| | Puesie di ciocciu |  |
|
|
|
| Auteur | Message |
|---|
Lùlù
Messages : 774
Date d'inscription : 04/11/2012
| Sujet: puesie di ciocciu  Lun 29 Fév - 14:56 | |
| - Circione a écrit:
- Eccuci! Anch'eiu a capia cusì, vale à dì pastori chì sappianu sempre fà cochje. Ma o Lulù, ùn sò po morti tutti i "cuchjaghji" tandu! Ùn sia cà ghjovi scorsu aghju betu u caffè incù un pastore, annant'à u caminu, duie cochje : una di e soie è una di u ben di Ghjuvacchinu Acquaviva d'Amacu – mortu in 2013 – è chì sapia fà cochje, mescule, casgiaghje, coppie, armacci, è tant'altre cose. Hè per quessa ch'era appena stunatu di leghje chì l'ultimu cuchjaghju fussi "u vechju Sabiani di Casamaccioli " è ch'e t'aghju fattu a mo cacciata di Guy Degrenne.
Osinnò per stu misteriosu pastore casamacciulese ch'è tù dici, ùn vecu micca, almenu ch'è tù ùn cunfondi incù u ben di Jacquot LUCIANI ( è micca SABIANI) ?
 -ùn mi fàmmi micca scrive ciò ch’ùn aghju dettu ùn aghju mandatu nimu in campu santu ne per oghje ne per l’avvene ancu di grazia ci sò sempre astuti è maneschi cù dinò qualchi giovani per pigliassi qualchi sumenta di Degrenne è di tanti altri per mantene u sapèfà ùn possu seguità tuttu quante prima ma qualcosa mi sò sempre senza esse bambulitu è à bastanza attentu à e faccende d’oghje ! ùn sò mancu macuccu per piglià Sabianu (Corsicata 75) per ‘Jacquot’ ch’aghju cunnisciutu d’estatina 73 !... u più corsu da tutti quelli in cerca di cultura chi affacavanu per stu Niolu ! di u tempifà dicia :« c’est fini les gars ! » .. mi si pare di sentelu ancu avà ! ùn piglia più a cochja ma a cuchjarina per fàmmi passà per ciò ch’ùn sò !... ! è rendi à Sabiani ciò ch’ùn tocca ne à Luciani ne à Jacquot ! passata quessa pruveremu d’aghjustà qualchi rima à stu tastu PS : j-jacques Grimaldi di Sidossi o Michel Acquaviva ex CPS forse si n’avvenenu Arte è Robba di Prima aspetta i to ritratti… ch’ùn ci morghimu baulli | |
|
 | |
Circione
Messages : 2212
Date d'inscription : 27/02/2012
| | Sujet: Re: Puesie di ciocciu Lun 29 Fév - 20:20 | |
| Ch'ellu sia Sabiani o Luciani pocu impreme, ùn era micca l'ultimu cuchjaghju è basta  osinnò pè i ritratti ci hè "Tempi fà" induv'ellu si vede à Ghjuvacchinu Acquaviva. | |
|
| | |
Lùlù
Messages : 774
Date d'inscription : 04/11/2012
| | Sujet: puesie di ciocciu Ven 4 Mar - 8:40 | |
| A buscica bella tonda ci avia purtatu volti a cocchja o u coppulu di spinu sumigliante Di a parulla cùppula ci sò dinò i cuppuli rumani per copre i tetti è ben intesa a cuppulata Senza ch’ella sia puesia è in u filu di a buscica eccu per mezu… metà dettu… metà fola di un fattu accadutu : à passi ciambottati per i chjassi serpentini a lingua ci scopre qualchi tasti strani ! A CUPPULATA
Stemu purtone à purtellu
incù una cuppulata
à paru di casa è casellu
per passà l’inguernata.
Di stassi à u fucone
hè stata prestu stancca
è cumu a capra bianca
hà cambiatu reghjone
per machja è calanca.
Smarita ch’ella era
ci hà lacatu in frastornu
di sapella di ghjornu
è pessimu a sera
per stu freddu cuntornu.
À stagione cambiata
simu di diraschera
attenti à a scuppulata
se qualchi falcinata
a si chjappa à scapera.
Ma una donna Corsa
hà una anima scarsa
cù l’amore per forza
ci hà righjuntu succorsa
a cuppulata persa.
Un più chjucu che sè
ci insegna altrimente
l’amicizie permesse
trà animale è ghjente
che a natura accunsente.
§ Lulù
| |
|
| | |
Maria
Messages : 1264
Date d'inscription : 28/02/2012
Localisation : quassù
| | Sujet: Re: Puesie di ciocciu Mar 8 Mar - 7:10 | |
| - Lùlù a écrit:
-
Stemu purtone à purtellu
incù una cuppulata
à paru di casa è casellu
per passà l’inguernata.
 ‘ssa vicinanza trà l’Omu è a Natura. Si pò ramintà chì, assuciata à i grandi miti di a creazione d'u mondu, a cuppulata hè ind’è l’Amerindiani u simbulu di a Terra madre. | |
|
| | |
Circione
Messages : 2212
Date d'inscription : 27/02/2012
| | Sujet: Re: Puesie di ciocciu Mar 8 Mar - 18:36 | |
| ahé... ùn la sai chì l'Amerindiani anu cupiatu tuttu annant'à mè? | |
|
| | |
Lùlù
Messages : 774
Date d'inscription : 04/11/2012
| | Sujet: puesie di ciocciu Mer 9 Mar - 7:35 | |
| - Sperenza a écrit:
-
‘ssa vicinanza trà l’Omu è a Natura.
Si pò ramintà chì, assuciata à i grandi miti di a creazione d'u mondu, a cuppulata hè ind’è l’Amerindiani u simbulu di a Terra madre. Salutu à tè ò Sperenza chì dopu una nottata di bon cunsigliu scrivi sempre di prima matina ….è di bon publicu per mè Chjamu amerindiani quelli di l’Americhe di mezu è di u meziornu è di e civilisazione smarite …. Ma s’entende dinò à l’inseme di l’America sana è di l’isule ? Un sò tantu amatore d’animale di sangue freddu ma sò attenttu à a natura Di Veranu in giru à a casa trovu sempre cuppulate minute quante una pezzettta di i cinque franchi di prima …soga ci trovanu u soiu Dopu avè scrittu a Cuppulata aghju fattu una seguita più generale Aghju sempre qualchi stucciu prontu per fà ribombu à u to dettu Ghjè sempre un piacè di leghje cio che tù si andata à aghjustà Eccu : metà fola ..mezu dettu A CUPPULATA
Di tuttu u mondu vivu
à salvà di u diluviu
nenzu a vigna è l’alivu
a prima imbarcata
è in terra lentata
hè stata a cuppulata.
Ghjunta d’un tempu landanu
ghjè prova sempiterna
di chì và pianu và sanu,
sempre mansa è serena
quenta senza bellezza
a si piglia cù a calma
è si merita a palma
di pacenza è di saviezza.
Tempu è forza ùn ne fraza,
tutta in self cuntrollu
senza esce di casa
feghja è stinza u collu
per move u sciambottu
di u tribbiu di l'agrottu.
Ùn cuntrasta à nizunu
libera è indipendente
piace à ognunu
tant’à zitelli ch’à ghjente
per scialu è per risparu
viaghja …in camping carru !
§ LULÙ
[/quote] | |
|
| | |
Maria
Messages : 1264
Date d'inscription : 28/02/2012
Localisation : quassù
| |
| | |
Maria
Messages : 1264
Date d'inscription : 28/02/2012
Localisation : quassù
| | Sujet: Re: Puesie di ciocciu Dim 13 Mar - 14:49 | |
| @Lùlù
Eccu a mo risposta... a passu di testughjine  È cusì pian pianinu
a nostra cuppulata
di i Mori* chjamata
seguita u so caminu…
Cuppulata di i Mori : altru nome di a cuppulata di Hermann.  A cuppulata essendu una spezia prutetta, v’hè interdettu di purtàlla in casa vostra…Eppo cume a dice una paisana : « ùn l’hà digià un tettu ??? » http://www.corsematin.com/article/corse/tortues-dhermann-regles-a-respecter.1481737.html | |
|
| | |
Maria
Messages : 1264
Date d'inscription : 28/02/2012
Localisation : quassù
| |
| | |
Lùlù
Messages : 774
Date d'inscription : 04/11/2012
| | Sujet: puesie di ciocciu Lun 21 Mar - 9:31 | |
| - Sperenza a écrit:
- @Lùlù
Eccu a mo risposta... a passu di testughjine
È cusì pian pianinu
a nostra cuppulata
di i Mori* chjamata
seguita u so caminu…
Cuppulata di i Mori : altru nome di a cuppulata di Hermann.
A cuppulata essendu una spezia prutetta, v’hè interdettu di purtàlla in casa vostra…Eppo cume a dice una paisana : « ùn l’hà digià un tettu ??? »
http://www.corsematin.com/article/corse/tortues-dhermann-regles-a-respecter.1481737.html à ringraziatti per avè aghjustatu "cuppulata di i mori" è tutti l'altri nomi ! hè vera chi Sperenza hà u so ghjudiziu in u tettu ! ghjè Duttore "es cuppulata ! à a seguita sempre di stessu estru .. metà fola ..metà dettu ,,, SLAMU è RISPONDI
Vuleria dìlla in SLAM per spidochjàmi di u francesu
Vuleria di l’acellu avè l’impitu lestru è i so tichji saltarini.
Cum'è a levra avè u passu lebiu
è di a capra listessu pede sicuru.
U colpu di sanna di u cignale per sbuchjammi e castagne.
Cum'è a volpe, un zanu colmu di malizia,
di u cane a so fida amicizia,
è di u culu di a gallina a so rinomata diccia.
Di un pruverbiu avè u mio pane in casa
è portà quella à zozzu cum'è a cuppulata.
Avè a liberta svetica di l’anatra
è tanti culori è canti chè
a garganella, u cuchjarone ,u frischjore, u turcottu, è u capirossu.
Vuleria dilla in Slam per fà e corne à u Francesu
Propiu cum'è u sumeru avè u spinu senza penseru.
A superbia libera di a pernice* per ùn sente cum'e ella u putachju dettu da quellu
ch’ùn dà capu à u pruverbiu :
BùFFATA ! chjappati u meù u pruverbiu.
Vuleria di l’apa avè a fede è l’ingeniu.
Esse furtifu cum'è a bellula,
Cum'è l’acqua andà à gallu dinò per mare,
cum'è l’Aschesu cincinnà à l’insù,
cum'è u ciocciu avè i mo lumi à bughju.
Esse tondu cum’è u soldu per girà u mondu.
Avè un cornu marinu per sunà u tottu di u spiritacciu è di a parullaccia.
Cum’è u bugnu avè u miò mele in banca
per cum’è a bucertulla piglià à mo ritirata,,, à u sole.
Vuleria dilla in Slam per fà torna scherzu à u francesu.
Avè cum'è u turturellu a moglie chi canta sempre cuntenta !...
« ùn ti ci vole più nunda !a Puesia ùn ti basta ! »
mi risponde a musa di u SLAM …
§ Lulù
*pane è pernice affare di casa ùn si ne dice *
| |
|
| | |
Circione
Messages : 2212
Date d'inscription : 27/02/2012
| | Sujet: Re: Puesie di ciocciu Mer 23 Mar - 10:28 | |
| Serra a ti diciarà forse in Slam Ch'ellu hà a carciula piena di salami | |
|
| | |
Lùlù
Messages : 774
Date d'inscription : 04/11/2012
| | Sujet: puesie di ciocciu Jeu 24 Mar - 7:24 | |
| un tastu ne pò chjamà un altru ma ùn l’aghju messu à a seguita per ùn esse troppu longu ! eccu a seguita di Vuleria : « Avè cum'e u turturellu a moglie chi canta sempre cuntenta !... » « ùn ti ci vole più nunda !a Puesia un ti basta ! » mi risponde a musa di u SLAM è cusi dice :
« Quandu sentia u to parlatu testardu,
l’aghju vulsutu disanochjà d’un sguardu,
mà cecu vulie seguità u to stintu
perche a to lingua un t’avia ancu cunvintu.
M’hè parsu sente un ansciu ò una tremulata
è poi ti si puru messu a manu à l’arechja,
A lingua s’hè disciolta dà u bughju cacciata
è di spiritu novu t’hà empiutu a sechja.
Sola a lingua in a so acqua lavata
pudia à i to sensi fàne a sporgulata.
Incciòttati in u so fiume per rinasce creatu
per creà dinò tù quantu l’haì pregatu.
U so spiritu quentu assesta e ragione chjare
per chò siamu surelle, sumigliante è pare.
Avà che tu si dispostu è serenu :
d’un poghjalu a l’altru di l’arcubalenu,
Slamu ! chè tu rispondi
à mette puzza in circondi,
per scherzzà u burghesu
è cuntrastà u francesu.
Aduniscimmi a forza
d’una slamata corsa !
Puntatu di a to lingua è francu ab’eternu
di l’indegna Sodoma ùn ci torna mà piu !
è megliu che Orfeù scappatu dà l’Infernu
per ùn perde a musa
ùn ti vultà mà’ più ! »
Lùlù
| |
|
| | |
SERRA
Messages : 994
Date d'inscription : 25/02/2012
| | Sujet: Re: Puesie di ciocciu Ven 1 Avr - 21:09 | |
| | |
|
| | |
Maria
Messages : 1264
Date d'inscription : 28/02/2012
Localisation : quassù
| | Sujet: Re: Puesie di ciocciu Lun 18 Avr - 22:46 | |
| O Lùlù vuleria rileghje una puesia toia chjamata A VARGA. Mi feria monda piacè sì tù a scrivissi quì.  | |
|
| | |
Lùlù
Messages : 774
Date d'inscription : 04/11/2012
| | Sujet: puesie di ciocciu Mar 19 Avr - 1:12 | |
| - Sperenza a écrit:
- O Lùlù vuleria rileghje una puesia toia chjamata A VARGA.
Mi feria monda piacè sì tù a scrivissi quì. Una varga dà tè à mè ….è dà noi à d’altri ALISGIANI 1970 inde Carlu SANTUCCI A prima volta ch’o sò venutu in Corsica, solu, fora di statina era per Pasqua. Martinu Raffali m’avia fattu scopre L’Alisgiani Per i Pirelli,à dui passi ci era un guadu é una varga per ghjunje in un pratu è una casa. Mi paria di cambià di mondu in un locu chetu, scantatu, è sceltu, solu per certi. E famiglie si cunniscianu è u mo anghjulu custoghju avia palisatu razzinu, insetu è genitori . Andate puru chì sapianu di quale ne eru, più che l’A-D-N ùn ne pò caccià avà. Aghju avutu à lacà passà una squadra d’antenati nenz’à mè per francà a porta, a so ombra mi facia splende cum’un ciottu sole, stimatu di pedi in capu da tutti i zitelli ingiru ! In Alisgiani ci hè un nidu sceltu, a varga vi ghjunghje in u mondu di a GHJENTE VERA. Parlendu d’Alisgiani u mo sognu s’appolla prima cullà !
‘chì tene caru, conta più che paru’
à PETRU : per francà torna a varga
à salutà a Famiglia è ‘ssu Locu.
A VARGA
Da giovanu stu locu m’hè firmatu à mente,
francatu u ghjargalu, purtatu in amicizia
m’avete ospitatu quasi cum’è parente
n’aghju sempre un gustu di bambace letizia.
Posta da i primi, à cavallu à u vaglinu,
ci ghjocanu zitelli à capettà u mondu,
di ghjornu a varga fida l’asconde à vicinu,
ci pasce a paura à u bughju prufondu.
S’ella pudia contà tutti i passi fatti
è tutta ‘ssa ghjente ch’ella tenutu à conti,
senza parte in missione è tenendu i patti
s’hè stata sempre quà, à puntellà i monti
è ancù u passatu à risponde prisente
per ùn rompe u sensu di tuttu un casale
dinò ella trasmette ‘ssa fede vustrale
a mantene à spalle, i pedi in u currente.
Più l’amicizia hè larga, più corta hè a varga
d’un sguardu tira u saltu è s’affacca a prima
quante da tè à mè, dà u core à a stima.
sì lacà a firma, a rima sì n’incarica.
§ Lulù
………………….A VERGA DI MERTINU (a risposta di Petru ) …………………………………………… « dà MINUTU, à passà, …………………………………………………. …………….. ! enev à ,ìon à UNITRAM àd è A cavallu à quella verga …………A to verga hè minutesca a mio pensata ti mandu …………... mà quantu porta luntanu è per ch’ognunu sperga …………... stu spiritu paesanu chi u sintimu di tandu ……………..chi a finezza di Mertinu ùn corghi per u vaglinu ……………avia più ch’un pochinu salutemu à MERTINU ……………di MINUTA gigantesca ! » PETRU ………………………………Lulù | |
|
| | |
Maria
Messages : 1264
Date d'inscription : 28/02/2012
Localisation : quassù
| | Sujet: Re: Puesie di ciocciu Mar 19 Avr - 14:14 | |
| Sinceri ringrazii di un'anziana pasturella.  | |
|
| | |
Lùlù
Messages : 774
Date d'inscription : 04/11/2012
| | Sujet: puesie di ciocciu Mar 24 Mai - 23:29 | |
| Per fà a varga dà Prosa à Puesia... un ‘post mortem’... d’un palmu è quattru dite !
Ab’ETERNU
D’un pezzu ch’elle sò pronte
e mo scelte di core .
ùn mi trica u ghjornu,
postu chi ci tocca à more,
per francà l’orizonte,
accaparru u ritornu.
Mi lacu à i pastori
è l’amici scrittori :
tantu pecure è capre,
scafa,impresu è casgile,
zucca,ingeniu è sale,
u mò brocciu chi s’apre,
a musa è u so stile,
per fà e so rimate,
à bon prò menu male
chi sò pastorisate !
Vi lacu u mo estru
u più stranu è sinceru,
u lambiccu è u vinu,
a botte è u vichjeru,
per beie senza cavestru
a vita senza stupinu.
À ogni voce surella
chjuccata pettu à pettu
li lacu a Paghjella.
Cantata cù rispettu,
d’un versu predilettu
chi sfida Petinella,*
vogliu fà a stradella,
senz' altru catalettu.
Francu di terra è cascia
sguassendu a miò traccia,
nudu senza lenzolu,
vogliu andamine solu,
fasciatu per u viaghju
in a paghjella di Tagliu.
Affacheraghju in Caternu,
cù stu cantu per tomba
voceratu ab’eternu .
Cusi vi dicu e scrivu
ùn more l’esse vivu
se a paghjella ribomba !
Se vo sentite un sfrullu,
fighjate puru u nulu
chi colla voltu TAGLIU,
sicuru senza sbagliu
ùn pò esse che Lùlu
u Fantu Paghjellaghju !
§ Lulù
*Petinella ghjè a morta | |
|
| | |
Lùlù
Messages : 774
Date d'inscription : 04/11/2012
| | Sujet: Puesie di ciocciu Lun 1 Mai - 22:47 | |
| [font=Times New Roman]
FILACORE ?
Tù chì parli è pensi sapè
ùn senti u viotu sottu à tè
briacu di parulla tronca,
ùn ti vene di capulà
in a so nebbia cionca
per strughjeti al dilà ,
ùn senti u viotu bambace
di u mantellu sordu
chi ci veste di pace.
Eù mi sentu ingordu
di u nunda chì m’allitta,
m’accunsente di sente
solu una stonda fitta
colma di viotu à mente .
?
Lùlù
[/font] | |
|
| | |
Maria
Messages : 1264
Date d'inscription : 28/02/2012
Localisation : quassù
| |
| | |
Contenu sponsorisé
| | Sujet: Re: Puesie di ciocciu | |
| |
|
| | |
| | Puesie di ciocciu | |
|
