Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 Versini Ghjacumusantu

Voir le sujet précédent Voir le sujet suivant Aller en bas 
AuteurMessage
Circione



Messages : 2157
Date d'inscription : 27/02/2012

MessageSujet: Versini Ghjacumusantu    Jeu 1 Mar - 15:51



Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Versini Ghjacumusantu    Jeu 1 Mar - 15:55

Citation :
Un umagiu di GT Rocchi:


O GHJACUMUSÀ

O Ghjacumusà prestu centu anni
Armave cispra cun cherchera
Ere puetu tù è guerra
Ùn ne fecie chè à l’inganni
A pace li tessie panni
Culor di to Corsica fiera
O Ghjacumusà.

O Ghjacumusà tamantu dolu
È cusì pocu funerale
À tè chì fiori di natale
Ne fecie nivà un stolu
T’anu lasciatu solu solu
Senza una rima à u capizzale
O Ghjacumusà.

O Ghjacumusà a to lumera
Quant’ella n’hà schjaritu strade
Cun brama purtemu à l’altare
Ciò chì paria una chimera
U to populu lotta è spera
Da sguassà tutte l’ore amare
O Ghjacumusà.

Ghjuvanteramu ROCCHI.






Neve

I grataghji fulighjinosi
Anu e so faldette bianche
E fate, ch’ùn sò mai stanche,
L’anu fatti cusì pumposi
I grataghji fulighjinosi !

I licciaconi è i pulloni
L’hà vistuti tutti u ventu
Di causgiulelle d’argentu.
Sbaccuneghjanu da ricconi
I licciaconi è i pulloni !

U sole hè spentu, u celu piegne.
Più tarra. Più monti. Più machja.
Un nuvulu di corbi rachja.
Malasci à ch’ùn hà ghjuntu legne !
U sole hè spentu. U celu piegne.

Neva, neva è neva fiori !
Di biancu s’impanna u mondu,
Bellu granu sarà più tondu
Pà i buiaghji è i pastori.
Neva, neva è neva fiori !

(A Cispra, marzu 1914)






M’innamoru

L’aria accarezza, si vede stelle
Ind’ì l’ochji di e zitelle,
U sole bellu ti face d’oru
È m’innamoru.

À mezu pratu ci hè tanti fiori !
Femu e cullane cum’è i signori !
U sole bellu ti veste d’oru
È m’innamoru.

I pulloni infrondanu e so rame,
Cuntemuci tutte e nostre brame.
U sole bellu ti frisgia d’oru
È m’innamoru.

Più cà l’acqua fresca di a funtana
Sè fresca, sè limpida, sè sana!…
U sole bellu t’incroscia d’oru
È m’innamoru.

Si sò carchi di sangue i chjirasgi.
Hè tempu di pindini è di basgi.
U sole bellu t’accende d’oru
È m’innamoru.

(A Cispra, marzu 1914)






U Pastore

E capre sò sparnucciate à meza machja ;
Si vede eghji par annant’ad ogni sprone.
Bruscu chì hà corsu si beie u tragone,
U sole ride tuttu, è un corbu rachja.

U pastore, quassù, rittu nant’un monte,
L’ochji inghjalocu, l’arechje à la sunaglia,
Pare tuttu un ginerale in battaglia,
Chì ancu à le saette faria fronte.

Hè, hè ! Ghjorni di facci prò è di festa,
Asciulendu à u sole l’ultima timpesta,
Minaccieghja u stantadore di cumpane.

Hà sempre l’acciarinu, la petra è l’esca;
Da dissitallu, ci hè tutta l’acqua fresca
È saziu di pulenda, ùn cerca pane.

(A Cispra, marzu 1914)






Ave Maria

U sole chì ind’un nulu rossu s’adrumenta
Quaghjò, daret’à e sarre pitricose è monde,
Cum’è spechji face ciattulà l’onde,
È d’oru frisginga sempre, quassù na penta

Ancù un basgiu di u mare a lumirona hè spenta.
Hè senz’aliti l’ombra chì ingutuppa e fronde,
Si spartanu l’uchjoni di e stillucce bionde ;
A luna chì hè scarnita fughje è si trapenta.

Quand’ellu sbarsa di pace u fiuminale
Una voce d’argentu in aria sona è canta…
U pasturellu impunta è prega à u so mutale.

Ùn sò sì in le ciccone, è quand’ì a ghjente more,
A campana hè voce di Diu, voce santa,
Ma sò chì l’Ave Maria m’aisa u core.

(L’Eveil 1922)





A me lumera

Tutte le sere, o cumpagnola,
Ci truvemu pedi à focu
Ùn sè mai mossa in locu
Ùn ti lasciu mai sola,
Mi possu sbaglià, ma senti,
Chì no ùn siamu parenti !
Muraraghju, ma dicendu
Chì tù ti vali una Spagna.
Da ch'ellu annotta t'accendu
È d'oru tuttu s'affragna,
Mi faci cù lu to sole
Un palazzellu di fole.
Ne ai vistu mataccine
Cù a carta è cù l'inchjostru !
O mà... Quelle siratine
À dimmi lu Patinostru !
È t'aghju ancu vistu spegne
È m'ai ancu vistu piegne.
Oh ma finu à lu sulaghju
Fà scaccanà la a to fiara,
Canta cù lu fuculaghju,
Schiattilleghja, o poca è cara !
Sì tù ridi hè sempre prestu...
O Savè, appiccami 'ssu testu !

Revenir en haut Aller en bas
Voir le profil de l'utilisateur
Circione



Messages : 2157
Date d'inscription : 27/02/2012

MessageSujet: Re: Versini Ghjacumusantu    Sam 3 Mar - 22:52



_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Erbaghju



Messages : 452
Date d'inscription : 29/02/2012

MessageSujet: Re: Versini Ghjacumusantu    Lun 5 Mar - 8:17

Revenir en haut Aller en bas
Voir le profil de l'utilisateur http://erbaghju.unblog.fr/
Erbaghju



Messages : 452
Date d'inscription : 29/02/2012

MessageSujet: Re: Versini Ghjacumusantu    Mer 7 Mar - 15:49

Revenir en haut Aller en bas
Voir le profil de l'utilisateur http://erbaghju.unblog.fr/
Tittò



Messages : 50
Date d'inscription : 09/05/2012

MessageSujet: Re: Versini Ghjacumusantu    Sam 19 Mai - 10:02

I traditori

Aiutu ! Chjama la Francia,
Chi sò ghjunti li latroni ;
Ghjornu è notte più nun stancia
La voce di li cannoni,
Cu l'arcugiu è cu la lancia.
Aiutu, i me figliuloni !

Si vèdenu à la fruntiera
L'omi di sanna è di core ;
Si bàttenu mane è sera
Si bàtten'à tutte l'ore.
À l'ombra di la bandera,
Cantendu, sò pronti à more.

Ch'elli stèrpinu i vigliacchi
Chi fùghjenu la battaglia ;
Ùn sò omi chi sò bracchi,
Ùn sò ghjente, sò canaglia.
Possan'elli turnà macchi
Cume sòrbule in la paglia.

Ùn sèntenu e cose atroce
Ch'elli fàcenu i Prussiani,
È ùn sèntenu la voce
Chi gri' « aiutu, o cristiani ».
Ch'elli sianu mess'in croce
À l'infernu più suttanu.

Tanti paesi brusgiati,
Tanta 'jente arruinata,
Tanti vechji fucilati,
Tante giòane insultate,
Tanti fratelli cascati !
È voi, o porchi, scappate.

Si vo' ci sete, o Signore,
Si vo' mi pudete sente,
In la casa senz'onore
Stirpàteci roba è ghjente ;
Fate chi lu traditore
Murendu ùn si possa pente.
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: Versini Ghjacumusantu    Aujourd'hui à 9:08

Revenir en haut Aller en bas
 
Versini Ghjacumusantu
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» [Actrice]Marie Versini
» Paris brûle-t-il ? 1965 . Réné Clément .
» Sur les traces de Winnetou...
» Winnetou - La révolte des Apaches - Winnetou - 1. Teil - 1963 - Harald Reinl
» Winetou - 1ère époque: la révolte des Apaches

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Antulugia-
Sauter vers: