Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez
 

 Amore piattu-U Ghjudice

Aller en bas 
AuteurMessage
Rappallinu

Rappallinu

Messages : 437
Date d'inscription : 25/02/2012

Amore piattu-U Ghjudice Empty
MessageSujet: Amore piattu-U Ghjudice   Amore piattu-U Ghjudice EmptyMer 5 Sep - 21:26

A furesta s’apria sottu à i so passi. Avianu francatu i castagneti di e bassure, è oramai eranu i larici è i foii à falli ombra. Viaghjavanu dapoi a matina, ellu in testa, ella daretu, ma mai luntanu, chì spurtiva era.
Decidinu di fà una piantata in un locu spurettatu, da manghjassi un pezzu. L’erba sottu à i so passi, si n’andava in fulena, era sicchia vera, è in u celu, nisun nulu da rinfriscà a terra, nunda, solu un azzuru spampillente, è Fiammone chì regnava da maestru.
Simu bè quì…
Ié, megliu chè in tutti l’ottelli puzzichi, induve ci hè vulsutu à piattassi.
Scaccanonu. Ié, l’inguernu in Pariggi era statu longu, à piattassi da u maritu è da a moglia. Ma quì, in a muntagna, ùn ci era nunda à piattà, è u decoru era magnificu.
L’attrachjata calava, u celu da turchinu venia malbu, qualchì nulu s’era affaccatu, eranu belli, rossi, l’acelli cum’è inscimuliti cantichjavanu di più bella. Respirò in prufondu, si sentia bè, si sentia bella, u fidighjò stallà a tenda sottu à un larice, u truvò bellu, si spugliò per andà à riggiunghjelu. Ellu fù surpresu, poi s’ abbandunò à e so carezze, a so bocca sperta chì travagliava u so sessu, è quand’ellu fù duru bè l’appughjò contr’à u larice è a pigliò à ghjacarinu.
S’addurmintonu rassinirati sottu à a tenda, à u luntanu, un ciocciu li cantava una nanna.

U lindumane matina, fù ellu à arrizzassi u primu. Un’arrietta fresca suffiava in a muntagna. Per discitalla, li carizzò e cule, ella viziosa, scartò l’anche per ricevelu in ella, fecenu l’amore stracquati in terra, è un nulu di polvera accumpagnava i so muvimenti .

Induve andemu oghje ?
Francatu a cresta, dicenu chì ci hè un bellu fiume, pudemu andà à bagnacci.
L’arietta si fecia più viulente scuzzulava pini è foii è muvia a pula in pianu.
Oghje viaghjeremu cun u frescu
E si messenu in anda.
Era ella à viaghjà davanti, ellu daretu fidighjava e so cule è li venia a brama di coprela torna.
U ventu era di più in più viulente, mille adori scunnisciuti, di mintrastu, di piverella, di nepita li cullavanu in capu, u celu oghje ùn era turchinu, ma rossu palidu.
A d’un colpu una banda di cignali li sbuccò, infucati, cum’è seguitati da qualcosa, manconu di parassila nanzu, mughjò di paura poi firmò insischita.
O chì paura ch’elli m’anu fattu…
Ellu videndu bianca, l’abbraciò, basgiendula in fronte
Un hè nunda, sò quì.
E a basgiava in fronte è torna in bocca, è e so mane corsenu longu e so coscie, nant’à e so cule, è si stracquonu in pianu per fà l’amore cun una passion feroce, a paura l’avia esaltata, s’abbandunava à i so colpi di reni, ùn sentianu nunda in giru chè i spatanscimi di l’altru.
Eranu ciochi à ciò chì ùn era u so piacè, talamente ciochi, chì ùn anu intesu a bunfulata murtale, armata di focu, chì cunsumò foii, larici, è elli à tempu.


U Ghjudice
Revenir en haut Aller en bas
Voir le profil de l'utilisateur
 
Amore piattu-U Ghjudice
Revenir en haut 
Page 1 sur 1
 Sujets similaires
-
» 2084 L'ochji di a muntagna - U Ghjudice
» O sgiò Ghjudice

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Bloghi è fori literarii :: The Old Pievan Chronicle-
Sauter vers: