Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Particularità di l'elisione corsa

Voir le sujet précédent Voir le sujet suivant Aller en bas 
AuteurMessage
Isulanu



Messages : 226
Date d'inscription : 03/03/2012

MessageSujet: Particularità di l'elisione corsa   Ven 31 Aoû - 0:10

Avia lettu, parechji anni fà, annant'à u giurnalettu "Aiò", chì l'elisione corsa avia una particularità. Ùn si face l'elisione nant'à l'ultima lettera di a parolla davanti à l'avverbiu "in" ma nant'à u "i" di l'avverbiu.

Per indettu, s'o ripigliu una infrasata di a canzona "Innamurichjate" scritta da GT Rocchi :
Un fiore in pettu ==> Un fiore 'n pettu


Di fatti, l'elisione ùn hè tantu aduprata in fatti di scrittura corsa ch'osinnò, prestu omu ne metteria dapertuttu.
Ma sta regula ghjova sopratuttu per l'urale.



Hè una regula chì m'hè parsa ghjuvativa, ma vogliu dinù chì i prufessori (o quelli chì a sanu) mi dicanu s'o ùn mi sbagliu.
Revenir en haut Aller en bas
Voir le profil de l'utilisateur
Erbaghju



Messages : 452
Date d'inscription : 29/02/2012

MessageSujet: Re: Particularità di l'elisione corsa   Ven 31 Aoû - 13:49

Iè per mè ai capitu bè. Per u più hè sicura ch'ella si face à l'urale.

Trà 2 vucale a regula hè:
"Una aria" dettu "un'aria"
"Una isula" dettu "un'isula"

Ma quandu u nome cumencia pà "in" si dice tandu:
Una infirmiera => Una 'nfirmiera
Revenir en haut Aller en bas
Voir le profil de l'utilisateur http://erbaghju.unblog.fr/
di sfughjita



Messages : 124
Date d'inscription : 06/03/2012
Localisation : Bastia

MessageSujet: Re: Particularità di l'elisione corsa   Ven 31 Aoû - 14:35

mipiace V'arringraziu assai tramindui chì eccu quì una règula bellu bè spiegata. Mi pare ch'ella hè anch'ella un'arte' ditone a manera ch'ellu t'hà qualchisìa da fà capisce à l'altri cose ch'elli ùn maneghjanu mancu stampa !

Avà tocca à mè di guarda casu ch'eo ùn a scordi* micca. tristu :oops:

* Ci hè qualcosa quì chì mi frasturneghja scratch : sarebbe ancu ghjustu di dì :
" Avà tocca à mè di guarda casu ch'eo ùn a SCURDESSI micca"?

Ùn possu dì perchè, ma sta fòrmula custì mi vene prima di l'altra bench'ella mi parghi ch'ella ùn ubbidisca micca à a règula di a cuncurdanza di i tempi. Chì sarà tandu a manera più ghjusta di dilla ?

salutu2
Revenir en haut Aller en bas
Voir le profil de l'utilisateur
Isulanu



Messages : 226
Date d'inscription : 03/03/2012

MessageSujet: Re: Particularità di l'elisione corsa   Lun 3 Sep - 3:16

Un ringraziu sinceru à tutti i dui per a vostra risposta, timia ch'ellu firmessi senza risposta. Spartera è amparera, hè una campa stu foru, ancu sè no simu pochi à batte sti lochi.

Ùn sapia mancu chì sta regula s'aduprava dinù incù i nomi principiati da "in-", pensava chì l'avverbiu "in" era a sola eccezzione. salutu2


O Di sfughì, cunnoscu e spressione "fà casu à" è "fà casu chì", è forse chì a spressione "guardà casu chì" hà u listessu sensu, ma dubbiteghju appena di a ghjustezza di a sintassa in questu casu. Dicerebbe piuttostu "di guardà casu à ùn scurdammine".

Chergu l'aiutu di i furisti.
Revenir en haut Aller en bas
Voir le profil de l'utilisateur
Amministratore
Amministratore


Messages : 43
Date d'inscription : 27/02/2012

MessageSujet: Re: Particularità di l'elisione corsa   Ven 21 Sep - 13:01

@Circione a écrit:
Annant'à i nomi l'usu ùn hè tandu stabilitu...

Eiu possu pruvà a schiarisce un picculu puntu, chì d'altronde ùn cuncerna micca solu i nomi, vogliu parlà di l'aletta.

S'omu rispetta "a regula" s'avaria da mette l'aletta solu in casu d'elisone 1 è micca in casu d'apocupe 2

ciò daria pè i nomi cumposti

Ghjasepp'Andria, Marc'Antone, Paul'Andria, ecc.

Ma: Ghjuvan Filice, Ghjuvan Maria, Ghjuvan Paulu, ecc.


Pè i primi (elisione) si vedenu di più in più scritti sani Paulu Andria, Ghjaseppu Andria...

Dopu dipindarà forse di i nomi, si vede assai: Ghjacumusantu, Petrusantu, Petrantone (ind'è noi Pitrantone, a svucalatura 3 rindarà forse leghjittima ancu di più a scrittura in un nome solu?)


Pè i sicondi si rimarca ch`più và è più si mettenu "l'apostrufe" o "ancinella" (cumu achjamate voi?), senza tene contu di u genaru di muzzatura ch'ell'hè (elisione o apocupe) è cusì dà : Ghjuvan' Filice o Ghjuvan 'Michele...


Eppuru s'avaria da scrive zenza.

listessu affare per l'eltre parolle:

un grand'omu, un Bell'affare... Ma un Bel ghjornu, Bon partitu...

o ancu u famosu Bon dì Bon'annu è bon capu d'annu.



un antru picculu puntu postu ch'e ci simu hè quellu di un è un'

un amicu / un cavallu, quì hè sempre "un" è elisione ùn ci n'hè, invece : un'amica / una ghjimenta

dunque à u fiminile l'ancinella s'impone.




_____________________________________________

1 elisione: quand'omu caccia a vucale finale di una parolla nanz'à una vucale
2 apocupe: quand'omu caccia a vucale o a sillaba finale di una parolla (diregula nanz'à una cunsunale)
3 quandu a vucale incalcata di una parolla cambia è ch`sta vucale muta: o diventa u è e diventa i (per dilla à l'accorta): donna/dunnaghju, bellu/billaghju ecc.




Revenir en haut Aller en bas
Voir le profil de l'utilisateur
Erbaghju



Messages : 452
Date d'inscription : 29/02/2012

MessageSujet: Re: Particularità di l'elisione corsa   Ven 21 Sep - 13:29

@Erbaghju a écrit:
Iè per mè ai capitu bè. Per u più hè sicura ch'ella si face à l'urale.

Trà 2 vucale a regula hè:
"Una aria" dettu "un'aria"
"Una isula" dettu "un'isula"

Ma quandu u nome cumencia pà "in" si dice tandu:
Una infirmiera => Una 'nfirmiera

Avà ch'e fideghju stu missagiu, mi vene una dumanda. Per e parolle in "in", postu chì l'elisione ùn si face micca, cumu si scrive a parolla?

una infirmiera o una 'nfirmiera?
A siconda mi vene male...
Revenir en haut Aller en bas
Voir le profil de l'utilisateur http://erbaghju.unblog.fr/
Contenu sponsorisé




MessageSujet: Re: Particularità di l'elisione corsa   Aujourd'hui à 13:33

Revenir en haut Aller en bas
 
Particularità di l'elisione corsa
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Particularità di l'elisione corsa
» replica vespa corsa
» Hypocrisie : particularité ou universalité ?
» Particularité.
» qu'elles sont les particularité des i chassis?

Permission de ce forum:Vous ne pouvez pas répondre aux sujets dans ce forum
ISULA :: Lingua viva :: Da puntillà a lingua :: Gramatica-
Sauter vers: