ISULA
Vous souhaitez réagir à ce message ? Créez un compte en quelques clics ou connectez-vous pour continuer.


Lingua è cultura corsa
 
AccueilAccueil  Dernières imagesDernières images  RechercherRechercher  S'enregistrerS'enregistrer  ConnexionConnexion  
Le Deal du moment : -20%
-20% sur le Lot de 2 écrans PC GIGABYTE ...
Voir le deal
429 €

 

 [Opinione varie]U sindromu Kaltenbrunner

Aller en bas 
AuteurMessage
Ruclinonu Solechjari

Ruclinonu Solechjari


Messages : 518
Date d'inscription : 27/02/2012
Localisation : Casinca

[Opinione varie]U sindromu Kaltenbrunner Empty
MessageSujet: [Opinione varie]U sindromu Kaltenbrunner   [Opinione varie]U sindromu Kaltenbrunner EmptyMar 28 Fév - 21:39

ATTENTI : a lettura di cio chì seguita hè dicunsigliata à e personne dipressive. Capiscerete prestu perchè.
Revenir en haut Aller en bas
http://appuntamentu-corsu.forums-actifs.net
Ruclinonu Solechjari

Ruclinonu Solechjari


Messages : 518
Date d'inscription : 27/02/2012
Localisation : Casinca

[Opinione varie]U sindromu Kaltenbrunner Empty
MessageSujet: Re: [Opinione varie]U sindromu Kaltenbrunner   [Opinione varie]U sindromu Kaltenbrunner EmptyMar 28 Fév - 21:39

Oghje, tuttu, in Corsica, è in u mondu, và à caternu. Basta à apre un ghjurnale per cunvinchessi, o solu à leghje stu bloggu ch’ùn ne parla ch’e troppu. Tra tanti drami umani è catastrofe, in ogni paesi di u mondu, ci hè sta miseria umana cuditiana sempre di più presente, sempre di più pudente, è sempre impatibile. Senza mancu parlà di i lagni lampati da a nostra terra, marturiata, ch’ùn vole ch’e campà, ma chì sott’à u pesu di a rapacità di l’omu, agunizà sott’à i so passi, dapoi parechji decennii, in un statu di suffrenza incuncepibile.
À u livellu corsu, i scumpienti ùn mancanu. Un econumia quasi inesistante, una puvertà avà generalizata, cuppiata à un organisazione clanista onniputente di a nostra sucetà, una perdita di tuttu cio chì custituia tandu l’Anima Corsa, e valore umane antiche, à u prufittu d’un eguisimu senza limite, è di mille piaceri artificiali. D’un altru latu, a Corsica hè sempre di più avvilita da a bettunisazione sfrinata è da tanti altri scumpienti da i quali listàlli ùn mi pare pussibile tantu ci ne hè ; cosa chì d’altronde, ùn hè u scopu di st’articulu, è ch’ùn facciu ch’e troppu in l’altri.
Davanti à st’accertata infernale d’una realità sempre di più brutta, duie questione ci venenu naturalemente in mente. A prima hè di sapè cumu ne simu ghjunti quì, è a seconda, cosa si po fà.

D’una manera generale, è hè cosa chì sughjunghje a vergogna à u dramu, hè di sempre dì ch’ella hè a colpa di l’altri. Di cunsideràssi nucente di a miseria attuale di u nostru mondu, sempre à circàssi altri culpevuli. Hè cio ch’o chjameria, à contu meiu, u sindromu Kaltenbrunner.

Forse vi dumandarete cosa hè ch’o chjamu u sindromu Kaltenbrunner. À quelli à i quali u nome d’Ernst Kaltenbrunner ùn rievuca nunda, ùn li biasimeria micca, chì l’omu (s’ellu si pò chjamà omu stu gennaru di persunaghju) hè di quelli chì meriterianu d’esse scurdati per u sempre. Ma per dìlla à l’accortu, solu diceriu chì Ernst Kaltenbrunner (1903-1946) era à u capu di tutte e pulizie alimane da u 1942 à u 1945. Un nazistu fra tant’altri, rispunsevulu è culpevulu di a morte di millaie di ghjente, almenu.
U più interessante in st’omu di pocu valore, hè di fighjulà l’andamentu chì fù soiu à u so prucessu, quellu di Nuremberg, in u 1945-1946. À u cuntrariu di qualchi altri chì assumavanu i so atti, ellu, hà tuttu nigatu, affirmendu ch’ellu ùn era mai statu informatu di nunda di cio chì si passava in i campi di cuncentrazione o d’esterminazione (duve puru eranu numarosi quelli chì l’avianu vistu in visita), ch’ellu avia amparatu u genucidiu ghjudeu solu dopu à a so incarcerazione da l’Allegati, è chì nant’à tutti i ducumenti ufficiali ch’ellu avia signatu (in particulare tutti l’ordini di carneghji), a so signatura era falsa ! Tutti i testimonii (è ci ne eranu assai !) chì l’implicavanu in tanti crimini atroci eranu, per ellu, bughjardi è tutti i ritratti mettendullu in causa eranu minicati. Ne prufittò dinù per rinnigà tutti i so anziani amichi, incù i quali ùn era mai statu amicu, cum’ellu dicia. In poche parole, u peghju esempiu di gattiva fede ! À tal puntu chì ancu Goering, ghjudicatu attempu à ellu, li tagliò aggressivamente a parola, dumandendulli di stà zittu, chì avia a vergogna d’ellu !
Ellu fù appiccatu in u 1946 ; fine ancu troppu gloriosa per ellu, à contu meiu.

[Opinione varie]U sindromu Kaltenbrunner Viglia10

U paragonu incù cio ch’aghju dettu più sopra ?
U paragonu hè chì, troppu spessu, per assai ghjente, quandu si face d’evucà e centu milla disgrazie di u mondu ughjincu, a tentazione hè sempre quì, di lagnàssi di « l’altri » chì sò culpevuli, è di negà e so rispunsevulità propie in a traghjedia muderna.
Tutti a vedimu, almenu d’esse cecchi, chì, in a Corsica, cume in u mondu sannu, ci sò assai di più cose ch’ùn vanu ch’e cose chì viaghjanu cum’elle deverianu. Ma a maghjorità di a ghjente, mi pare, righjetta a rispunsevulità di tuttu què nant’à, d’una manera generale, una categuria di ghjente chì si chjamanu « l’altri ».
Di sicuru, e cose scambianu. Di sicuru, tenimu, à titulu persunale, assai pocu putere per cuntrolànne l’andatura. Di sicuru, ùn sì pò assumà, individualmente, tutti i guaii di u nostru corciu universu.
Di sicuru dinù, si pò pinsà ch’e certi sò più culpevuli ch’e d’altri. Ma a culpevulità hè cullettiva à tutta l’umanità, per mè.
Ma negà a so parte di rispunsevulità hè peghju ch’e tuttu. Hè, in u filu dirittu di a perdita d’ingaghjamentu persunale in u mondu mudernu, arripusendussi nant’à e spalle di « l’altri », torna elli, per lagnàssi d’elli à a prima occasione.
Hè dinù in u filu dirittu di l’individualisimu ambiente, chì ci cummanda di firmà solu in u nostru carrughju strettu strettu, senza fà nisun casu di nunda di cio chì si trova fora, attempu per egoisimu è per paura di perde qualcosa di soiu, primurendussi di « l’altri ». Dicu ch’e l’individualisimu ci cummanda, ma u peghju hè ch’e noi ci ubbidiscemu, chì sta strata pare assai più pratichevule ch’e l’altre strate, di a presa di rispunsevulità, è di l’altruisimu. D’altronde, per l’umanu, ubbidisce hè sempre più faciule ch’e riflette da se stessu.
È pocu importa s’e l’umanità s’addispera sott’à u pesu di i castighi chì a sfracellanu, s’e l’anima si more, o s’e a terra s’arruvinà sempre di più sott’à u pesu di a so distruzzione, fatta da l’umani. U più impurtante hè d’andà bè se stessu.

Ma sta via ùn pò ch’e purtàcci à un disandiu sempre più grande, à un avvigliacchimentu sempre più forte d’ognunu di noi, à a perdita di cio chì face di noi, essari umani. À francà a fruntera chì face a sfarenza tra noi, è l’infamu persunaghju ch’aghju dipintu quì sopra.
È què, sò chì nimu ùn a vole.

Simu tutti umani, nant’à sta terra, è avemu tutti un core è un anima, e nostre forze, è e nostre debbulezze. U più impurtante mi pare, hè d’esaltà e nostre forze à u serviziu di u bè cummunu, è di pruvà à cumbatte, in ognunu di noi, e nostre debbulezze, o almenu, à fà in sorte ch’elle ùn si sprimessinu micca in i nostri atti, sempre per u bè cummunu.
Mi pare ch’ellu ci hè qualcosa di bonu in l’umanu. À noi di mettellu in valore in ognunu di noi, per custruisce un mondu migliore ch’e bramemu tantu, assumendu e nostre rispunsevulità dirette o indirette (chì e nostre mancanze ponu esse pessime quante i nostri atti), senza firmà in u nostru carrughju strettu, è senza mai dì ch’ella hè sempre a « culpa di l’altri ».

Valemu assai megliu ch’e stu mullizzone senza anima, nò ?
Revenir en haut Aller en bas
http://appuntamentu-corsu.forums-actifs.net
 
[Opinione varie]U sindromu Kaltenbrunner
Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
ISULA :: Per isse sponde è da mare in là... :: Attualità :: Nutizie-
Sauter vers: