Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Risposta di a ciuccia à a mamma

Voir le sujet précédent Voir le sujet suivant Aller en bas 
AuteurMessage
Strampalatu



Messages : 5
Date d'inscription : 14/09/2012

MessageSujet: Risposta di a ciuccia à a mamma   Sam 15 Sep - 15:06

M'hè sempri parsu bizarra sta canzona...A mamma , d'apress'à mè ùn dici micca a virità...U babbu ùn hè micca in a campagna è a ciuccia a sà bè ch'ùn hè micca una tunta...




Mammucella

O mammucella
Tù mi conti una fola
Ùn dicu nudda
Par l’ùn ti castigà

Mammucella cusì brava
Ch’ùn mi voli impaurà
Lenta ghjà ciὸ chè tù sà
In a me chjocca firmarà

Muvri è cervetti
N’aghju vistu parechji
Vedali corra
Nienti ùn mi faci più

Vularìu veda anch’eiu
Scimmii matti è pappagali
Elefanti è giraffi
Bestii strani ch’ùn sὸ di quì

O mammucella
Ùn t’inchittà par mè
Aghju capitu
Senza chè tu vulissi

Mammucella chì si sbatti
Senza aiutu di babbà
La to boci d’acqua linda
Ùn mi pὸ addurmintà

Centu canzoni
È milli puisii
Càntani in ghjiru
A fola di mammà

Mammucella ch’ùn hà vistu
Ciucciarella immaturà
Fà pur’ nina è fà pur’ nanna
Ùn mi voddu addurmità



Revenir en haut Aller en bas
Voir le profil de l'utilisateur
Addisperata



Messages : 205
Date d'inscription : 10/03/2012

MessageSujet: Re: Risposta di a ciuccia à a mamma   Sam 15 Sep - 19:24

Bravu !

u passagiu nantu à l'animali mi face pensà à u mo niputucciu in vacanze in paese è chì ùn vulia sorte di casa, sempre inchjudatu davanti à i so ghjochi video. Li dicia : voli vede i capretti, i sumeri, l'agnelli...?

umbeh, dicia stu muccicosu cù disdegnu! ùn ci hè micca ELEFANTI?

tandu aghju inventatu una storia d'elefante sminticatu da un Circu è chì si piattava in fondu di u paese ma nimu riiscia mai à sculunnallu.

E ogni ghjornu partiamu à circà l'elefante, cusì surtiamu risa ! U più forte hè chì ellu truvava dapertuttu e prove chì l'elefante era passatu : rami tronchi, tufoni in u stradone, merde di vaccine, felice

Ci simu campi.

o sinnò, aghju un dischettu di nanne di u mondu : assai nanne sò cusì, ùn anu nunda di paradisiacu o idillicu, e mamme contanu i so affanni, i so strazii cuttidiani...è ùn impedisce micca i ciucci d'addurmintassi! sti sgaiuffi... diavule
Revenir en haut Aller en bas
Voir le profil de l'utilisateur
Strampalatu



Messages : 5
Date d'inscription : 14/09/2012

MessageSujet: Hè vera....   Sam 15 Sep - 21:54


...Cio vo ditti ma in fattu i parsoni maio ùn vedini micca chè i ziteddi ùn so micca ziteddi è capiscini mondi è mondi cosi. Calchi volti (è ancu suventi) i zitedi ghjocani à esa ziteddi par fà piacè à i maio...è i maio ùn si n'avedini mancu....Ohimè qual'sarani i più avisati ? Vi laca risponda. Bona sera à vo !
Revenir en haut Aller en bas
Voir le profil de l'utilisateur
Addisperata



Messages : 205
Date d'inscription : 10/03/2012

MessageSujet: Re: Risposta di a ciuccia à a mamma   Dim 16 Sep - 0:05

@Strampalatu a écrit:

...Cio vo ditti ma in fattu i parsoni maio ùn vedini micca chè i ziteddi ùn so micca ziteddi è capiscini mondi è mondi cosi. Calchi volti (è ancu suventi) i zitedi ghjocani à esa ziteddi par fà piacè à i maio...è i maio ùn si n'avedini mancu....Ohimè qual'sarani i più avisati ? Vi laca risponda. Bona sera à vo !

hè ciò ch'ella hà fattu capisce megliu Françoise DOLTO : da a so nascita a criatura hè una persona digià è capisce tuttu. Per esempiu, i secreti di famiglia ne riceve u messagiu in u so incuscente di modu misteriosu, quandu chì i maiò credenu di piattalli bè...

Ci vole à ricurdassi chì a "cumunicazione" ùn passa pè e "parolle" ch'à 5 % !!!! Hè ciò ch'ella dice l'analisi transazziunale...Stunente!
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: Risposta di a ciuccia à a mamma   Aujourd'hui à 11:13

Revenir en haut Aller en bas
 
Risposta di a ciuccia à a mamma
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Big mamma
» Mamma Mia!
» [Universal] Mamma Mia! Le Film (2008)
» Sauce Spaghetti Mamma mia:
» accords la mamma et compas a utiliser ?

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Puesia-
Sauter vers: