Buuummmm!

http://www.corsenetinfos.fr/2012/09/10/vague-d-attentats-contre-des-supermarch%C3%A9s-en-corse/

eccu una di e spressione di a cunneria attuale chì impuzzighisce a Corsica!
a lotta armata m'hè sempre parsa qualcosa di forte, cù una simbolica putente. pensu à quelli chì anu fattu tantu è à u prezzu ch'elli anu pagatu.
è dopu vecu què...una mansa di carnavali chì facenu saltà cummercii chì impieganu corsi, vendenu prudutti corsi è permettenu à i corsi di pagà menu caru tante cose. è di i corsi chì vendenu à prezzi scemi i listessi affari è chì prufittanu di l'insularità per strangulà ci ne parlemu?
vulerebbe capisce u scopu di sta dimarchja :pale:

u sensu di a dimarchja?

avaranu lettu annant'à FB chì i veri corsi ch'ellu eranu contr'à Quick, Leclerc, Decathlon è cumpagnia...


ch'ellu era què u culunialisimu è chì avà s'andavamu à fa e spese ind'è elli eramu cum'è i Pinzuti ...


Eppo' cum'è tù dici (parlu pè u Leclerc di L'isula ) quandu i patroni sò Corsi, ch'elli impiecanu assai Corsi, ch'elli vendenu prudutti nustrali ecc. ecc. è ch'impiù di quessa permettenu à a ghjente chì stanu quì è chì anu mezi limitati di pudè cumprçà à più bon pattu, hè una dimarchja ch'e ùn capiscu micca...

d'accordu cun voi, mi pare cunneria à prima vosta ma forse hè ancu peghju : certe insegne anu cariche simboliche, altre nunda. Ci hè da dumandassi...

Ma diceraghju chì ùn aghju mai cridutu in a "lotta armata" in Corsica, hè statu un sbagliu storicu tragicu di certi d'avè sceltu sta via ... Hè in a so natura di girà merza, cum'è ùn ci hè guerra pulita, ùn ci hè viulenza bella.

Bò, mi dicerete : a Resistenza? ci vulia à falla. Iè, di sicuru, ma pensu ch'ùn si pò paragunà, tandu ùn ci era altra scelta. Ma certi atti eranu di troppu dinù, ancu tandu.

In Corsica, una vera lotta citatina, muvimenti pupulari serianu stati più efficaci. Eranu pussibuli : dopu à e "boues rouges", è altre mubilizazione, chì peccatu chì certi appianu sceltu di piglià l'arme è di creà un novu rumantisimu di a viulenza. Hè statu una catastroffa, à parè meiu, perchè tandu a maiò parte di a pupulazione hè stata stumacata.

Ed eiu ch'aspettu bramosu ch'elli ci mettinu Ikea...

Circione a écrit:

Ed eiu ch'aspettu bramosu ch'elli ci mettinu Ikea...

Ikea, quellu chì vende i mobuli fatti è lesti? Quellu chì u patrone era un nazi giovanu ?
A quessi, mi n'accuperaghju eo di metteli i pacchetti.

Circione a écrit:

Ed eiu ch'aspettu bramosu ch'elli ci mettinu Ikea...

Perchè? Dopu à u sugettu di e porte è di i purtelli, voli fà e fottò di i mobuli Ikea?

u ghjudice a écrit:

Circione a écrit:

Ed eiu ch'aspettu bramosu ch'elli ci mettinu Ikea...

Ikea, quellu chì vende i mobuli fatti è lesti? Quellu chì u patrone era un nazi giovanu ?
A quessi, mi n'accuperaghju eo di metteli i pacchetti.

O Ghjudice, sò spessu quelli chì parlanu cum'è tè chì finiscenu à u "rayon bois" di Leroy Merlin

petra alta a écrit:

http://www.corsenetinfos.fr/2012/09/10/vague-d-attentats-contre-des-supermarch%C3%A9s-en-corse/

eccu una di e spressione di a cunneria attuale chì impuzzighisce a Corsica!
a lotta armata m'hè sempre parsa qualcosa di forte, cù una simbolica putente. pensu à quelli chì anu fattu tantu è à u prezzu ch'elli anu pagatu.
è dopu vecu què...una mansa di carnavali chì facenu saltà cummercii chì impieganu corsi, vendenu prudutti corsi è permettenu à i corsi di pagà menu caru tante cose. è di i corsi chì vendenu à prezzi scemi i listessi affari è chì prufittanu di l'insularità per strangulà ci ne parlemu?
vulerebbe capisce u scopu di sta dimarchja :pale:

À dìlla franca franca, ùn sò.
U prublemu hè chì tuttu hè duvintatu cusì turbitu è cusì incumprensibile ch'e veramente, ùn sì pò più capì, ne mancu induvinà nunda.
Chì peccatu.

Lasciu da cantu u sughjettu di l'utilità di u pacchettu, di a so legittimità oghjinca o puru passata, avemu u tempu di riparlanne.


Ma sta volta ùn spartu u vostru parè mancu appena.
Ci hè una vera scelta di sucetà à fà in Corsica è stu FLN (postu ch'elli sò parechji, è hè forse un bè ch'ella sia cusì), senza vultà nant'à a so legittimità o nò à falla, l'hà fatta.
O si vole sveglià i paesi, sorte di una cultura di u parè, di a sbacca è di a "beaufitude" ; o si vole ricusà l'acconciu centralistu di u nostru paese, mette in ballu una autunumia alimentaria, parà una logica cunsumerista è di sottumissione à u soldu (diventatu u scopu ultimu), ricusà d'esse i schiavi di u capitalisimu mundializatu è di l' "oligopoles", inventà una ecunumia nova fatta di pruduzzione, allenà a strinta chì asservisce (è chì certe volte face ancu vutà), scaccià fora maffie è clani. O allora si pienghje Michel-Edouard Leclerc è i so magazeni, simbulu supremu di a decadanza di u nostru populu.

Questu Fronte, ellu, hà sceltu.
Allora, ùn sciaccamaneghju micca, ma ùn aghju da pienghje u mondu di u centru cumerciale.

A cultura di u parè? u capitalisimu?

tandu siamu ghjusti...

u pacchettu ci vole à mettelu à Boss è à Prada o à BMW è Audi ...



Soca quelli chì si vestenu in Quechua è chì compranu a so robba ind'è Leclerc sò schiavi di u capitalisimu?

per mè è a dici ancu tù, hè soprattuttu un affare di "simbuli" ma per mè u periculu maiò n Corsica ùn hè micca Leclerc o Décathlon.


È a dicu torna, ùn mi pare micca un piccatu di dà i mo soldi à l'Acquavivi (micca perch'elli sò i mo parenti) di Leclerc, sò Corsi è facenu travaglià i Corsi, di a so insegna ch'ella sia Leclerc o Géant Casino mi ne impippu.
D'altronde ma ùn sò mancu appena ecunumistu per dilla, ùn pensu micca chì u fattu di sbarazzacci di i Leclerc sia a suluzione miraculu per ghjugne à l'autunumia alimentaria ch'è tù ammenti tù, basta à vede cum'elli si cumportanu i "chjuchi" in issu duminiu per essene cunvinti.

Chè no siamu chjari : i schiavi di u capitalisimu, e vittime di una sucetà imposta è desumanizata simu noi tutti. È "quelli ubligati à vestesi in Queshua è à cumprà a so robba ind'è Leclerc" ancu di più postu chì, per forza o per amore, facenu campà un sistema chì stringhje e so catene (iè hè una metafora ecessiva cum'è quella di u poveru giovanu ubligatu à puntà u caddie ind'è Leclerc quand'ellu vene di spende u so mese in discutecca per avè a "classa").

Ch'ella sia un simbulu, quellu di u Corsu, tempi fà, riccu di e so duie mani è di ciò ch'ellu avia à l'intornu, ubligatu oghje à puntà u caddie per sopravvive, o diventatu oghje indinuchjatu da un impiegu per trè soldi (è cusì passendu si pò amentà u lamentu di u castagnu à u Corsu), accunsentu à què, ma ùn l'impedisce d'esse un periculu dinù.

Leclerc, Géant, U, Carrefour sò "trusts" chì anu calatu i prezzi prima per amazzà a cuncurenza è chì ponu oghje empiesi e stacche da u soprappiù ch'elli si piglianu nant'à i prezzi. Anu l' "oligopole" nant'à a maiò parte di ciò chì si pò cumprà. Dunque l'insegna conta chè no a volimu o nò.

Ch'elli sianu Corsi chì impieganu Corsi (è Décathlon ùn a face) ùn mi pare una scusa (è ch'elli sianu i to parenti manch'ella ). Hè a listessa chè quella di a ghjente chì face ghjunghje porci di Rumenia o latte di Sardegna, o ancu da l'imprese di BTP è da u Quick. S'o facciu una impresa d'arme ch'o facciu travaglià Corsi ma ch'o diventu riccu armendu zitelli cungolesi, ùn seraghju un periculu?

Ùn dicu micca ch'ella seria a suluzione miraculu per ottene l'autunumia alimentaria, ma una parte di a suluzione. Hè più faciule di cumprà in China o in cuntinente quand'è tù sì grossu chè chjucu. Senza sta cuncurenza, i chjuchi puderanu cumprà nustrale è l'agricultori puderanu vende da manu à manu s'elli a volenu (è tandu a "prime à la vache" ùn esisterà più) , è i prezzi caleranu à di per elli. È una sucetà chì pruduce hè una sucetà ricca postu ch'ella s'abbrenna sola sola.

Isulanu a écrit:

O si vole sveglià i paesi, sorte di una cultura di u parè, di a sbacca è di a "beaufitude" ; o si vole ricusà l'acconciu centralistu di u nostru paese, mette in ballu una autunumia alimentaria, parà una logica cunsumerista è di sottumissione à u soldu (diventatu u scopu ultimu), ricusà d'esse i schiavi di u capitalisimu mundializatu è di l' "oligopoles", inventà una ecunumia nova fatta di pruduzzione, allenà a strinta chì asservisce (è chì certe volte face ancu vutà), scaccià fora maffie è clani.

Fate cum'ella vi pare per a cultura ma lasciateci ghjà TF1 et Secret Story.

Erbaghju a écrit:

Isulanu a écrit:

O si vole sveglià i paesi, sorte di una cultura di u parè, di a sbacca è di a "beaufitude" ; o si vole ricusà l'acconciu centralistu di u nostru paese, mette in ballu una autunumia alimentaria, parà una logica cunsumerista è di sottumissione à u soldu (diventatu u scopu ultimu), ricusà d'esse i schiavi di u capitalisimu mundializatu è di l' "oligopoles", inventà una ecunumia nova fatta di pruduzzione, allenà a strinta chì asservisce (è chì certe volte face ancu vutà), scaccià fora maffie è clani.

Fate cum'ella vi pare per a cultura ma lasciateci ghjà TF1 et Secret Story.

Fin ch'e no cunservemu quantunque Agence tout risque, pudete supprimàmmi tuttu cio ch'e vulete à a televisiò.

O Isulanu, quandu parlava di i Corsi ch'impiicavanu i Corsi vulia fà u paragone trà u Leclerc di L'Isula è unipochi di cummerci più chjuchi (in manu à Corsi) chì elli ùn impiecanu cà ghjente vinuti da fora per fà a stagione. S'e ghjungu à distingue i impiicati corsi da l'altri hè ghjustappuntu perchè per mè, mette un pacchettu à stu Leclerc saria quant'à tirassi una balla inde u pede. Saria cundannevule di più da i naziunalisti s'ellu impiichessi più vulinteri Pinzuti cà Corsi (cosa chì si vede in parechji stabulimenti senza ch'e ghjunghi à capisce u perchè ) postu chì unu di i tema di campagna di i naziunalisti hè a cursizazione di l'impiechi.

Vulia solu fà a rimarca ch'ellu ci hè assai giovani Balanini chì si facenu dui soldi d'istatina à e casce (o à altre parsone chì ci travaglianu à l'annu) è ch'ellu porta assai u Leclerc di L'Isula à parechje famiglie di quì è di modu più largu à l'ecunumia balanina. È fintantu chì l'arme ch'elli vendenu saranu ghjoculi in plasticu pè i zitelli saraghju u primu à manifestà daretu à una bandera "Basta a cumedia" u ghjornu ch'elli si facenu plasticà .

Dopu, annant'à ciò ch'è tù dici di i "trusts" simu d'accordu, ma s'e mettu d'una parte e ragione ch'e ti dò più sopra è st'affare d'oligopole mi dicu ch'ell'hè una scimità di fà saltà Leclerc o Décathlon.


Eppo' sappia dinù chì eiu sò piuttostu fan di The North Face è di Napapjri.

Per acquistà l'indipendenza alimentaria, ùn vecu ch'una sola manera : pruduce... È per pruduce ùn vecu ch'una sola manera : travaglià a tarra...

Mi si pare chì e vucazione sianu poche for'di quelli abbagliulati da a prima à a vacca...

Tittolu a écrit:

Per acquistà l'indipendenza alimentaria, ùn vecu ch'una sola manera : pruduce... È per pruduce ùn vecu ch'una sola manera : travaglià a tarra...

Mi si pare chì e vucazione sianu poche for'di quelli abbagliulati da a prima à a vacca...

Pè a magnusca và bè... travagliaremu travagliarete a tarra

Ma quand'elli avaranu fattu saltà Décathlon è Intersport... Per fà un GORE-TEX® ci vularà lana picurina, pelu caprunu o coghju vaccinu?

Circione a écrit:

O Isulanu, quandu parlava di i Corsi ch'impiicavanu i Corsi vulia fà u paragone trà u Leclerc di L'Isula è unipochi di cummerci più chjuchi (in manu à Corsi) chì elli ùn impiecanu cà ghjente vinuti da fora per fà a stagione. S'e ghjungu à distingue i impiicati corsi da l'altri hè ghjustappuntu perchè per mè, mette un pacchettu à stu Leclerc saria quant'à tirassi una balla inde u pede. Saria cundannevule di più da i naziunalisti s'ellu impiichessi più vulinteri Pinzuti cà Corsi (cosa chì si vede in parechji stabulimenti senza ch'e ghjunghi à capisce u perchè ) postu chì unu di i tema di campagna di i naziunalisti hè a cursizazione di l'impiechi.

Vulia solu fà a rimarca ch'ellu ci hè assai giovani Balanini chì si facenu dui soldi d'istatina à e casce (o à altre parsone chì ci travaglianu à l'annu) è ch'ellu porta assai u Leclerc di L'Isula à parechje famiglie di quì è di modu più largu à l'ecunumia balanina. È fintantu chì l'arme ch'elli vendenu saranu ghjoculi in plasticu pè i zitelli saraghju u primu à manifestà daretu à una bandera "Basta a cumedia" u ghjornu ch'elli si facenu plasticà .

Dopu, annant'à ciò ch'è tù dici di i "trusts" simu d'accordu, ma s'e mettu d'una parte e ragione ch'e ti dò più sopra è st'affare d'oligopole mi dicu ch'ell'hè una scimità di fà saltà Leclerc o Décathlon.


Eppo' sappia dinù chì eiu sò piuttostu fan di The North Face è di Napapjri.

T'ai da piglià una mitragliettata di biglie in plasticu ai da capisce :twisted:

Di modu seriu, caccià i centri cumerciali senza rimpiazzalli, seria una tuntia di sicuru. Ma i cumerci tombi da i Geant Casino impiegavanu Corsi almenu quant'è elli, è facianu viaghjà l'ecunumia di i paesi almenu quant'è elli.
Dunque, per riassume, ùn seraghju mai u primu à pienghje i supermarcati. Anu tumbatu i picculi cumerci, chì questi quì provinu à falli smarisce ùn mi rivolteria micca.

Napapjri? Spezia d'Aiaccinu

Tittolu a écrit:

Per acquistà l'indipendenza alimentaria, ùn vecu ch'una sola manera : pruduce... È per pruduce ùn vecu ch'una sola manera : travaglià a tarra...

Mi si pare chì e vucazione sianu poche for'di quelli abbagliulati da a prima à a vacca...

Per pruduce ci vole chì a ghjente compri, è chì u Carrefour ùn ti pigli 7€ nant'à i 20€ di u to chilò di casgiu. Ci vole à avè dinù a terra, iè quella duve si face golf... è Leclerc.

Infine un veru dibattu d'idee !

porca miseria avia fattu una risposta di trè chilometri è stu foru di *** ùn l'hà micca messa per via di l'altri messagi publicati quandu scrivia
aghju persu tuttu, devu ricumincià

prova à vultà in daretu
ind'è mè viaghja
osinnò vole di ch'ellu ùn hè miccau u foru chì hè di ... ma u to ordi...

Circione a écrit:

prova à vultà in daretu
ind'è mè viaghja
osinnò vole di ch'ellu ùn hè miccau u foru chì hè di ... ma u to ordi...

viaghjaaaaaaaaaaaaaaaaaaaaaaaa!!!!
magnificu stu foru, tremendu, straurdinariu!!!





(ùn publicate nunda durante un minutu avà tocca à mè )

Isulanu a écrit:

Lasciu da cantu u sughjettu di l'utilità di u pacchettu, di a so legittimità oghjinca o puru passata, avemu u tempu di riparlanne.


Ma sta volta ùn spartu u vostru parè mancu appena.
Ci hè una vera scelta di sucetà à fà in Corsica è stu FLN (postu ch'elli sò parechji, è hè forse un bè ch'ella sia cusì), senza vultà nant'à a so legittimità o nò à falla, l'hà fatta.
O si vole sveglià i paesi, sorte di una cultura di u parè, di a sbacca è di a "beaufitude" ; o si vole ricusà l'acconciu centralistu di u nostru paese, mette in ballu una autunumia alimentaria, parà una logica cunsumerista è di sottumissione à u soldu (diventatu u scopu ultimu), ricusà d'esse i schiavi di u capitalisimu mundializatu è di l' "oligopoles", inventà una ecunumia nova fatta di pruduzzione, allenà a strinta chì asservisce (è chì certe volte face ancu vutà), scaccià fora maffie è clani. O allora si pienghje Michel-Edouard Leclerc è i so magazeni, simbulu supremu di a decadanza di u nostru populu.

Questu Fronte, ellu, hà sceltu.
Allora, ùn sciaccamaneghju micca, ma ùn aghju da pienghje u mondu di u centru cumerciale.

capiscu u to parè, a logica cunsumerista, l'oligopoles, a brama d'autunumia alimentaria è u spartu ancu d'una certa manera.
pensu chì quandu omu tene cara i so lochi è a so ghjente ci vole à luttà contr'à tuttu què. hè ciò chì vulerebbemu tutti, sta forma d'indipendenza. duverebbe fà parte di una manera di cuncepisce a vita, di una "filosoffia" ch'ùn anderebbenu micca in u sensu scemu di stu capitalisimu mundializatu cum'è u chjami.
ma ci sò i sogni è ci hè a realità. simu mignoculi noi (cf. sezzione fottò ) in st'ecunumia mundiale. pudemu ricusà certi di i so aspetti ma micca tutti. ci vole à campà. pudemu fà saltà quant'è no vulemu Leclerc, casino, decathlon è quick, elli anu da campà è cuntinuà e so attività è noi emu da esse in a merda...solu noi.

a suluzione ùn hè micca di pruvà à fà scambià cumplettamente u sistema. solu u 21.12.2012 a puderà fà
simu schjavi è per un mumentu torna emu da esse schjavi perchè chì tutta sta manera di campà ci hè piaciuta sin'à avà. l'emu scelta. aprimu l'ochji hè vera, ma micca tutti è appena troppu tardi...u sistema ùn puderà micca splusà, dunque ci vole à utilizà lu. deve diventà un appoghju per limità u so putere è sta cumedia generale.

ci sò i decathlon è i leclerc in Corsica => impiegati corsi è prudutti corsi (bon per u decathlon hà da esse appena dilicatu )
e scole dipendenu di u statu francese => ghjuvemu ci ne per fà cunnsoce a nostra lingua è a nostra storia à a nostra ghjuventù.
ecc.


una ultima cosa: parechji sò i conni nustrali à avè un cummerciu ch'ùn porta micca un nome pinzutu o stranieru, ma chì ci piglianu à a cannella pratichendu prezzi scemi per parte dopu à fà u ski in Courchevel, brunzà si e cule in Bali è spende i so nostri soldi in cuntinente per e soldes.




eccu
(valia u colpu nò? :affraid: :oops: )