Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 L'impiccati d'Oletta

Voir le sujet précédent Voir le sujet suivant Aller en bas 
AuteurMessage
Michela

avatar

Messages : 199
Date d'inscription : 08/03/2012

MessageSujet: L'impiccati d'Oletta   Dim 16 Sep - 9:45

Revenir en haut Aller en bas
Voir le profil de l'utilisateur
Michela

avatar

Messages : 199
Date d'inscription : 08/03/2012

MessageSujet: Salurtu à Maria Gentile   Dim 16 Sep - 9:56

Salutu à Maria Gentile

I

Toccu sai Poghju d'Oletta

È attippatu Monticellu

Ferma in cim'à la culletta

A piaga d'un tempu ribellu.

II

Si tene una casa sfalata

Sopr'à lu vechju cunventu

Casarella scurnachjata

Muta d'un persu lamentu.

III

Casa mancu di signore

Ma puru à cantine strette

Ùn si misura soca l'onore

À u contu di le finestre.

IV

Una donna quì campava

À mezzu à la so ghjente

Maria Gentile chjamata,

Capu à sennu è core ardente.


V

Scuntrò giovana la stòria,

Fù quessu lu so distinu,

Intanata in la mimòria

D'un populu clandestinu.

VI

Supranava a resistenza

Cunsacrata la rivolta

Chì di Paoli l'indipendenza

Accinava al dilà l'Europa.

VII

Ma d'un maestru in schjavitù

Tandu sbarcò lu battaglione

À scaticà sempre di più

Cusi prumaticcia nazione.

VIII

Maria avia fattu l'abbràcciu

Liatu sincera prumessa

À paru à quellu innamuratu

Di a stessa pieve d'Oletta.

IX

Cù patriotti ellu fù chjappu

Da la réia truppa francese

D'incetta è di ladru pattu

Scunviatu puru u Ghjenuvese.

X

À la lestra cundannati

È sottumessi à la quistione

Prigiuneri macillati

Da la barbara legione.

XI

À contu paru impiccati

Dopu avelli troncu l'osse

Fratelli esposti marturiati

Sottu à le pagane forche.


XII

Paronu s'ellu ùn bastava

À paisani di fà dolu

U corbu solu inariulava

Sopr'à chjocchi à murtòriu.

XIII

Maria per santa sepultura

Trafrancata l'interdizzione

Spiccò u caru di bughjura

È l'appaghjò in linzulone.

XIV

À quellu chì di stirpìa

Insanguinava lu rughjone

Sì prisintò cusi Maria

Senza attu di cuntrizione.

XV

" Indegna hè la legge vostra "

Cappiò Maria à l'ufficiale,

" Ma una fiera anima Corsa

Ùn teme falsu tribunale ! ".

XVI

S'incanta quì a nostra pena

Pigliatu arcanu paragone

Cù quella surellina Greca

Contr'à stirpaccia di Creòne.

XVII

Di quessa pare la leziò

Ne turnò bòia scuzzulatu

Chì mai nimu misse in prigiò

Di nisun populu lu fiatu.

XVIII

Ùn usa più neru mendile

Per donne d'oghje in bandaglione

Salutu à tè Maria Gentile

Luminellucciu in bughjicone.

XIX

Piazza à lu vechju cunventu

Certe nuttate puru ancu avà

Dicenu chì un scemu ventu

Sì mette cume à trasparlà.

XX

Toccu sai Poghju d'Oletta

È attippatu Monticellu

Ferma in cima à la culletta

A piaga d'un tempu ribellu.

Jean-Claude Calassi.

http://www.accademiacorsa.org/mariagentile.html[b]
Revenir en haut Aller en bas
Voir le profil de l'utilisateur
Circione

avatar

Messages : 2189
Date d'inscription : 27/02/2012

MessageSujet: Re: L'impiccati d'Oletta   Dim 16 Sep - 11:05

@Michela a écrit:
Salutu à Maria Gentile


" Indegna hè la legge vostra "

Ma una fiera anima corsa

Ùn teme falsu tribunale ! ".


una "bella" storia confusu rambo , ne sai appena di più annantu à Maria Gentile o Michela?

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Ruclinonu Solechjari

avatar

Messages : 518
Date d'inscription : 27/02/2012
Localisation : Casinca

MessageSujet: Re: L'impiccati d'Oletta   Dim 16 Sep - 12:06

A storia hè trista è dinù interessante.
Doppiamente interessante chì hè menu cunisciuta ch'e d'altre.
Revenir en haut Aller en bas
Voir le profil de l'utilisateur http://appuntamentu-corsu.forums-actifs.net
Michela

avatar

Messages : 199
Date d'inscription : 08/03/2012

MessageSujet: Re: L'impiccati d'Oletta   Dim 16 Sep - 12:16

Maria Gentile stava in u Poghju d'Oletta,nant'à a cullina di Monticellu.
Di Ferraghju di u 1769,1500 suldati francesi sò cantunati in Oletta,Paoli deve passà à l'attaccu per impedì u cunghjughjimentu cun quelli di San Fiuren è di Bastia. L'attaccu si ferà nant'à Barbaghju è durante sta battaglia,600 Corsi sò tombi (scannati). Ma nanz'à sta battaglia, per via di u tradimentu di Pietro Boccheciampe, Arcambala hà ventu di stu cumplottu è face arrestà una vintina di Corsi in Oletta.
Mandati davanti à u tribunale civile di Bastia, sò ghjudicati per cuspirazione è cumplottu contra u rè di Fancia.
U prucessu principia l'11 di marzu è si compie u 17 di lugliu di u 1769. 5 omi sò cundannati à l'impiccatura. Unu di elli, Don Petru (o Bernardu) Leccia, hè u fidanzatu di Maria Gentile (per a casata,sarebbe Guidoni o Belgodere....)
U 25 di settembre, sò impiccati è e so spoglie sposte nant'à a piazza di u cuventu d'Oletta, guardate da i suldati francesi per impedì à a ghjente d'avvicinassine .
Maria Gentile hà una vintina d'anni, ùn vole lascià u so fidanzatu infracicà cusì:

" Comu ! Aghju persu u lumu di l'ochji, a luma di u cori, u punteddu vivu di a casa, è staraghju quicci à mani bioti, à spaddi scunsi di pinseri è di primura ... ? (U Maceddu,Rinatu Coti)

Vole dalli una sepultura è una sera,si ne fala à u cuventu:

" …È vogliu renda u so duveru à l'omu. L'usanzi i mantinimu noi altri i donni, patroni di a rocca è di u focu di casa … " (6) (Rinatu Coti, " U Maceddu ",Rinatu Coti ).

Dicenu,chì Maria Gentile hè "l'Antigone corsa".

Si dice ch'ella si sarebbe maritata più tardi cù u fratellu di l'impiccatu....

Eccu, aghju pruvatu di fà un riassuntu,si trova sta storia,in francese nant'à

http://www.accademiacorsa.org/mariagentile.html
Ma disgraziamentu,ùn aghju trovu scrittu in corsu.....
Dui autori anu scrittu nant'à Maria Gentile:

-Rinatu Coti, U Maceddu, Cismonte è Pumonte Edizione (1988).

- J P Lucciardi, Maria Jentile, Ollagnier (1912).

Ci hè dinù a canzona "Maria Gentile" scritta da J.C Fiori,un pughjulacciu,ind'u discu :



Avà,tocc'à voi di curregge ciò ch'aghju scrittu ride ride





Revenir en haut Aller en bas
Voir le profil de l'utilisateur
Circione

avatar

Messages : 2189
Date d'inscription : 27/02/2012

MessageSujet: Re: L'impiccati d'Oletta   Dim 16 Sep - 13:24

À ringraziatti o Michela!

cheers

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Michela

avatar

Messages : 199
Date d'inscription : 08/03/2012

MessageSujet: Re: L'impiccati d'Oletta   Dim 16 Sep - 13:41

@Circione a écrit:
À ringraziatti o Michela!

cheers

Ghjè un piacè d'amparà a so storia,mi ferma avà à dumandà e parolle di a canzona è u scrittu di Luciardi.
sunny sunny sunny
Revenir en haut Aller en bas
Voir le profil de l'utilisateur
Circione

avatar

Messages : 2189
Date d'inscription : 27/02/2012

MessageSujet: Re: L'impiccati d'Oletta   Dim 16 Sep - 14:02

Pudemu mette à Sidussincu annant'à u colpu :suspect:

Rolling Eyes

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Michela

avatar

Messages : 199
Date d'inscription : 08/03/2012

MessageSujet: Re: L'impiccati d'Oletta   Dim 16 Sep - 14:23

@Circione a écrit:
Pudemu mette à Sidussincu annant'à u colpu :suspect:

Rolling Eyes

Cusì si pò fà...Ma eiu,ùn lu cunnoscu confusu scratch

J.Claude,invece,u cunnoscu bè... evviva
Revenir en haut Aller en bas
Voir le profil de l'utilisateur
sidussincu

avatar

Messages : 252
Date d'inscription : 14/03/2012

MessageSujet: Re: L'impiccati d'Oletta   Dim 16 Sep - 14:37

@Circione a écrit:
Pudemu mette à Sidussincu annant'à u colpu :suspect:

Rolling Eyes

A ritruvacci nu a pagina chjam'è rispondi ! Tiri in tutti i sensi oghje !

U scrittu di Lucciardi ùn l'aghju micca, aghju u Martiriu di Santa Divota è A Vindetta di Lilla (c'hè d'altronde una canzona di Poletti s'o ùn mi sbagliu, ch'hà messu un versu addossu à e parolle di Lucciardi).

E salutu à Michela. S'è tù si petralbinca ci cunniscimu per via di a radio, sinnò ùn pensu micca. surrisu
Revenir en haut Aller en bas
Voir le profil de l'utilisateur
Circione

avatar

Messages : 2189
Date d'inscription : 27/02/2012

MessageSujet: Re: L'impiccati d'Oletta   Dim 16 Sep - 14:41

Allora sciaccali puru in linea s'è tù l'ai
Wink

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
sidussincu

avatar

Messages : 252
Date d'inscription : 14/03/2012

MessageSujet: Re: L'impiccati d'Oletta   Dim 16 Sep - 14:44

Sò libri di settanta è di duiecentu pagine... credi forse ch'aghju da passa a mo ghjurnata à piglià e fotò per esse dopu citatu in ghjustizia da a famiglia ?!! Aspetta appena e puderai leghje qualchì puesia curscinca.
Revenir en haut Aller en bas
Voir le profil de l'utilisateur
Circione

avatar

Messages : 2189
Date d'inscription : 27/02/2012

MessageSujet: Re: L'impiccati d'Oletta   Dim 16 Sep - 14:47

E rime cursinche hè da stamane in quà ch'e l'aspettu...
lingua

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Michela

avatar

Messages : 199
Date d'inscription : 08/03/2012

MessageSujet: Re: L'impiccati d'Oletta   Dim 16 Sep - 14:48

[quote="sidussincu"]
@Circione a écrit:
Pudemu mette à Sidussincu annant'à u colpu :suspect:

Rolling Eyes [/quote
A ritruvacci nu a pagina chjam'è rispondi ! Tiri in tutti i sensi oghje !

U scrittu di Lucciardi ùn l'aghju micca, aghju u Martiriu di Santa Divota è A Vindetta di Lilla (c'hè d'altronde una canzona di Poletti s'o ùn mi sbagliu, ch'hà messu un versu addossu à e parolle di Lucciardi).

E salutu à Michela. S'è tù si petralbinca ci cunniscimu per via di a radio, sinnò ùn pensu micca. surrisu
salutu2 Salute,innò,ùn sò petralbinca,sò capicursina di mamma(calabrese di babbu),stò in Oletta è travagliu in Santu Petru di tenda(maestra).
Revenir en haut Aller en bas
Voir le profil de l'utilisateur
Addisperata

avatar

Messages : 205
Date d'inscription : 10/03/2012

MessageSujet: Re: L'impiccati d'Oletta   Dim 16 Sep - 15:12

S'è vo u truvate u testu di Lucciardi nantu à Maria Gentile, ditemila, per piacè...




Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: L'impiccati d'Oletta   

Revenir en haut Aller en bas
 
L'impiccati d'Oletta
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» L'impiccati d'Oletta
» 1774 - L'impiccati di Niolu

Permission de ce forum:Vous ne pouvez pas répondre aux sujets dans ce forum
ISULA :: Per isse sponde è da mare in là... :: Cultura :: Storia-
Sauter vers: