ISULA
Vous souhaitez réagir à ce message ? Créez un compte en quelques clics ou connectez-vous pour continuer.


Lingua è cultura corsa
 
AccueilAccueil  Dernières imagesDernières images  RechercherRechercher  S'enregistrerS'enregistrer  ConnexionConnexion  
-15%
Le deal à ne pas rater :
(Adhérents Fnac) LEGO® Star Wars™ 75367 Le croiseur d’assaut de ...
552.49 € 649.99 €
Voir le deal

 

 CASAMACCIOLI

Aller en bas 
2 participants
AuteurMessage
sidussincu

sidussincu


Messages : 252
Date d'inscription : 14/03/2012

CASAMACCIOLI Empty
MessageSujet: CASAMACCIOLI   CASAMACCIOLI EmptyLun 19 Nov - 21:58

Per fà piacè à tutti l'amichi casamacciulesi, i Niulinchi è tutti l'astri, eccu un pezzu di vuciaratu scunisciutu, fattu da Barbara Maria MONTI, detta "Madama Monti". C'era una donna in Calacuccia chì l'avia ritenutu, un antra hè andata à dumandàlluli perchè a morta era una so parente, è in fatta fine u m'hà datu à mè quandu l'aghju dettu chì circava tutte e vechje puesie niulinche. Fin'à avà, eramu trè (o piuttostu dui sempre vivi) à cunnoscelu, spergu chì cusì saremu più numarosi... Eccu ssu vuciaratu :

Voceru Per Lellè (Barbara Maria MONTI, Casamaccioli)(9.06.1924)


Permittidemi un mumentu
O degnissima persona
Di pienghje sopr’à stu lettu
Oghje mi vogliu dispone
Salutu sta damicella
Degna di stima è d’onore.

O Lellè li to parenti
Oghje sò tutti in bisbigliu
Saltanu cum’è lu granu
Quandu hè nentru à lu ciarnigliu
Tù ne stai cusì fredda
Perchè ùn rispondi più à nimu ?

Erisera lu paese
L’ai messu tuttu in dolu
Amabile è curtese
N’ai sfiuratu u Niolu
Per le piazze è per le strade
Vecu pienghje à quale trovu.

Sopra à lu Ponte à Castirla
Ci mittarede un signale
Duv’è la vostra culomba
Ci hà lasciatu piume è ale.

Vecu pienghje la to mamma
Lu to babbu affetuosu
Versanu lacrime à fiume
Un ne trovanu riposu
Chì si piglianu dumane
Lu so pegnu preziosu.

E stamane le campane
Le sunarete à ciccona
C’hè una messa à cilibrà
D’una distinta persona
Ella stessa canterà
Quandu l’organu si sona.

Quand’è tù ti pruminava
Ndu la Traversa in Bastia
Era cusì rimarcata
Tù di l’alta signuria
Cum’è la stella brillava
Cum’è lu sole lucia.

Stamane à Santa Maria
C’hè u bellu assurtimentu
O lu mio calice d’oru
La mio lampana d’argentu
Quì farei sempre lume
Davanti à lu sacramentu.

S’ellu s’andava à lu votu
E di tutte l’opinione
Un si piantava in paese
Ne si ristava in cantone
Per tè una Corsica intiera
Cara si vulia dispone.
Revenir en haut Aller en bas
sidussincu

sidussincu


Messages : 252
Date d'inscription : 14/03/2012

CASAMACCIOLI Empty
MessageSujet: Orsu Ghjuvanni LUCIANI - Giovane trapassate   CASAMACCIOLI EmptyDim 2 Déc - 13:22

CASAMACCIOLI Dsc09310
CASAMACCIOLI Dsc09311
CASAMACCIOLI Dsc09312
CASAMACCIOLI Dsc09313

Orsu Ghjuvanni LUCIANI, quì U Niulincu, certe volte U Pecuraghju nu a Muvra. Hà publicatu dinù nu a rivista Monte Cintu.
Revenir en haut Aller en bas
sidussincu

sidussincu


Messages : 252
Date d'inscription : 14/03/2012

CASAMACCIOLI Empty
MessageSujet: Petru Maria Geronimi - U pastore è l'impiegatu.   CASAMACCIOLI EmptyJeu 27 Déc - 13:14

U pastore è l’impiegatu.


L’impiegatu

Per pudè parlà cù tè
Un bisogna avè studiatu
Altru chè pecure è capre
Un ai mai curatu
Invece ch’eiu in paese
Da tutti sò rimarcatu.

U pastore

Marchji sticcatu è pulitu
Cù lu piegu à lu calzone
Ma ùn ghjuru chì qualchì volta
U corpu ùn sia à lampione
Un avendune per tè
Un ne dai à babbitone !

L’impiegatu

Un mi ne facciu, o Pastò
Pè lu to bruttu parlà
Perchè tù mancu nùn sai
S’è t’ai da cullà o falà
E piglieriste i paesi
S’è tù vedi un cinemà.

U pastore

Sarebbe statu stupitu
T’ùn parlassi passatempi !
Perchè ai pocu à debisà
Di ciò chì ci vole à i to denti
Inquantu à mè, piazze da Corsi
Sò tutte da Prisidenti ?

L’impiegatu

S’è ùn sò micca Prisidente
A mi scialu megliu è bè
E da tutte le zitelle
Sò piaciutu più ch’è tè
Un dumandu mancu eiu
Elle dumandanu à mè !

U pastore

Custì nùn ti dò lu tortu
Più chè veru hè l’affare
U pensere di le donne
Un hè chè di varcà mare
E truvà un impiegatellu
Per mettesi lu cappellu.
L’impiegatu

Un vedi cume stò bè
La dumenica, cambiatu
Quandu passu, à trenta metri
Si ne sente l’odoratu
Credi puru, a to vitaccia
Hè quella d’un digraziatu !

U pastore

Mi dici chì tù prufumi
Da vicinu è da luntanu
A mè, pare chì tù puzzi
Ancu tucchenduti a manu
Da ste parte, sempre in toga
Ma culandi : un andaccianu !

Un hè per sentela dì
Aghju vistu cù i me ochji
Tantu in Tulò chè Marseglia
Un fate tantu i ghjallocchji
E suvente li calzoni
Vi lucenu à li ghjinochji.

Fate tutti li mistieri
Magazini, strade è porti
Purtate ancu le tinute
Sumiglienti à i becca-morti
Eiu nanzu chè fà quessa
Curu e capre è zappu l’orti !


Petru Maria Geronimi di Casamacciuli. Publicatu nu a Baretta misgia.
Revenir en haut Aller en bas
sidussincu

sidussincu


Messages : 252
Date d'inscription : 14/03/2012

CASAMACCIOLI Empty
MessageSujet: Orsu Ghjuvanni LUCIANI - Salutu à i pastori muntagnoli   CASAMACCIOLI EmptyLun 7 Jan - 21:54

CASAMACCIOLI 20130110
CASAMACCIOLI 20130111
CASAMACCIOLI 20130112
CASAMACCIOLI 20130113

Orsu Ghjuvanni LUCIANI - Almanaccu di a Muvra per 1935
Revenir en haut Aller en bas
Circione

Circione


Messages : 2212
Date d'inscription : 27/02/2012

CASAMACCIOLI Empty
MessageSujet: Re: CASAMACCIOLI   CASAMACCIOLI EmptyLun 7 Jan - 22:02

belle puesie o Sidussincu
ditone
Revenir en haut Aller en bas
sidussincu

sidussincu


Messages : 252
Date d'inscription : 14/03/2012

CASAMACCIOLI Empty
MessageSujet: Re: CASAMACCIOLI   CASAMACCIOLI EmptyLun 7 Jan - 22:07

Un mancavanu i pueti... ma ci sò ancu avà. Dopu metteraghju a puesia di u figliolu d'Orsu Ghjuvanni fatta quand'ellu hè sparitu Jacquot Luciani, pastore anc'ellu in Camputile. Aghju dumandatu è m'hà dettu chì a pudia mette. Cusì si puderà vede cum'ellu hè cambiatu u locu cusì pupulatu ch'ellu cantava u babbu.
Revenir en haut Aller en bas
Circione

Circione


Messages : 2212
Date d'inscription : 27/02/2012

CASAMACCIOLI Empty
MessageSujet: Re: CASAMACCIOLI   CASAMACCIOLI EmptyLun 7 Jan - 22:09

Metti puru !
ci campemu ditone
Revenir en haut Aller en bas
sidussincu

sidussincu


Messages : 252
Date d'inscription : 14/03/2012

CASAMACCIOLI Empty
MessageSujet: Ghjiseppu LUCIANI - Camputile d'eri è d'oghje   CASAMACCIOLI EmptyLun 7 Jan - 22:26

CAMPUTILE D’ERI E D’OGHJE



Ma induve sò li pastori
Quelli di lu Camputile
Arriti à li primi albori
Issa ghjente cusì gentile
Chì sbucciati i primi fiori
Ammuntagnava à u piazzile ?

Ma induve sò l’animali
Ch’hè diventata la ghjente
E tutti ssi colla è fali
Da u paese à Ciarnente ?
Puru ancu senza circalli
Si scuntrava sempre un parente.

Elli quì ci anu pisatu
Di e so mani munghjitoghje
Tutti sti muri à l’asseccu
Pè fà stazzi in ogni loche
Avianu fiatu è talentu
Zuccavanu cochje, secchje è bitoghje.

Scaffa, brucciaghja è tinellu
Tagliati d’alzi, di lattuca
Di silivastru o di ghjineparu
Cù l’ascione è la cultella
Un li mancava un stuvigliu
Dentru la so capanella.

Un sentu più a tintenna
Di quellu beccu castratu
A Babbone chì ghjastema
Dopu avè tantu straziatu
Pè parà a so capretta
Chì l’altagna hà calancatu.

Avà mi scappa u pientu
Ghjuntu à u stazzu di babbu
A so capanna ùn hà più tettu
U muru l’anu lampatu
Nùn c’hè mancu più rispettu
Di u sudore lasciatu.

Quì s’hè arristatu u tempu
Ne sò piantate e sfiere
Pè fà piazza à u silenziu
Dopu à tante muntagnere
Cù Filicone sempre attentu
Toccu e prime figliere.

Si n’hè spenta ancu a fiamma
Di u paghjolu infumicatu
Nùn c’hè più brocciu da tastà
Micca casgiu è menu caghjatu
Di a misgiscia appiccata
Un ne aghju più manghjatu.

Addiu à tè Camputile
Quì a vita hè cambiata
Ghjente ne trascina mille
A natura ùn hè risparmiata
Ma campa l’anima in casgile
Di u pastore è di a capra.

Ch’è vo’ risposite in pace
Voi ch’ete scrittu a storia
Firmaranu sempre e traccie
E ne faremu mimoria
Prumittendu ogni estate
Di salutà a vostra gloria.


Ghjiseppu LUCIANI, Maghju 2010
Revenir en haut Aller en bas
sidussincu

sidussincu


Messages : 252
Date d'inscription : 14/03/2012

CASAMACCIOLI Empty
MessageSujet: Re: CASAMACCIOLI   CASAMACCIOLI EmptyLun 7 Jan - 22:29

S'ella ùn hè bella quessa...
Revenir en haut Aller en bas
Circione

Circione


Messages : 2212
Date d'inscription : 27/02/2012

CASAMACCIOLI Empty
MessageSujet: Re: CASAMACCIOLI   CASAMACCIOLI EmptyLun 7 Jan - 22:36

hè bella, malgradu qualchì dibulezza metrica.

ma salutu à i pastori muntagnoli mi piace quantunque di più...

ci hè inde u libru di G. Ravis-Giordani s'e ùn mi sbagliu

Revenir en haut Aller en bas
sidussincu

sidussincu


Messages : 252
Date d'inscription : 14/03/2012

CASAMACCIOLI Empty
MessageSujet: Re: CASAMACCIOLI   CASAMACCIOLI EmptyLun 7 Jan - 22:41

Un hè chè u mo parè, ma ùn mi dirangianu micca e "dibulezze" quì, di più quand'è tù senti l'autore chì dice a so puesia. L'hà fatta cù u core, è per mè vale parechje puesie ben fatte ma chì ùn toccanu cusì. D'altronde, l'aghju letta à parechje persone è tutte sò state tocche.
Revenir en haut Aller en bas
Circione

Circione


Messages : 2212
Date d'inscription : 27/02/2012

CASAMACCIOLI Empty
MessageSujet: Re: CASAMACCIOLI   CASAMACCIOLI EmptyLun 7 Jan - 22:48

hè esattamente ciò ch'e dicu anch'eiu


hè bella, malgradu qualchì dibulezza metrica Wink
Revenir en haut Aller en bas
sidussincu

sidussincu


Messages : 252
Date d'inscription : 14/03/2012

CASAMACCIOLI Empty
MessageSujet: Orsu Ghjuvanni LUCIANI - Lamentu d'un cane   CASAMACCIOLI EmptyDim 13 Jan - 14:06

CASAMACCIOLI 20121110
CASAMACCIOLI 20121111
CASAMACCIOLI 20121112

Orsu Ghjuvanni Luciani. Torna una bella puesia.
Revenir en haut Aller en bas
Contenu sponsorisé





CASAMACCIOLI Empty
MessageSujet: Re: CASAMACCIOLI   CASAMACCIOLI Empty

Revenir en haut Aller en bas
 
CASAMACCIOLI
Revenir en haut 
Page 1 sur 1
 Sujets similaires
-
» A Santa di u Niolu in Casamaccioli

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Antulugia-
Sauter vers: