Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 [Orsu-Dumenicu Solechjari]L'integrale

Voir le sujet précédent Voir le sujet suivant Aller en bas 
AuteurMessage
Ruclinonu Solechjari

avatar

Messages : 518
Date d'inscription : 27/02/2012
Localisation : Casinca

MessageSujet: [Orsu-Dumenicu Solechjari]L'integrale   Sam 1 Sep - 9:43

Salute à tutti.
Aghju principiatu à riescrittura di tutta a sagà Solechjari, d'una manera più matura, più seria, curreggendu i sbaglii.
Ùn aghju ancu finitu (ne sò ancu propiu luntanu), ma s'e a mi permettite, vi metteraghju quì, in u so ordine, tutti i capituli attempu i scrivu.
Revenir en haut Aller en bas
Voir le profil de l'utilisateur http://appuntamentu-corsu.forums-actifs.net
Ruclinonu Solechjari

avatar

Messages : 518
Date d'inscription : 27/02/2012
Localisation : Casinca

MessageSujet: Re: [Orsu-Dumenicu Solechjari]L'integrale   Sam 1 Sep - 9:52

I

Tuttu stu paesacciu paria puzzà l’ostilità. Eccu cio ch’ellu pensava Ghjacumu Ferletti, di sta piccula cità. Ma in un locu persu simile, era almenu sicuru chì nimu ùn lu ritruveria mai.

Ghjacumu, un paeanu di Nivrasi, era statu obligatu di fughje di Corsica à corricorri dopu à avè tombu à quellu chì aviu furzatu a so surella, un certu Pulsametti, di u stessu paese. Subitu dopu, era statu doppiamente ricircatu ; è da a pulizza, è da a famiglia Pulsametti, in brama di vindetta.

Mentre parechji ghjorni, Ghjacumu avia riesciutu à piattàssi in un appartamentu diseru mezu abbandunatu d’Aghjacciu, campendu in l’incertezza è in a paura d’esse ritrovu, quandu per furtuna, un persunaghju troppu pulitu, un certu J.B. Lernazg, era venutu à truvàllu per pruponelli u so aiutu, senza nisun contraparte, ghjurendu di piattàllu di a migliore manera pussibile.

Dopu, stu Lernazg avia riesciutu à fàllu imbarcà in Poretta in lu so aviò privatu, chì l’avianu purtati tramindui fin’à Roma, duve Lernazg li avia fattu piglià un altru aviò, per cunducelli ancu più luntanu, à l’este. Dopu à un volu chì li parì senza fine, Ferletti ghjunghjì in un aeroportu d’un paese scunisciutu, duve Lernazg u faci imbarcà in un vitturone di lussu cù i vetri sfumaturate. U viaghju avia duratu parechji ghjorni, fin ch’elli ghjunghjessinu in stu paesacciu persu.

Ferletti si sentia disurientatu è inchietu. Ùn sapia mancu in chì parte di u mondu era, è qualcosa li paria anurmale. A ghjente ch’ellu vedia caminà in i chjassi di u paese parianu vene di u mondu interu, cosa ch’ellu truvò à bastanza straniu. U locu ellu stessu paria tuttu un anziana cità cavaria custruita nant’à una muntagnetta calva senza nisun vegetazione cusì luntanu ch’e u sguardu permettia di vede.
U locu era cusì impersunale ch’ellu pudia esse in Auropa di l’este, o in Asia, o in Africa, o in Amercia ! E timperature eranu attempu calde è frete, ma micca temperate.
Ghjustu dopu ghjunti in a cità, Lernazg l’avia stallatu in una camera d’un bastimentu disertu ch’ellu li avia prisentatu cume essendu un alberga. Era un pocu puzzicosa, ma à bastanza megliu ch’e tuttu cio ch’ellu averia aspettatu in un locu simile.

Quandu venì a sera, a prima sera ch’ellu passava in stu paese, Ghjacumu si misse à la finestra di la camera per rimirà u sole chjinàssi, spettaculu tremendu chì sempre u smurbava.
Cusì truvò infine u tempu di riflette à tuttu cio ch’ellu li era accadutu. È più ci pensava, più l’aiutu ufferta spuntaneamente da Lernazg li paria fangosa.

Lernazg ellu stessu, era un omu misteriosu da veru. Di naziunalità scunisciuta, paria sapè tutte e lingue di u mondu senza mai sbagliàssi è senza nisun accentu fora di sta particularità ch’ellu tenia d’allungà sempre a lettera « s », tale un sarpu. Grande, magru, sempre lividu quante un mortu, avia una faccia longa, è un sguardu intelligente, intensu, è crudellu. Paria tuttu un omu cultivatu è civilisatu, ma Ghjacumu tenia a certezza ch’ellu ci era qualcosa di sopranaturale in ellu.
À Ghjacumu, Lernazg paria attempu bellu è goffu. Bellu perchè tenia quantunque una bella faccia, ma goffu perchè escia di lu so esse una strania perversità ch’ùn avia nunda di raziunale. À u cuntrariu, li paria piuttostu diavulesca.

I pochi ghjorni ch’ellu avia passatu cun ellu li avianu amparatu chì Lernazg era un omu pudente, forse riccu, suffisticatu, è ancu s’ellu l’avia aiutatu à fughje, ùn parvenia micca à truvàllu simpaticu.
À u cuntrariu, Ghjacumu principiava à risente ch’ellu ci era da veru qualcosa di maleficu in u straniu persunaghju, quasi à u sensu bibbiicu di u vucabulu, è Ghjacumu principiava à avè a paura cume mai.

Ùn ebbi micca u tempu di riflette di più chì Lernazg, da fora, u chjamava. Pienu d’apprensione, Ghjacumu escì di a so camera, duve Lernazg, chì l’aspettava, u cunducì fora, in pienu carrughju. A paura di Ghjacumu si n’attenuì, pensendu chì Lernazg ùn puderia mai falli tortu à l’aria libera, è incù testimonii.
Tandu Lernazg s’avvicinò di Ghjacumu, dumandendu, parlendu pianu cume sempre :
- Spergu sinceramente ch’è sì stallatu assai bè è ch’è sì suddesfu squisitu.
- Iè.
- Cosa pensi di ssa stanza chì ti serve d’osteria è di riposu ?
- Ùn ci hè male.
Ghjacumu aduprava apposta un tonu decuntrattatu per piattà lu tarrore ch’ellu l’inspirava Lernazg, è ancu s’ellu credì ghjunghjecci, u so spaventu si leghjia nant’à la so faccia. Lernazg, ben ch’è sempre cusì fretu è meteru, paria piglià piacè vedendu l’insidiu di u so interlocutore.
Ghjudichendu chì l’ora era ghjunta, Lernazg s’addirizzò, ramintendu d’un colpu à u tintu Ghjacumu ch’ellu era assai più grande ch’e ellu, ancu s’ellu era più magru. In u stessu tempu, Lernazg chjodì qualche seconde li so ochji, per aprelli di novu più crudelli ch’è mai. È tandu, d’una voce melosa, Lernazg dumandò :
« Sò sicuru ch’ùn ti sì mai dumandatu cosa era lu mio nome. Mi sbagliu ? »
Ghjacumu chì, senza raghjone valevule, sentì tuttu lu so esse rinfriscàssi, rispose :
« M’avete dettu ch’è vi chjamate J.B. Lernazg. Ùn aghju circatu à capì. »
« Cusì gravissimu sbagliu ch’è quessu. » Zifulò Lernazg incù una dilettazione manifesta.
Malgratu tutti li sforzi ch’ellu facia per ùn palisà le so pinsate, Ghjacumu si sentia sempre di più male à un puntu ch’ùn li paria micca naturale, mentre chì Lernazg li spiegò :
« L’iniziali ùn hanu sempre un sensu sicuru. Spessu ùn hè u casu. U mio "J" ùn hà ellu nisun sensu sicuru, è hè solu senza impurtanza. Quessa ùn hè falsu. »
Ghjacumu si sentia caschicinà mentalmente senza ch’ellu ebbi capitu perchè, è Lernazg, imperturbabile, perseguitò :
« In ssu nome meiu, solu lu mio "B" conta. A sai cosa significa ssa sola lettera ? Pensi sapèllu ? »
« Innò. » Rispose Ghjacumu, attrunchjulatu è a gola strinta.
È tandu Lernazg, spietatu, li svelò triunfendu silenziosamente :
« Quessa iniziale hè da sicuru l’iniziale di Belzebuth ! »


Subitu dopu à stu svelu terrificante, parì à u povaru Ghjacumu chì a saetta venia di cascàlli nant’à u capu, ellu chì campava in u timpurale dapoi parechji ghjorni dighjà. In fatti, ne firmò annientatu, è li paria d’esse persu, forse dighjà dannatu. Principiava ancu à pinsà ch’è lu so straniu salvatore era u Diavulu stessu, venutu à ellu per perdellu.
Ben ch’è tralintu in a so manera d’esse, paria à u tintu Ghjacumu dapoi u principiu chì emanava da Lernazg a surghjente di a perversità a più linda pussibile.
Ellu, troppu felice di scappà attempu à a ghjustizia francesa è à i Pulsametti, s’era tuttu lampatu in a peghja trappula ch’ellu pudia scuntrà. L’andatura pigliata da la so vita era peghju ch’e mai à tal puntu ch’ellu pinsò ch’ellu averia preferitu esse tumbatu da i Pulsametti ch’è ritruvàssi in una situazione cusì addisperata.
Puru, firmendu un omu d’onore, ancu in fondu di l’abbissu, Ghjacumu, sempre vulia luttà contr’à u tarrore chì invadia lu so esse tale un cancaru. Per quessa, dumandò, di a manera a più naturale pussibile :
« È cumu hè ch’e vo vi chjamate cusì ? »
Lernazg, ben ch’è sempre cusì calmu, piattendu à u megliu e so pinsate, ghjubilava. Dopu à avè aspettatu qualche seconde, per fà cresce a pressione, Lernazg rispose :
« Ssu nome hè meiu solu perchè cusì mi sò chjamatu simpliciamente. »

È Lernazg accumpagnò la so risposta d’un picculu ridichjulamente gattivu. Ben ch’ellu si dumandessi da veru cumu riesce à salvà u so corpu è la so anima, u corciu di Ghjacumu vulia sempre firmà degnu, senza palisà à quellu chì si facia chjamà Lernazg a so paura, cusì pudente ch’ellu pudessi esse. Per quessa, dumandà, nant’à un tonu legeru :
« Ma quì allora, Induve simu ? »
Lentamente è pianamente, cume s’ellu vulia savurà a stonda, Lernazg rispose :
« Simu à la fruntiera trà u nordu è u sudu. À la fruntiera trà u levanti è u punenti. Simu indocu è dapertuttu. »
Pò, Lernazg s’interrompì qualche seconde, per cunferì più di pesu à la so dichjarazione finale :
« Simu ind’è mè. »


À stu mumentu precisu, ch’ellu fussi per via d’un surtilegiu ch’ellu li averia lampatu Lernazg, o più simpliciamente per via di a so resistenza chì seria ghjunta à e so limite, Ghjacumu cascò in terra, avvigliacchitu è impauritu, abbandunendu la so dignità.
Lernazg, puru firmatu cusì impassibile ch’è prima, è sempre cusì dirittu, triunfava.
Ghjacumu, in terra, paria avè una nova vista di Lernazg. Ellu cusì grande, cusì magru, cusì lividu, cusì bè vestutu in a so tenuta nera, è sopra tuttu, cusì indisturbabile, incù li so ochji carchi di perversione, paria tuttu un veru suchjasangue esciutu da l’infernu u più bughju.

Tandu, vedendu in lu so sguardu, ch’è a paura avia pigliatu a suprana nant’à lu so curaghju è la so dignità, Lernazg schjattò d’una risa spietata è annunciò, esultendu :
« Pensu chì l’ora hè ghjunta per lu to esse d’amparà infine perchè t’aghju fattu vene in ssu locu. »

Nanzu chì Ghjacumu ebbi avutu u tempu di sapè cumu riagisce, Lernazg chjamò d’un fiscu dui omi chì passavanu accantu à elli. I dui persunaghji parianu esse guardii, è avianu tramindui un sguardu cusì viotu ch’elli parianu privi di la so intelligenza è di la so libertà d’azzione. Sta vista spavintò Ghjacumu più ch’ellu era ghjà.

Quand’elli fubbinu ghjunti à u stessu livellu ch’è Ghjacumu, Lernazg faci un picculu gestu, quasi impercettibile, incù la so manu, è unu di i dui guardii mandò à Ghjacumu un colpu cusì pudente ch’ellu cascò subitu subitu in l’incuscenza.
Revenir en haut Aller en bas
Voir le profil de l'utilisateur http://appuntamentu-corsu.forums-actifs.net
Sumenta

avatar

Messages : 2050
Date d'inscription : 25/02/2012

MessageSujet: Re: [Orsu-Dumenicu Solechjari]L'integrale   Lun 3 Sep - 21:21

@Ruclinonu Solechjari a écrit:
Salute à tutti.
Aghju principiatu à riescrittura di tutta a sagà Solechjari, d'una manera più matura, più seria, curreggendu i sbaglii.
Ùn aghju ancu finitu (ne sò ancu propiu luntanu), ma s'e a mi permettite, vi metteraghju quì, in u so ordine, tutti i capituli attempu i scrivu.

Aaahhhhhh chì bella nutizia è chì piacè di ritruvà ODS!! risa
metti puru, piglia u to tempu! ditone
Revenir en haut Aller en bas
Voir le profil de l'utilisateur
Ruclinonu Solechjari

avatar

Messages : 518
Date d'inscription : 27/02/2012
Localisation : Casinca

MessageSujet: Re: [Orsu-Dumenicu Solechjari]L'integrale   Lun 3 Sep - 21:31

Grazie. Grazie mille.

Ci vole ch'o riscriva tuttu. L'aghju da fà d'una manera più "matura", incù un pianu d'inseme.
Grossu travagliu, è ùn aghju ancu finitu, ma qualchi capituli, l'aghju fatti.
Revenir en haut Aller en bas
Voir le profil de l'utilisateur http://appuntamentu-corsu.forums-actifs.net
Sumenta

avatar

Messages : 2050
Date d'inscription : 25/02/2012

MessageSujet: Re: [Orsu-Dumenicu Solechjari]L'integrale   Lun 3 Sep - 21:37

@Ruclinonu Solechjari a écrit:
Grazie. Grazie mille.

Ci vole ch'o riscriva tuttu. L'aghju da fà d'una manera più "matura", incù un pianu d'inseme.
Grossu travagliu, è ùn aghju ancu finitu, ma qualchi capituli, l'aghju fatti.


Ci hè una cosa primurdiale à tene...i SSSSSSSSSSSsssssss di Lernazg!!
attenti ssssssssi ùn li ritrovu miccassssssss rambo
Revenir en haut Aller en bas
Voir le profil de l'utilisateur
Ruclinonu Solechjari

avatar

Messages : 518
Date d'inscription : 27/02/2012
Localisation : Casinca

MessageSujet: Re: [Orsu-Dumenicu Solechjari]L'integrale   Lun 3 Sep - 22:08

Cumu sfinisce Lernazg ? Cumu sfinisce Ghjuvan'Belzebuth Lernazg ? À dìlla franca, u persunnaghju hè à ellu stessu un enigma.
Spezia di Mefistò muderna, Lernazg ùn hè micca umanu. Ma serà un dimoniu ? Difficiule à dì. Cio chì hè sicuru, hè chì u persunnaghju hè velenosu.
S'assumiglia appena à l'aghjente Smith di Matrix per l'andatura impecchevule è freta, è dinù à Alex di Orange Mecanique per u sguardu viziosu. Ma pensu ch'ellu tene dinù qualcosa di a faccia d'Ernst Kaltenbrunner, un "autenticu" gattivu ch'e quessu quì.
Revenir en haut Aller en bas
Voir le profil de l'utilisateur http://appuntamentu-corsu.forums-actifs.net
Ruclinonu Solechjari

avatar

Messages : 518
Date d'inscription : 27/02/2012
Localisation : Casinca

MessageSujet: Re: [Orsu-Dumenicu Solechjari]L'integrale   Mar 4 Sep - 13:09

II

Quandu Ghjacumu ripigliò cuscenza, vedì subitu ch’ellu era in una carciula bughja calda, è sudachjosa chì s’assumigliava quasi à una spilunca. U locu era à bastanza grande, ma puru cumpiutamente viotu. A stanza era senza finestre è senza porta. Solu si pudia vede, in u so fondu, un caminu chì paria cunduce à un livellu più supranu.
Ghacumu-Francescu era ligatu cun catene di farru, mani è pedi inseme, daretu à lu so spinu. Era per ellu una positura estremamente scunfurtante, nata in l’imaginazione d’una mente velenosa bramosa di fàllu soffre per u piacè di fà soffre. Una mente chì per ellu ùn pudia esse ch’e quella di Lernazg.

L’oscurità, u caldu assuffucante, u bagnume, e catene, a sumiglianza di a stanza incù una spilunca, tuttu paria cuncipitu per ramintà l’imaghjine tradiziunale è incuscente di l’Infernu. Solu mancavanu e fiamme.
U locu paria tuttu una stanza infernale, da a quale u sinistru J.B. Lernazg seria u maestru. Un maestru chì ci regneria cun a paura, u spaventu, u tarrore è a suffrenza.

Cun angoscia, Ghjacumu si dumandava quandu veneria a fine di lu so sunniacciu, chì lu so spiritu firmava sempre incapace di pudè pinsà chì tuttu què pudessi esse veru. Per ellu, ùn pudia esse ch’è un gattivu sonniu, un sunniacciu.
È puru era svegliatu. Ùn dormia micca. Tuttu era veru.

Ben ch’ellu ùn fussi mai statu un omu chì pigliava una certa suddisfazzione à pienghje nant’à ellu stessu, Ghjacumu principiava da veru à lagnàssi di la so sorte. Si dicia chì lu so destinu à vene ùn seria più fattu ch’è di suffrenza più grande ch’è tuttu cio ch’ellu avia cunisciutu fin’à tandu. Si dicia dinù chì u megliu chì li pudia accade seria di more à u più prestu per liberàssi.
Ma allora ch’ellu ci riflettia, principiava à dumandàssi dinù s’ellu ùn era micca dighjà mortu per esse in Infernu incù u Diavulu. Più ci pensava, è più era cunvintu d’esse mortu è d’esse in Infernu. Solu si dumandava perchè. Solu si dumandava cosa avia fattu di male in a so vita per ghjunghje in un tale locu senza sperenza. Certe, avia tombu un omu, è ùn lu pudia negà, ma ùn avia micca avutu a scelta, chì era per vindicà la so tinta surella. Fora di quessa passata, ùn avia mai fattu nunda di veramente male. Per quessa, ùn pudia crede d’esse ghjuntu in Infernu.

Tandu, Ghjacumu sentì un rimore, di passi. Prima luntanu, paria avvicinàssi sempre di più. Ci era qualchissia chì venia per ellu, da u solu caminu di u locu. Stu rimore rinfrescò tuttu lu so esse, chì per ellu, ùn pudia esse nunda di bè.

Qualche seconde dopu è Lernazg rientrava in a carciula, sempre listessu. Sempre cusì dirittu, cusì fretu, è cusì spavintosu. Tenia in la so manu un fiacculu infiaratu chì sparghjia in giru à ellu un luce rossu chì u rendia ancu più terrificante ch’ellu era.
Ma Lernazg ùn era solu. Daretu à ellu, ci era un omu, vestutu di pillotti, cun spalle è corpu larghi, pruvistu d’una musculatura à bastanza sviluppata. Infine, era calvu sannu. Ghjacumu pinsò prestu ch’ellu s’assumigliava assai à un cazzuttadore, cosa chì u spavintava assai. Puru, à u cuntrariu di Lernazg, ùn emanava, d’ellu o di lu so sguardu, nisun perversione, ma solu un gran sintimu di tristezza è d’addisperu.
Ghjacumu fù obligatu d’attempà le so riflessione, chì Lernazg dichjarò, sulenne è tarribile :
« Sò sicuru ch’è tù ti dumandi assai cose è lu to spiritu si spaventa assai. Hè cosa sicura. Sappii ch’e tutte le to questione truveranu prestu una risposta. Ma forse podasse chì quandu saperai tuttu, averia preferitu firmà senza sapè nunda. »
Ghjacumu, malgratu la so situazione, vulia tene fin’à l’ultimu, a so dignità d’ùn palisà la so paura. Lernazg perseguitò :
« Prima, ti devu dì, miserabile umanu, ch’o portu sta fiacculu perchè sò eiu u Purtatore di Luce. »
Ghjacumu, chì avia capitu l’allusione, firmò zittu, aspettendu solu a seguita, chì venì prestu, quandu Lernazg svelò infine :
« La mio putenza bisogna schjavi sott’à la mio vulintà. Ne sì unu, umanu. Bisognu dinù di fà soffre a ghjente. Per quessa, turmenu la ghjente ch’o facciu vene quì d’una manera inimaginevulmente crudella per li vostri spiriti cusì chjuchi, fin ch’elli perdessinu lu so liberu arbitriu è ch’elli diventessinu automati stupidi, scerbellati, sanni sanni sott’à la mio vulintà. »
Lernazg piantò una cria lu so discorsu, per annunzià, più crudellu ch’è mai :
« Hè quessa cosa chì t’aspetta, umanu. »

Ghjacumu era cascatu in un statu tale ch’e a paura, u spaventu è u tarrore adduniti ùn bastavanu per descrive lu so sintimu. Lernazg venendu di spiegàlli ch’ellu seria marturiatu fin ch’ellu perdessi per u sempre la so vulintà, Ghjacumu capiscia più ch’e mai u sensu di a parola "dannatu". È più ch’e mai dinù, bramava sempre di more à u più prestu, attempu per soffre à u menu ch’è per ùn piantà d’esse un omu liberu di mente.
« Per ssa sera, sì assai furtunatu, chì sò cusì stancu di ssu viaghju. Per quessa, ssa sera, ùn serà micca Eiu chì ti turmenteraghju, ma serà Bodol, quessu accantu à Mè. Solu steraghju in ssu locu per cuntemplà. SSSSSSS. »

À stu mumentu precisu, l’omu chì accumpagnava Lernazg s’avanzò. Lu so passu era pisiu. L’omu s’assumigliava più ch’è mai à un cazzutadore. Ghjacumu si disse ch’ellu era sicuramente l’unu di li schjavi di Lernazg, chì quante l’altri, avia persu lu so spiritu dopu à tante suffrenze.
Lernazg faci un segnu è Bodol cacciò tutte le catene di Ghjacumu. U suppliziu avia da principià.


Ghjacumu si lasciavva minà senza diffendessi. Era d’altronde a so sola libertà d’azzione chì, se Bodol li avia cacciatu le so catene per addirizzàllu, Ghjacumu, per esse firmatu troppu tempu incatenatu, ùn pudia più move.
Ma di tuttu què, Bodol ùn paria micca angustiàssi, chì senza aspettà ch’ellu ebbi una reazzione, avia dighjà principiatu di minàllu, per un colpu di pede tamantu in pienu corpu. Di dulore, Ghjacumu lampò un mughju tamantu chì faccì ride à Lernazg. Pò, Bodol l’addirizzò, è mantenendullu cun una manu, si ghjovava di l’altra per mandàllu à u livellu di u torace, cazzotti in seria senza interruzzione.
Lernazg fighjulava cio chì per ellu, era un spettaculu, mustrendu nant’à le so labbre un surrisu gattivu è sadicu.
Ghjacumu, senza primuràssi di l’infamu persunaghju, si ne sentia andà. U dulore fisicu s’era impatrunitu di lu so esse à un puntu più supranu ch’ellu averia credutu pussibile. Bodol li paria un assassinu veru è Ghjacumu leghjia in lu so sguardu ch’ellu vulia tumbàllu.
D’un altru latu, pensendu à cio ch’ellu venia di dì Lernazg, Bodol ùn pudia esse ch’e unu di quelli schjavi stupidi à lu so servizii, una vittima quante ellu chì avia nanz’à ellu subitu e stesse inghjulie, e stesse suffrenze, è ancu peghje.
Per quessa, Ghjacumu ùn risentia nisun odiu contr’à ellu, ma solu cumpassione per quellu chì riprisentava sicuramente lu so avvene, s’ellu sopravivia, cosa sempre incerta. D’altronde, preferiscia more à u più prestu ch’è duvintà un schjavu sott’à la vulintà di Lernazg.

Bodol cuntinuava à pichjàllu, è quasi senza piantà, nant’à lu so torace, lu so corpu, o nant’à la so faccia chì principiava à esse insanguinata. U pichjava cume un scemu, senza pare tene cumpassione per u tintu Ghjacumu, chì era sempre di più sicuru d’ùn francàlla mai.
A so faccia era duvintata rossa, u sangue escia di lu so nasu è di la so bocca, è avia un ochju neru. Rispirava sempre più difficiulmente per via di l’atroce dulore ch’ellu risentia à u livellu di lu so torace.
Li sentia dinù lu so corpu, è a suffrenza era tale ch’ellu si dumandava s’ellu ùn avia micca u fecatu esplosu. Lu so core ribumbava più forte ch’e mai, malgratu u rimore di i colpi ch’ellu ricevia, è ch’ellu ùn sentia mancu più.

Pò, à un mumentu precisu, dopu à dece minute di cazzuttata, Bodol ingirò a cullaghja di Ghjacumu, principiendu di strangulàllu. Ghjacumu, sempre cuscente, sentia ch’ella era infine ghjunta la so morte, è ch’ellu muria luntanu di Nivrasi, lu so paese, è luntanu di li soii. U so solu suddesfu era in a pinsata ch’ellu ùn seria mai un schjavu di Lernazg.
Ma allora ch’ellu s’era appruntatu à more, Lernazg dichjarò, incù una voce imperiale :
« Basta ! Serà statu bonu per una prima volta. Avà lasciàllu ! Osinnò, risicheghja di more. »
È tandu, Bodol cappiò Ghjacumu chì cascò in terra cume una puppata disarticulata. Lernazg, cuntentu, si n’andò.


Ghjacumu firmò solu incù Bodol. Venia di fiascà. Di fiascà a so prova di more à u più prestu. Era certe in gattivu statu, ma era firmatu vivu. Forse deveria aspettà un altra volta per more sott’à i colpi di lu so boia, chì mai, mai ùn seria un schjavu di Lernazg. L’avia ghjuratu. Era u prezzu di la so dignità umanu. A morte piuttostu ch’e a schjavitù.

À stu mumentu precisu, sì passò una cosa à a quale Ghjacumu ùn s’aspettava manc’appena, è chì scambiò propiu le so pruspettive. À stu mumentu precisu, Bodol si misse à parlàlli :
« Scusammi, o fratè, chì ùn aghju micca riesciutu. »
Ghjacumu, un pocu abbruttitu da tutti li colpi ricevuti, ùn rispose. Puru a so surpresa era grande di vede ch’e quellu ch’ellu pigliava per un schjavu scerbellatu, pudessi parlàlli. Bodol precisò :
« Aghju pruvatu à tumbàtti per fà piantà quì lu to turmentu, per impediscetti di duvintà un altru schjavu di Lernazg, è dinù per fàtti scansà i supplizii di Lernazg, chì sò ancu più perversi ch’e i meii. Disgraziamente, ùn aghju micca riesciutu. »
Bodol paria propiu tristu d’ùn avè pussutu tumbà Ghjacumu à tal puntu chì, dumandendussi cosa pensà di la situazione è di Bodol ellu stessu, li dumandò :
- Vulii tumbàmmi per salvàmmi ?
- Iè. Vulia tumbàtti per francàtti di l’orrore chì seguiterà. Anc’eiu sò statu attraitu da stu dimoniu in stu locu scunisciutu, è m’hà turmentatu di manere tarribile fin ch’o fessi quellu chì avia persu u cerbellu cume l’altri. Tandu m’hà lasciatu tranquillu, ma in fatti, tengu sempre a mio cuscenza.
- !?
- T’aghju pichjatu, micca per turmentàtti, ma per tumbàtti. Mi scusa d’avètti fattu male, ma seria statu ancu peghju incù Lernazg, chì hè da veru un maestru in a perversità per fà soffre senza tumbà. Dopu à qualchi ghjorni passati quì, Lernazg s’hè messu à sputticàmmi tutti li mio capelli, uni dopu à l’altri, solu incù li so ditti crudelli. Hè per quessa chì ne sò firmatu calvu. È ùn era ch’è u principiu…

Ghjacumu, firmò mutu di stupefazione dopu à cio ch’ellu venia d’amparà è ch’ellu ùn avia manc’appena induvinatu. Sentendu u picculu discorsu di Bodol, a paura di cio chì forse l’aspetteria crescì ancu di più, ma almenu, era sicuru d’avè un allegatu, forse un amicu, per pudè aiutàllu à ùn perde la so mente, à tene u colpu, è forse à truvà una manera per fughje di l’infernu.
Revenir en haut Aller en bas
Voir le profil de l'utilisateur http://appuntamentu-corsu.forums-actifs.net
Ruclinonu Solechjari

avatar

Messages : 518
Date d'inscription : 27/02/2012
Localisation : Casinca

MessageSujet: Re: [Orsu-Dumenicu Solechjari]L'integrale   Mer 12 Sep - 13:25

III

Qualchi ghjorni dopu à s’abbenimenti dramatichi, è dopu à parechji ghjorni passati in Bastia, Francescu Arliconi vultava in paese soiu, Nivrasi. Passendu per u giratoriu di Casamozza, sculunnò un omu chì li facia cennu. Ben ch’e naturalmente sfidanciu di a ghjente ch’ellu ùn cuniscia, sopra tuttu dopu à a strania sparizione di u so cugnatu, Francescu decidò di piantà a so vittura per vede cosa vulia l’omu. Senza parole, ellu rientrì in a vittura è Francescu, senza frasturnàssi di più, ripigliò a so strada.

U straniu omu scunisciutu s’era pusatu davanti, nant’à a « piazza di u morte », è s’assumigliava tuttu à un sgiò. Di fattu, ben ch’e crosciu da u groppu, Francescu ùn vedia ch’e troppu bè ch’e a so vistura era di bona qualità. D’altronde, si tenia cusì dirittu ch’e, paragunatu à ellu, Francescu si sentia gobbu o inzimbitu. Degnu degnu, paria attempu ghjovanu, è attempu vechju. A so pelle era quella d’un omu ghjovanu, quante i so gesti, ma a so andatura generale era assai più matura. A tal puntu ch’e malgratu i so sforzi, era propiu impussibile à Francescu d’attribuisce un età à l’omu pusatu accantu à ellu in a vittura.
Ma u più chì disturbava Francescu, era di custatà fin’à chì puntu ne era impenseritu è fin’à chì puntu e so pinsate eranu cume monopulizate da stu viaghjatore, mentre ch’ellu avia dighjà à bastanza pinseri impurtanti.
D’altronde, Francescu ùn vedia ch’e troppu ch’ella ci era qualcosa di veramente misteriosu in st’omu firmatu mutu impassibile. U peghju era u so sguardu, attempu fretu, crudelu è perversu. Un sguardu inumanu.
Più caminava, è più Francescu principiava à sentessi malconciu, senza ch’ellu pudessi spiegà perchè. A timperatura paria essessi calata in a vittura da a sola presenza di l’omu chì, ben ch’e firmatu mutu, era dighjà in pusizione di duminazione.
Per tuttu quessu, è per francà u disandiu chì li paria d’essessi impatrunitu di a so anima, Francescu decidì d’inizià a cunversazione, dumandendulli :
« Induve andate ? »
« In Figari. » Rispose u passageru invitatu.
Mentre ch’ellu parlava per a prima volta, Francescu capì subitu ch’e u cuntrastu ùn migliureria mai l’atmusfera pisia di a vitura. A voce di l’omu era attempu linda linda, freta, è monda crudella attempu. Senza ch’ellu fussi capace di spiegàssi perchè, a voce li sembrava inumana quante l’omu accantu à ellu. Puru, malgratu s’accertata, Francescu, carcu di bona vulintà, perseguitò u cuntrastu :
« Figari ? Duv’ellu ci hè l’aeruportu ? »
« Iè. Culà. » Rispose l’altru, sempre cusì fretu.

Incù ste poche parole, a timperatura calò ancu di più in a vittura. Incù a so sola presenza, l’omu misteriosu era spavintosu. Senza chì a so faccia fussi spezialmente brutta, l’omu era d’una guffezza eccezziunale è incumprensibile attempu. Ben ch’e quasi bellu di faccia, era goffu, è Francescu si pentia dighjà d’avèllu pigliatu cun ellu. Puru, sempre bramosu di smurbàssi, Francescu cuntinuò u cuntrastu, dichjarendu :
« L’aeroportu di Figari ? Hè fattu per i signori o per i ricchi. Micca per noi. »
Puru, subitu subitu, Francescu si pentì di a so frasa, pensendu chì forse l’omu era ellu stessu un riccu o un « signore », tale ch’ellu l’avia evucatu. À stu mumentu precisu, li parì ch’ellu l’avia fattu à posta ghjustu per frasturnàllu di più, è ormai, si dumandava cumu facia l’omu per mettellu cusì malconciu senza dì nunda, o quasi.

Tandu l’altru iniziò un surrisu. Un surrisu falsu è gattivu, chì quasi s’averia pussutu chjamà un mal’surrisu. Era cume un surrisu di trionfu, un surrisu di ghjattu prontu à chjappà un topu. Un surrisu cusì aghjacciente chì Francescu, per a prima volta di a so vita, accendì a scalderia di a so vittura in pienu mesu di settembre. Infine, l’omu dichjarò, ironicu :
« Ùn vi piacenu micca i signori ? »
Pò, senza mancu lascià u tempu à Francescu di risponde qualcusella, sughjunghjì :
« Ùn avete mai pinsatu à una soluzione sicura è sempiterna per sbarazzàvvi una volta per u sempre di i signori è di tutte e ghjente chì vi dispiacenu ? Seria interessante, pensu. »

Una pruposta tale, detta d’una manera cusì calma è cusì seria, cutrò u sangue di Francescu più ch’ellu era dighjà. Quell’omu, ch’ellu ùn cuniscia mancu, li parlava di a manera a più seria chì fussi di l’eventualità di tumbà ghjente. Francescu ùn ci vulia crede. Più ch’e prima si pentia d’avè pigliatu cun ellu in a so vittura stu passageru cusì terrificante, chì parlava allunghendu sempre a lettera « s », tale un sarpu.
Ma u sunniacciu ùn era compiu per Francescu, mentre chì l’omu, sughjunghjì :
« S’e a vulete, s’e vulete organizà un operazione per eliminà à qualchissia chì vi spiace, tutti i ricchi chì piglianu l’avione in Figari, o quale ch’e vulete, sapete ch’e sò prontu è chì seria un piacè supranu per mè d’assicurà l’operazione d’eliminzione. Ma di sicuru, ci serà un prezzu à pagà per voi stessu. »

Francescu, più spavintatu ch’e mai, pigliò infine cuscenza di manera certa ch’e l’omu accantu à ellu, ch’ellu fussi scemu o micca, era periculosu. Ormai, a so sola presenza, moltu più ch’e e so parole, bastava à turmintàllu. Puru, ellu firmava sempre decisu à ùn palisà i so sintimi. Per quessa, vulendu parè naturale, dumandò :
« Cosa fate in a vita vostra ? S’e a mi vulete dì, di sicuru. »
L’omu, accentò u so surrisu, più maleficu ch’e mai, è rispose :
« Sò Lernazg. Sò U Purtatore di Luce. »
Francescu, chì fin’à tantu ùn avia cusì praticatu a Bibbia, ùn capì subitu l’allusione, ma dighjà a cunversazione li paria d’esse duvintata tonta, fracica, senza più nisun sensu. U so spiritu era persu persu, incapace di riflette, è ùn aspettava nunda di più ch’e a fine di u sunniacciu, quale ch’e fussi sta fine. Fù à stu mumentu ch’e u dettu Lernazg li dumandò :
« È voi allora ? Induve andate ? »
In circustanze nurmale, Francescu ùn averia mai rispostu à sta dumanda indiscreta, è ancu di più s’ella venia d’un strangeru ch’ellu ùn cuniscia manc’appena. Puru, u so spiritu era quasi vintu da a sola presenza malefica di Lernazg, è rispose quantunque, cun debbulezza :
« Rivoltu in Nivrasi. »
Subitu Francescu rincrescì d’avè rispostu, d’avè parlatu, à qualchissia tale. Ùn riescia micca à capì perchè a so vulintà li paria ormai annientata. A so risposta era stata ancu più periculosa ch’e Lernazg subitu dumandò :
« Nivrasi ? Interessante. SSSSSSS. Ùn site parente incù Ghjacumu Ferletti ? »

Sta questione fù per Francescu cume un colpu di piola ! Era assai impenseritu di vede ch’e stu furesteru pudessi cunosce u so tintu cugnatu, ch’ellu avia passatu settimane à circà in vanu. Ghjacumu. U fratellu di a so moglia, chì si ne era fughjitu dopu à avè tombu à Pulsametti chì avia furzatu a so surella. A so surella, Fiurina chì era dunque a moglia di Francescu !
A corcia è dolce Fiurina, dighjà sfracelata in mente da a so aggressione, era ormai addisperata da a sparizione di u so fratellu. Tuttu « l’affare » era accadutu cusì in furia ch’e Francescu ùn avia avutu u tempu di riagisce per aiutà u so cugnatu, smaritu senza dì nunda.
U solu fattu ch’e stu furesteru li parlessi quasi spuntaneamente di Ghjacumu era per ellu a prova ch’ellu sapessi qualcosa. Ancu di più ch’e di « l’affare », si ne era ch’e pocu parlatu in a stampa.

Fù à stu mumentu cruciale per Francescu chì Lernazg pruponì :
« S’e vo vulete, vi possu mandà à ellu, s’e u circate sempre. Sò induve ellu hè postu chì si trova à l’agrondu in i mio lochi. SSSSSSS. »

Francescu ùn ne pudia più. Più mortu ch’e vivu, li paria d’esse duvintatu una mosca imprighjunata in a tela d’un ragnu. Ben ch’e u furesteru ùn ebbi prununciatu ch’e poche parole, Francescu era interruritu cume ùn l’era mai statu in a so vita. U colpu di grazia era statu per ellu di mintuvà u so cugnatu smaritu. Ma invece di fà rinasce in ellu a sperenza per Ghjacumu, Francescu ùn avia più per unicu laziu ch’e di fughje s’ellu a pudia sempre.

U so soffiu era duvintatu cortu, i so ochji li brusgiavanu, è li sembrava ch’e a so vulintà era duvintata sottumessa à quella di Lernazg. Inoltre, li era venutu un tremulu incontrollevule chì, affettendu i so gesti, rendia a so cundutta periculosa. Mentre chì a paura l’impediscia di riflette di manera curretta, Lernazg era firmatu meteru, sempre surridente, incù un sguardu tarribile di sarpu o di cruccudillu.
Prontu à pienghje, senza più nisun cuntrollu, Francescu devì fà un sforzu strasurdinariu chì li strappò quasi a mente, per prununcià qualche corcie parole :
« S’e vo vulete… s’e vo vulete… s’e vo vulete… vi facciu rigalu di a vittura. Ma… ma per pietà… per pietà, lasciatemmi sorte… lasciatemmi liberàmmi… per pietà… »
D’una manera quasi impercettibile, u surrisu di Lernazg si svanì, rimpiazzatu da una spressione di riflessione chì durò una decina di seconde, senza fine per u corciu Francescu. Pò, u so surrisu rivenì stessu, è Lernazg rispose :
« Ssa vittura ùn mi cunvene. Ùn mi curresponde micca. Ùn s’assumiglia à una vittura di lussu tale ch’elle sò quelle ch’o pigliu sempre. Ma puru, per un unica volta, a vostra dumanda serà accittata. Mi ne facciu l’altu favore. »
È senza mancu lascià à Francescu u tempu di risponde qualcosa, Lernazg ordinò :
« Piantate a vittura. Subitu. Quì. »

Subitu dettu, troppu felice di pudè ubbidisce à st’ordine chì u salvava, Francescu piantò a vittura in pienu mezu à a strada, senza mancu impenseriscessi di u periculu, subitu escì di a so vittura, mentre chì Lernazg s’impatrunia di e cumande, è fà smarrà a vittura, chì prestu smarì.


Firmatu solu, Francescu ùn pensava mancu à u fattu ch’ellu venia di rigalà a so vittura à un strangeru. Ne mancu ch’ellu pensava à u fattu ch’ellu era, tra Ponte Novu è Ponte Leccia, senza nunda, è senza sapè cumu avia da fà per raghjunghje Nivrasi. Solu l’impurtava u fattu ch’ellu avia riescitu à fughje. Solu què.
Pusatu in bor’di strada, u so sullevu l’annegava di felicità. Li paria d’avè salvatu a so vita.

Puru, dopu à qualche minute di beatitudine, Francescu si rimisse à riflette di manera più attiva, è quasi si rimprovava a so paura. Certe, l’omu puzzava u malefiziu è a perversità d’una manera ch’e Francescu ùn averia mai credutu pussibile, ma almenu à nome di u so cugnatu, averia devutu pruvà à capì s’ellu sapia veramente qualcosa.


Tandu Francescu decidì di fà tuttu cio ch’ellu puderia per ritruvà à Lernazg – ellu avia dettu ch’ellu andava in Figari, era dunque quallà ch’ellu devia circà – per sapè, per pruvà di ritruvà à Ghjacumu.


Ma per quessa, avia bisognu, à u più prestu, d’un veiculu.
Revenir en haut Aller en bas
Voir le profil de l'utilisateur http://appuntamentu-corsu.forums-actifs.net
Ruclinonu Solechjari

avatar

Messages : 518
Date d'inscription : 27/02/2012
Localisation : Casinca

MessageSujet: Re: [Orsu-Dumenicu Solechjari]L'integrale   Jeu 4 Oct - 8:04

IV

Dopu à a partenza di Lernazg incù a so vittura, Francescu, firmatu solu ebbi l’impressione di rinviviscessi. U periculu si ne era andatu, è u misteriosu Lernazg partutu ormai versu Figari. O in altrò, ma pocu l’impremia.
Ben ch’e a paura scorsa in a so mente, ùn si pudia impedisce di pinsà ch’e quellu Lernazg ne sapia assai nant’à a sorte di u so cugnatu. Per quessa, era di u so duvere di circàllu è di ritruvàllu. A so sola indicazione era chì stu Lernazg avia parlatu di Figari. Forse ùn l’avia fattu ch’e per ingannàllu, ma Francescu ùn avia altre indicazione.
Puru, aldilà di e so pinsate, li ci vulia un veiculu à u più prestu.

Tandu, fendu cum’ellu avia fattu prima Lernazg qualche minute nanzu, ellu si misse in bor’di strada per fà segnu à e vitture passendu.

Dopu à un quartu d’ora, una vittura, infine, si piantò. Nentru, u cunduttore calò u vetru, è amichevulmente, li dumandò :
- O ghjuvanottu, induve vulete andà ?
- In Ponte Leccia, solu o sgiò.
- Và bè. Hè u mio caminu è ùn hè tantu luntanu. Entrite puru.
- Grazie mille o sgiò.

L’omu, chì devia tene tra quaranta è cinquant’anni, paria da veru simpaticu. U solu fattu per Francescu, di scuntrà è di parlà di novu incù una personna umana normale bastò à rendellu più cunfidente in a natura umana. Inseme, mentre qualche minute, chjachjaronu appena di cose futile è senza primura. Una manera per Francescu di fà calà a pressione chì era in l’anima soia.

Ghjuntu in Ponte Leccia, Francescu falò di a vittura, dopu à avè ringraziatu assai u so « ospite », chì perseguitò a so strada versu Calvi.
Per Francescu, ùn ci era d’altra scelta ch’e di piglià u trenu, fin’à Aiacciu, per in seguitu truvà un tacsì per andà fin’à Figari, duv’ellu seria puderia pruvà di ritruvà à Lernazg. Di sicuru, a cosa li sembrava moltu difficiule, azardosa, à e limite di l’impussibile, ma ùn pudia stà senza fà nunda. A so paura di u spavintosu persunaghju ? Ne triunferia, o almenu, a pruveria.
L’aiutu ch’ellu pudia arrecà à Ghjacumu era moltu più impurtante ch’e i so sintimi persunali.

Per furtuna, u trenu, chì ghjunghjì in gara solu dece minute dopu à a so affaccata, perseguitava fin’à Aiacciu. Francescu cumprò un bigliettu per quessu termine, è subitu imbarcò.


Mentre u so longu viaghju, allora chì i paesaghji scambiavanu sott’à i so ochji à ogni seconde, Francescu, ellu, ùn ne avia primura, chì ne vulia prufittà per riflette assai anantu à a strategia à aduprà contr’à Lernazg.
L’omu paria propiu un scemu, o un banditu, almenu ch’ellu fussi simpliciamente un dimoniu, un dimoniu escitu di l’Infernu. Puru à st’ultima ipotesa, Francescu ùn ci credia tantu, malgratu a paura ch’ellu avia risentitu, quasi per nunda, incù a so sola presenza. Certe, ch’e a so aura era nera, ma sta spiegazione ùn era bastevule per attestà ch’ellu fussi un essare sopranaturale o maleficu. Per Francescu, avia simpliciamente mancatu di curaghju, è si ne devia vindicà.


Ghjuntu in Aiacciu, ùn ebbi nisun difficultà per truvà un tacsì per Figari :
- È induve vulete andà, precisamente, in Figari. In paese, in piaghja, in l’aeroportu ?
- Umboh ! Què pò allora, ùn a vi possu dì.
- Cumu ? Cosa hè stu capatoghju ? Sapete ch’e vulete andà in Figari, ma ùn sapete duve precisamente ?
Tandu Francescu si ripigliò à riflette appena di più à u cuntrastu ch’ellu avia avutu incù Lernazg, qualche ore nanzu. Senza essenne sicuru, li sembrava ch’e l’omu li avia parlatu di l’aeroportu. Per quessa rispose :
- Versu l’aeroportu. À u peghju si puderà sempre scambià di strada, quallà.
- Và bè.
È una volta di più, a terza volta di quellu ghjornu, imbarcò in un veiculu ch’ùn era micca soiu, à a cerca di a so vittura propia, è sopra tuttu, di Lernazg.

Di sicuru, a cummuna di Figari, era à bastanza grande. Di sicuru, u risicu esistia ch’e Lernazg ne fussi dighjà partutu, senza mancu parlà di a pussibilità ch’e Lernazg l’ebbi ingannatu cuntendulli ch’ellu andava in Figari. Ma Francescu ùn pudia più rinculà.


Ghjunghjendu à l’aeroportu di Figari, Francescu ebbi a dolce surpresa di scopre, pocu luntanu di l’entrata, a so vittura. Viota. Tandu, dopu ringraziatu è pagatu u cunduttore di u tacsì, chì si ne vultò in Aiacciu, Francescu, firmatu solu, esaminò attentamente a so vittura, pensendu truvà una qualunque orma o un indice cuncernendu Lernazg. Puru, fora di u fattu ch’e e chjave eranu firmate nant’à u cuntattu, segnu ch’e Lernazg facia pocu casu di quessa vittura, Francescu ùn vedì nunda di particulare chì li pudia indittà cosa era duvintatu u sinistru persunaghju, u solu podasse, chì averia pussutu cunducellu à u so cugnatu.
U so solu suddesfu era di sapè ch’ellu avia almenu pussutu ricuparà a so vittura senza fraii tamanti, ma ùn era quessu u so scopu principale, ùn si ne pudia dimenticà.


Perseguitendu a so busca, Francescu si n’entrò in l’aeroportu à a cerca di rinsegnamenti nant’à u straniu Lernazg. A so sorte, ne era ormai più cunvintu ch’e prima, tenia un ligame incù quella di u povaru Ghjacumu. Per quessa, solu impremia u so duvere. U so solu duvere.

Caminendu fin’à l’accolta, ellu dumandò à una di l’impiegati incaricati di l’imbarchi :
- Scusate o damicella. Vi possu pone una questione ?
- Ma di sicuru o ghjuvanottu.
- Ùn avete vistu un omu, longu longu, magru, biancu, è vestutu cume un sgiò, chì puderia esse passatu per quì assai pocu tempu fà. Hè impurtante per mè di sapèlla.
- Pensu ch’e vulete parlà di u sgiò Lernazg.
- Lernazg ! Iè. D’ellu.

Francescu triunfava. A vistica ùn era ingannu, è Lernazg era forse vicinu. Disgraziamente per ellu, a risposta di l’impiegata annegò e so sperenze :
- S’e li vulete parlà, mi pare propiu impussibile. Facenu dighjà duie ore ch’ellu si ne hè andatu incù u so aviò persunale
- Ah ? È induve si ne hè andatu ?
- Nurmalamente, o ghjuvanottu, ùn averia micca u dirittu di dìvvila, ma in fatti, ùn a sò mancu, è nimu quì ùn a sà. U sgiò Lernazg ci paga sempre carissimu per ch’e firmessimu senza cunosce nunda di i so passi è vene. Quant’è mè, serà un gran maffiosu.
- O ancu peghju.

Tale fubbinu l’ultime parole di Francescu, alluntanendussi di l’accogliu. Dopu à avè ringraziatu a donna per sti qualchi rinsegnamenti, si ne vultò, un pocu dilusu, à a so vittura, a mente piena di sintimi cuntradittorii, cume spruvistu di raghjone.

Da veru, quellu chì si facia chjamà Lernazg era un omu pudente. Riccu è pudente. A so alterigia ne sembrava testimunià, quante a so vestura, ma sopra tuttu a so manera di fà, è u fattu ch’ellu tenessi un avione soiu. U solu fattu ch’ellu ebbi lasciatu culà a vittura, e chjave nant’à u cuntattu era a prova ch’ellu ùn ne tenia nisun primura.

L’omu era pudente, ùn ci era nisun dubbitu. Attempu, Francescu era cunvintu ch’e ùn burlava, dicendu ch’ellu sapia qualcosa nant’à a sorte di u tintu Ghjacumu. È era a so sola pista. A so sola unica pista ch’ellu tenia dopu à tuttu stu tempu passatu à circàllu in a Corsica sana.

Lernazg era veramente un omu pudente. Spavintosu è pudente. Troppu, podasse per un omu solu cume Francescu, corciu paesanu senza aiutu ne risorze. Li ci vulia qualchissia d’à bastanza pudente per lottà à paru. Un prufessiunale podasse.




Qualche ore dopu, rientratu in Nivrasi, cuntò infine tuttu à a so cara Fiurina, più inchieta ch’e annerbata da u sò sumbrettu ritardu
Dopu à una longa spiegazione, ebbi a felice surpresa di custatà ch’ella li credia senza esitazione, è chì ne vulia sapè, ella dinù, di più nant’à stu Lernazg chì ne sembrava sapè tantu nant’à u so fratellu caru.
Per quessa, fù dinù d’accunsentu per dì ch’e l’azzione di Francescu ùn pudia bastà per chere infurmazione nant’à un persunaghju tale, è chì per quessa, li ci vulia un spezialistu, un prufessiunale.
Ma ùn ci vulia micca ch’ellu fussi un pulizzeru. À u cuntrariu, era l’ultima cosa à fà per aiutà u so fratellu. Ellu avia tombu. Certe, era un casu di leghjitima diffesa, ma avia tombu. Ùn vulia micca piglià u risicu di ritruvà à Ghjacumu solu per vedellu mette in prighjone. Innò. Ci vulia un altru generu di prufessiunale. Un dettettivu, un dettettivu privatu.


Era a sola soluzione chì li firmavanu.


Per quessa, per tuttu quessa, Francescu è Fiurina si n’andonu, parechji ghjornu dopu, quellu chì era cunisciutu cume essendu u più gran dettettivu di Corsica, un omu ch’e tutti dicianu intelligente, quasi famosu : Orsu-Dumenicu Solechjari.
Revenir en haut Aller en bas
Voir le profil de l'utilisateur http://appuntamentu-corsu.forums-actifs.net
Contenu sponsorisé




MessageSujet: Re: [Orsu-Dumenicu Solechjari]L'integrale   

Revenir en haut Aller en bas
 
[Orsu-Dumenicu Solechjari]L'integrale
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» [Orsu-Dumenicu Solechjari]L'integrale
» Integrale Fantastic Four/x-men/hulk
» recherche integrale spiderman
» Integrale du run de Garth Ennis et Derick Robertson
» CODEX MERLIN (L'INTEGRALE) de Robert Holdstock

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Prosa-
Sauter vers: