I voci di a Gravona

SCRIVU À TÈ

Scrivu à tè fratellu di cantu
Le mio rime à l'addisperu
Quandi l'ochji sò infiarati
Da u morsu furesteru
Oghje lampatu à malavia
In fondu di una prighjone... Luntanu

Scrivu à tè cumpagnu di sempre
A mo chjama addulurata
D'un verati più incù noi
Animà una serata
D'una voce meravigliosa
Ch'incantava lu maodu sanu... Luntanu

Scrivu a tè ch'hè venuta l'ora
L'ora di lu to ritornu
Voltaci caru Natale
O beatu quellu ghjornu
Quandi tu t'avvicinerai
Liberu di u to destinu, Vicinu

Canteremu inseme vultati à l'avvene
Per una terra ch'ùn vole more
È scriveremu e nostre ore

Spergu chì un ghjornu, venerà l'ora di u so ritornu.
Quattordeci anni senza discu, per un gruppu cusì talentosu, hè longu !

quandu sto à sente ste canzone mi vene in core ch'emu avutu veramente una giuventù felice : era tuttu o biancu o neru .. un ci poniamu tante quistioni e era tuttu semplice . aghju spessu a nostalgia di sti tempi beati .
e quella di Circinellu un si porrà buscà ? (passu e mio cumande)

quandu sto à sente ste canzone mi vene in core ch'emu avutu veramente una giuventù felice : era tuttu o biancu o neru .. un ci poniamu tante quistioni e era tuttu semplice . aghju spessu a nostalgia di sti tempi beati .
e quella di Circinellu un si porrà buscà ? (passu e mio cumande)

Certe, ma ùn ci hè mai nunda chì fussi veramente tuttu biancu o tuttu neru, in a realità.
Ancu u biancu pò sembrà neru, è u neru pò parè biancu.

Basta à dumandà

Ruclinonu Solechjari a écrit:

Certe, ma ùn ci hè mai nunda chì fussi veramente tuttu biancu o tuttu neru, in a realità.
Ancu u biancu pò sembrà neru, è u neru pò parè biancu.

o ruclì si una sega : hai rispostu subitu e avà un possu più caccià u mio messagiu surtitu in doppiu (smiley rambo)
bon à parte quessa hai a raggiò ma ci so i mumenti chi lascianu poca piazza per u grisgiu e altre nuanze di culori ..

Un "tubu" di E voce di a Gravona, arrigistratu à u Kalliste in 1984.




QUAND'EDDI M'ACCURDARANI

Quand’eddi m’accurdarani chì sta terra hè a meia
Quandu avaraghju ancu eiu u me paesi à mè,

Quandu mi rispitarani senza marchjammi in coddu
Quandu saraghju dinù patronu di i me lochi,

Quand’a me lingua anch’edda sarà para di a soia
Quandu eiu dinù avaraghju a me scola,

Quand’eddi m’accurdarani chì sta terra hè a meia
Tandu saremi amichi parchì saremi pari,

Quandu saraghju dinù fighjolu di i mei
Senza vergogna più d’essa inferiori à eddi,

Quandu eiu vultaraghju ind’è mè à campacci
Quandu ùn mi mucarà più u so sapè supranu,

Quand’eddi m’accurdarani chì sta terra hè a meia
Quandu averaghju ancu eiu u me paesi à mè.

SPAVENTU

Aghju vistu un'istati piccià focu la tassinca
Signuzzavanu tant'arburi stirpati com'è rimigna
Sopr'à tutti quelli costi hè smarita ancu la vigna

In faccia di stu lucali s'infiarava l'alta rocca
Curria fiara di u mali nant'i tetti di casali
Sott'à un fumu infernali stesi eranu l'animali

Ùn saraghju mai quali tù sè
Gattivu sughjettu senza faccia
Chì strughji pianu la nostra macchja
Senza misurà ciò ch'è tù faci

Si sò tesi i fiumicelli sott'à a cennera meschina
Ancu l'antica muchjeta hè ridutta in pulvina
Fughjenu spessu l'acelli u circondu in ruina

Sott'à u pesu di u calori a muraglia s'hè sfragliata
I fraschi portanu u dolu di a terra disguastata
Piegni lu vechju cantonu à la testa musginata

Po' esse fieru di i to misfatti
Tutt'i me lochi sò sfigurati
Ùn ci hè chè un tribunali divinu
Chì pò ghjudicà li to picati

Vuleria chì un ghjornu chjappu di altu rimorsu
Sii prontu a rinicà mancanzi è stradi torti
Lascia campà la natura libera di la so sorti
Lascia campà la natura libera di la so sorti