Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Croce Patriziu

Voir le sujet précédent Voir le sujet suivant Aller en bas 
Aller à la page : Précédent  1, 2
AuteurMessage
Circione



Messages : 2157
Date d'inscription : 27/02/2012

MessageSujet: Re: Croce Patriziu    Lun 21 Jan - 11:18

Intintu di notte tempu
di sogni ingutuppatu
lisciu di serenu
è di stell'incrusciatu
u ghjornu s'avvicina

crosciu di sole à vene
sgutuppatu d'umbria
incirmulitu
di forza rinnova
a notte s'alluntana

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Croce Patriziu    Lun 21 Jan - 11:18

Aghju appinzatu mine di tutti li culori
Ciuttatu la mio penna in tutti i calamari
Vistu tanti paesi francatu tanti mari
Per scrive sta canzona à quella ch'è tù sai

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: À TÈ   Lun 21 Jan - 11:20

À TÈ


O le stonde infiarate
Chjosi in l'abbrucate,
Di li ghjorni d'inguernu,
O le stonde chjarine
À l'orlu di e matine
È tù sì lu mi'avvene

O le stonde piacè
Quandu mughju per tè,
U cor'di lu mi'amore,
O le stonde silenziu,
Un soffiu di parolle
Per unicu rimore

La durghi senza fine
A stonde maturime,
Di u ti tengu cara,
Chì stringhe i nostri passi,
Per fà listessu chjassu,
È pè scallacci inseme,
Sempre à listessa fiara

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: U rè Ulisse   Lun 21 Jan - 11:29

U rè Ulisse

A nant’à u mare d’oliu
Batte batte la remata
Sò tant’anni chì à mogliu
A barcella hè infracicata

U legnu ùn tene piune
Cù a pece ch’omu schiaffa
Si vede passà u lume
Eppo l’acqua pè e sbaffe

I marinari sò stanchi
Ci anu da lacà a pelle
Arrembati à li so panchi
Anu vistu troppu stelle

Per guidà lu so viaghju
À la più strema cunfine
È pudè dì « vulteraghju »
Ma nùn vedenu la fine

In popp’à lu bastimentu
Ci hè u rè impenseritu
Hà u sguardu basi spentu
Di vede troppu ferite

È hà l’arrechje dulente
Piene di sale è di rena
Di chì hà ‘ntesu à punente
U cantu di la sirena

A donna stata in palazzu
Averà sappiut’aspettà
U maritu resu pazzu
Da li mondi à visticà ?

Da le maghe accugliente
Belle cum’è chjar’i luna
Chì si danu à la celente
Per un basgiu di furtuna

Da la regina zitella
Chì u salvò nant’à la rena
Da la timpesta ribella
È u si vulia tene

U sole di l’alburighjata
Hà da fà rossu lu mare
Chì si rode pianu pianu
U battellu è chì pare

U sangue di li cumpagni
Colti in piena giuventù
Senza striddi è senza lagni
È ch’ùn vulteranu più

Serà megliu lu ritornu
O pate l’etern’errenza
Per riscattà ogni ghjornu
D’una cusì long’assenza

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: U silenziu   Lun 21 Jan - 11:32

U silenziu

A stanza hè meza chjosa sott’à la ghjelusia
U sole ci s’infrugna tepidu di carezza
In una spira longa mille basgi dulcezza
Ballanu fatalelle in pula meraviglia

Un caraffone biotu chì si coglie u lume
Un antru mezu pienu u rimanda di sbiecu
Ùn sentu di rimore chì à l’ochji ciò ch’o vecu
È più ch’è frombu è pesu, u volu d’una piuma

U calmu s’inzecca in dentr’à ogni cosa
S’infilza una vita, un’anima, un fiatu
S’intreccia u presente à li ghjorni passati
Ma ùn hè più ch’è ricord’ogni stonda fucosa

Po venendu da sopra è pigliend’ogni latu
Falendu pianu pianu, sparghjendusi in tuttu
Cum’un ventu tranquillu, cum’un soffiu asciuttu
Si cala u silenziu è conta u speratu

In Bastia l’ottu di feraghju di u 2008

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Croce Patriziu    Lun 21 Jan - 11:32

Puesiole canterine
À la musica leggera
Cum'è dolce ballerine
Ci azzicate ogni straziera

Puesie musichelle
Nemiche di u rimore
Le vostre voci zitelle
Cantanu lu dolce amore

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Croce Patriziu    Lun 21 Jan - 11:34

"Bicicletta à farfalla
ùn ci n'hè
aviò à vela
ùn ci n'hè
mammone à reazziò
ùn ci n'hè micca

mancu ci hè :
fiori di nuli
neve inzzucherata
è fucile à bombò

ma in capu sì ! Quale hè chì sà ?"

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: I VASCELLI   Lun 21 Jan - 11:41

I VASCELLI

I vascelli di petra anu mossu lu volu
è trà nuli è terra insolcanu lu tempu
si sò mess' in viaghju manc'unu serà solu
una greghj'una banda una striscia di ventu

eppo nund'à paralli nimu à pruibisce
anu lu cel'apertu è pè spechju lu mare
i chjassi sò puliti eppo le strade lisce
à ch'ùn teme u soffiu u tratt'è a fiumara

u silenziu i porta ùn sentenu lu tonu
ùn vedenu saette à soiu l'orizonte
l'abbissu i sustene ùn n'hè notte nè ghjornu
inforcanu li mondi senza petra ne ponte

duv'elli vanu elli sò soli à sapella
ùn dicenu di voce ùn parlanu d'inchjostru
ma basta à u purtellu ad offre una manella
un surrisu un amore, un cantu di u nostru

per fà lu so viaghju intinghjesi d'eternu
annigassi di ventu incrusciassi di lume
cunsumassi cun tuttu da lu biot'à lu pienu
è ghjunghje à lu scalu s'è mai ci n'hè unu

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: L'acqua   Lun 21 Jan - 11:51

L'ACQUA


Sò le quattru stagioni,
Chì l'anu inventata,
Fendu li paragoni,
S'ella hè corsa o stanciata.

Ci dà suchju di vita,
È paura di morte
Hè surgente di lita,
Ma appacia ogni sorte.

È s'ella si ne và
Centu anni o centu mesi,
Si pienghje ma si sà,
Volta à li so paesi.
O acqua corri, corri,
Annacquaci u visu,
È lavacci lu core.

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: À Ghjuvan'Carlu   Lun 21 Jan - 11:52

À Ghjuvan'Carlu

Ùn hè sta petra fredda ma l'alivu d'argentu
Chì port' a to presenza a to voce in lu ventu
Arruchjendu à sulia
È lu passu serenu u passu muntagnolu
Ch'ùn disturbav'à nimu arruchjendu u to locu
Arruchjendu sta via
Lasci memorie in festa sta discreta umanità
Chì stringhje i nostri passi quandu un omu si ne và
Arruchjendu a vita

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Croce Patriziu    Lun 21 Jan - 11:56

sò giuvelli di sole
è candelle di mele
sò cullane di fole
per una fatalella

offerta à stagione
quand'ellu piove luce
in cristallisazione
chì Natura produce

mancu nùn ci tuccate
ma vi smeravigliate
à lu sfocu di u tempu

chì più bellu rigalu
d'esse venutu à gallu
un tesoru nascente


Ispirata da una fottò di Petra Alta.



_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Croce Patriziu    Sam 9 Fév - 8:33

Ci vole tantu tempu

Ci vole tantu tempu
Per cresce l’alburoni
Paralli da u ventu
Quand’elli sò pulloni

Annacqualli u presente
Assuvacci l’avvene
È mette in cunsunente
Ciò chì fù ciò chì vene

Ci vole anni è anni
Per apacià la vita
Nùn calculà li danni
Francacci d’ogni lita

Sapè chì ogni stantu
Aghjunghje a so spiscina
In lu fiume tamantu
Chì corre à la turchina

Ci vole tant’amore
Per purtà li zitelli
Senz’odiu ne timore
À lindumani belli

Assicurà li so passi
Senza nisun peura
Quandu i nostri, i passi
Si perdenu in la rena

Ci vole tant’unione
Per cullà e muraglie
Scialbate à cumunione
Di la cumuna casa

Chì ci vole cusì pocu
Per sciappà l’acquistatu
È per piccià u focu
Inde u suminatu

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Addisperata



Messages : 205
Date d'inscription : 10/03/2012

MessageSujet: Re: Croce Patriziu    Sam 9 Fév - 16:32


Cusi bellu
Cusi ghjustu

Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Maghju   Dim 5 Mai - 9:10

MAGHJU


Sò le rosule sanguine
Chì anu intintu l'orizonte
Cum'è labbre curatine
Chì basgionu mare è monte.

È ghjè maghju incaluritu
Chì ci spaventò u core
Dendu ci l'ultimu stridu
Di l'inguernu chì si more.

È sò le quattru stagioni
Ch'anu incruciatu lu ventu
Cù le saette è li toni
À u legnu di turmentu.

Puesia o Natura
À qualessa mi cunfonde
Mascherendu la figura
Di l'angoscia chì m'atonde.

Serà l'acqua di u celu
Chì ci pienghje à la faccia
È spenghjì tante candele
Tante vite à'ssa festaccia.

Currendu cum'è u fiume
À fà ne pienu lu stagnu
A sera à l'ultimu lume
Si sente cullà u lagnu.

U lagnu di a nostra ghjente
Chì ùn si perde in l'arburoni
Ma vene à straccià la mente
È straccià le mio canzone.

Serà vera la vuciata
Chì dice è ribomba in mè ne
Chì sta terra marturiata
Ùn averà mai bene.

Pregu la Santa Regina
À l'altare di stu monte
Ùn sò rosule sanguigne
Chì anu intintu l'orizonte.


_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: Croce Patriziu    Aujourd'hui à 9:09

Revenir en haut Aller en bas
 
Croce Patriziu
Voir le sujet précédent Voir le sujet suivant Revenir en haut 
Page 2 sur 2Aller à la page : Précédent  1, 2
 Sujets similaires
-
» [ Actrice ] Spela Rozin .
» le travail du linge (lavages sechage etc)
» la pêche filets nasses cannes epuisettes
» Liste des Médailles et Patrimoine (Italie)
» La dernière balle à pile ou face . ( Testa o croce ) 1968 . Piero Pierotti .

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Antulugia-
Sauter vers: