Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Canzone zitelline

Voir le sujet précédent Voir le sujet suivant Aller en bas 
AuteurMessage
Erbaghju



Messages : 452
Date d'inscription : 29/02/2012

MessageSujet: Canzone zitelline   Mer 29 Fév - 22:21

U mondu

Spunta u sole
Luntanu luntanu
Spunta u sole
U babbu di 'ssu mondu

Sorte a luna
Luntana luntana
Sorte a luna
A mamma di 'ssu mondu

Ci sò i stelli
Luntani luntani
Ci sò i stelli
Zitelli di 'ssu mondu

È tutti inseme
Vicini vicini
È tutti inseme
Ballemu issu mondu



U Barone


Zembu è biancu
hè u barone,
pedisciancu
è muzzicone.
Chjucu è rossu
u so cappellu,
tene ùn ci pò
mancu un piulellu.
Longa è verde
a so sciarpa,
s'ellu a perde
cotra a so barba.
Cù u pesu
piega a spazza,
ellu hè surpresu
è in tarra casca.


Dernière édition par Erbaghju le Jeu 14 Jan - 10:13, édité 2 fois
Revenir en haut Aller en bas
Voir le profil de l'utilisateur http://erbaghju.unblog.fr/
Erbaghju



Messages : 452
Date d'inscription : 29/02/2012

MessageSujet: Re: Canzone zitelline   Mer 29 Fév - 22:30




Pichjarina

Sempre una pichjarina
Cantichjava incù piacè
Quella muntagna turchina
Duva u larce hè lu rè

Di stu locu lu splindore
Cum'è a so natura vole
Zifulava da l'albore
À u ciuttà di u sole

A natura ginarosa
Di maghju lu vinti trè
À l'acella graziosa
Piuconi n'hà datu trè

U prima disse o mà
Cusì maiò a pianeta
U prima disse o mà
U mondu vogliu vulà

Vularè o figliulè
A pianeta cusì bella
Vularè o figliulè
S'ellu hè quessu u to piacè

Un antru disse o mà
Hè poca a ghjente in paese
Un altru disse o mà
Campà vogliu in cità

Camparè o figliulè
In a cità a più grande
Camparè o figliulè
S'ellu hè quessu u to piacè

U terzu disse o mà
Inde a nostra furesta
U terzu disse o mà
Par sempre ci vogliu stà

Ci starè o figliulè
Inde 'ssu locu biatu
Ci starè o figliulè
À cantichjà incù mè


D'appressu à un'idea di Gregale è un ritrattu di JF Seguin


Dernière édition par Erbaghju le Jeu 14 Jan - 10:12, édité 2 fois
Revenir en haut Aller en bas
Voir le profil de l'utilisateur http://erbaghju.unblog.fr/
Erbaghju



Messages : 452
Date d'inscription : 29/02/2012

MessageSujet: Re: Canzone zitelline   Dim 4 Mar - 20:10



Ciriola ciriola
Sempre vistuta di rossu
Ciriola punti neri
Dimmi quantu n'ai addossu ?

N'ai unu dui è trè
Quessi i contu cum'è tè
N'ai quattru cinque è sei
Ma questi quì ùn sò mei
Dopu cinque sei è sette
Ottu sarà par prumette

Cincinella cincinella
Punti rossi ùn ne hà mai
Cincinella punti neri
Dimmi quantu tù ne ai ?

N'ai unu dui è trè
Quessi i contu cum'è tè
N'ai quattru cinque è sei
Ma questi quì ùn sò mei
Dopu cinque sei è sette
Di più ùn ne poi mette

Spusatella spusatella
Fammi questu u piacè
Spusatella punti neri
Dimmi quant'ellu ci n'hè ?

N'ai unu dui è trè
Quessi i contu cum'è tè
N'ai quattru cinque è sei
Ma questi quì ùn sò mei
Dopu cinque sei è sette
Ottu sarà per prumette

Ciriola ciriola
Avà ùn ne possu più
Ciriola punti neri
Dimmi quantu n'ai tù ?

N'ai unu dui è trè
Quessi i contu cum'è tè
N'ai quattru cinque è sei
Ma questi quì ùn sò mei
Dopu cinque sei è sette
Di più ùn ne poi mette


Dernière édition par Erbaghju le Jeu 14 Jan - 10:09, édité 2 fois
Revenir en haut Aller en bas
Voir le profil de l'utilisateur http://erbaghju.unblog.fr/
Erbaghju



Messages : 452
Date d'inscription : 29/02/2012

MessageSujet: Re: Canzone zitelline   Mar 6 Mar - 13:51

Niscentria

Aghju fattu una canzona
L'aghju piatta in a muntagna
Sunniendu chì un fioccu
Stracciatu in a notte pagna
A vulia immaculà.
Neve,
Colla in cima issa canzona
Ch'ella amparghi à luccicà.

Aghju scrittu una fola
L'aghju piatta inde un nidu
Par sente sì u piucone
Di l'ovu appena surtitu
A mi vulia cantà.
Culomba,
Porta in celu a me fola
Ch'ella amparghi à vulà.

Aghju pensu à una rima
L'aghju piatta inde un pratu
Fidighjendu sì un fiore
Incù l'albore sbucciatu
A vulia pitturà.
Viola,
Poni in tarra a me rima
Ch'ella amparghi à prufumà.

Impinnatu aghju una nanna
L'aghju piatta inde 'ssu mondu
Par vede sì un zitellu
Cù un surrisu giucondu
A vulia abracciacà.
Figliolu,
Teni in core questa nanna
Ch'ella campi in libertà.


Dernière édition par Erbaghju le Jeu 14 Jan - 9:59, édité 1 fois
Revenir en haut Aller en bas
Voir le profil de l'utilisateur http://erbaghju.unblog.fr/
Erbaghju



Messages : 452
Date d'inscription : 29/02/2012

MessageSujet: Re: Canzone zitelline   Jeu 8 Mar - 22:42

Neve

Stracciu di neve
Faci un mantellu
Inde a pieve
Tuttu hè più bellu

Cum'è un ispechju
Cambii u mudellu
Di u spavechju
In principellu

Cum'è un sartore
Metti un pilone
Tuttu in biancore
À u pullone

Fioccu di lume
À a campagna
Offri u custume
Di a muntagna

Stracciu di neve
Faci un mantellu
Inde a pieve
Tuttu hè più bellu


Dernière édition par Erbaghju le Jeu 14 Jan - 9:57, édité 1 fois
Revenir en haut Aller en bas
Voir le profil de l'utilisateur http://erbaghju.unblog.fr/
Erbaghju



Messages : 452
Date d'inscription : 29/02/2012

MessageSujet: Re: Canzone zitelline   Lun 12 Mar - 14:35

A lumaca chì si vulia marità cù un istellu

A chjar' di luna
Una lumaca
Sempre ci andava
A spassighjà

Disse a volpe
A 'ssa lumaca
Induva tù            
Ti ne voli chjappà?

È li rispose
A lumaca
U mondu sanu
Socu pronta à girà

À chjar' di luna
Una lumaca
Sempre ci andava
À spassighjà

Disse un ciocciu
À 'ssa lumaca
Induva tù
A ti voli piglià?

È li rispose
A lumaca
Quassù in celu
Mi ne vogliu andà

À chjar' di luna
Una lumaca
Sempre ci andava
À spassighjà

Disse un cignale
À 'ssa lumaca
Cun quale tù
A ti voli scappà?

È li rispose
A lumaca
Hè un istellu
Ch'e mi vogliu spusà

À chjar' di luna
Una lumaca
Sempre ci andava
À spassighjà

Disse un ricciu
A 'ssa lumaca
Calchì rigalu
A li voli purtà?

È li rispose
A lumaca
Li vogliu tuttu
U me amore dà

È sta lumaca
À chjar' di luna
Sempre ci và
À spassighjà


Dernière édition par Erbaghju le Jeu 14 Jan - 9:56, édité 1 fois
Revenir en haut Aller en bas
Voir le profil de l'utilisateur http://erbaghju.unblog.fr/
di sfughjita



Messages : 124
Date d'inscription : 06/03/2012
Localisation : Bastia

MessageSujet: Re: Canzone zitelline   Lun 12 Mar - 15:28

Sò incantata quant'è una chjuculella ! ditone

Bravu, bravu à lu Pueta chì cù a penna ispirata à tutti i zitelli da ... à ... anni cusì bè sà cuntà l'affari mai vani !

Wink sunny
Revenir en haut Aller en bas
Voir le profil de l'utilisateur
cana



Messages : 3
Date d'inscription : 14/03/2012
Age : 54

MessageSujet: Re: Canzone zitelline   Ven 16 Mar - 18:11

mi piacenu assai ste puesie zitelline. Erbaghju hè un pueta di grande qualità.
Revenir en haut Aller en bas
Voir le profil de l'utilisateur
Erbaghju



Messages : 452
Date d'inscription : 29/02/2012

MessageSujet: Re: Canzone zitelline   Ven 16 Mar - 19:25

Vi ringraziu.



Casca a castagna
Quallà in a furesta
Sciuppa a castagna
Par tutti face festa

Nasce u caprettu
Quassù in a muntagna
Salta u caprettu
Par tutti hè cuccagna

Corre u zitellu
Cù gioia è aligria
Canta u zitellu
Par tutta a famiglia


Dernière édition par Erbaghju le Jeu 14 Jan - 9:53, édité 1 fois
Revenir en haut Aller en bas
Voir le profil de l'utilisateur http://erbaghju.unblog.fr/




Messages : 23
Date d'inscription : 29/02/2012

MessageSujet: Re: Canzone zitelline   Ven 16 Mar - 20:05

@cana a écrit:
Erbaghju hè un pueta di grande qualità.

mipiace ditone
Grande pueta hè l'Erbaghju
Chì sparte la so scrittura
Pocu impreme u sugettu
Da l'amore à a natura
L'Erbaghju hè sempre l'Erbaghju
Ùn cambierà d'andatura cheers
eviva

è hè vera chì e sò canzone per i chjuchi sò belle, in più, ci vole à sapè chì sò tutte scritte per u nostru figliolu caru :heart: !
Revenir en haut Aller en bas
Voir le profil de l'utilisateur
Erbaghju



Messages : 452
Date d'inscription : 29/02/2012

MessageSujet: Re: Canzone zitelline   Sam 17 Mar - 20:50

Mulinellu

Quandu chì a to manuccia
Par mè face un mulinellu
Mulinellu mulinellu
Mossu cù lu vintulellu

Cum'è a fronda chì vola
Mossa cù u vintulellu
Mulinellu mulinellu
Scopri u mondu u più bellu

Parti par fà un viaghju
Inde u mondu u più bellu
Mulinellu mulinellu
Lampendu fiori in u celu

Quandu si piglia a notte
Tutti 'ssi fiori in u celu
Mulinellu mulinellu
Luccicheghja calchì stellu

Avà stringhji e to mani
Sunniendu ad ogni stellu
Mulinellu mulinellu
Dormi caru anghjulellu


Dernière édition par Erbaghju le Jeu 14 Jan - 9:52, édité 1 fois
Revenir en haut Aller en bas
Voir le profil de l'utilisateur http://erbaghju.unblog.fr/
Erbaghju



Messages : 452
Date d'inscription : 29/02/2012

MessageSujet: Re: Canzone zitelline   Dim 16 Sep - 21:29

Ghjallinuccia

Ghjallinuccia sarà vera
Dimmi ghjallinuccia nera
L'ovu chì tù teni à fiancu
S'ellu hè neru o s'ellu hè biancu?

Ghjallinuccia ùn mi sbagliu
U to capu hè tuttu giallu
Ma l'ovu chì t'ai à fiancu
Dimmi s'ellu hè giallu o biancu?

Ghjallinuccia sempre in mossa
Dimmi ghjallinuccia rossa
L'ovu chì tù teni à fiancu
S'ellu hè rossu o s'ellu hè biancu?

Ghjallinuccia mai stanca
A sò ghjallinuccia bianca
L'ovu chì tù teni à fiancu
Sò sicuru ch'ellu hè biancu!


Dernière édition par Erbaghju le Lun 17 Sep - 20:18, édité 1 fois
Revenir en haut Aller en bas
Voir le profil de l'utilisateur http://erbaghju.unblog.fr/
di sfughjita



Messages : 124
Date d'inscription : 06/03/2012
Localisation : Bastia

MessageSujet: Re: Canzone zitelline   Lun 17 Sep - 14:30

@Erbaghju a écrit:
Ghjallinuccia

Ghjallinuccia sarà vera
Dimmi ghjallinuccia nera
L'ovu chì tù teni à fiancu
S'ellu hè neru o s'ellu hè biancu

Ghjallinuccia ùn mi sbagliu
U to capu hè tuttu giallu
Ma l'ovu chì t'ai à fiancu
Dimmi s'ellu hè giallu o biancu

Ghjallinuccia sempre in mossa
Dimmi ghjallinuccia rossa
L'ovu chì tù teni à fiancu
S'ellu hè rossu o s'ellu hè biancu

Ghjallinuccia mai stanca
A sò ghjallinuccia bianca
L'ovu chì tù teni à fiancu
Sò sicuru ch'ellu hè biancu

Bonghjornu à tè o Erbà

S'ellu di sicuru hè biancu l'ovu caru à u so fiancu d'a t'amica ghjallina bianca, di l'altre trè ghjallinuccie, nera l'una, gialla l'altra è rossa l'ùltima, chì t'ai intargatu à contu meiu cù l'arte, u garbu è ancu a manera puètica, chì ne hè ?

L'ove soie comu sò ?

Wink ditone salutu2
Revenir en haut Aller en bas
Voir le profil de l'utilisateur
Erbaghju



Messages : 452
Date d'inscription : 29/02/2012

MessageSujet: Re: Canzone zitelline   Lun 17 Sep - 20:24

@Erbaghju a écrit:
Ghjallinuccia

Ghjallinuccia sarà vera
Dimmi ghjallinuccia nera
L'ovu chì tù teni à fiancu
S'ellu hè neru o s'ellu hè biancu?

Ghjallinuccia ùn mi sbagliu
U to capu hè tuttu giallu
Ma l'ovu chì t'ai à fiancu
Dimmi s'ellu hè giallu o biancu?

Ghjallinuccia sempre in mossa
Dimmi ghjallinuccia rossa
L'ovu chì tù teni à fiancu
S'ellu hè rossu o s'ellu hè biancu?

Ghjallinuccia mai stanca
A sò ghjallinuccia bianca
L'ovu chì tù teni à fiancu
Sò sicuru ch'ellu hè biancu!

Eccu o DS,
Cù a puntunazione ghjusta, si capisce megliu ch'ùn a sò micca. Ma fatta a frittata mì...
Revenir en haut Aller en bas
Voir le profil de l'utilisateur http://erbaghju.unblog.fr/
di sfughjita



Messages : 124
Date d'inscription : 06/03/2012
Localisation : Bastia

MessageSujet: Re: Canzone zitelline   Mer 19 Sep - 9:44

@Erbaghju a écrit:
@Erbaghju a écrit:
Ghjallinuccia

Ghjallinuccia sarà vera
Dimmi ghjallinuccia nera
L'ovu chì tù teni à fiancu
S'ellu hè neru o s'ellu hè biancu?

Ghjallinuccia ùn mi sbagliu
U to capu hè tuttu giallu
Ma l'ovu chì t'ai à fiancu
Dimmi s'ellu hè giallu o biancu?

Ghjallinuccia sempre in mossa
Dimmi ghjallinuccia rossa
L'ovu chì tù teni à fiancu
S'ellu hè rossu o s'ellu hè biancu?

Ghjallinuccia mai stanca
A sò ghjallinuccia bianca
L'ovu chì tù teni à fiancu
Sò sicuru ch'ellu hè biancu!

Eccu o DS,
Cù a puntunazione ghjusta, si capisce megliu ch'ùn a sò micca. Ma fatta a frittata mì...

Wink Simu intesi o Erbaghjò ed hè vera chì frittate ch'elle sò turnate l'ove anu tutte listessa culore è ci fàcenu vene sùbitu a frùzzica è a fame s'ella hè di prima trinca a persona chì l'acconcia, ma m'hà fattu prestu sunnià d'ove straurdinarie a to puesia zittellesca !!!

Avà t' arringraziu di core pè sti segni adatti è tracciati à bella posta da ch'ella infine mi sìa scuperta a pignatta toia pueta !
ditone salutu2
Revenir en haut Aller en bas
Voir le profil de l'utilisateur
Erbaghju



Messages : 452
Date d'inscription : 29/02/2012

MessageSujet: Re: Canzone zitelline   Jeu 14 Jan - 9:50

Hè ghjuntu l'annu novu

S’affacca l’annu novu
Hè ghjuntu pianu pianu
Par fà à u so modu
À ogni paisanu
A più bella prumessa

È sta prumessa l’hà
Fatta à passi ciatti
In e grande cità
In i paesi piatti
Cum’è una scumessa

Una scumessa chì
Pichjata à ogni porta
À tutti vole dì
È dilla un’antra volta
Pace è salute
Pace è salute à tutti
Revenir en haut Aller en bas
Voir le profil de l'utilisateur http://erbaghju.unblog.fr/
Contenu sponsorisé




MessageSujet: Re: Canzone zitelline   Aujourd'hui à 12:37

Revenir en haut Aller en bas
 
Canzone zitelline
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Canzone zitelline
» Parigi: lasciapassare dell'Italia a immigrati sono un problema
» Una Canzona - Cucurrucucú Paloma.

Permission de ce forum:Vous ne pouvez pas répondre aux sujets dans ce forum
ISULA :: Lingua viva :: Scola :: Estru zitellinu-
Sauter vers: