ISULA
Vous souhaitez réagir à ce message ? Créez un compte en quelques clics ou connectez-vous pour continuer.


Lingua è cultura corsa
 
AccueilAccueil  Dernières imagesDernières images  RechercherRechercher  S'enregistrerS'enregistrer  ConnexionConnexion  
Le Deal du moment :
Xiaomi Mi Smart Camera 2K Standard Edition (design ...
Voir le deal
11.39 €
anipassion.com

 

 U liò di Casinò

Aller en bas 
4 participants
AuteurMessage
Erbaghju

Erbaghju


Messages : 482
Date d'inscription : 29/02/2012

U liò di Casinò Empty
MessageSujet: U liò di Casinò   U liò di Casinò EmptyVen 4 Juil - 16:09


Era vennari scorsu in fin di sittimana
À fà duie pruviste - cusì bella cagiò  -
Innanzu di cullà biatu in Marignana
Mi feci un'arretta davanti à Casinò.
Chì u corpu cunnosce anch'ellu e so lege
È manda i filosofi tutti à fassi leghje !

Ma chì vulete fà, a vita hè cusì !
Sempre l'omu hà manghjatu par pudella campà,
È senza sbaglià nimu, eiu vi possu dì :
Chì l'affare hè cusì eppo sempre sarà !
È dunque cù st'idea di fà calchì pruvista
Ch'in vittura appruntava in capu a me lista.

È mi dissi : "O Stè sarè tù cum'è l'altri
Sai bè ch'omu manghja da chì u mondu hè mondu"
È tandu mi cansai andendu à passi sgualtri
Murmurendu à mè stessu: "Ci sarà pocu mondu !"
Pigliai un carriolu è pienu di curagiu
Mi dissi : "Oramai sè ghjuntu in u vispaghju!"

O parsona ! O li mei ! Ciò ch'aghju vistu quà
Carchi à ghjente aghju trovu tutti sti curridori
À chì curria quinci, à chì curria in là
Era un furmiculaghju in pienu corri corri
U fattu ch'e' vidii mi paria irriale :
"O tuttu hè di rigalu o hè guerra mundiale !"

Hè tandu ch'aghju pensu: "Avà chì tù ci sè
Saria un piccatu di parte senza nulla
Teni a to andatura, vai pianu o Stè,
Ch'ùn sè vinutu quì par insumà a mula !"
È mi m'andai losciu à piglià duie suppe
Chisiendu l'assalti di tutte queste truppe.

Ma a più bella hè stata, di pettu à stu casticu,
Quandu aghju dettu : "Avà, fideghja ùn sè più solu !"
Quandu in u curridore cintrale un amicu
Sbuccò sguasgi à cascà in u me carriolu.
"Salute !..." li feci. "...Allora a ti passi ?"
Ma digià ellu avia fattu assai passi.

Paria un satanassu, ci vulia à vede
Cù u so pacchittellu di lisciva in manu
Ellu parlava sempre - andendu annant'à un pede -
Ma ùn sintia nulla chì troppu era luntanu :
" ..chjamatu...tempu...cascia...paese...vinu.."
È andate à capì quellu chì vi dà spinu !

Sò statu bocca aparta durente un bellu pocu
Di vedelu cusì intintu di sudore
Dicendumi : "U tosu curria cum'è un focu.
Ùn a sà chì u tempu ci manda à u Signore ?"
Vargugnosu hà chjamatu dopu à questa passata
È m'hà dettu : "Ùn dì nulla è ti facciu a bucata".

Ma ùn possu stà zittu davanti à tante prove
Chì dopu intornu à mè avia i turisti.
"In fatti di cumissione stu tippu hè un lione
È oghje i so talenti tutti l'avemu visti !"
Parlendu disse unu di u me amicacciu
Allora a me canzona - ch'era prumessa - a facciu.
Revenir en haut Aller en bas
http://erbaghju.unblog.fr/
Circione

Circione


Messages : 2212
Date d'inscription : 27/02/2012

U liò di Casinò Empty
MessageSujet: Re: U liò di Casinò   U liò di Casinò EmptyVen 4 Juil - 16:51

Magnificu...  evviva 
si ne passa certe inde  i  supermarcati...
mi  dà  un'idea pè  u  scrittu  impostu...
 suspettu  Cool  Rolling Eyes
Revenir en haut Aller en bas
Invité
Invité




U liò di Casinò Empty
MessageSujet: Re: U liò di Casinò   U liò di Casinò EmptyDim 13 Juil - 11:37

bedda stodia !  felice cumplimpenti
Revenir en haut Aller en bas
Lùlù

Lùlù


Messages : 774
Date d'inscription : 04/11/2012

U liò di Casinò Empty
MessageSujet: u lio di casino   U liò di Casinò EmptyDim 20 Juil - 8:17

Ghjaseppu Cardelli a écrit:
bedda stodia !  felice cumplimpenti

cumplimpenti ? compiu à pienti ? chi compiu à mente ùn hè !
Revenir en haut Aller en bas
Invité
Invité




U liò di Casinò Empty
MessageSujet: Re: U liò di Casinò   U liò di Casinò EmptyMer 23 Juil - 17:57

Mi pari o caru Lùlù
Stuzzichi senza rancori,
Aghju parichji virtù
Ma micca pà l'urdinatori,
Ai capitu ancu tù
Chì sò sempri un amatori !  felice 

( mi scusu pà u sbagliu di scrittura, era ben intesa " cumplimenti " ch'è vulìa scriva
Revenir en haut Aller en bas
Lùlù

Lùlù


Messages : 774
Date d'inscription : 04/11/2012

U liò di Casinò Empty
MessageSujet: u lio di casino   U liò di Casinò EmptyJeu 24 Juil - 21:45

Ghjaseppu Cardelli a écrit:
Mi pari o caru Lùlù
Stuzzichi senza rancori,
Aghju parichji virtù
Ma micca pà l'urdinatori,
Ai capitu ancu tù
Chì sò sempri un amatori !  felice 

( mi scusu pà u sbagliu di scrittura, era ben intesa " cumplimenti " ch'è vulìa scriva

Perche andà à dì in rime cio chi seria megliu in prosa !
a puesia ùn hè sempre duve omu pensa , ci’hè da frustàssi a manu per guastàssi l’estru.
RINcore, ordinatore, amatore ….sò parulle à dorme ‘forÌ’

à cumpare CARDELLI

Se u dettu hè lisciu à sente
ùn so tantu stuzzicarinu,
ma ti so mezu parente
bellu bravu ma cardinu,*
aghju di fiura nucente  
un suchju d’ochju *ferlinu !

dà quessa chi Lulù ùn rima cù virtù !(* di cardu è di fèrula o ferla )
è feghja sempre chi sì aspettatu per Anima Maori !
Revenir en haut Aller en bas
Invité
Invité




U liò di Casinò Empty
MessageSujet: Re: U liò di Casinò   U liò di Casinò EmptyDim 27 Juil - 9:56

O lu me caru amicu
Ti voddu dì una cosa,
A sà bè chì ti stuzzicu
Cù issa musa dispittosa,
Ma par mè ùn hè casticu
Di fà rima o puri prosa.







Revenir en haut Aller en bas
Lùlù

Lùlù


Messages : 774
Date d'inscription : 04/11/2012

U liò di Casinò Empty
MessageSujet: Re: U liò di Casinò   U liò di Casinò EmptyDim 27 Juil - 15:57

Ghjaseppu Cardelli a écrit:
O lu me caru amicu
Ti voddu dì una cosa,
A sà bè chì ti stuzzicu
Cù issa musa dispittosa,
Ma par mè ùn hè casticu
Di fà rima o puri prosa.

di forma spara cù stesse rime :

Metà rime, mezu prosa
di pruvala pocu tricu
a mo penna ùn hè ritrosa ne di tagliu ne di spicu
ùn li zirica u ficu per dilla linda o sherzosa .

Revenir en haut Aller en bas
Erbaghju

Erbaghju


Messages : 482
Date d'inscription : 29/02/2012

U liò di Casinò Empty
MessageSujet: Re: U liò di Casinò   U liò di Casinò EmptyMer 9 Nov - 15:37

Allora è sta risposta... lingua
Revenir en haut Aller en bas
http://erbaghju.unblog.fr/
Circione

Circione


Messages : 2212
Date d'inscription : 27/02/2012

U liò di Casinò Empty
MessageSujet: Re: U liò di Casinò   U liò di Casinò EmptyMer 9 Nov - 22:22

ahù, mi pare  ch'ella s'attagni pianu pianu a fonte di l'estru pueticu.  tristu
Revenir en haut Aller en bas
Maria

Maria


Messages : 1264
Date d'inscription : 28/02/2012
Localisation : quassù

U liò di Casinò Empty
MessageSujet: Re: U liò di Casinò   U liò di Casinò EmptySam 12 Nov - 8:02

Circione a écrit:
ahù, mi pare  ch'ella s'attagni pianu pianu a fonte di l'estru pueticu.  tristu


Gone with the wind. tristu
Revenir en haut Aller en bas
http://isulana.blogspot.com
Erbaghju

Erbaghju


Messages : 482
Date d'inscription : 29/02/2012

U liò di Casinò Empty
MessageSujet: Re: U liò di Casinò   U liò di Casinò EmptyLun 15 Mai - 21:24

Circione a écrit:
ahù, mi pare  ch'ella s'attagni pianu pianu a fonte di l'estru pueticu.  tristu
Fatti un aiccù lingua
Revenir en haut Aller en bas
http://erbaghju.unblog.fr/
Contenu sponsorisé





U liò di Casinò Empty
MessageSujet: Re: U liò di Casinò   U liò di Casinò Empty

Revenir en haut Aller en bas
 
U liò di Casinò
Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Puesia-
Sauter vers: