Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Puesie di ciocciu

Voir le sujet précédent Voir le sujet suivant Aller en bas 
Aller à la page : 1, 2  Suivant
AuteurMessage
Lùlù



Messages : 721
Date d'inscription : 04/11/2012

MessageSujet: Puesie di ciocciu   Lun 5 Nov - 15:37

Dui scritti d’introitu per salutavvi
prima di fà i primi passi

ESTRI è CUNTRASTI !


A porta hè spalancata
è nentru ci hè u Foru
chì chjama à l’operata
i detti in lingua d’oru
fatti’à casa cacciata .

D’a porta spalancata
traghje un estru à cuntrasti,
ùn vale à staccià tasti
a mossa hè palisata
da Circione attizzata .

D’un sguardu spalancatu
mi trovu prestu à latu
di qualchì belli inseti
à l’estru aggalabatu
maturati pueti.

Amici tenite forte
voltanu è Ciocciate
ch’ùn si paranu e porte
che di prime puntate
da voi spalancate.

§
« O zitelli lampate puru u sale

....e zucche ci sò ! »

ciocciu


Dernière édition par ciocciu le Mar 6 Nov - 7:45, édité 2 fois
Revenir en haut Aller en bas
Voir le profil de l'utilisateur
Lùlù



Messages : 721
Date d'inscription : 04/11/2012

MessageSujet: Re: Puesie di ciocciu   Lun 5 Nov - 15:42

« à i miò maiò di u Foru »

AMICI PUETI

À umbria di u spechju
Maestri di tasti è fiure
surgenu e vostre scritture
riflessi d’un usu vechju
agguazzatu di friscure.

Di sta lingua chì vi tene
ne sapete adoprà l’arte
d’e so divizie materne
in a musica chì sparte
a mètrica di e tintenne.

Site a squilla capi machja
chì inforca u primu passu
d’un dettu ch’ùn batachja
è ci’accheghja* à versu bassu
quandu l’angoscia attrachja.

Site stu rasgiu di l’alba
chi sveglia i primi culori
muscante di rima malba
è chi move l’estri mori
per u megliu chì ci stalba. *

Cusi ben lettu è pasciutu
m’aricogliu quante manna
vostru scrittu benvenutu :
per stu piacè chì mi spanna,
…d’un rinchinu.. : vi salutu !.

§

Ò zitelli lampate puru u sale
…. e zucche ci sò !

ciocciu

*accheghjà :acchità = azzica
* stalbà o stalvà =chi ferma per lezzione, ... stalvatoghju





Revenir en haut Aller en bas
Voir le profil de l'utilisateur
Lùlù



Messages : 721
Date d'inscription : 04/11/2012

MessageSujet: Mela Aranciu   Jeu 8 Nov - 20:46

MELA ARANCIU :(mail. Puntu fr)

Oghje ùn ci’hè più ch’un scrittore,
asciuttu di sangue fretu,
si stampa cù l’ordinatore
à l’embiu d’u tempu chì scorre.
Ùn s’affacca più fattore
per e case d’u quarcetu,
omu ùn campa più fidanciu.
Indirizzu : MELA ARANCIU !

U peghju hè sempre per dopu,
l’ordinatore hà i vezzi
ùn viaghja senza topu,
a misgia s’imposta è cura,
è l’altri for di paura
hanu più u fiatu è l’ansciu
di mette a casa in pezzi :
Indirizzu :Mela Aranciu !

Finiti sti frutti in cantina,
oghje rimpiazza a sporta,
ellu caccia è trascina,
si spiazza è si trasporta
da a salla à a cucina
cù a so manechja à ganciu :
Indirizzu :Mela Aranciu !

È torna l’unica stagione,
cù soli sti dui frutti
per pappina è cunfittura
ùn si sorte pò di custì.
Ùn cì tocca bombuccone
chjarasge o pera matura,
oghje hè scarsu u tempu danciu.
Indirizzu :Mela Aranciu !

Si chjappa e puce d’u cane,
è ogni mosca di donna,
colpu à colpu face panne,
u primu sbagliu ùn perdona,
è spessu a memoria ciotta :
Indirizzu :Mela Cotta.

À pianotta stu rastellu,
ùn ci’hè tempu à frusta denti,
anu i capi trapudenti,
è a forza in u capellu,
è dopu qualchì mumenti
li si schiatta u cerbellu
senza l’ultimu spatansciu :
Indirizzu :Mela Aranciu !

Si richjama u fattore
è pudemu parlà corsu,
ripigliemu capre è sumere,
a campana tintenna l’ore
à l’embiu di u tempu scorsu,
altru megliu ùn ci hè manere.
indirizzu :

« Grossu Minutu è Macagne
Pont’in farru : Noce è Castagne !

§
ciocciu
Revenir en haut Aller en bas
Voir le profil de l'utilisateur
Lùlù



Messages : 721
Date d'inscription : 04/11/2012

MessageSujet: Re: Puesie di ciocciu   Ven 7 Déc - 10:22

A tè LINGUA d’a Memoria
testimone di a Storia

Scorre a tò dipanella,
intreccia u so viaghju,
per tesse qualchi paghjella
annantu u primu tilaghju,
Tù ò sesta d’a favella
sì core è u calamaghju.

Sì cume l’antica NORIA, 
chi si viota è s’accolma
sempre para d’acqua fresca,
cacci rime per a gloria
di fà sventulà a chjoma,
in ballendu a Moresca.

D’a tò liberta fiurita
li n’ampari pocu a l’omu,
d’u primu stritu di vita
fin’u spadansciu di morte,
per dall’un sapè colmu
chjave di tutte e porte.

Tantu mamma che surella,
puntelli Storia è famiglia,
Sì a nanna è a panella
chi fascia usu è sumiglia,
u tò spechju ghjè funtanella
d’ogni vita chi spampilla .

Sì u granu è a tribbiera,
castagna è macinera,
stazzona di tutti l’arte
sì a tempera di l’esse,
a pruvenda chi sì sparte
frà nostre brame prumesse.

Tantu musica che pittura
sì nostra speranza pura,
a stella d’u spatriatu,
d’una fiura faci festa,
sì d’u riascquistu natu,
nostra prima è sola sesta.

§

AIÒ !

Omu vechju in vechju core
li pesanu tempu è ore,
cù u zimbu à u spallone
face u passu à bastone,
senza pienghje l'ochju hè crosciu
chì si vede frustu è corciu :
« SOLU ! »

Vechja lingua ùn pò stà sola,
materna parulla ùn more,
accatizza u vechju core
è li conta a so fola :
« Lingua eru quandu sì natu
é sò sempre u to fiatu
AIO ! »

§

ciocciu
Revenir en haut Aller en bas
Voir le profil de l'utilisateur
Lùlù



Messages : 721
Date d'inscription : 04/11/2012

MessageSujet: Re: Puesie di ciocciu   Lun 17 Déc - 10:03

Tiratu di : Attenti à a rima

« Mi garba di a lingua a nucenza bambina
a mi pigliu in collu cumu una ciuccia cara
per cogliemi a grazia di u so ansciu caldu,
a vogliu vede corre, è sente à spessu ride
ruzà senza penseri, è tirà i scambietti
sunà è cantà, è senza alcuna rima
pigliassi a paghjella per adunì a forza. »

&

ciocciu
Revenir en haut Aller en bas
Voir le profil de l'utilisateur
Lùlù



Messages : 721
Date d'inscription : 04/11/2012

MessageSujet: puesie di ciocciu   Mar 27 Oct - 21:45

À PASSI ZITELLINI :

  PARULLETTA

Parulla parulletta,
frasca fraschetta,
fresca viuletta,
fata fatetta
tira l’anchetta
salta scalletta.

Verbu verbone,
capu capone,
babbu babbone,
stu sapientone
scarpu scarpone
salta scalone.

Articulellu articulucciu,
chjucu chjucucciu,
schincu schinchellu,
scarpu scarpucciu,
vole ancu ellu
saltà scalellu.

Nome ò cugnome
tempu chjamatu
accunccia some,
incapellatu
d’a so casata
salta a strada.

Gramatichella
scematichella,
cùcculu è piola
gendarmu in scola,
a legge in stacca
salta è casca.

Dettu è pruverbiu
ùn’hè maciarbu,
grammàtica para
ùn li n’amparra,
pocu l’adopra
salta per sopra.

Bellu frisgettu                                  
à core in pettu
scrittu ghjè lettu
lingua l’hà dettu,
lestru terzzettu
salta u tettu.

Goffu d’impresu
estru francesu
ùn face casgiu,
cìao è basgiu,
incalcu mozzu
salta u pozzu.

Parulla à frisgi,
verbu à scupettu,
nome à fiucchettu,
articulettu,
sò i mo amici
i piu felici,
lingua à figliolu
li salta à collu.
          §
                 Ciocciu Lùlù
Revenir en haut Aller en bas
Voir le profil de l'utilisateur
Lùlù



Messages : 721
Date d'inscription : 04/11/2012

MessageSujet: puesie di ciocciu   Dim 13 Déc - 23:06

ORAMAI TOCCA à NOI :

   
  «  AVANTI !  »

                 
TEMPI FATTI ! TEMPI FEREMU !


Ci’hanu allevati piatti  
franchi di‘ssa cuscienza
chì oghje ci ramenta
tutti sti tempi fatti
ch’ùn anu di prisenza
ch’una vechja sumenta.

Tempi fatti d’ingegnu
per puntellà dumane            
stazzonati è di legnu
è di stantu famitu
per assicurà un pane
ch’ùn si manghja banditu.
 
Hanu fattu è feremu
per spulà a tutella
per ùn pagà u lermu
nè mancu a gabella
à chi burlà è seduce
senza maì pruduce.

Feremu un tempu fattu
per impattà u persu
è per cambià u trattu
moveremu u versu,    
ch’à la paghjella li trica
di caccià torna spica !

            §  LULÙ
                       

Revenir en haut Aller en bas
Voir le profil de l'utilisateur
Lùlù



Messages : 721
Date d'inscription : 04/11/2012

MessageSujet: puesie di ciocciu   Dim 27 Déc - 23:28

'tempi fatti tempi feremu'  : u ribombu di Madalena Massiani :

"AVANTI" piccia à veru cù l'attualità !
Eccu i mio "Tempi fatti" in risposta :

Tempi fatti tempi andati
Suspesi in la bambace
Piatti si micca sguassati
Chì a memoria ùn si tace
Tempi novi spulverati
Da un soffiu più murdace

Tempi novi più fattivi
Ghjemme di sumente ardita
Da fà l'arburi fruttivi
À suchju lingua sbuccita
Franchi di venti nucivi
Fatti arburoni di vita
          § Madalena Massiani di a Casanova
Revenir en haut Aller en bas
Voir le profil de l'utilisateur
Lùlù



Messages : 721
Date d'inscription : 04/11/2012

MessageSujet: puesie di ciocciu   Sam 2 Jan - 10:11

Per capu d’annu u pueta volta à l’appolu
chi a musa ùn pò tace
l’estru chi stende u volu
d’auguri di soffice bambace !  
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Puesie di ciocciu   Sam 2 Jan - 16:53

@Lùlù a écrit:
'tempi fatti tempi feremu'  : u ribombu di Madalena Massiani :

"AVANTI" piccia à veru cù l'attualità !
Eccu i mio "Tempi fatti" in risposta :

Tempi fatti tempi andati
Suspesi in la bambace
Piatti si micca sguassati
Chì a memoria ùn si tace
Tempi novi spulverati
Da un soffiu più murdace

Tempi novi più fattivi
Ghjemme di sumente ardita
Da fà l'arburi fruttivi
À suchju lingua sbuccita
Franchi di venti nucivi
Fatti arburoni di vita
          § Madalena Massiani di a Casanova

ditone
Ci hè u razzinu!
(bisogna à pricisà chì Maddalena hè figliola di u ben di Ghjannettu Nottini)

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Lùlù



Messages : 721
Date d'inscription : 04/11/2012

MessageSujet: puesie di ciocciu   Dim 3 Jan - 0:46

@Circione a écrit:
@Lùlù a écrit:
'tempi fatti tempi feremu'  : u ribombu di Madalena Massiani :

"AVANTI" piccia à veru cù l'attualità !
Eccu i mio "Tempi fatti" in risposta :

Tempi fatti tempi andati
Suspesi in la bambace
Piatti si micca sguassati
Chì a memoria ùn si tace
Tempi novi spulverati
Da un soffiu più murdace

Tempi novi più fattivi
Ghjemme di sumente ardita
Da fà l'arburi fruttivi
À suchju lingua sbuccita
Franchi di venti nucivi
Fatti arburoni di vita
          § Madalena Massiani di a Casanova

ditone
Ci hè  u  razzinu!
(bisogna  à pricisà  chì Maddalena hè figliola di u ben di Ghjannettu Nottini)

a scrittura di Madalena hè un arcbalenu chi pò braganà tutti i tasti di fiure è di parolle chi sprichjanu cumu un focu stellatu !

-dipoi u 13 Dicembre ‘tempi fatti tempi feremu’ ùn hà avutu ne tottu ne mottu ? ma forse pensate chi u mo razzinu ghjè per troppu LULUNATICU !... ! ùn hè che u soiu chi si n’hè avvistu !

Revenir en haut Aller en bas
Voir le profil de l'utilisateur
Lùlù



Messages : 721
Date d'inscription : 04/11/2012

MessageSujet: puesie di ciocciu   Jeu 14 Jan - 8:59

  U PARLATU

Di u nostru parlatu fiuritu
inchjoccatevi d’i so prufumi,
sfinghje l’ingeniu d’estru sapitu
ghjè prismu è sogni d’anima pura
arcubalenu di tutti i lumi
inchjostru à prò di fà scrittura.

                   §
Lùlù
Revenir en haut Aller en bas
Voir le profil de l'utilisateur
Lùlù



Messages : 721
Date d'inscription : 04/11/2012

MessageSujet: puesie di ciocciu   Sam 30 Jan - 14:49


Isulanu hà scrittu : a soluzione hè d'ùn scrive per scrive ma per truvacci piacè ?

Puru per ùn scrive per scrive … Eccu chi :

I MO SCRITTI FUGHJITICCI

Ò voì scritti scapparini
astondati d’estru furtivu
currite i tasti celini
in cerca d’avene fruttivu,
mà tale Icare à u sole
state in pianu cù l’ale frolle,
sfiatatu da u tempu passu
l’indarnu volu spicca u saltu,
spatanciatu è d’apollu bassu,
ùn stuzzica mancu u cuntraltu.

§ Lulù


Revenir en haut Aller en bas
Voir le profil de l'utilisateur
Lùlù



Messages : 721
Date d'inscription : 04/11/2012

MessageSujet: puesie di ciocciu   Sam 13 Fév - 8:46


TEMPU è ORA


Salutu u passatu
stu presente cascatu,
Cù u ghjornu tricatu
da dumane puntatu
Salutu u parlatu
d’u nostru tempu andatu.

Salutu a lingua persa
da silenziu murata,
è a so vita scarsa
d’un esse più parlata,
A paghjella sfiatata
ch’un alza più a terza.

Salutu a mo giuventu
chi l’aghju di tupezzu,
A mo musa à l’insu
a rima cù u versu
D’amore canta spessu
ora ch’un ci n’hè più.

Salutu a sulana umbrata
di u sole ciottatu,
L’amara acitata
di l’amore scapatu,
è l’anima sfundata
d’u silenziu stritatu.

U tempu senza fiura
chi pesa è chi dura,
U tempu acaparratu
ch’un seguita a patta,
Ch’aspetta l’ora piatta
scurdata a paura.

Per u tempu buggiardu
di a vita arrubata,
Or tandu vi mandu un sguardu
una parola ciatta,
Di dulcezza un fiatu
è d’amicizia un trattu.

Salutu ancu l’Avene
chi nimu un si pò tene,
a speranza serena
cù a so luna piena,
Tintenna a so catena
l’umana cantilena,
indarnu sò di brama
in tantu chè di penna.

§ Lulù
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Puesie di ciocciu   Dim 14 Fév - 17:51

mipiace

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Lùlù



Messages : 721
Date d'inscription : 04/11/2012

MessageSujet: puesie di ciocciu   Dim 14 Fév - 22:39

@Circione a écrit:
mipiace

ti ringraziu...prova dinò quessa

‘Mal principiu è corcia fine’…l’avemu sempre à l’erze !

A GINESI vista da mè : U colpu di a mela colta


A voce s’allarga è ribomba al dilà
Si sentenu tre chjocchi : LI BER TÀ !
LIBERTÀ tonda chi si spana in u pozzu
« Mìla mìla ! èccula ! »
Si sente l’astutu stridu : EUREKA !
è u scemu risponde : PIGLIALA !
a Libertà s’allarga è canta al dilà
« SCIALLATILA ! »
BUFFATA ! tonu, lampu è saetta !
a Dona strida è fughje a sfrumbata.
Mi ribomba à i pedi
u razzicone di a mela ghjastimata !

Ghjè dipoì stu ghjornu ch’aghju fighjatu
sta robaccia d’ABEL in catarochju !

§
Lulù



Revenir en haut Aller en bas
Voir le profil de l'utilisateur
Sperenza



Messages : 1146
Date d'inscription : 28/02/2012
Localisation : quassù

MessageSujet: Re: Puesie di ciocciu   Jeu 18 Fév - 6:08

Bravu o Lùlù! ditone
Revenir en haut Aller en bas
Voir le profil de l'utilisateur http://isulana.blogspot.com
Lùlù



Messages : 721
Date d'inscription : 04/11/2012

MessageSujet: puesie di ciocciu   Sam 20 Fév - 21:49

Fola …Fuletta !

a BUSCICA di SAPONE

A mo buscica di sapone
Fatta à fiatu è à buccone
tutta di velu virginale,
stende u sò volu iniziale,
è scappa cum’un nulu sordu
purtendusi a musa à bordu.

Sempre per aria cincinnone,
scontra per celu a sò cummare
di muchju sputata sciumaccia,
sumigliante nata ochjone,
chi d’un basgiu crosciu l’abraccia,
è bellu longu l’apiccica
propiu à l’usu di buscica.

À vede ste chjocche pilate,
pare propiu un canochjale
chi vistiga e nulunate
à bocca aperta,ochju prufondu,
feghja u mondu gira tondu
cum’è a frasca in u spicciale.

Sià rospu sià ranochja
truita in l’onda à à scuperta,
a lumaca codicochja,
tutta a razza di bocca aperta,
tutt’ognunu chi stà à veghja
è chi di stintu buscicheghja,
à piupudè manda d’un basgiu
a so buscica per messagiu.

A mò musa maravigliata
lindamente à fatoghjata,
una à una coglie buscighe
per riccamà versu e rime:
prestu prestu nasce un brocciu
di guazza tremulente è crosciu.

Accade ciò ch’hà d’accade !
Vene un trattu disgraziàtu
nantu un tangu l’hà lampate,
è nasce u scempiu prufanu !
A miò musa rifala in pianu,
parenu fole mà discitatu
vecu un brocciu frescu cascatu :

“Manghjatevilu prestu è state zitti !......”

À u più prestu mi trica assaì
d’ imbuscicà tempu è sapone.
Voggliu provà, ùn si sà maì
di fà a barba à San TUMASGIU
chi da per tuttu feghja è tocca
per fà valè a sò ragione.
Di fà scherzu mi vene in bocca,
di sputà prestu u mò basgiu
mandà per aria a sò buscica
per quellu incantatu reghjone
buscami’un brocciu è un fiadone ! ....

§ Lulù









Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Puesie di ciocciu   Ven 26 Fév - 13:14

partia bè a to puesia, ma devu ricunnosce chì dopu l'affare di u brocciu cascatu ùn ci aghju più capitu nulla.

cerca à dacci duie spiicazione s'è tù poi

almenu ch'e ùn ci sia cà eiu à ùn capillu l'affare di u brocciu?scratch

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Lùlù



Messages : 721
Date d'inscription : 04/11/2012

MessageSujet: puesie di ciocciu   Sam 27 Fév - 8:01

@Circione a écrit:
partia bè   a  to puesia, ma  devu  ricunnosce  chì dopu l'affare di u  brocciu cascatu ùn  ci aghju più capitu  nulla.

cerca à  dacci  duie  spiicazione  s'è  tù poi

almenu ch'e ùn ci sia   cà eiu à  ùn capillu l'affare di u  brocciu?scratch

ùn ti sapia discìpulu di San Tumasgiu ?

Seguitu a Lingua per induve ella mi porta ?
Forse u brocciu t’hè parsu avè più aria.. che canzona ?
ma dà u levitu,è e fritelle à u sognu ? ci’hè poche buscicate !

A buscica di sapone si porta a Musa in un viaghju virtuale per infattughjà d’altre busciche ?  
A to sbuffulata l’hà lampatu nantu à u tangu di a logica ?

ùn ti ne conteraghju più per accheghjatti ( azzicatti)….chi tandu ?

ùn sò più i zitelli di prima ?
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Puesie di ciocciu   Sam 27 Fév - 11:49

scusami o Lulù avia saltatu sta strufata:

"A mò musa maravigliata
lindamente à fatoghjata,
una à una coglie buscighe
per riccamà versu e rime:
prestu prestu nasce un brocciu
di guazza tremulente è crosciu. "

Avà capiscu megliu st'affare di Brocciu.

Ma postu ch'è tù mi parli di logica, parlami di st'animali boccaparti:
ruspu, granochja è pescia và bè...
ma pè a lumaca aghju cum'è un dubitu.
S'è tù ammenti à bavaciula di a lumaca ùn sò micca sicuru ch'ella sorti da a so bocca. risa






_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Lùlù



Messages : 721
Date d'inscription : 04/11/2012

MessageSujet: Re: Puesie di ciocciu   Sam 27 Fév - 23:49

@Circione a écrit:
scusami o Lulù avia  saltatu sta strufata:

"A mò musa maravigliata
lindamente à fatoghjata,
una à una coglie buscighe
per riccamà versu e rime:
prestu prestu nasce un brocciu
di guazza tremulente è crosciu. "

Avà  capiscu megliu st'affare di Brocciu.

Ma  postu  ch'è  tù  mi parli  di logica, parlami  di  st'animali boccaparti:
ruspu, granochja  è  pescia  và   bè...
ma pè  a lumaca  aghju  cum'è un dubitu.
S'è  tù ammenti  à bavaciula  di a lumaca ùn  sò micca sicuru ch'ella sorti da a so bocca. risa

-"prima salti un terzettu è dopu ùn leghji micca tuttu

sopra ci’hè a buscica di muchju sputatu è sottu a bavacciulosa lumaca codicochja * per fà a rima à ranochja, ma hè dinò scrittu :
« tutt’ognunu  chi stà à veghja
è chi di stintu buscicheghja, »

ùn s’hè mai parlatu di bocca per a lumaca chi sta a veghja è di stintu buscicheghja !

ùn vole dì …aghju sempre piacè di cuntrasta cù tè…ancu fora di Lògica ?
feghja u PS :
* PS*Cochja* ‘cochja pasturina’ spezialità niulinca di lattuca o di ghjinaparu zuccatu
L’ultimu cochjaghju era u vechju Sabiani di Casamaccioli !"






Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Puesie di ciocciu   Dim 28 Fév - 13:07

@Lùlù a écrit:

feghja u PS :
* PS*Cochja* ‘cochja pasturina’ spezialità niulinca di lattuca o di ghjinaparu zuccatu
L’ultimu cochjaghju era u vechju Sabiani di Casamaccioli !"
[/size]



O Lulù chì chjami ùn cuchjaghju? Unu chì ùn faria cà cochje o affari cusì? vVogliu dì un artigianu chì u so mistieru saria di zuccà cochje?

Una spezia di Guy Degrenne Corsu? risa

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Lùlù



Messages : 721
Date d'inscription : 04/11/2012

MessageSujet: puesie di ciocciu   Lun 29 Fév - 9:04

@Lùlù a écrit:

feghja u PS :
* PS*Cochja* ‘cochja pasturina’ spezialità niulinca di lattuca o di ghjinaparu zuccatu
L’ultimu cochjaghju era u vechju Sabiani di Casamaccioli !"
[/size]
CIRCIONE hà scrittu

O Lulù chì chjami ùn cuchjaghju? Unu chì ùn faria cà cochje o affari cusì? vVogliu dì un artigianu chì u so mistieru saria di zuccà cochje?

Una spezia di Guy Degrenne Corsu?  

-Cochjaghju  detta à a corta per fammi capi puru s’ell’era più un sapèfà che un arte postu chi si chjama cusi per ‘mistieru’
Cochjaghju quante tù sì ‘Foraghju’ (cf mammaghju è donnaghju !)
Sabiani era  pastore è facia cochje per ellu è per d’altri
A Corsicata mantenia u sapèfà di i vechji artisgiani è Sabiani facia u so tantu di cochje à l’annu  puru s’ell’ùn si vendianu !... pianu pianu compre, so state spraperse per u piacè di quelli chi l’hanu
l’aghju cunnisciutu ma à tempu che tù mi ritrovi u so nome , buscaci qualchi ritratti di ste cochje niulinche cù u manicu ricamatu in punta !
ùn ci’era micca cultelaghju in a Petra Zitambuli ma ci’hà datu a prima ‘Cultella PITTUTA’ chi ghjova di sesta à tutte quelle d’oghje !

di sti ‘Degrenne’ lucali …. « pigliattine ..appena !.. ! »
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Puesie di ciocciu   Lun 29 Fév - 11:31

Eccuci! Anch'eiu a capia cusì, vale  à dì  pastori chì sappianu sempre fà  cochje.  Ma o Lulù, ùn  sò po  morti tutti i  "cuchjaghji" tandu! Ùn sia cà  ghjovi  scorsu aghju  betu u  caffè  incù un pastore, annant'à u  caminu, duie cochje : una  di e soie è  una  di  u  ben di Ghjuvacchinu Acquaviva d'Amacu – mortu in 2013 – è chì sapia  fà cochje, mescule, casgiaghje, coppie, armacci, è tant'altre cose. Hè  per quessa ch'era  appena stunatu  di leghje  chì l'ultimu cuchjaghju fussi "u  vechju  Sabiani  di Casamaccioli " è ch'e  t'aghju  fattu  a mo cacciata di Guy Degrenne. risa


Osinnò per stu misteriosu pastore casamacciulese ch'è  tù  dici, ùn  vecu micca, almenu  ch'è  tù  ùn cunfondi incù u  ben  di Jacquot LUCIANI ( è micca SABIANI) ?

Wink

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: Puesie di ciocciu   Aujourd'hui à 11:43

Revenir en haut Aller en bas
 
Puesie di ciocciu
Voir le sujet précédent Voir le sujet suivant Revenir en haut 
Page 1 sur 2Aller à la page : 1, 2  Suivant
 Sujets similaires
-
» Puesie di ciocciu
» Puesie per a festa di e mamme
» chjam'è rispondi : tamanta breà per un quatrinu : ciocciu à erbaghju
» Puesie di Ruclì
» Risposta à u Ciocciu chì vole ch'e mi lavi à a pissina di Siloe

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Puesia-
Sauter vers: