E forme
ete è
emu si sà, sò forme accurtate di l'ausiliariu avè à a prima è a a siconda parsona di u plurale di u indicativu prisente.
In lu so libru La syntaxe du corse (p.56) u ben di Santu Casta distinguia e duie forme dicendu chì a forma accurtata era quella di u verbu avè, invece a forma corta ella era quella d'avè ausiliariu.
eccu unipochi d'esempii per davvi un'idea.
(ausiliarii / corti)
emu finitu, emu vistu, emu intesu...
ete vistu? ete magnatu? ete capitu? ...
ùn emu ancu à magnà
(verbi / longhi)
ùn avemu più vinti anni
avete a fame? avete u fretu?
fame n'avete? n'avete fretu?
noi avemu i soldi!
soldi n'avete?
avemu cinque figlioli
quantu n'avete figlioli?
avete sempre què u cane?
chì vittura avete?
- u quantu n'avemu?
- n'avemu u 6
ùn ne avete ancu una techja di leghje tutti st'esempii?
pè l'esempii quì sopra a forma corta stice.
ùn pensu micca ch'ella si possi dì " u quantu n'emu" o "soldi n'ete? "
invece pè e forme corte (ausiliarii) mi pare curretta ancu a forma longa ancu s'ella vene megliu a corta.
ma ùn hè cà u mo parè è i spizialisti di a gramatica anu disertatu stu foru.