Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Agostini Austinu

Voir le sujet précédent Voir le sujet suivant Aller en bas 
AuteurMessage
Sumenta



Messages : 2050
Date d'inscription : 25/02/2012

MessageSujet: Agostini Austinu   Sam 3 Nov - 10:54

A torra di e caselle


In la piaghja di San Ghjulianu
À luce di sole è stelle
Sempre guarnita à veranu
À nidi di rundinelle
Sola sol à mezu pianu
A torra di e Caselle

In lampendu un sguardu à manca
Ghjustu in faccia à l'Albitrone
Un antra chì hè di più stanca
Ghjè quella di lu Falcone
Chì à fighjalla è dilla franca
Ùn ci hè lu so paragone

In li seculi passati
Per difende lu s'onore
Si stavanu impichjulati
In cima à isse duie torre
I nostri vechji antenati
Pronti à tumbà è à more

Quelli eranu à stomachiccia
Feroci più chè lioni
Davanu la petturiccia
À mitraglie è à cannoni
Santu Appianu è a Scupiccia
Ponu fà i testimoni

Santu Appianu hè quellu sopra
À Linguizzetta è Canale
Ellu hà vistu ghjente è robba
Sempre andassine di male
Invaditi da l'Auropa
A putenza universale

Propiu induve ella s'appiccia
A ghjura incù Santu Andria
Ci hè impiantata a Scupiccia
È ci stà Santa Maria
L'ochju sempre à la batticcia
Induve lu nemicu seria

M'accade bellu sovente
Di ghjunghje à isse duie torre
È mi si pare di sente
L'anima chì ùn vole more
Quella di lu Corsu ardente
Chì si batte per l'onore

Hè vera lu Corsu ardente
S'ellu hè cercu in u so ghjocu
Ghjè cum'è lu fulminente
Ind'ellu intuppa caccia focu
U passatu è lu prisente
L'anu provata inghji locu

A. Austinu




Dernière édition par petra alta le Sam 3 Nov - 11:03, édité 1 fois
Revenir en haut Aller en bas
Voir le profil de l'utilisateur
Sumenta



Messages : 2050
Date d'inscription : 25/02/2012

MessageSujet: Re: Agostini Austinu   Sam 3 Nov - 10:55

si qualchissia cunnosce d'altre puesie nant'à u paese di San Giulianu core ...
Revenir en haut Aller en bas
Voir le profil de l'utilisateur
SERRA



Messages : 953
Date d'inscription : 25/02/2012

MessageSujet: Re: Agostini Austinu   Sam 3 Nov - 22:46

petra alta a écrit:
si qualchissia cunnosce d'altre puesie nant'à u paese di San Giulianu core ...

un ci ne serà tante ma se tu voli e ti pudimu fà nove Rolling Eyes .
priferisci nant'à i chivì cherry (è u solu fruttu ch'aghju buscu imbarazzatu ) di l'INRA o nant'à u radar d'Alistru rambo ?
Revenir en haut Aller en bas
Voir le profil de l'utilisateur
Sumenta



Messages : 2050
Date d'inscription : 25/02/2012

MessageSujet: Re: Agostini Austinu   Lun 5 Nov - 10:40

Ghjallochju a écrit:
petra alta a écrit:
si qualchissia cunnosce d'altre puesie nant'à u paese di San Giulianu core ...

un ci ne serà tante ma se tu voli e ti pudimu fà nove Rolling Eyes .
priferisci nant'à i chivì cherry (è u solu fruttu ch'aghju buscu imbarazzatu ) di l'INRA o nant'à u radar d'Alistru rambo ?


per u radar d'Alistru fà la puru in a sezzione Alistru è micca San Giulianu rambo
dunque attacca puru quella di i chivì risa...eiu m'occupu di quella di e nuciole bounce bounce lingua
Revenir en haut Aller en bas
Voir le profil de l'utilisateur
Lùlù



Messages : 717
Date d'inscription : 04/11/2012

MessageSujet: antulugia litteratura   Lun 5 Nov - 17:14


Un SALUTONU à Austinu !ùn possu fà di menu vistu chi ben che Perellacciu
s'hè scurdatu d'esse minutu .
Hè ghjunttu à alzà e so rime à l'altura d'a torra di e Caselle ma ùn hè d'oghje
ch'elle piglianu e foto aeriane .Ogni lettura ghjè una carta pustale
è s'ellu e vi dice ci bucca ancu u timpanu per stampone !

A torra di e Caselle hè quatrata è stà à mezu piani sott'à u cùcculu
di l'Albitrone (stu locu hè bellu quante u nome ch'ellu porta)
À a torra di e Caselle ci'aghju vistu un matrimoniu voltu 1965 .

À chi passa per custì ci si pò cansà,chi a si vale .

Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Agostini Austinu   Lun 5 Nov - 17:35

Nantu à a rena


Sò falatu nantu à a rena
Aghju vistu una zitella
Ch'appruntava a so cena
È si stava di per ella
Quant'ella m'hà fattu pena
D'esse sola cusì bella.

Mi ne sò calatu accantu
Fenduli un bellu surisu
Ella n'hà fattu altr’è tantu
Ma videndumi decisu
S'hà circatu un altru cantu
Per fammi scambià d'avisu.

Disse chì di Cursichella
Ùn era Napuleone
Ma per tè a mio zitella
Mi vogliu tuttu dispone
Vistu chì sì cusì bella
Prufittu di l'occasione.

Mi disse sì degurditu
Tù per esse un paisanu
Avia digià capitu
À vedeti da luntanu
Chì s'o ti dava u ditu
Ti pigliavi ancu a manu.

0 cum'è tù sì malpensa
Eiu sò ben'allevatu
Facciu tuttu cun cunscenza
Cusì sò statu amparatu
Tanta puru la to scenza
Chì ùn faci micca un piccatu.

Hà da vene ancu u ghjornu
Di u longu viaghju à fà
ciasc'ognunu à u so tornu
Nimu a si pò francà
Allora in lu to sugiornu
Perchè t'ai da privà

Ùn fighjà più in faccia à l'altri
Perchè ognunu pensa à sè
Ma perchè emu da privacci
Di sti più belli piacè
Veni in furia ch'o t'abbracci
È fà l'amore cun mè.

Dopu issa bella stondata
Ch'è n'aviamu passatu
Aghju dettu à quella fata
Ti vogliu resta fidatu
Ma ella si n' hè andata
È solu mi s'hà lacatu.

Agostini Austinu

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Agostini Austinu   Lun 5 Nov - 17:40

I mesi


Ghjennaghju à lu mio focu
O quantu pensu è riflettu
Senza pudè andà in locu
S'ellu ùn hè in lu mio lettu
Mi cuntentu di lu pocu
Tuttu mi face dispettu

Ferraghju hè lu più cortu
Ma pessimu è maladettu
Ùn parte senza fà mottu
Ma sempre incù lu rigrettu
O ch'ellu varga piuttostu
Ch'ùn hè tantu un bon sugettu

Dopu à li dui lu terzu
Anch'ellu dà à riflette
Ghjunghje lu mese di Marzu
Incù le so sette barrette
È per facci sgherzi è scarsi
Le si caccia le si mette

Aprile ch'hè tuttu in fiore
Induve la ghjente spera
Hè anch'ellu traditore
Ci vole à dilla chì ghjè vera
Dà à riflette à lu pastore
Ch'appronta la muntagnera

Di Maghju nantu à la cresta
S'affacca lu rusignolu
U cuccu li tene testa
Cantà ùn lu lascia solu
Onorata hè la furesta
Chì hà cacciatu lu so dolu

I ghjorni sò allungati
Quand'ellu ne vene Ghjungnu
Nantu à a rena dispugliati
Sò cum'è l'ape à u bugnu
Tutti unti è filingati
Di sinamente à lu grugnu

Di Lugliu lu Cuntinentale
Piglia parechje intraprese
Chita la so capitale
È si ne vene in paese
Per ùn passassila male
Guarda pocu le so spese

Aostu, Santa Maria
Hè lu mese lu più bellu
Qual'hè chì ùn si steria
Induve tuttu hè bè è megliu
Hè finita l'allegria
Ci vole à piglià u batellu

Vene Settembre è Ottobre
Simu digià di vaghjime
Tandu allora u pastore
Chita torna l'alte cime
È si n'empieghja di core
Per fà sente le so rime

Ma lu più tristu hè Novembre
Chì sole ne sorte pocu
Hè in accordu incù Dicembre
C'impediscenu lu ghjocu
Per cunservà le mio vembre
Mi ne ritornu à lu focu

Austinu Agostini

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Agostini Austinu   Lun 5 Nov - 17:44

PÒ ESSE UN GHJORNU

U ghjornu chì Santu Appianu
Serà paru cum’è un fogliu,
È chì l’omi ùn averanu
Più scemità nè orgogliu,
Forse tandu lu Supranu
Ùn sunerà più murtoriu.

Quandu li pesci per mare
Vuleranu cum’è l’ucelli,
Chì li monti è le fiumare
S’abbracciaranu frà d’elli,
Issu ghjornu le mamme
Ùn pienghjenu più zitelli.

Quandu la festa di Pasqua
Di maghju la vederete,
È chì le truite in l’acqua
Creperanu da la sete,
Tandu più omi ùn ne casca
E palle seranu frete

U ghjornu chì Monte Cintu
Falerà nantu marina,
Chì ogni focu serà spintu
È i ricordi in pulvina,
Tandu seraghju cunvintu
Ch’ella ùn ghjunghje più Falgina.

Ancu s’omu la rigretta
D’ùn avenne fattu assai,
Quandu ella ghjunghje ùn ci hè scelta
È à chì parte ùn volta mai,
Lascendu quellu chì resta
In i turmenti è in i guai.

Tuttu ognunu hà un destinu
Dunque ùn ci vale paura,
Prima di fà issu caminu
Mettimuci bè premura,
È fanne quant’è Tacchinu
Macaru fin ch’ella dura.

Austinu Agostini

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
SERRA



Messages : 953
Date d'inscription : 25/02/2012

MessageSujet: Re: Agostini Austinu   Lun 5 Nov - 22:02

petra alta a écrit:

per u radar d'Alistru fà la puru in a sezzione Alistru è micca San Giulianu rambo
dunque attacca puru quella di i chivì risa...eiu m'occupu di quella di e nuciole bounce bounce lingua

perchè Alistru hà dicchjaratu a so indipendenza da San Ghjulianu suspettu ?
heu e nociole voli sicuramente parlà di quelle situate da una parte e da l'altra di u fanale , no ? bounce banana bounce
fughje
Revenir en haut Aller en bas
Voir le profil de l'utilisateur
di sfughjita



Messages : 124
Date d'inscription : 06/03/2012
Localisation : Bastia

MessageSujet: Re: Agostini Austinu   Mar 6 Nov - 10:50

@Circione a écrit:
I mesi


Ghjennaghju à lu mio focu
O quantu pensu è riflettu
Senza pudè andà in locu
S'ellu ùn hè in lu mio lettu
Mi cuntentu di lu pocu
Tuttu mi face dispettu

Ferraghju hè lu più cortu
Ma pessimu è maladettu
Ùn parte senza fà mottu
Ma sempre incù lu rigrettu
O ch'ellu varga piuttostu
Ch'ùn hè tantu un bon sugettu

Dopu à li dui lu terzu
Anch'ellu dà à riflette
Ghjunghje lu mese di Marzu
Incù le so sette barrette
È per facci sgherzi è scarsi
Le si caccia le si mette

Aprile ch'hè tuttu in fiore
Induve la ghjente spera
Hè anch'ellu traditore
Ci vole à dilla chì ghjè vera
Dà à riflette à lu pastore
Ch'appronta la muntagnera

Di Maghju nantu à la cresta
S'affacca lu rusignolu
U cuccu li tene testa
Cantà ùn lu lascia solu
Onorata hè la furesta
Chì hà cacciatu lu so dolu

I ghjorni sò allungati
Quand'ellu ne vene Ghjungnu
Nantu à a rena dispugliati
Sò cum'è l'ape à u bugnu
Tutti unti è filingati
Di sinamente à lu grugnu

Di Lugliu lu Cuntinentale
Piglia parechje intraprese
Chita la so capitale
È si ne vene in paese
Per ùn passassila male
Guarda pocu le so spese

Aostu, Santa Maria
Hè lu mese lu più bellu
Qual'hè chì ùn si steria
Induve tuttu hè bè è megliu
Hè finita l'allegria
Ci vole à piglià u batellu

Vene Settembre è Ottobre
Simu digià di vaghjime
Tandu allora u pastore
Chita torna l'alte cime
È si n'empieghja di core
Per fà sente le so rime

Ma lu più tristu hè Novembre
Chì sole ne sorte pocu
Hè in accordu incù Dicembre
C'impediscenu lu ghjocu
Per cunservà le mio vembre
Mi ne ritornu à lu focu

Austinu Agostini

È per avvià a brama di cantichjalli :

http://www.dailymotion.com/video/xdz0zg_l-attrachju-i-mesi_music?search_algo=2
Revenir en haut Aller en bas
Voir le profil de l'utilisateur
Sumenta



Messages : 2050
Date d'inscription : 25/02/2012

MessageSujet: Re: Agostini Austinu   Mar 6 Nov - 11:44

Ghjallochju a écrit:

heu e nociole voli sicuramente parlà di quelle situate da una parte e da l'altra di u fanale , no ? bounce banana bounce
fughje


eiu ciò chì vecu sò duie nuciole cerviuninche da una parte è da l'altra di una banana fressinette risa
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: Agostini Austinu   Aujourd'hui à 9:11

Revenir en haut Aller en bas
 
Agostini Austinu
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Agostini Austinu
» N° 1 Disney Dream file - De Agostini - Japon
» Giacomo AGOSTINI
» De Agostini-Altaya Collection réseau au N
» Remarques sur la construction du SoS Altaya au 1/84e.

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Antulugia-
Sauter vers: