Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Fole di paesi

Voir le sujet précédent Voir le sujet suivant Aller en bas 
Aller à la page : 1, 2  Suivant
AuteurMessage
Lùlù



Messages : 716
Date d'inscription : 04/11/2012

MessageSujet: Fole di paesi   Mer 5 Déc - 17:19

FOLE di PAESI
E storie è e fole di tandu facianu parte di a vita, conte in casa, à veghja,per u paese,
parechje accadute, certe accunciate,ci anu sempre seguitatu è correnu sempre,ricordu vivu,
fattu maiò di a MEMORIA. Ci vole à dì ch’eranu più “teatrate" che conte, fiurite di gesti,
manere è mimiche .Quellu chì a dicia ci mettia di u soiu perche n’avia cunnisciutu l’autori
è l’attori è si facia un duvere di ramentalli per dalli torna vita.
Da u megliu ch'ellu pò, puru scritte, tocca à ognunu di trasmettele .


SUPPA DI PETRA
Dui omi chì eranu andati à fà e ghjurnate si ne vultavanu in paese, tagliendu à l’arrochju
per a muntagna .Li fraia u tempurale è li tocca à circassi agrottu in aspettendu u lindumane.
Sboccanu in una casetta per chere aiutu in una vechjetta chì stava sola.
Quella face per u megliu per ch’elli s’asciuinu è ch’elli possinu dorme ,ma si scusa
d’ùn pudè dalli cena, sendu una corcia vechjarella.
« Ùn avete penseri, simu avvezzi è a cena ùn vi costera nunda ! Avemu un po di pane,
un pezzatellu di casgiu,è pudemu fà a suppa di petra »
- A suppa di petra ?
« È in fine pò ! a suppa di petra ghjè a suppa di i povari! Basta à avè a petra cunditoghja !
Apre a prisacca è caccia di u tuvagliolu una petra tonda russicia è dicendu :
« Datemi trè pomi, una per ò,un suppulellu d’oliu,una crìa di sale è pèvaru, chì a suppa
a vi facciu eù ! Voì fighjate bè chi vi lacaraghju a petra per francavvi di qualchi fame ! »
A vecchja stava arechje appese è ochji spalancati .
Scaldata l’acqua in u paghjolu, l’omu piglia a petra è a segna cù una goccia d’oliu,
un po di sale è di pevaru d’un cantu è di l’altru, è a ciotta pianu pianu aghjustendu
quatru pomi in giru chi a vechja n’avia spesu un altra in più per a devozione !
A Zìa curava è l’omu dice : « Andate chì avà hà da caccià u s’incantu, saria stata megliu
cù un pugnu di fasgioli per dàlli u culore , Mà ! »
-È un pugnu di fasgioli po l’aghju ! è cusi fù !
Dopu una stonda « Indeh pò avà chi piglia culore s’ellu li cascava un pezzacciu di carbusgiu
o duie arbe l’aiuteria à sputà u so estru ! »
- Ùn aghju po avè carbusgiu !è in fine po ! povera sò, ma quantunque !
È cusi fù ! è a Zia curava più che maì !
« Una cosa mi face penseru : a petra cuntitoghja ghjè alpestra ! avà mi pare ch’ella
s’impetri torna, s’ellu ci fussi un pezzacciu di coghja per indulcil’appena ! »
- È s’ùn vulete ch’un pezzu di coghja per fà piccià l’incantu,ùn sò po micca scema
per fà fiascà a suppa per cusi pocu ! è cusi fù !
Ma quella suppa ! Ò figlioli ! si n’hè parlatu in Corsica è ancu in Cervioni !
- Ci campemu ! dicia a vechja d’una voce zitellina è si teni a petra cunditoghja cum’è pocu acqua
chi sangue di a petra ùn si ne po caccià, ma senza quella... suppa ùn si ne manghja !
Revenir en haut Aller en bas
Voir le profil de l'utilisateur
Sumenta



Messages : 2050
Date d'inscription : 25/02/2012

MessageSujet: Re: Fole di paesi   Jeu 6 Déc - 14:44

ditone
Revenir en haut Aller en bas
Voir le profil de l'utilisateur
SERRA



Messages : 953
Date d'inscription : 25/02/2012

MessageSujet: Re: Fole di paesi   Jeu 6 Déc - 21:34


aaaah è bella quessa . l'avia intesa tant'anni fà , era a suppa à u petraculu mipiace
Revenir en haut Aller en bas
Voir le profil de l'utilisateur
Lùlù



Messages : 716
Date d'inscription : 04/11/2012

MessageSujet: Fole di paesi   Ven 7 Déc - 10:17

FICHI

Prima avianu tutti una vignuccia, dui nocioli,dui alivi è l’ortu sottu u paese.
Pessimu per quelli chì falavanu à lavurà e lenze in piaghja à u crosciu, i freddi,
e sciappittane, senza cuntà e frebbe.
Quellu si n' era falatu à travaglià i so lochi. Eramu di sittembre, colte e nociole s’era sceltu un poch’è tantu di fichi, gustosamente accunciate in un tuvagliolu, e più delicate per sopra.
Affilettata a sporta avia buccatu u tuttu à mezu , cù torna appena di filetta per nantu,
ùn spuntavanu più che e corne di u tuvagliolu.
Insomatu ch’ellu era, dò’sù à l’arcimulu, assicurendusi quelli fichi in manu.
Cusi ghjuntu à u chjassu maiò, si coglie à fiancu, ghjacchetta à camancella è a sporta à mez’à l’anche,
è affacca in paese per scarcà è chjode l'arcimulu in stalla.
Falendu in casa si pianta à posa nantu un scalone à a sboccata d’una loghja,sempre cù a so sporta di tràli pedi .
Per a loghja affacca una zitella rugnulendu,mezu pienghjendu è striccinendu i pedi cum’elli
facenu tandu i zitelli . Sorpresa,pianta di colpu è si tene ritta di punta à l’omu.
A zitella : capillera bionda,una spiglia ficcata di catarochju,si stava un dittu in bocca
una manu in u spinu,è ùn avia ochji che per a sporta misteriosa.
Quellu babbonamente toccu dà ‘sta vista figliulina, sface u fioccu è dice : « Tè un ficu ! »
A zitella ringrazia di capu è scappa tenendu u so tesoru più per fallu vede che per sciaccassilu,
cuntenta cum’un pichju quante s’ell’era stata eletta Miss Carughju !
Ùn hè statu tantu : li s’affacca à a corsa un sgaiuffu maiò,quant’à mè u capu squadra
di u carughju,capelli incirliti,pettu spogliatu è i pedi allargati è impetrati da u scalzime.
S’impone a manu stesa è dice : « Mi dàte un ficu ancu à mè ? »
L’omu chi cunniscia i patti ghjusti , piglia un ficu è à manu tenuta per amparali
u calatèu dice : « Di quale sì tù ? »
-Sò u tale di u tale dice u zitellu è ringrazia à ficu ingullitu.
Or basta ne venià di tutti i scorni : À chì affaccava ‘cù un chjucu apressu,à chi vestutu di longu
chì u fratellu avia ingrandatu di colpu,à quale cù l’arechje spalanccate,quellu cù a manu
à u dareddu è quellu cù a manu piazzata ancu peghju è per fine : quellu puntatu dà l’altri
ch’hè vulsutu abboccali u ficu per compie a cumunione generale.
I zitelli scapanu cum’una volata di casani dopu essesi spuciati in a polvera.
Vaichì ! a sporta avia pigliatu a calata !Era stata spachjata in pocu tempu.
Manc’a vergogna di ghjunghje què sfruttatu à a moglia ! Ma l’omu chì si tenia sempre
appena di saviezza per ride d’ellu stessu si trinicò a beretta, fighjendu s’ell’ùn era vistu
ne intesu da nimu è pichjendusi e mane disse :
« VÀ BÈ ! averia fattu megliu di mostrà u mo culu piazza à chjesa ! »

Astuta l’arechja ch’ùn hà lacatu perde stu fattu d’estru paesanu ! da chjuchi, ci hè stata
teatrata da i nostri maio è ùn mancavamu maì di faccila cuntà ,.. per vede torna u filmu !


Dernière édition par ciocciu le Ven 7 Déc - 15:08, édité 3 fois
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Fole di paesi   Ven 7 Déc - 12:24

"si cugliò" paura o si colse? risa



_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Lùlù



Messages : 716
Date d'inscription : 04/11/2012

MessageSujet: Fole di paesi   Ven 7 Déc - 15:47

[quote="Circione"]"si cugliò" paura o si colse? risa


[/quote
Cugliò so eù ma "colse" voli fà! Oramaì..!
Accidente à passatu,"preteritu" è vechjaia è à quellu chì l'hà inventatu!
Sumere sò eù per cascà d'un arcimulu chì ne sà più che mè,...ùn ti ci vole tantu!
Scrittu nantu a fola cugliò ùn ci hè più: fermu solu eù, è per stu pocu ti toccherà
à scunfinìmi cum'è sò.
Battendu a campagna cù citadini unu mi dicia:
"Sì più forte in cacati ch'in Geografìa!"
Tenimu a cacciata è aghjustemu ortogràfu è tù teneti:sapè, sapone
è a to sguassa chì qualcosa frusteraì cù mè !

"Averia fattu megliu......ma tandu seria statu pessimu per tutti !
Revenir en haut Aller en bas
Voir le profil de l'utilisateur
Ruclinonu Solechjari



Messages : 518
Date d'inscription : 27/02/2012
Localisation : Casinca

MessageSujet: Re: Fole di paesi   Sam 8 Déc - 22:36

ci campemu

Grazie mille per ste belle testimunianze !
Revenir en haut Aller en bas
Voir le profil de l'utilisateur http://appuntamentu-corsu.forums-actifs.net
Lùlù



Messages : 716
Date d'inscription : 04/11/2012

MessageSujet: Re: Fole di paesi   Lun 17 Déc - 10:14

MA PERCHÈ ?
In 1939 ci so quelli chi so partutu in guerra è e classe più anziani mubilizati per a riserva . Parechje famiglie avianu figlioli è fratelli nantu à u fronte o à l’armata. Di a classe 1908 richjamata tandu u mo babbu dicia :
« Quandu simu cullati à salvà a Pologna in CORTI ! »
Pè a caserna s’eranu accunciati in squadrette à passà u so tempu è a scumparte faccende è tràmpali in aspettendu a seguita. Unu di quelli era incaricatu di lavà i piatti in fiume, ma un ghjornu di vultata intoppa pè u chjassu e face un "Strike !" : a prima china hà fattu tòmbula di tutti i piatti ! Or basta hà intesu e soie ! :
« Ma perche l'haì rotti dopu avelli lavati ? Dà che ùn l'haì rotti nenzu di lavalli ? »
Persa a battaglia di i piatti, l’hè durata a guerra di a fola stalvata . Ogni volta ch’ellu scuntrava un cumpare di l’armata sentia :
«Ma perchè ?.... : »
L’anu rottu i piatti fin ch’ellu campi .
¤¤¤¤¤¤¤¤¤¤
DI CASA
Pè a Casabianca Teresa Zuccarelli era rinomata per cuntà e storie di "Panucciu." Ùn mi possu permette di ripiglià u nome, ne mancu di dispiace à Petru,Paulu o Martinu, ch'ùn vogliu avè imbroglii cù l'administrazione, ma mi tocca à circà nome pè u sebiatu di e fole s'o vengu à cuntanne torna.
Tiratu di "macagna" è di "mo caru' aghju sceltu di chjamallu Moca o Maca.

Moca, da giovanu, era avezzu à rizzassi nenzu "à tempu à ghjornu". À spessu pigliava u so caffè arrittu à a lestra prima di move, sia per faccende sia per caccia. Ghjuntu u tempu di a ritirata Moca si rizzava sempre prima l'alba:
Scallava u cafè in cuccina è venia à posà in salla cù u so vichjeru, di punta à a stanza. Dopu u tintinnime per u zuccaru li chjuccava trè timpani di cucchjarina per sgottala. A moglia à l'avia rimprovatu ma ùn ci'era arte à fà, è dopu un ghjornu o duii, u vezzu ripigliava l'indule, à tale puntu chi a moglia aspettava l'ultimu chjoccu di cuchjarina per adurmentassi torna.

U ghjallu di casa ùn tintinna più chì Moca s'hè dicisu d'ùn beie più caffè in aspettendu di leghje u so ghjurnale !
Revenir en haut Aller en bas
Voir le profil de l'utilisateur
Lùlù



Messages : 716
Date d'inscription : 04/11/2012

MessageSujet: Fole di Paesi   Sam 15 Fév - 10:17

Fola più per esse conta che scritta:
I primi chjam'è rispondi sò nati da un poghjale à l'altru.
Trà u babbu è u figliolu :  
                                               U CAGHJATU

Di prima matina, u pastore collava à u stazzu cù Paulu Antone già grandettu
è u "cacanì" (cacanile) di a famiglia .  
Tempu ghjuntu, avia muntu e capre è sculatu u latte in a caghjatoghja .
Hè più ch' aghjurnatu quand' ellu và à investì a banda à l'insu, lachendu Paulu Antone
curà u so fratellucciu .
U sole hè già altu è l'hè vulsutu un bellu tempu per capettà u primu poghjale di punta à u stazzu .
Tandu dà quassù pigliendu a so bocca in mani per fà cornu, cùcca* per fàssi sente da u figliolu :

«  Ò PAU U U L’ANTO O Onè »     -« IEU EU EU ! »
« PII IGLIA AU UU CAGHJA ATU  è DÀA LL’ À u TO O FRATE E E LLU »
-« ÙN ÙN CAPI I I SCU!
«  Ò PAU U U L’ANTO O Onè.        - « IEU EU EU ! »
« PII IGLIA AU UU CAGHJA ATU è DÀA LL' À u TO O FRATE E E LLU
-« ÙN ÙN CAPI I I SCU ! »
  «  Ò PAU U U L’ANTO O ONè           - «  IEU EU EU ! »
« PII IGLIA AU UU CAGHA ATU È MÀN ÀNGHJATILU ! »
                                                -« IÈ È È È ! »  
 
* Cùccà (è ancu cuaccà ) : stinzzà è ricuccà i soni à a seguita per fà e voce più forte
                      è più luntane :   Cusi facenu e vo‘o‘oce  à u cignale : Atten’en’en entti’ii !
Revenir en haut Aller en bas
Voir le profil de l'utilisateur
Lùlù



Messages : 716
Date d'inscription : 04/11/2012

MessageSujet: Fole di Paesi   Jeu 20 Fév - 14:38


SCIUMA DI MARE

Ghjugnu stinza i so ghjorni per a marina di Prunete à campa ‘sta sera per i paesani chì
piglianu u frescu annantu a muraglietta.
L’ambata si rinforza apenna è caccia u so razoghju per tonde,à colpi di sciuma bianca,
i maròsulli chi correnu à gallu per pasce a lingua di mare.
Un piscatore imbuffatu d’a so scutumia citatina s’avicina per macagnà à ghjente è dice :
« NOI in BASTIA cuglimu a scuma di mare innu i sachi per vendela à a fàbrica di e pippe ! »

- « IÈ a sapemu ! li risponde unu, « noì a pigliemu cù e rete ! tenite puru i sacchi per cullà à coglie a nebbia in Teghjime ! »

À chi và per tonde ,ferma tosu !

Revenir en haut Aller en bas
Voir le profil de l'utilisateur
Lùlù



Messages : 716
Date d'inscription : 04/11/2012

MessageSujet: fole di paesi   Jeu 6 Mar - 9:08

A TI SCIALERAI !
 
Da giovanu Grimà era lestru è svèticu cum’è a bellula ma dinò per fiume o  mare
paria un anguille, battia à spessu solu è ghjera un maturaghjolu temutu perchè cunniscia tutti i scorni è ci ghjunghjia prima, senza maì fàssi piglià.
À meze case d’u paese, u cugnomatu Canzunetta avia un bellu chjosu induve, divizia prediletta, ci era un chjarasgiu di bon’insetu. U chjarasgiu era di Canzunetta ma e chjarasge eranu di Grimà ! è  à ogni stagione nascia u lamentu di Canzunetta, chì misurava u frasu di e code è i nocciuli in giru l’alburu. Eccu ch’un bellu ghjornu, puntatu da l’ingurdizia di a chjarasgiata Grimà aventurosu, si face chjappà coltu à un gambone .
Quale ch’ùn hà vistu è intesu a cumedia di Canzunetta in giru à u chjarasgiu !
« Avà ci simu o sgiò Grima ! ci simu trovi !
Vedi stu bastone radicutu, l’aghju tagliatu à luna è stagionatu à posta per tè !
Vaichì qualcosu ai da tastà ! v’aghju da battisà  inseme, t’anu da falà e strenne o sgiò Grimà ! D’un pezzu ch’o t’aspettu o sgiò Grimà, m’aghju da impattà .
Hùn Hùn ! O sgiò Grimà ai po da falà di custì o sgiò Grimà ! »
 
Quellu zittu, tutti i so sensi à segnu, facia u ciocciu è misurava a so stesa di scappera, aspettendu u primu sbagliu di Canzunetta chì allargava a so cantilena in giru à l’arburu .
À È ! d’un colpu Grimà tira u saltu ! n’aghjusta trè à tempu per esse for di perìculu,
si gira smaniccendu è cappia :
« A TI SCIALERAÌ  O CANZUNÀ ! » …. è smarisce.
Revenir en haut Aller en bas
Voir le profil de l'utilisateur
Lùlù



Messages : 716
Date d'inscription : 04/11/2012

MessageSujet: fole di paesi   Dim 9 Mar - 8:26

Puru s'ell'hè già stata posta altrò.. a so piazza ghjè à mez'à l'altre

CIAMBUTTIME !

In tempu di cavalli, u carriteru partia ogni matima per Bastia è per strada si cansava
chi li davanu roba da portà quindi è culandi.
Dopu u carru di u serviziu pigliava passageri à passà è à vene.
Vi spiegu a strada longa chi l’avia bella di cansassi più ch’à spessu,
ogni l’attu era un ordine curtesu !
Tempi di cavalli in Cervioni u sgiò Carlu partia in ‘cabriulè’ per i so lochi
Era bravu, à a manu cù tutti è rispettatu mà pocu attentu per ùn dì imbasgialitu
è si facia macagnà di bon estru chi si ne ridia d’ellu stessu.
Falendu per Prunete si cansa à piglià à unu chi si coglie è dice :
« Attenti à e strade ò Scià ! »
( e strade di tandu per u più carraghje colme à ciotti è petre avianu vistu pocu catramu
è ci vulia esse praticu )
Or basta u sgiò Carlu intoppava listessa è l’altru ciambuttatu : « À’Ù ! pianu ò Scià ! »
Eccuci chi sboccanu in a ligna diritta di Crucivia è ci’era un petrònculu à meza strada.
« Attenti ò Scià ! »
Trincc’à diritta è strapp’à manca ..Bùffata ! u si para nenzu !
« Bràvu ò Scià ! cusi pudemu dì ch’o l’avemu pigliate tutte ! »

Revenir en haut Aller en bas
Voir le profil de l'utilisateur
Lùlù



Messages : 716
Date d'inscription : 04/11/2012

MessageSujet: fole di paesi   Dim 16 Mar - 10:38

DÌTEMI ?

-Carl’Antò era cantuneru mà in più era faccendosu è tenia a so vignuccia , i so nucioli è u so ortu cum’è si deve .
I so sciali eranu di stàssi cù l’amici à beiesi un colpettu !
Una dumenica ch’era falatu inde unu à dà di manu à una botta di vinu novu si ne ricollava in paese cù a so damisgiana à collu .
Ghjuntu à meza ricciata.. capu è anche u cappianu à tempu
è si stà stracquatu è penciulone .
Quasi di notte sentendu passà a ghjente chjamava :
« Ò amicu ! ùn sapete micca duv’ellu stà Carl’Antò u cantuneru ? »
-Ùn si tù ?
«A sò chi sò eù ! ma ùn sò più duve ch’ò stò ! »
Revenir en haut Aller en bas
Voir le profil de l'utilisateur
Lùlù



Messages : 716
Date d'inscription : 04/11/2012

MessageSujet: fole di paesi   Sam 22 Mar - 8:05


Petru era un omu di sucietà sempre prontu cum’è ellu si dice « à FAVURI ! »
ma un ghjornu pigliò moglia….
Eccu u Lamentu di PETRU BUGLITICCIA

L’amici di u Muchjetu, m’invitòn’à i migliacci,
à mè mi piacenu tantu, ch’eru prontu per falàcci,
ma Stellina s’hè opposta, m’hè surtita in li furori
puru tandu l’avia compru, un vestitu cù i fiori !

Ci’era cù signore prizuttu, tutta roba di veranu,
malvasiu era lu vinu, di caprettu lu tianu,
ci’eranu tutti l’amici,u Muchjetu inter’è sanu
ùn ci mancava che eù, ÒIMÈ chi diceranu !

Ùn pò più durà cusi,cambieremu l’andatura,
chi mi trovu vergugnosu, dà u mont’à la pianura
diceranu Cerviunichi, d’Acquanera à la Scupiccia :
« Sè manghjatu li migliacci… senza Petru Bugliticcia !.. !

Arricoltu da Edouard Virgitti : in « CERVIONI TEMPI FÀ 1964 »
Revenir en haut Aller en bas
Voir le profil de l'utilisateur
Lùlù



Messages : 716
Date d'inscription : 04/11/2012

MessageSujet: fole di paesi   Lun 14 Avr - 10:22

U LASCITU : MORGA a PIGRIZIA !

TUMASGINU era bè cù tutti chi nimu ùn u pudia ghjilusà, ùn si mischjava di pulitica è u so casale era monculu, ma a so filusufia ,a so allegria,u so estru ne facia u più riccu di u Campuloru !
Rinumatu per u so ‘Lascitu’ era chjamatu à cuntalu à ogni scontru è ognunu aspettava d’esse nominatu per coglie sta divizia à colpi di risate, d’accunsenti di capu è di puntate di spalle !
Ùn ferma che qualchi passate  di stu ‘fruttu è fondu’ chi dipoi,u tempu,e s’hà ghjucate à carte !

Eccu u diviziosu reghjone di Tumasginu :

«  Vogliu che Vinciguerra, Felice numinatu
 sia di l’amicizia bellu ricumpensatu
li lacu a mo calescia cun trè cavalli à tirà
centu stare d’orzu è vena,è luzern’à vuluntà !

Epp’à l’amicu Dumenicu di la famiglia Maggiani
à ellu lasciaraghju a teppa è a sulana
u Rodò, u Munastè,è tuttu Fium’Alisgiani
cù un mente di geumetria,ch’ellu possi tirà piani !

Lasciu à Ghjlormu Lombardi, di l’amici u tesoru
u scalafru è la mio reta ch’hè tutta tessata in oru
li lasciu ancu li mio fiumi di Tavignanu è Golu !
è di tuttu cio ch’o dicu à dispone serà solu .
   
U ghjornu di la me morte, per a messa chi si canta
lasciu pè i nostri preti, scudi trecentu cinquanta,
trecentu libre d’argentu,è d’oru centu sessanta,
Amici preghate tutti, pè la mio morte santa !

(‘Cervioni Tempi Fà’ 1964)
Revenir en haut Aller en bas
Voir le profil de l'utilisateur
SERRA



Messages : 953
Date d'inscription : 25/02/2012

MessageSujet: Re: Fole di paesi   Mer 16 Avr - 21:24


un pocu nu u spiritu di "u testamentu di Mastru Petru" di Ghjiseppucciu Pietri (vede in "antologia")
Revenir en haut Aller en bas
Voir le profil de l'utilisateur
Lùlù



Messages : 716
Date d'inscription : 04/11/2012

MessageSujet: I'imprestaticci   Jeu 17 Avr - 14:10

Ghjallochju a écrit:

un pocu nu u spiritu di "u testamentu di Mastru Petru" di Ghjiseppucciu Pietri  (vede in "antologia")

ti ringraziu ! ùn a sapia ma sò andatu à leghjelu
In tempu è ora penseraghju à lacà qualcosa ancu à tè !
Revenir en haut Aller en bas
Voir le profil de l'utilisateur
SERRA



Messages : 953
Date d'inscription : 25/02/2012

MessageSujet: Re: Fole di paesi   Mar 22 Avr - 21:16

@Lùlù a écrit:
Ghjallochju a écrit:

un pocu nu u spiritu di "u testamentu di Mastru Petru" di Ghjiseppucciu Pietri  (vede in "antologia")

ti ringraziu ! ùn a sapia ma sò andatu à leghjelu
In tempu è ora penseraghju à lacà qualcosa ancu à tè !

piglia  puru u  to  tempu   lacrime
Revenir en haut Aller en bas
Voir le profil de l'utilisateur
Lùlù



Messages : 716
Date d'inscription : 04/11/2012

MessageSujet: fole di paesi   Mar 22 Avr - 22:17

Ghjallochju a écrit:
@Lùlù a écrit:
Ghjallochju a écrit:

un pocu nu u spiritu di "u testamentu di Mastru Petru" di Ghjiseppucciu Pietri  (vede in "antologia")

ti ringraziu ! ùn a sapia ma sò andatu à leghjelu
In tempu è ora penseraghju à lacà qualcosa ancu à tè !

piglia  puru u  to  tempu   lacrime

ti capiscu è pregu dinò à tutti di piglialu fin tantu chi ghjè ellu chi ci chjappa !...à l'ispensata...!
Revenir en haut Aller en bas
Voir le profil de l'utilisateur
Lùlù



Messages : 716
Date d'inscription : 04/11/2012

MessageSujet: fole di paesi   Mar 6 Mai - 23:06

FOLA DI FIUMORBU

Arricolta da Carlu SANTONI d’Isulaccia di Fiumorbu avocatu in Bastia è à l’iniziu di u PPC


Ùn ci capianu un acca

Avia intesu parlà, parechji volti, di stu cuginu carnali di babbu, Anton Ghuvanni.
Era u struitoni di a famiglia, quiddu chì avia passatu un cuncorsu, è ghera divintatu funziunariu in Parigi.
Pinseti appena! Avia finitu a so carriera com’è intindenti in un liceiu.
Da ch’eddu era andatu à tena u so impiegu, ùn era più vultatu.
Mi hè fermata impressa à mo riscontra cun eddu, à l’epuca ch’e ghjunsi pà a prima volta in Parigi.
Mi ramentu ch’eddu m’arristeti à i primi paroddi di corsu chì mi scappetinu in la cunversazioni:”Parle français!”, mi dissi, è comu un momentu dopu, torna e mi lasceti andà à parlà corsu, mi ripiteti “Parles français!”
I parenti di Parigi m’imparetinu dopu chì, da trent’anni, un li s’era intesu caccià un sonu in corsu.
Si dumandavanu ancu s’eddu ùn l’avia mica sminticatu…
Setti o ottu mesi dopu à la mo visita, Anton Ghjuvanni avia avutu un falatura chì u lasceti offesu da parti manca, bracciu è ghjamba.
Ma, in più, l’infermu ùn parlava più chè corsu, è ùn li si cacciava più un parodda di francesu. Finu à la morti, chì accadi un annu dopu, ni fù cusì.
Un sbuccheti più chè corsu. Un parlava più chè di u paesi induve eddu vulia à tutu bottu rivultà. A moglia, i figlioli, i ghjennari è i nori chì un parlavanu chè francesu, ùn ci capianu un acca.
A l’ora di a morti, ùn ci futi chè Raoul, u puffigliolu, chì capiti i paroddi di u murienti, è i traduciti à tutti l’altri.
Anton Ghjuvanni suspireti ch’eddu vulia turnà in paesi, è resi u fiatu.
U intarretinu à u cimiteriu di Champigny….
Carlu SANTONI

Revenir en haut Aller en bas
Voir le profil de l'utilisateur
Lùlù



Messages : 716
Date d'inscription : 04/11/2012

MessageSujet: fole di paesi   Lun 19 Mai - 15:26

« TÌ’ PITTÌ’PITTÌ’PITTÌ’ÌÌìì   !  »
 
Di e volte quandu scrivu mi si pare di lampà u granu in curtile !
Puru se, ne  fole,ne granu, ne curtile ùn sò mei !
Ùn facciu che riscrive ….
« Tì’Pitti’Pitti’Pittiìì’ »  ‘Currite’‘currite’ à pizzicàne una fresca :
 
U TIR’è TENE ….NE TOTTU ne MOTTU !
 
Anghjulu Maria u stazzunaru era un omu acutu chi dava di manu
tant’à riloghji ch’à pistole. Era praticu è sgualtru per guasi tuttu.
Subitu vicinu à a stazzona, à un purtellu apertu di u muru cumunu
ci’era u s’amicu Lurenzu, u bancalaru .
Lurenzu si tenia una curnachja, mansa cum’è una gallina,chi stava sempre per i cuntorni, saltichjendu dà quinde in quà, facia u passe è vene per u purtellu !
Ùn ci’era un’opera ch’ùn si facia senza l’accunsentu di l’altru è nascianu parlate è macagne per scusa di beiesi un cafè o un bichjeru di vinu .
A vita saria stata meza serena se ogni volta chi anghjulu Maria smontava un riloghju o qualchi pistola, li smarrianu vite è altri pezzi !
« Avà, avà » dicia pigliendu à Lurenzu per testimoniu !
Un ghjornu ch’ellu s’era messu in posta,s’accorge chi a curnachja, di razzinu è usi si trascinava ogni cosa luccicante !
Ghjuntu à scopre u piattatoghju per arriguarà i so pezzi di catane è di riloghji spenseratu d’avè alluccicatu u misteru,mastucava listessa a so vindetta !
Una mane Lurenzu vede affacà a signora curnachja, penciula, codi mozza cù l’ale spuntate !
Vi spiegu :
Guasi scimitu, passava è venia smaniciendu, tirendu i mughji !
« Chi vergogna ! chi paesacciu ! a si sanu fà contr’à un pover’acellu !!
Quale serà ‘stu vigliaccu ! s’o u trovu ! li troncu l’osse !
A brea sopranava  in stazzona u rimore di u suffione è di e martelate !
Intelatu !.. Anghjulu Maria corre subitu :
« Chi ci’hè ò Luren ? chi t’anu fattu ? »
- Ùn vedi ‘ssa curnachja ?
«Hai ragiò ò Luren ! mà u truveremu ‘stu vigliaccu !Tè !.. beieti una tasa…. »
 
Ùn si sà mancu oghje, u misteru in campusantu cù attore è testimoni !
 
U nostru Foru chi si stippava à i ‘Bling’Bling’luccicanti si stà ancu ellu penciulu codi mozzu, ale è penne spuntate !
S’elle rinascenu :‘TÌ’PITÌ ‘PITTÌ ‘PITTÌ  ÌÌ ii’ ....fàteci corre !
Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Fole di paesi   Lun 19 Mai - 20:24

AVAREMU DA SPIUMÀ À GHJALLOCHJU ?

UN SACRIFIZIU S'IMPONE risa 

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Lùlù



Messages : 716
Date d'inscription : 04/11/2012

MessageSujet: fole di paesi   Lun 19 Mai - 21:46

@Circione a écrit:
AVAREMU  DA  SPIUMÀ  À GHJALLOCHJU ?

UN  SACRIFIZIU  S'IMPONE risa 

Sì pocu largu cù e piume di l'altri !si vede che tu n'hai quante capelli !

u megliu hè d'ùn sacrificà à nimu, chi tantu tù, puru sacrificatu
ùn ferai mai un santu !
Revenir en haut Aller en bas
Voir le profil de l'utilisateur
SERRA



Messages : 953
Date d'inscription : 25/02/2012

MessageSujet: Re: Fole di paesi   Jeu 22 Mai - 20:52

@Circione a écrit:
AVAREMU  DA  SPIUMÀ  À GHJALLOCHJU ?

UN  SACRIFIZIU  S'IMPONE risa 


aaaah  cu i  belli  ghjorni face  digià  un  pezzettu ch'o  e m'aghju  cacciate ..  credi ch'o  varghi in Bagheera  piumutu ?   lingua

per  Ghjallochju  di cacciàssi e  piume un serà  mai  un sacrifiziu  culu
Revenir en haut Aller en bas
Voir le profil de l'utilisateur
Sumenta



Messages : 2050
Date d'inscription : 25/02/2012

MessageSujet: Re: Fole di paesi   Dim 25 Mai - 9:33

cridia chì u solu club di strip tease era in Bastia  paura 
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: Fole di paesi   Aujourd'hui à 13:33

Revenir en haut Aller en bas
 
Fole di paesi
Voir le sujet précédent Voir le sujet suivant Revenir en haut 
Page 1 sur 2Aller à la page : 1, 2  Suivant
 Sujets similaires
-
» Fole di paesi
» i paesi di corsica
» ma famille en plastique !!! [poupées des années 70]
» pruverbii nant'à i paesi

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Prosa-
Sauter vers: