Bon dì bon annu è bon capu d'annu!

s'era francese averebbe scrittu "bonne et heureuse année 2013 à tous (youpi chouette tagada tsoin tsoin )"....sò baulli sti francesi... una annata ùn hè mai bona è felice. a vita porta à ognunu belli mumenti ma ancu dilusione è malanni. ghjè cusì u destinu di l'essere umanu. essendu corsa (è ne sò fiera ) vi possu pregà ciò chì si prega ind'è noi, u più impurtante, l'essenziale (perchè chì noi emu capitu tuttu ): Pace è Salute! sò elle è solu elle chì ci ponu aiutà à cunnosce una vita più serena. Pace è salute à tutti...à i grandi, à i ciucci, à i vechji, à i ghjovani, à i bravi è ancu à i conni chì si guastanu a vita più ch'elli guastanu quella di l'altri...Pace è salute in famiglia è cù l'amichi...è u ritornu di l'arrêté Miot

Salute è pace à voi tutti, a salute a prima.

à a manera di Peppu Flori (U Muntese 1952)







à a manera sanmartinaghja avà (ma solu per quelli ch'ùn davanu nunda quandu i zitelli facianu u giru di u paese ):

bon dì, bon annu
una punta in un carcagnu
altre tantu in una coscia
ch'ella ti porti in una fossa

petra alta a écrit:

à a manera sanmartinaghja avà (ma solu per quelli ch'ùn davanu nunda quandu i zitelli facianu u giru di u paese ):

bon dì, bon annu
una punta in un carcagnu
altre tantu in una coscia
ch'ella ti porti in una fossa

tante zecche à u culu
che di petre à stu muru ..

nanzu (sinn'à una trentina d'anni fà) a sera di capu d'annu si fecia a birba ma cume chi so più e porte chjose che oramai quelle sempre aperte avà ognunu face u so "reveillon" à di per ellu

Pace è Salute à tutte è à tutti per u 2013





Pace è Salute

Hè venutu l’annu novu
Per un ghjennaghju ritrovu
È la mio musa s’infiara
Per una sperenza chjara.
Forse sò troppu illusu
U mio spiritu abusu
Ma ùn vogliu firmà mutu
Per l’annu novu venutu.

Pace è Salute bramu
Un annu fattu balsamu
Bramu dinù a Libertà
A sola sincera fiertà.
Vi precu bona furtuna
A prusperità cummuna
Benestà incurunatu
Da l’Umanità bramatu.

Ch’ella regnessi a pace
Di a so fiamma vivace
Tal’un sonniu di dulcezza
Per un mondu di lindezza.
È francà u maldestinu
Chì ci tomba à vulpinu
Fà schjattà a verità
Sprufundà ogni vanità.

Libertà, pace, ghjustizia
Una terra d’amicizia
Carca di benevulenze
Sò quesse e mio sperenze.
Ch’ella morga l’iniquità
È tutte e calamità
Chì sfracellanu l’umanu
Guastendu u so veranu.

Per un mondu ideale
S’accenderà un fanale
Tante brame per l’avvene
Contr’à tutt’e nostre pene
Sonniu inaccessibile
Di speme impussibile
Ma s’ùn piantemu di sperà
U megliustà fiuriscerà.

Precu à tutti: pace è saluta per u 2013

À l'annu scorsu mi piace
Di pudelli dì avvedeci
Vi precu salute è pace
Pè u duiemila è tredeci
Sì a prima ùn si face
A siconda ci vole à credeci.

Circione a écrit:

À l'annu scorsu mi piace
Di pudelli dì avvedeci
Vi precu salute è pace
Pè u duiemila è tredeci
Sì a prima ùn si face
A siconda ci vole à credeci.

o Circiò

Dui'è mila tredici
dà u laziu di rinnovu
ancu à tutti l'infelici
ch'annu sol'affanni anu trovu.
Li pregu ghjorni amici
senza pelu ind'è l'ovu !

Pace è Salute à tutti ! Chì l'annu novu vi porti tuttu ciò chè vo bramate.

Ruclinonu Solechjari a écrit:

Pace è Salute à tutte è à tutti per u 2013





Pace è Salute

Hè venutu l’annu novu
Per un ghjennaghju ritrovu
È la mio musa s’infiara
Per una sperenza chjara.
Forse sò troppu illusu
U mio spiritu abusu
Ma ùn vogliu firmà mutu
Per l’annu novu venutu.

Pace è Salute bramu
Un annu fattu balsamu
Bramu dinù a Libertà
A sola sincera fiertà.
Vi precu bona furtuna
A prusperità cummuna
Benestà incurunatu
Da l’Umanità bramatu.

Ch’ella regnessi a pace
Di a so fiamma vivace
Tal’un sonniu di dulcezza
Per un mondu di lindezza.
È francà u maldestinu
Chì ci tomba à vulpinu
Fà schjattà a verità
Sprufundà ogni vanità.

Libertà, pace, ghjustizia
Una terra d’amicizia
Carca di benevulenze
Sò quesse e mio sperenze.
Ch’ella morga l’iniquità
È tutte e calamità
Chì sfracellanu l’umanu
Guastendu u so veranu.

Per un mondu ideale
S’accenderà un fanale
Tante brame per l’avvene
Contr’à tutt’e nostre pene
Sonniu inaccessibile
Di speme impussibile
Ma s’ùn piantemu di sperà
U megliustà fiuriscerà.

Bravu !

petra alta a écrit:

à a manera sanmartinaghja avà (ma solu per quelli ch'ùn davanu nunda quandu i zitelli facianu u giru di u paese ):

bon dì, bon annu
una punta in un carcagnu
altre tantu in una coscia
ch'ella ti porti in una fossa

Povari ciucci! Nimu l'hà prevenuti ch'ùn valia a pena di fà u giru di e case quallà, ch'anu i zinzì in stacca*...





*Ùn sò micca eiu ch'a dicu, ma u pruverbiu.

Pace è salute à tuttu u foru!