì u regnu inglocorsu s'era mantinutu.

Tè, pudaria fà un bellu sughjettu d'intarrugazioni pà i terminali, dumani, quissa...
Revenir en haut Aller en bas
Voir le profil de l'utilisateur
Rappallinu

avatar

Messages : 437
Date d'inscription : 25/02/2012

MessageSujet: Re: Cronichi di i cunfini   Jeu 24 Jan - 23:30

Circione a écrit:
per mè a tonfia hè una grossa pufiassa
invece a lofia hè una chì li piace viramente u fiore

Puffiassa nò ? Cù duie f nò ? risa
Revenir en haut Aller en bas
Voir le profil de l'utilisateur
Circione

avatar

Messages : 2189
Date d'inscription : 27/02/2012

MessageSujet: Re: Cronichi di i cunfini   Jeu 24 Jan - 23:31

una burdana saria una "sciodassa?" risa

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Rappallinu

avatar

Messages : 437
Date d'inscription : 25/02/2012

MessageSujet: Re: Cronichi di i cunfini   Jeu 24 Jan - 23:35

È "ratassa" avaria qualchì raportu cù u siccame di e castagne ?? scratch
Revenir en haut Aller en bas
Voir le profil de l'utilisateur
Ghjuvan Filici

avatar

Messages : 194
Date d'inscription : 25/02/2012

MessageSujet: Re: Cronichi di i cunfini   Jeu 24 Jan - 23:38

È a grugnassa hè quissa chì dà a rugna ? suspettu
Revenir en haut Aller en bas
Voir le profil de l'utilisateur
Rappallinu

avatar

Messages : 437
Date d'inscription : 25/02/2012

MessageSujet: Re: Cronichi di i cunfini   Jeu 24 Jan - 23:40

Iè è a "cusciona" quella ch'hè assai à l'ese cù u fiore...
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: Cronichi di i cunfini   

Revenir en haut Aller en bas
 
Cronichi di i cunfini
Voir le sujet précédent Voir le sujet suivant Revenir en haut 
Page 3 sur 5Aller à la page : Précédent  1, 2, 3, 4, 5  Suivant
 Sujets similaires
-
» Cronichi di i cunfini

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Prosa-
Sauter vers: